老媽拌麵 (將軍澳中心)

营业中

休息中

上禮拜嘗試過去排隊但係人真係好多今日11:40去到門口排隊等12點開門等上菜既時間有d耐 不過應該啱啱開舖問題 亦可能係啱啱開張所以好多菜品都冇供應兩個人叫咗：蔥油嫩雞伴面 62$ 分量ok 細麵質地幾好食 但係d蔥油得個鹹字 冇乜蔥味川味牛肉麵 72$ 三塊牛腱滷得幾入味 湯底微微辣 但係刀削麵一坨坨痴住晒鹵雞翼 - 42$ 4隻 就係普通雞翼仙草茶 22$ 我冇預計到原來係苦既最好食既係燙青菜個汁但係佢全塊青菜上好難塞落個口度22$ 以上加埋盛惠242$（連加一）我全餐喪飲水食完真係好渴個人認為唔難食但係都冇話好食到我會想再返去/去排隊

我很喜歡吃台灣菜，那種地道溫馨的風味非常吸引我。這家餐廳新開張，佈置上已經很有台灣那種文藝風格。當天我當了它們招牌的拌麵，另外加了些台灣小吃和飲料，小小裹腹一下。餐廳因為即叫即煮，所以速度比較慢，不過這樣反而能吃到最新鮮的食物，也是值得的。擔擔麵拌麵我還是第一次吃，比有湯的味道更濃烈，很喜歡它的麻辣味。特別是那個塘心蛋，特別的香和入味。雞絲蔥油拌麵，其實麵底配菜都差不多，蔥油味比較香脆，視乎個人口味吧。雞絲還挺大塊的。非常地道的台灣小吃—甜不辣！香脆的外層，有魚漿香味的內層，可沾或不沾醬汁，非常好吃！滷水牛𦟌，很厚切的三片，味道也不錯，煮得很淋。叫了個仙草飲料，原來裏面是沒有涼粉塊的，有點失望。

見新開冇耐專登去排隊試食，點知一落完單就心知不妙首先新開張餐牌上既野好多都冇，但冇所謂，貴精不貴多，賣得既一定係拿手既食物。我兩個人叫左兩個麻辣手肉拌面，一個 鹵水百貢豆腐，一個高麗菜豬肉水餃。因為間野個廚房出餐個位開得都幾大，坐係到都望到做緊d咩。竟然發現鹵水野食都水餃都只係買現成黎貨既野加熱。水餃味道同係超市買急凍既加熱一模一樣。。。。。鹵水豆腐冇汁既，我眼見旁邊台既人食鹵水鴨舌都係乾的。。。冇鹵水味兩款小食麻麻地都算，心諗老媽拌面既拌面冇得輸喇掛面黎到一睇個樣未食就知係你係超市買到五十蚊一包即食個種，麻辣有辣冇麻，但醬料一食就知係即食完配既再加類似老乾媽既醬，咁既diy即食加工法，結論係得兩個字，極咸！最後總結係，個名好吸引，裝修幾獨色又簡單，但咁既食物質素要好好地諗下辦法，再係咁我敢寫包單，過多一兩星期就唔會再有排長龍既機會出現

知將軍澳開左老媽拌麵，即刻去試先！清燉牛肉麵（幼麵）（$72）美味的牛肉燉湯配上軟硬適中的麵條，加上腍滑入味的牛𦟌，好味得連湯也清了！😋老成都擔擔麵（粗麵）（$52）彈牙的粗麵條口感煙靱，麻辣醬汁配上花生粒和花椒粒，不愧為人氣之選👍🏻醬汁真係超級惹味啊！粗麵同幼麵，我更喜歡粗麵，更煙靭，口感更佳👍高麗菜鮮肉水餃（$42）水餃雖然賣相平凡，但勝在鮮味多肉汁！味道天然冇味精😋台灣仙草茶（$22）仙草茶消暑解渴，在炎熱夏天喝最好不過！味道啖啖地 不會太甜😉

