老媽拌麵 (將軍澳中心)

营业中

休息中

將軍澳開左間老媽拌面,之前同一品牌嘅包裝麵都受過好多人推介,我都食過,都覺得幾好食,今次去門店試下,睇下有咩分別。今日夜晚9點去食,等左大約10分鐘,但原來9點半就last order,我地好好彩都食到。餐牌食物選擇都多,可能佢岩岩開張,現時只有橙色貼紙嘅食物先有得點。小食,我地叫左滷牛腱同燙青菜,牛腱有三件,正正常常,放底嘅椰菜都沾左少少味,新鮮唔錯。青菜重點係啲蒜蓉辣椒,都幾濃味,食哂仲想食埋啲蒜蓉。主食叫左清燉牛肉麵同地獄麻辣牛拌面,面就都叫左刀削麵,牛肉麵原來都係牛腱,大約有5塊,塊塊都有啲唔同,有啲淋啲,有啲入味啲,麵質同包裝麵嘅差唔多。麻辣牛係啲牛碎,啲醬汁係底,撈均後可能啲汁太濃味,蓋過左牛肉味,可能一開始唔好撈均會好啲。飲品叫左荔枝綠茶同仙草茶,仙草茶好特別,並沒有一粒粒嘅仙草,而荔枝綠茶就有一粒荔枝。

近年台灣美食大行其道，今次殺到黎將軍澳，一於試下！裝修幾有文青風，用淺色嘅木色白色做配搭，望落幾舒服！清燉牛肉面個湯好香牛肉味，飲落唔覺有味， 係真材實料, 牛展炆得好淋。地獄麻辣牛拌面話說 其實面有得揀幼面同粗面(類似刀削麵 )不過我同朋友兩位都鍾意幼面多啲。如果大家鍾意闊身啲嘅面都可以試下。個名雖然叫地獄麻辣，但係個辣又未去到地獄級咁難頂。 相反我個人覺得個辣味控制得幾好，係覺得辣但係又唔使飲凍嘢嗰種程度，食得好爽！個溏心蛋都整得唔錯！滷鴨舌其實鴨舌都幾抵食，而且出面食嘅機會都唔多，鴨舌滷得入味同埋淋身！酥炸甜不辣甜不辣炸得外脆入面非常之煙韌，真係食唔停口黑糖珍珠鮮奶茶食台灣野點可以唔叫杯珍珠奶茶，近年香港都興起用黑糖製嘅珍珠奶茶，呢度亦都有提供。飲落去甜度啱啱好！唔錯！

今晚專程黎食老媽拌麵🤤七點半左右到，排左20分鐘左右，估唔到平日都有啲人龍喎🤭我地一行四人，貼左紅點先有供應，我地叫左四款唔同既麵，咁就可以試足四款啦😋😋⭐️105老成都擔擔麵～刀削麵黎到已經香噴噴😋微辣，但對於我少食辣黎講，接受到既😏有麻醬花生香味，唔錯！⭐️103地獄麻辣牛肉拌麵～細麵朋友鍾意食辣，呢個完全難唔到佢，我食左一啖，幾惹味😂牛肉都幾稔⭐️104蔥油嫩雞拌麵～細麵唔知點解只有呢款先唔可以揀刀削麵🥺不過細麵都好味既，雞有六七舊，幾嫩幾滑😆半隻溏心蛋都好味，我平時都食得清淡，但呢個拌麵唔咸唔算油，好食喎👍🏻⭐204清燉牛肉麵～細麵我無試過，不過朋友話好味🤣眼見湯底幾清澈，有三四塊牛展，都係稔身有厚度😌⭐️901黑糖珍珠鮮奶茶兩個朋友叫左黎試，佢地話好甜好奶，無咩奶茶味，似黑糖鮮奶喎🤣🤣珍珠較煙韌，麻麻地，價錢偏貴，性價比低🙈我就覺得老媽拌麵係幾好食既，無論麵質汁醬都係我口味😌環境唔錯裝修簡潔，職員服務都幾好👍🏻有禮貌！價錢再親民啲就正啦😆

