翡翠潮州小廚 (已結業)

國慶假日出外吃飯搵位難，經Open Rice訂枱方便快捷。第一次到訪這店，感覺地方空間大，超高樓底，陪感舒適。點了個2人套餐，價錢親民，食物尚算不錯，其中胡椒豬肚湯， 辣味十足，再追加一碟煎蠔餅，鬆脆加上大大隻蠔，有別於以往吃的口感，值得推介。

一行六人約在青衣城飯局，上網搜尋一下可以坐六人檯的餐廳，選了這間吃潮州菜的。本來說限時90分鐘，不過因為沒有人等位，我們就可以慢慢食慢慢聊天。看餐牌有六人餐不過菜式不合心意，還是自己點菜好。六人點了八個菜，吃得飽飽的。要了兩碗胡椒鹹菜豬肚湯，上檯時整個湯盅都是熨手的，湯內有大大片的鹹菜和豬肚，湯有香濃的胡椒味，但不太辣，鹹菜也不過鹹，整體湯味配搭適中。方魚蠔仔粥，砂鍋上，保存熱度，蠔仔超多，粒粒肥美，片片冬菇散發香味，方魚帶點咬口，飯粒粒粒分明，一口一口吃得充實。潮州蠔烙，用炸的方式把蠔仔黏附在一起，眼看油分不會超多，吃起來很外脆內軟，不肥膩。潮州糖醋麵，一個大麵餅煎得很乾身，像吃薄餅一樣每人取一小份，醮上香醋同吃，十分可口。韭菜芯炒鹹肉，韭菜青青爽爽，很嫩綠，口感佳，鹹肉半肥瘦，入口爽滑。椒盬金磚，豆腐炸得太乾，內層失去軟滑感，雖然鋪滿蒜粒，不過沒有什麼味道，這道菜較失色。豉汁蒸金錢鱔，鱔肉肥美甘飴，蒸得不過火，與豉汁伴吃，味道頗佳。至尊鹵水鵝拼盤，拼盤份量大，內有鵝肉、鵝腸、鵝腎、鵝肝，鹵水汁是靈魂，鵝肉嫩滑，鵝腸爽口，鵝肝硬中有軟，每片食材都有濃郁鹵水精華，很是好吃。整頓飯吃得滿

傳說中茶餐廳價格，高B格調享受，最後吃到扶牆走（太飽了），位於青衣城的翡翠潮州餐廳，店內座位寬敞舒服，顧客入座後才擺餐具，估計是考慮到衛生和防疫措施👍，菜品是現點現做，絕對吃不出是半成品加工，看得出來師傅們的功力是槓槓滴，最後不得不誇讚一下這套餐的性價比實在是不能再高了⋯⋯太划算了😂，建議一家大小來嚐嚐4-6人套餐，在這提醒各位，記得記得帶多幾個人去吃，要麼就帶多幾個飯盒去打包......總結一下就是「低吃夾大份」😂

之前看見青衣城有潮州菜，疫情期間人流比較少，而且下午茶時段價格似乎比較優惠，便試試看。然而餐廳內一些靠海濱公園的位置因為海濱公園有人吸煙，所以會比較大煙味，個人對煙味特別敏感，亦不喜歡二手煙，但當時餐廳內離海濱較遠的位置多數已有客人，我們便想在餘下未有人坐的位置中選擇離海濱較遠的位置，但雖然仍有很多位，職員卻只允許我們坐某幾枱，個人對這樣的做法不太理解亦非常失望。豬手河粉個人覺得不錯，豬手入味而且好「淋」蘿蔔糕是加點的，份量比想像中要少，但味道不錯，很香口，鹹鹹辣辣的，好味道！牛腩河湯底很重味精味，牛腩很柴。滷水鵝片方面，感覺不夠入味，而且墊底的豆腐有苦味。總括而言，以下午茶來說，它的食物價格不便宜，而且質素一般，相信不會再選擇光顧。

