老媽拌麵 (將軍澳中心)

营业中

休息中

老媽拌麵 聽就聽得多食都係第1次 haha同fd去 叫左個 擔擔面拌麵 *(晚餐時間叫都只係50幾蚊炸)有少少辣 好香口唔食得辣 ge朋友就唔好一下就撈個底ya 重點就係個 麵質地 有得揀粗定幼嫁個麵質地 有咬口 *(個人最怕就係太過"林"ge麵)叫左個 滷水鴨舌同甜不辣滷水鴨舌正呀 少少爽口 仲要唔係好咸 $3x幾不錯不錯甜不辣個醬就好正 只不過件野無咩咬口 $3x幾可以試其他食緊果陣見到隔離位係叫左 花枝丸小食 睇落正過 甜不辣 好多  下次再試下先!!!!!!!!連埋小食 2個每人$100推介指數抵食 ●●●●○ *(主食價錢都ok ;小食就貴左dd)食物●●●●○環境●●●○○服務●●●●●

想試好耐，於是星期日去咗排隊。1:30鐘都仲有條人龍，等左大約20分鐘左右，場內位置很少所以要有心理準備要排隊。見到餐單上有好多食物都暫停供應，而且款式選擇很少。我們叫了一個紅燒牛肉麵，高麗菜水餃，炸甜不辣及黑糖珍珠奶茶。紅燒牛肉麵等左20分鐘都未有，速度有點慢。高麗菜水餃一碟只有七隻，炸甜不辣好油而且炸到邊緣位好硬，黑糖珍珠奶茶係我飲過嘅珍珠奶茶入邊最甜嘅一杯，要不斷叫佢加冰先可以溝淡到啲甜味。邊食邊睇到員工們都好似不斷落錯單好亂，其實開咗都有一個月，雖然服務態度還可以接受，但係效率仲有待改善。整體而言牛肉麵質素值得讚，其他嘢真係不了。食物唔算伏，但係真係試一次就夠。

話說將中翻新後，有好多新食肆進駐，當然一有機會就拉朋友試新野。「老媽拌麵」就是其中之一：平日lunch 時候，唔需等位，座位闊落，店面光猛舒服。我地一行8人，8個餐第一同最尾送餐時間竟然相差30分鐘，其實店又唔多人，仍然要等咁耐，效率都幾低！我地大概叫左以下主食：1） 川味紅燒半筋半肉牛肉面（粗面）$782）清燉牛肉麵 $723）魷魚圈滷肉飯 $684）珍珠奶茶 $33「川味紅燒半筋半肉牛肉面」我係屋企煮開老媽拌面，同我煮最大分別係湯底。濃郁牛肉湯，bb辣，蘿蔔煮得幾淋，加上好入味既牛肉及牛筋，係唔錯。而粗面面底就同超市買到既一樣啦，當然欣賞佢個面底既，大家就唔好浪費$係店內食喇！「魷魚圈滷肉飯 」與一般正常質素既滷肉飯差不多，只是加左無甚特別「魷魚圈」。飯量當然一般，男士未必夠飽。朋友平心以論，此飯值$4x only. 其他$可能去左舖租/ 環境啦！「珍珠奶茶」店未有提供lunch set, 全部散叫。 而一杯珍珠奶茶就價值$33。有別於一般lunch加錢/ 半價就有多杯野飲。在此欣賞我朋友勇氣，果然不負所望，它 - 只是一杯普通珍珠奶茶。總結：未試過老媽拌麵，可以一試。

過江龍老媽拌麵係香港開實體店當然要試下！平時多數都係買台灣拌麵反屋企自己煮而家有人煮埋仲有特色台灣小食同飲品😍😍今次試左一個拌麵同一個湯麵👍🏼麵有粗幼揀個人比較鐘意粗麵有咬口D😋成都擔擔拌麵好香麻醬味同有肉燥拌幾有口感😋不過因為麻醬味幾濃所以食到最有D膩🧐另外個紅燒半筋半肉就普通🤓肉有D韌😅建議食拌麵會有驚喜D👍🏼小食滷百頁推介‼️炸甜不辣份量較少每片都好薄似薯片😅飲品試左黑糖鮮奶茶同高山阿里冷泡茶就普通唔算特別好飲

一路都好鐘意食台灣嘅公仔麵， 所以一聽到老媽拌麵開咗實體店，就非常興奮！難得今日經過將軍澳， 未到食飯時間已經見出面排滿人龍！蔥油嫩雞伴麵雞肉份量足夠且鮮嫩唔會柴，沾附伴醬後相當入味，餐廳推薦嘅細麵確實充分吸附醬汁，味道夠重夠濃厚，蔥油味配雞亦係非常match👍🏻清燉牛肉麵湯頭清淡輕盈，牛肉份量及品質都相當唔錯，牛肉嘅厚度好有嚼咀感，而且通透入味，刀削麵麵條有口感唔易斷， 整體感覺夠晒清同健康！酥炸甜不辣甜不辣不油不膩，外酥內軟，配埋甜辣醬，感覺而不漏， 令人忍唔住一口接一口！台灣香腸台灣香腸切得好薄身，味道有d似港式臘腸，夾埋一小塊蒜片，煙煙韌韌又濃郁惹味。阿里山高山冷泡茶精緻嘅膠樽入面放咗茶包，味道清香回甘、風味自然， 仲可以加入凍水沖泡多幾次享用。