首先 個蔥油雞 啲雞得三舊 又係冰鮮雞胸 勁鞋 個蔥油伴麵 叫佢豉油撈麵就真 一啲蔥油味都無個麵加埋一成七十蚊 食乜都好過食佢個韮菜水餃已經算係最好 但都好麻麻個珍珠奶茶 得奶味 係我飲過最難飲既奶茶 完全唔明點解出面咁多人排隊 真係難食到我有啲抑鬱 絕無誇張 絕對無下次。相信呢間野會好快消失響做開街坊生意既將軍澳 唔好俾佢個裝修呃到入黎 我真係好好好後悔晚餐同女朋友黎左依到食 仲嬲埋我唔洗信其他comment 肯定係買既 我從來都無係openrice到comment 過 都要留言

身為拌麵愛好者，一知老媽拌麵終於黎到香港登場！一定要試試！店內採用白色既牆面搭配簡單文青圖案以及木色的桌同椅，整個空間既感覺好似黎到輕鬆又帶有文青感既咖啡店。蔥油嫩雞拌麵 $62 雖然雞肉望落去白白的，但唔會乾，就同佢菜名一樣有細嫩既口感，將香氣四溢既蔥油醬拌勻，鹹鹹甜甜又帶滿滿既蔥香同麵條搭配一齊吃，很清爽呢!老闆再来三碗！唔該!滷鴨舌 $46滷雞翼 $42入口帶有滷汁既微鹹感，而且滷的非常透徹，整個味道都有深入係肉之中！推薦！川味紅燒牛肉麵 $72一碗裡放上了5件牛肉，帶著軟筋的牛肉，口感結實鬆軟；湯頭牛肉味濃郁，真係非常正！麵條同拌麵一樣，採用既係餐廳主打麵條，口感彈牙。仙草茶 $22夏天喝這種天然的仙草茶真的非常適合，茶消暑解渴!如可以走冰就更好啦! 畢竟女孩子唔好飲咁多冰凍飲。 蘋果蘇打 $18又一飲品消暑，豐富既蘋果香氣、清爽既口感味道。

昨晚跟家人一行三人，到了這家麵食，排了大約20分鐘隊， 之後進店， 點了老成都擔擔麵， 薑蔥嫩雞拌麵， 酥炸甜不辣，鹵鴨舌。 其中，我覺得最好食還是哪個擔擔麵， 豬肉碎和汁醬， 加上面條混和得天衣無縫， 你可以選擇粗麵或者幼麵。 至於那個甜不辣上的油味有點膱味。大致食物質素十分好，可惜只是上台時， 面和湯都是不夠熱辣辣。 另外，要提出要求，才有三杯清水奉上， 而且清水也是室溫的。店舖新， 環境裝修很好， 年輕店員也許忙得不太注地上有水漬。

老媽拌麵 - 鍾意食辣既都會食過佢既即食麵～～難得佢過黎香港開分店，梗係要去潮聖啦～～新店位於將軍澳中心，一個裝修完無耐既商場～～店門口有大大幅木紋牆，好易搵～～排隊等左一陣就有得入～～舖頭入邊都係充滿台式設計～～重點金句～～我地點左2款麵～～一款湯麵一款拌麵～～本身仲點左珍珠奶茶，但可惜冇哂喇⋯⋯惟有下次再試啦～～地獄麻辣拌麵（刀削麵）：一黎到就有勁香既麻辣味～雖然叫地獄麻辣，但係食落口又唔算好辣，主要麻香味帶出左～～關廟刀削麵有咬口，掛埋d醬汁食落口好正～～呢個麻辣汁好食過即食包好好好多牛肉唔會淋到入口即爛，要俾少少牙力咬下～～半熟蛋好香蛋味，流心蛋黃一入口，個蛋味係個口度爆出黎～～最緊要食完都唔會覺口渴～～清燉牛肉麵（幼麵）：大人要食，小朋友都要食～～咁就揀左呢個清燉牛肉麵俾小朋友食～～湯底極牛！！每啖都好似飲緊牛既精華咁～～難怪小朋友會追住飲～～咁湯麵就選左幼麵，感覺適合小朋友食～～我食尾圍個時就覺得好淋囉～～始終幼麵唔浸得太耐