鵝肉入味，肉質嫩滑唔肥膩，鵝腸肥美仍然爽脆。潮州蠔烙用上鴨蛋加蕃薯粉而成，帶少少煙韌，入面有好多蠔仔，非常不錯！小朋友最鐘意食潮州炒麵線，麵條硬度煮得啱啱好，每次黎到都要食。絕版戲棚粥極多配料，有青瓜、鵝絲、炸魚片線、肉碎，魷魚絲，味道非常香濃，又唔會過咸，估唔到配搭青瓜又幾得意。特別推介芋蓉鴨，熱辣辣嘅鴨肉同芋蓉非常夾，入口非常酥脆。呢度環境非常舒適，樓底超高，枱與枱之間有間距，感覺很衛生。服務也很不錯，值得一試。

發現鼎食聚、香港旅遊發展局，連同200+家酒樓、餐廳，推出We Love Dining promotion。第８站，和媽媽到青衣城吃潮州菜。We Love Dining 午餐，148元/位：#潮州鹵水：有５款選擇，點了鵝片和五花肉，配鹵水豆腐，豆腐比鵝片和五花肉好味！#湯：有２款，胡椒鹹菜豬肚湯、螺頭淮杞雞腳湯，各點了１份，豬肚湯太鹹，雞腳太淡，２樣都不好味！#小菜：有６款選擇，點了白飯魚菜甫煎蛋，是本餐最好味的菜！排骨春菜煲，差評！排骨很柴，春菜和白蘿蔔淡而無味！#甜品：馬蹄片綠豆爽，太甜！來１次就夠的店！

青衣城食肆林立，要係度插旗一Ｄ都唔易，仲要係應該係大排檔出現既潮州菜，更加令我好奇，😍😍😍所以就係今晚試一試啦！坐低見佢推介緊呢個「潮味優惠套餐」，二話不說就叫啦！首先黎個「海鮮蠔仔粥」，唔單止大碗，而且非常足料😱😱有好多隻蝦同扇貝，當然有唔少蠔仔啦！Ｄ粥吸晒Ｄ海鮮味，每啖都係享受！😌😌然後叫左個「至尊鹵水鵝拼盤」，非常之大碟！首先Ｄ鹵水鵝肉質唔錯，每塊肉有少少脂肪同皮連住，塊塊都好均勻！🤪🤪然後Ｄ鵝腸洗得幾乾淨，食落口好彈牙好有口感！仲有鵝肝同鵝腎等內臟，都好入味！😚😚食完呢碟拼盤，真係成隻鵝食晒咁滯！🤩🤩我地再加左碟「懷舊咕嚕肉」，每件咕嚕肉都大大件，肉質鮮美😋😋再加上Ｄ青椒、菠蘿、蔥片、紅椒等，惹味十足，必食推介！😎😎最後要介紹野飲，要左一杯熱既黑糖百香果綠茶，同埋紫薯豆漿冰茶，都係好別開生面既配搭！😙😙

#蠔仔粥 兩個人食有啲多 但我哋兩個都食曬🤣🤣🤣佢啲料幾多有好多生蠔仔#鹽燒馬友 呢個我覺得好好食皮脆魚肉嫩滑好大條下價錢好似大約150以下非常抵食#滷水鵝片滷水鵝好入味，一片片食容易咬口，而且另外配醋，啱晒我呢啲重口味嘅人。我本身個人都好鍾意食潮州菜，呢間嘅環境算係非常之好，佢有好多卡位，而且好大間，仲有窗邊望景嘅位置都唔錯。呢度嘅食物質素中上，性價比高。我覺得佢哋嘅服務都算唔錯， keep住會有人過嚟斟茶， 如果鍾意食潮州菜可以選擇呢間。