本身有食開老媽拌麵嘅即食麵，知道佢開咗實體店，就馬上同女朋友去試吓。有台灣特色嘅裝修，冷氣亦充足。蔥油嫩雞伴麵雞肉嫩滑，肉質軟唸。拌麵採用關廟麵，夠彈牙，醬汁嘅蔥油，油香撲鼻。碗麵仲配有半隻糖心蛋同一啲蔬菜。清燉牛肉麵 粗麵個人唔係好食麻辣，所以叫咗個普通清燉牛肉麵，牛展爽口彈牙，湯汁清清地，成碗面好清新。酥炸甜不辣甜甜地煙煙韌韌，個醬味道似甜醬、麻醬和辣醬混埋一齊既味，感覺甜而不漏。台灣香腸味道同臘腸差唔多，煙煙韌韌幾好食。冬瓜檸檬茶本身冬瓜茶個人覺得偏甜但係加咗檸檬之後中和返少少，喜歡飲甜嘅人可以一試。阿里山高山冷泡茶賣相幾靚，雪凍左入囗涼快，清新回甘香醇。

很久沒有吃台灣菜，見店內格局闊落，環境不錯，就進去試試。老成都擔擔麵盛麵的大碗很有台式便當的感覺！麵盛得滿滿，面頭鋪上台式牛肉、擔擔醬料，旁邊放著一顆流心蛋，一些蔬菜。個人很喜歡幼麵的麵質，爽口彈牙，麵因為造得幼嫩，吃起來雪雪聲，令人滿足過癮。擔擔醬汁的份量很多很多，很豐富！味道方面也很香口，醬汁香濃，黃金比例的配合，實在令人覺得陶醉！地獄麻辣牛拌麵粗麵粗麵的麵線也造得彈牙爽口，因為是粗身，掛上醬料也比較容易，每口也嚐到拌麵醬的奧妙。麻辣牛的味道相對濃，伴起麵來吃，鹹度就剛好，配合蔬菜的爽口和甜酸味，麵的味道稱得上豐富，而且有口感。甜不辣食材很Q、很透、入味，最具特色的可說是與貢丸、油豆腐、米血糕等一同加入高湯中熬煮的「甜不辣」，這和日本的「關東煮」似乎有些相似，但鮮甜的甜不辣、散發黃豆香氣，而且彈牙，再加上特調的甜不辣醬，卻充分表現出台灣味。台灣香腸金黃色的油光、誘人的香氣，想必很多人沒少吃，小朋友們更是喜歡，這就是難以忘懷的「台灣味道」。一口咬下去能聽到腸衣爆裂的聲音，然後爆出滿口鮮嫩的肉汁。荔枝綠茶非常的好喝，沒有苦澀味，還帶有一陣陣荔枝的清香。不太甜，正好為剛吃下的食物解解膩。

如果有食開老媽拌麵，一種台式即食事4拌麵，就會知香港開左實體麵店，甘平時我都會食下老媽拌麵，所以都黎朝聖下。一去到麵店門口都排左短短既人龍約10個人，店內坐滿哂客人，只係星期四平日都甘多人，我諗假日週末呢啲會再多啲人，我7點9左右到，排到8點1到入得，等左20分鐘左右。入到去店員話已經冇哂粗麵，得返幼既，甘冇計，鬼叫自己去得遲。我點左川味紅燒半筋半肉牛肉麵，朋友點左清燉牛肉麵同美人雞湯麵。雖然麵質同平時食既老媽拌麵既幼麵一模一樣，果川味同平時食開係似既，而湯頭係普通台式牛肉麵果湯頭再加辣味，但可能係湯麵，食落就同乾拌麵好唔同，同埋佢仲加左唔少配菜同埋牛肉片，因為我叫半筋，所以有幾舊牛筋，牛筋炆得夠冧同入味，牛肉片帶啲筋有咬口得黎又唔會太鞋，整體係唔錯既。服務方面，因為人流旺，所以店員都較忙，但叫落單呀上菜呀都快手既，正常既服務水平。不過用買到一包老媽拌麵再多啲既價錢去食一碗麵，值唔值就見仁見智啦🤣🤣 只能講係點都想試下既。

