台灣拌麵手信就收得多。今次唔使自己煮。堂食又係感覺如何呢。
揀左葱油嫩雞拌麵。依款規定要係幼麵。
上菜時店員會好細心咁提你醬料係麵下面。要拌混先好味。
一路拌。啲乾葱同醬味真係好香。口水都湧現。食落非常夠味。麵質當然比自己煮嘅更乾身及有口感。
台式野點少得川味紅燒半筋半肉牛肉麵。其實只係微辣。
麵底係刀削麵。有咬口之餘。仲好吸湯。
我個人好鐘意個牛筋。入味又有彈性。
同朋友share杯台式飲品。黑糖珍珠鮮奶。正常水準。
由於我地比較大食。再叫埋小食share。分別係花枝丸同滷水雞翼。花枝丸比較出色。香口得黎好台灣口味。
滿足的一餐