將軍澳人知道有新餐廳開係附近 老媽拌麵有實體店啦！點都要去試下🤩因爲新開，都等左一陣先有位呢美人雞湯麵如要美味又清淡健康的話，這款雞湯、麵是不錯的選擇啊！d湯好好飲，又不會太油膩～炸彈蔥油餅有驚喜！原本以為係一大去既，點知係一粒粒既😋熱辣辣的蔥油餅香脆可口，好味而不覺膩！而且餡仲好飽滿呢！阿里山高山冷泡茶係一枝枝咁放係雪櫃再拎出黎比客人👍夏天飲就最好不過了！茶底好濃，但不會苦澀，好飲！夠哂爽！

前幾日見到將軍澳新開左間台灣麵店！鍾意食台灣野嘅我即刻去試一試！佢啲拌麵真係好好食🥰🥰..........地獄麻辣牛肉拌麵$72呢隻個麵比較粗身同特別口感煙韌 另外會有少少辣但係撈埋真係好惹味好正🤪..........蔥油嫩雞拌麵$62呢個又係勁好食🙈🙈麵身較幼 味道超級香蔥油味 超級推薦！！！..........另外試咗兩款小食台灣香腸$32酥炸甜不辣$32台灣香腸同甜不辣都係台灣小食有台灣嘅特色！呢款香腸有啲似香港嘅臘腸甜不辣就會有少少煙韌 兩款都好好食👍🏻..........飲品方面試咗阿里山高山冷泡茶同台灣仙草茶冷泡茶好香茶味！又解膩仙草茶就甜甜地 幾好飲🤣🤣..........老媽拌麵 地址：將軍澳唐德街9號將軍澳中心L1樓133號舖

呢間老媽拌麵由佢開始裝修，到佢開張，我每日都引頸以待台灣拌麵風暴殺到香港，搞到早排我成日買包裝拌麵返屋企試比較出名嘅有曾拌麵，雙人徐，而呢間老媽拌麵更係當中嘅大牌子首先叫咗個蔥油嫩雞拌麵，係幼細嘅關廟麵就咁望落去已經俾佢隻靚靚溏心蛋吸引住咗雖然呢個麵唔係好上色，但係蔥油嘅味道卻十分濃郁，同雞肉嘅配搭合宜雞肉雖然係胸肉，但係食落真係嫩滑老成都擔膽麵好似係佢呢度推廣菜，肉燥滿滿嘅一碗撈勻之後啲肉碎同花生十分香濃，而且佢嘅擔擔麵醬真係幾辣，每一條麵都沾上辣油，係火辣辣嘅顏色醬汁滲入麵條當中，個種香味好似川菜嘅辣醬高山冷泡茶甘香清新，係用咗小樽裝而後面嘅鮮草茶就係用杯裝嘅，都能夠分別解膩呢度嘅麵全部都即叫即煮，新鮮簡單嘅麵條味道令人難忘，排耐啲隊都值得

將軍澳中心大變天，好多大食市都進軍商場，而我呢個台灣控最開心見到有老媽拌麵，所以留意定日子，佢第一日開張我就㨂下午茶時間即刻走去食。店員推介麻辣拌麵咁我梗係聽話試吓，呢個麻辣牛肉伴麵，牛肉鮮嫩肉質易咬，而且有牛味，最正佢個麻辣醬汁麻而又不太辣，麵質軟硬度適中，同自己買返去嘅老媽拌麵，好似喺餐廳度食的確係比較好味，不過如果可以再多啲蔥花就更好啦。香港好少台灣餐廳會有鴨舌食，老媽拌麵果然滿足到我呢個台灣控，連鴨舌都有得食，真係非常開心，滷水鴨舌整得好入味，鴨舌又林又滑，一啖一隻，簡直令人食到唔停口。原本唔諗住叫嘢飲，因為近排咳得太犀利，唔想飲甜野，估唔到呢度竟然有無糖的高山泡茶飲，仲要樽裝設計，飲唔晒仲可以拎返屋企，實在太貼心啦，老媽拌麵喺正屋企樓下，我諗好快又會成為我半個飯堂了。