屋企人想食中菜，就揀咗依間係青衣城一期嘅潮州餐館食晚餐。依度雖然地方唔太大，但係就有超高樓底，空間感十足，唔會有壓迫嘅感覺，枱與枱之間都有足夠空間。至尊滷水鵝拼盤食潮州嘢當然唔少得滷水鵝。依個拼盤有齊滷水鵝片、鵝件丶鵝腸丶鵝肝丶鵝腎同豆腐，份量十足。鵝片醃得夠入味，滷水亦唔會太鹹。方魚炒芥蘭芥蘭炒得唔會太淋，加上趣卜卜嘅方魚，正合我心意。欖菜香蔥肉碎炒飯叫嗰陣都有擔心啲欖菜會太過咸，好彩整體效果唔錯，如果炒得再乾身少少就更加好啦。馬蹄綠豆爽冬天最啱食啲中式甜品滋潤吓，依個甜品唔係太甜，啱晒我哋胃口，亦都食到馬蹄嘅清香。另外值得一提嘅係，店員普遍都幾有禮貌，亦有主動問我地餸菜啱唔啱我哋胃口，同埋我哋臨走時，介紹咗佢哋嘅午市同下午茶套餐，服務值得一讚。下次嚟嘅話，會想試下佢個砂鍋海鮮蠔仔粥。

.好耐無食潮州菜了 特別喜歡蠔仔粥既我決定天氣涼少少即刻去食🥰呢度既潮味套餐可以食晒潮州菜既主打~蠔仔粥同鹵水鵝拼盤有鹵水鵝片 鵝肝 鵝腸 鵝腎 等等香得黎唔會太咸 有平時打冷既感覺👍🏻海鮮蠔仔粥超多料 有大量蠔仔 大蝦 帶子等等潮州粥既水會比較多 可以飲多2碗 好鮮味😋.小菜點左菠蘿咕嚕肉同魚香茄子🍆火喉十足 絕對完勝左平時大排檔既質素咕嚕肉真正既外脆內軟 呢個平時好少食到係咁好食甜酸味亦剛剛好 魚香茄子煲仔上 夠晒熱辣辣專登叫左碗白飯黎配啲餸❤️非常好食花生豬手亦炆得好軟腍 如果再重味道少少會更佳份量也相當足夠😍.餐廳定期會有唔同既特飲冬天最好飲返杯熱既黑糖百香果綠茶唔會太甜 可解膩😙天氣凍就最適合飲呢個～

今晚好難得約到幾個friend聚舊，因為大家都中意食潮州菜，所以book咗位於青衣城嘅翡翠潮州小廚，順便可以行下商場。第一次嚟呢度，地方都算大，我地坐四人卡位，坐得鬆動，好適合食飯傾計。我地點咗：潮味優惠套餐 (海鮮蠔仔粥，至尊鹵水鵝拼盤) 南乳花生炆豬手懷舊咕嚕肉海鮮蠔仔粥同至尊鹵水鵝拼盤份量都幾多；海鮮粥材料豐富，有蠔仔﹑ 蝦﹑帶子﹑墨魚﹑柴魚 ... 等 , 夠晒鮮甜；鹵水鵝拼盤都大碟，鵝片唔肥，鵝腸﹑鵝肝﹑腎﹑豆腐 .... 等好入味，係食潮州菜必食之選。南乳花生炆豬手好味道，豬手夠淋。懷舊咕嚕肉超好食，咕嚕肉外脆內軟，酸甜度啱啱好，我同啲 friend 都勁贊。我另外點了一杯飲品 - 紫薯豆漿冰茶，估唔到紫薯，豆漿同冰茶都可以調製成咁好味嘅飲品。最後仲值得一贊係呢度嘅侍應，服務態度認真，非常有禮貌；今晚冇揀錯地方。