早前我地經常將台灣三個拌麵嘅品牌做比較，而我就認為老媽拌麵嘅麻辣味最好食，每次到台灣都順便搬一大堆老媽拌麵番黎慢dap。最近得知「老媽拌麵亅黎左香港， 捧左咁耐場都應該要潮一潮聖嘅。自己煮自己食得多，當然要一嚐餐廳煮出黎嘅味道有無分別！超愛麻辣嘅我，一定揀地獄麻辣牛肉拌麵，賣相比自己煮嘅精美得多，餸菜其次，最緊要係「老媽拌麵亅四個係碗邊嘅大字。除左牛肉之外仲有小棠菜仲有粟米仔，加強顏色，增強視覺享受。因為汁醬都係碗底，食前需要攪拌，攪拌後麵條充滿辣辣嘅色彩，入囗小麻香辣，愈食愈辣。整體同自己煮嘅係兩回事。仲有餐廳有高山冷泡茶飲，茶味清澈，非常甘香，值得一試！

之前係台灣買左幾包老媽拌麵覺得好好食，知道佢係香港開實體店真係好期待，所以開左一陣我就拉埋個Friend一齊去食。.因為我地係星期六大約一點左右去到，撞正個個食lunch嘅時間，所以餐廳大排長龍。但一場黎到，唯有排下啦。排隊無得攞票，要真係係條隊入面排，排嘅途中都見前面有啲一家大細黎食，因為老友記等到腳攰所以走左，呢個有啲唔太方便食客。最後，因為前面有幾個組別嘅人走左，我等左半個鐘就有得入去食，算快？.一入去店員淨係擺低左個Menu，枱面上咩都無，水、餐具同餐巾都無，張枱仲有少少濕，好似上手食完無咩點清潔過就叫我地坐低。過一陣就有個店員拎住水同餐具過黎，手上仲有一盒紙巾，佢叫我同朋友一人抽一張當餐巾，我心諗會唔會係咁唉，算啦，都知佢地忙，我忍下。.個Menu上面有啲菜式有紅點，但無標示係咩意思，我就舉手問，原來係得紅點先有供應，咁都有成兩、三成菜式係無嘅，唔通因為新開？食緊嘅途中，我聽到另一位店員帶一枱客坐低，係有同佢地解釋只有紅點有供應，咁我當係帶我坐低個個一時唔記得左啦.我最後叫左葱油嫩雞拌麵、美人雞湯麵同滷百頁豆腐，三個都好一般。.葱油嫩雞拌麵嘅調味有啲怪，唔夠香，油益味好重，雞

身為麵食控既我終於可以一嘗期待已久既老媽拌麵，仲要開係將軍澳，行10分鐘就食到~上網睇返資料，發現呢間老媽拌麵榮獲即食麵達人評選為十大即食麵排行榜中的第七位，真係有d料到！嗰晚收夜左，差不多9點幾先食到，餐廳keep住條人龍，排左半個鐘先入到去。可見有不少捧場客。入到去即刻揀食物，我二話不說點左佢地既人氣老成都擔擔麵，麵條有刀削麵同幼麵可選，我當然要試試招牌刀削麵，友人則點左川味紅燒牛肉麵。因爲太肚餓既關係，每人仲叫多左一樣小食，同埋飲品。首先人氣擔擔麵帶d微辣，麻味重d，反而令到個麵麻香味重，食落更加有層次，特別適合食唔到太辣既人。我仲好中意粗麵口感彈牙有咬口，配埋肉燥、花生碎味道更香濃，就連其它玉米仔、白菜、溏心蛋都係誠意之作，特別係玉米仔煮到林，食到甜味，有d餐廳反而係生到唔敢放入口。友人既川味紅燒牛肉麵份量亦好足，一碗有5塊牛肉咁多LOL牛肉煮到好林好入味，而幼麵都不比粗麵差，keep到彈牙口感，不過個人稍微推介人氣粗麵。我地叫左兩款小食，酥炸甜不辣炸到外面好脆口，裏面就軟身，中意薄薄一片，沾d辣醬食已經好好味；另一款係澎湖花枝丸，又係炸到表皮少少脆身，内裡好彈牙多汁，呢個香口