今日行過將軍澳中心見到好多食肆都陸陸續續開張，行過間聞說係台灣過江龍嘅台式餐廳排晒長龍，我哋都排埋一份試吓新野。呢間餐廳叫「老媽拌麵」，等左一輪終於入到去，一入到去見到就覺得好文青既感覺，我都想感受一下「人的味、麵的味、生活的味」。我哋兩個人總共叫左兩份麵餐、兩款小食、同一杯飲品。1. 蔥油嫩雞拌麵：幼麵簡單拌著蔥油同炸蒜，再配上嫩雞件同半熟蛋，仔細食有好香蔥油同蒜香味。2. 川味紅燒牛肉粗麵：三件大大件又腍既牛腱肉配上紅燒湯粗麵，湯底味道少許麻辣，粗麵口感都幾特別。3. 高麗菜水餃：有八隻水餃，餡料都好充足，台灣著名既高麗菜配豬肉，再多d高麗菜就更加突出。4. 滷牛腱：牛腱滷得岩岩好夠晒腍，牛腱肉筋比例一半，最重要食左唔會咬唔開同痴牙，滷水味又香唔會滷得太鹹。5. 阿里山高山冷泡茶：係烏龍茶包沖出來既冰泡茶，有陣陣甘香味，飲完好舒恬神怡。其他圖片：

將軍澳有一間台灣麵食新開張！就嚟咗幫襯～非常熱鬧～餐廳裝潢俐落，頗有空間感，充滿台灣風味。高山冷泡茶茶味香醇，入口回甘，是炎炎夏日解渴之選。滷水雞翼$42雞翼肉質嫩滑，滷水汁鹹甜恰到好處川味紅燒牛肉麵$72牛𦟌厚身，筋和肉的比例適中，入口即溶，令人驚喜。從來都未吃過這麼好吃的牛𦟌呢！川味湯底微辣，並帶濃濃牛肉香味，極為惹味。麵條幼身，充滿嚼勁。美人雞湯面$72雞湯底清甜，感覺滋補，可以補充一下膠原。雞肉雞味濃，配上香菇，健康味美。餐廳菜色頗精緻用心，將軍澳又有一好食推介！

老媽拌麵之前都是吃即食麵，好吃得每個口味都已經吃過，今次在香港插旗，將軍澳及荃灣麵同時開分店，必定一試老成都擔擔麵，老媽拌麵系列中，擔擔麵是台灣即食麵排行榜首位，麵底可選關廟刀削麵或細麵，調味只有簡單的有辣油，芝麻醬，醬油，花生碎及肉碎等，攪拌後為了每一條麵都能沾上醬汁，所以選擇了細麵，味道互不搶味，控制得剛剛好，份量比起即食麵更多流心蛋滿流心的地獄麻辣牛肉拌麵，麵底選了關廟刀削麵，混上自家的手工麻辣拌醬，麻帶勁，辣得有層次，茴香重，一個字！辣，眼看朋友吃得眼紅紅，愛吃辣或想挑戰的必須吃滷鴨舌一口一啖的鴨舌，滷水色澤及大小統一，入口爽滑不膩，份量頗多的，慢慢吃真令人回味樂無窮滷牛腱，一客三件的牛腱，每件都有一定的厚度，滷得不咸，肉質入味，腱肉與筋位非常分明老媽黑糖珍珠鮮奶茶，甜度適中，珍珠有嚼勁，同時沒有沾上太多糖水，否則令整體變甜，它的茶味同時特出，控制得不錯阿里山高山冷泡茶，是友人點的，就是低溫水泡出來的茶，相對地不會苦澀，眼看一整個足料茶包在內，偷喝一口，茶味甘醇，同樣推薦總括老媽拌麵，無論是即食麵，或是開設堂食店，同樣有質素