今日同朋友去咗青衣食潮州打冷！餐廳 係青衣城地庫，餐廳環境闊落大氣，落地玻璃更望到情誼碼頭的景色。我哋見餐廳嘅二人餐幾抵食！價錢$298有兩碗胡椒豬肚湯，滷水小碟，兩個小菜，一碗蠔仔粥同一個甜品！胡椒豬肚湯的胡椒味適中，飲到豬肚同鹹菜嘅味道，味道鮮美而且頗適合而家天氣飲可以驅寒。餐廳嘅滷水小店我哋揀咗我鵝肉湯墨魚，墨魚爽口帶甜，鵝肉入味之餘一D都唔蘇，口感仲幾嫩口。碧綠龍鳳球：碧綠龍鳳球其實係蝦球和雞肉，蝦球夠大隻彈牙，而雞肉夠嫩滑，味道鹹鹹香香好惹味。我朋友好鍾意呢個蠔仔粥，首先呢個粥非常重料！面頭已經有非常多的蠔仔，加上蝦米，炸墨魚片等材料非常鮮味！口感很豐富。之後仲有金銀蛋菜苗同鴛鴦水晶包！呢個鴛鴦水晶包外型吸晶，外皮煙煙銀銀加上綿綿的紅豆餡、食落唔會好甜！和不錯。整體餐廳性價比很高，價錢低食！值得一試，

今日去青衣城睇戲，見到開咗一間新嘅潮州餐廳叫做翡翠潮館！所以決定睇完戲就嚟呢度食晚餐。餐廳職員熱情有禮，入座後就立刻為我遞上茶水和小食酸菜！餐廳更有提供口罩套，方便食客。我哋叫咗一個滷水拼盤，干扁四季豆同一個蠔仔粥。首先呢個蠔仔粥材料非常豐富，裏面有蠔仔，冬菇，肉碎，西芹粒及炸過嘅墨魚片等等，呢個蠔仔粥味道非常鮮甜！蠔仔肥美唔醒，份量大概可以分到3碗左右，好抵食。干扁四季豆：四季豆炒得頗乾身，口感爽甜，炒得非常翠綠的四季豆令人很有食慾！配上辣辣地的肉碎簡直係白飯殺手而滷水拼盤非常入味，鹵水鹹淡適中帶淡淡的藥材味，鵝肉和魷魚配上餐廳自製嘅醬汁很開胃！充滿潮州的特色。

今日媽子難得星期日放假，佢本身潮州人就諗住近近地試下呢間潮州菜同細佬十一點幾去拎定位，發覺冇乜人，好快就可以坐到海景位之後一邊等媽子行過嚟，嗌定咗個二人套餐先，姐姐知道我地仲等緊齊人，好細心咁幫啲餸蓋住先原本想嗌反沙芋頭，黑色衫嘅部長(?)話今日芋頭唔夠粉，提返我地呢兩樣係我覺得好加分嘅點而且佢地知我地屋企人係潮州人會問下啲嘢好唔好食啱唔啱胃口感覺好有心機好跟住就到食評啦方魚蠔仔粥：原本仲擔心會整到廣東粥咁綿，一嚟到好多蠔仔，粒粒米分明，粥好鮮甜，仲有靈魂白胡椒粉呀媽仲嗌多碗拎走，外賣會連一盒仔胡椒粉，係最滿意嘅一道菜鹵水拼盤： 因為媽唔食得鵝，所以揀咗腩肉，墨魚，豆腐，豆腐超滑，唔算鹹，點埋醋食啱啱好不過鹵水可以再入味啲咕嚕肉：呢個真心要讚！唔會食到成口粉，冇骨，豬肉應該揀咗里肌肉，所以甘甜肉味而且彈牙唔會散，醬汁掛得住，可以餸幾碗飯酸菜胡椒豬肚湯：胡椒味比較濃，豬肚份量都唔少，冬天飲會好暖身，唔會太鹹金銀蛋上湯大白菜：兩個字，鮮甜水晶包：姐姐見我地食曬之後先上，似熱嘅湯圓🤣好香蓮蓉味平時冇乜寫食評，但今次意外地service好好，啲嘢食都好滿意，應承咗姐姐寫上嚟，影得一幅相下次一定

午餐，下午茶，晚餐都食過，行政午餐不時轉款式，鹽焗雞和南乳花生豬手出色，二人套餐超值，胡椒豬肚湯正，味道似新加坡肉骨茶，至尊鹵水拼盤份量大，價錢合理，水晶包改用籠上比較好，因碟上較多水。員工服務態度親切，耐心介紹，一定會再幫襯