將軍澳新開左好多唔同既餐廳，之前見呢間老媽拌麵有賣廣告，好似好好食，就去左試下。唔知係咪因爲岩岩開業，meun上面好多野都暫時未有。叫左蔥油嫩雞拌麵，老成都擔擔麵（可揀幼麪同刀削麵）同一個韮菜豬肉水餃。一上到黎第一個感覺係：好細碗。蔥油雞拌麵比較淡，幼麪同雞都唔入味，有d失望。老成都擔擔麵有點麻辣味，但唔會好辣，刀削麵都幾有口感，夾埋偏咸既肉碎，比油雞拌麵好味。而個餃子都幾好食，一咬有d肉汁令個餃子唔會好乾。如果係下午茶食少少，我覺得呢間都可以選擇，但食一個正餐既話，都唔夠飽。希望佢快d出埋其他野食。

食物都還不錯吃， 不過服務可能要改善， 排隊排很長我可以理解， 但是每次排隊都只問有沒有兩個人的 還有問了有沒有一個人的之後櫃檯的人 說等一下然後跑去招呼別人不理你了 ， 希望下次對待別人客氣有禮貌些

好彩選擇了下午茶時間去而不用排隊很耐，如果唔係就揼心了。開左咁耐，menu上都仲係只係少量食品有得叫拌麵的汁又唔夠搞到成碗麵好乾，我揀幼麵其實質素是好的, 但味道又一般，分量亦都細同價錢唔成正比，完全冇驚喜。如果以這個價錢$7x(要再加一的，我寧願去對面舖食拉麵一碗了。而且座位及環境拉麵店比他舒適很多。真的很失望！😔😣😔😣😔😣😔😣之後又再比多一次機會佢，叫淨水餃但感覺也是一般，所以不有機會再去食了

得知老媽拌麵來港開實體店，碰巧過來這區見朋友，便二話不說來這裡開餐。結果來到才得知由於還是新開的關係，食物的選擇少得很，是日沒有珍珠奶茶，也沒有炸的小吃，比進場是說只有紅點食物選擇來得更少，於是我和友人只各自點了一款拌麵和湯麵。由於友人不吃辣，在有限的選擇中點了清湯牛肉麵，友人說真的很清淡，像吃醫院餐...我點了一隻辣椒的拌麵來吃，整體來說不錯，我選的是刀削麵，感覺比較掛汁，辣度可以接受，以我不太吃到辣的人來說可以，只是吃到尾聲會有些過咸。喜歡配菜的配搭，尤其是半隻蛋和粟米仔。還有喜歡它加入花生碎讓味道更豐富。

未開已經好期待但真係希望愈大就失望愈大囉！1. 餐牌上唔係所有野有得供應，只限紅點食品. 本身都已經唔係多野食，而家就更係少之有少2. Order左1杯凍珍珠奶茶，1杯熱冬瓜檸檬，但黎左2杯都係凍既，同佢講有杯係熱飲，就話無熱飲咁點解落單果陣我講左2次要熱既，落單果位都無反應呢？（落單同上野飲係同1個人）又點解明明餐牌上係寫住有「凍/熱」，但出到黎，上埋台先講無「熱」既？3. 又貴又唔好食，食唔飽都唔再落其他野食4. 服務態度差！總結：唔會再黎！

「中伏篇」其實要睇間野好唔好食睇好評係無用，要睇就係睇差評當然，要你自己試過先知道反正每個人既感受都唔同可能比下面比好評既人 真係覺得「好好食」啦點解會試老媽拌麵？因為係supermarket 買過，覺得幾好食所以試下實體店結果，自己係屋企煮無咁嬲。配料係糖心蛋，一條粟米芯，一棵菜得糖心蛋好食之外，另外個兩樣用熱水淥熟無誤諗住個麵會好食啲啦，點知同自己係屋企煮冇分別總括嚟講，你屋企冇廚房/ 你唔想自己整，可以一試。又或者，你真心相信下面的「好評」。