💁🏻‍♀️老媽拌麵 (將軍澳)🍴-一直聽講過老媽拌麵好出名，但未有機會食，岩岩先知公司附近原來開左間分店，所以就即刻約老友去食啦，味道唔錯～酥炸甜不辣 ($32)台灣著名小食，食落有Ｄ似甜甜地既年糕，口感好ＱＱ，而且小食係即炸，所以好香脆。老成都擔擔麵 ($52)一上碟就好香麻醬味，擔擔麵拌料有花生碎同肉碎，唔會太乾，食落有少少辣，但完全唔會過火，麵質係較硬，岩我口味，整體來講都好值得一試，真係會食到‪成都既味道‬。地獄麻辣牛拌麵  ($72)到呢個招牌菜，醬料有辣椒油同唔同香料，係有唔同層次既辣味，另外牛肉亦重牛味，食落都算新鮮，加埋幼麵撈埋一齊真係天衣無縫。澎湖花枝丸 ($32)花枝丸爽口彈牙，食落有墨魚肉，十分足料，加埋甜醬食一流！老媽黑糖珍珠鮮奶茶 ($33)雖然冇得揀甜度，但呢到既黑糖奶茶唔會太甜，岩曬想破戒但又想健康既人士。另外飲落好重茶味，珍珠亦有黑糖味，十分特別。.📍老媽拌麵 (將軍澳)#將軍澳 唐德街9號將軍澳中心L1樓133號舖#小丸子搵食記 #小丸子將軍澳-#hkig #hkigfood #hkfoodblogger #hkfoodie #食好西 #香港美食 #香港

下午茶不太肚餓，點了主打半筋半肉粗麵，湯頭骨味濃郁，牛展算容易咬開，紅蘿蔔，牛筋，牛展，每樣2片，一條青菜，麵質口感軟硬適中熟透。$78韮菜餃子，除了綠色的外皮和平時食開的麵粉色外皮不一樣，味道一般，溫暖的餡料，我個人比較喜歡熱辣辣的。另外我喜歡吃辣，但辣油只得個油，辣感不足，香味不夠驚喜點 是這支冷泡茶$22，待應生還告訴我們，可以添加一，兩次。但當日因為人流都算多，為免阻住個位，所以都只是加了一次。2人共吃$156

台灣拌麵手信就收得多。今次唔使自己煮。堂食又係感覺如何呢。揀左葱油嫩雞拌麵。依款規定要係幼麵。上菜時店員會好細心咁提你醬料係麵下面。要拌混先好味。一路拌。啲乾葱同醬味真係好香。口水都湧現。食落非常夠味。麵質當然比自己煮嘅更乾身及有口感。台式野點少得川味紅燒半筋半肉牛肉麵。其實只係微辣。麵底係刀削麵。有咬口之餘。仲好吸湯。我個人好鐘意個牛筋。入味又有彈性。同朋友share杯台式飲品。黑糖珍珠鮮奶。正常水準。由於我地比較大食。再叫埋小食share。分別係花枝丸同滷水雞翼。花枝丸比較出色。香口得黎好台灣口味。滿足的一餐

已經8:30才去，沒想到有咁多人排隊，好在等左15分鐘就有位，地方不大，坐位有限，所以人龍keep住咁長。我地2個人叫了一個牛肉麵、魷魚圈滷肉飯，甜不辣，炸花枝丸，珍珠奶茶。首先講下牛肉麵個湯好濃好味，也好入味，值得一試！另滷肉飯比較特別，魷魚都淋，另甜不辣同炸花枝丸都好新鮮都係即叫即炸！拌碟醬點以上2個都好味！另珍珠奶茶佢整得比較淡，好啱我口味！👍🏻總括而言此店有台灣風味，但價錢都係一般，比較貴，一碗麵要$78。但都會再去！

星期二放工約左老婆係 pop-corn 食飯，行下行下到將中新開個邊，有間老媽拌麵成日都好多人。今次比較少人等左 15mins 就有位。叫左3樣野，地獄牛拌麵，差！啲牛好老唔好食，對面有二個客人叫左都食唔落啲肉，我就剩低成碗牛。美人雞湯麵冇乜味，一黎仲要有血水，極求其。珍珠奶茶普通。冇服務咁滯，唔會再幫襯。完。

台灣過江龍老媽拌麵 喺將軍澳開咗分店 平時咁鍾意食拌麵嘅我當然第一時間去咗試啦 比起平時買到嘅拌麵 餐廳有更多選擇 湯麵 鴨舌 滷水雞翼 連黑糖珍珠鮮奶 仙草茶等等嘅飲品都有😍 掛住食嘅關係我都唔記得左影相添😂

之前曾經瘋魔一事嘅台灣麵應該相信好多人都買過來試比較多人食的老媽拌麵 曾拌麵 kiki 最近將軍澳都開咗老媽拌麵實體店排隊是少不免的今日經過就同友人試下老媽拌麵麻辣牛肉😀可以揀粗麵同埋幼面圖中嘅係粗麵即係佢哋講嘅關廟麵注意⚠️辣度唔可以調整所以都幾辣亮點一定係醉蛋 流心又夠味整體如果食得辣其實都不錯台式香腸😀冇咗台式香腸嗰種酥脆我覺得佢似就咁搵滾水煮熟不推薦冬瓜茶😀幾好飲唔太甜冷泡茶😀正常茶包冷茶個人覺得如果屋企有時間買番屋企煮其實一樣😂