老媽伴麵在即食麵界無人不曉實體餐廳位於商場內照明充足由於缺貨關係菜單只有部分供應今次選了美人雞湯麵和成都擔擔麵小食方面有甜不辣和炸花枝丸飲品側要了檸檬冬瓜荼及仙草汁粗麵為刀削麵煮得恰到好處口感煙韌而且略為彎曲的麵身掛滿湯汁美人雞湯麵份量充足大大碗雞湯在雞骨的甜味中帶點藥膳香雞肉嫩滑富雞肉香口味上偏淡但口感甚佳外表平凡卻值得細味仙草汁換言而之是涼粉水當然仙草之間也有品質之分飲下去是比室溫下稍涼的溫度仙草淡淡的苦味會在口腔回蕩起一陣甘甜炸花枝丸表面不算酥脆魚味香濃而且相當彈牙甜不辣是炸好的條狀魚糕外脆內軟口感軟糯不黏牙唯略嫌太薄吃得不夠過癮

剛開業就去了嘗一嘗，竟在香港開了堂食店haha。店舖裝修很文青，以木系裝飾為主。這面打卡牆的字句都很有深度lol，配上小燈泡裝飾。店內有多款台式飲品選擇，喜歡黑糖珍奶的朋友在這裡也能點到。座位寬敞，也有獨立座位，十分舒適。小食方面，我們點了酥炸甜不辣和台灣香腸。甜不辣外皮很脆，很有咬口。台灣香腸味道濃，份量足夠，較乾身。至於飲品方面，我們點了阿里山高山冷泡茶和台灣仙草茶。冷泡茶以樽裝呈現。仙草茶很解渴，飲完之後去掉口中的油膩。麵食方面，這天點了蔥油嫩雞拌麵和川味紅燒牛肉麵粗麵。蔥油嫩雞拌麵很有台灣的風味，雞肉十分鮮嫩，配有少許蔬菜，不會整碗都油油的。麵條夠哂爽口彈牙呀haha川味紅燒牛肉麵粗麵是秘製的刀削粗麵，湯底味道濃，淡淡藥材味，真材實料呀，牛肉肥瘦剛好，吸收了濃濃的湯汁呢。總括而言，難得開了堂食店，在將軍澳食飯有多個選擇啦。

將軍澳中心經歷了多年裝修後重開，引入不少餐廳，我對其他連鎖餐廳沒有多大興趣，唯獨對台灣過江龍老媽拌麵在香港首次開店有所期待。自己一向有買老媽拌麵在家中煮，很想試試餐廳如何煮得更出色！當日還在試業中，下午兩點後到達避開午餐人潮，接侍的店員大概因為太忙而表現煩燥，等了15分鐘左右入座，內𥚃環境普通，沒有期待的台灣感覺，被安排在面向牆的位置，檯面還沒有清潔，舉手沒人回應只好自行抹。點了地獄麻辣牛拌麵，要關廟細麵。稍等一下已經有，但原來來錯了其他客人的麵，10分鐘左右有位中年女店員捧著麵來，大叫11A嘅麵邊位? 我和鄰座食客互望一下，因為看到是刀削麵，我沒有應，店員這時再大聲怒吼邊個11A？枱面沒有枱號，我和鄰座食客也不是員工，怎會知道枱號！ 店員狠狠放下拌麵，怒氣沖沖的離開了，和鄰座食客確認，她點的是湯麵，那這碗錯的是我吧？我不介意吃刀削麵但不好意思吃了其他人點的，找了一位說國語的店員代為處理。最終我點的地獄麻辣牛肉拌麵來了，上面只有三塊牛肉，半隻蛋和開邊的小唐菜。拌勻麵馬上吃，麵條好像比買的包裝更少，煮得非常淋完全沒有Q彈，整碗只有三片小小的牛肉，咬口及味道奇怪，沒有肉味希望不是下了過多的