翠林辣蟹舫

呢間蟹店真係食過翻尋味，之前食過兩次，都覺得好正。今次朋友無啦啦講話想食蟹，我又諗翻起呢間，宜家變成網紅蟹店，個日同fd過來都見到幾full下。.今次依然都有做promote，每個月都有更新優惠菜式。鎮店招牌蟹和小菜都有8折優惠！.椒麻香辣蟹 次次過來食個size都係差唔多大，兩個蟹鉗超大隻。蟹肉帶有濃濃的鮮香味，口感厚實。香辣味不算太辣但好入味，食到流連忘返。.黃金流沙蝦球超級大隻嘅黃金蝦球，入面嘅蝦肉肉質鮮嫩，咬勁十足。搭配沙律可以解膩。.蜂蜜醬燒黑毛豬排 一開始端上來係一排，之後侍應再幫手剪開。黑毛豬肉肉質滑嫩多汁，唔係全瘦肉，有少少肥肉，但肥而不膩。.蜂蜜燒汁牛柳粒土豆粒好香口，牛柳粒嫩滑味濃，再加上淡淡蜂蜜味，一流！

翠林辣蟹坊有八折優惠，非常抵食！menu小菜非常多選擇，好吸引。泡椒鳳爪，泡椒味滲入雞腳，味道帶微辣有點刺激感！份量6隻都幾好肉，幾正既餐前小食。冰鎮拔絲咕嚕肉，即叫即整熱辣辣！質感香脆可口脆卜卜，味道唔會過酸，味道剛剛好，醬汁剛掛在咕嚕肉表面，夠味之餘還 keep到脆口感覺，幾有功價既一道張菜！避風塘炒蟹，蟹大大隻，蟹蓋帶點膏香！而蟹鉗差唔多有3隻手指咁粗！肉質好夠鮮味，炸蒜粒底超惹味又脆口，賣相夠靚仔而又真材實料！黃金鱔球，粉漿夠薄，黃金咸蛋王香味獨特，沙沙地既感覺幾正，鱔球幾厚肉，啖啖肉好好食！唔會過油膩，食多幾件都 keep到爽感！

依間網紅蟹店以前都有聽過，係門口已經見到好多明星同老闆既合照，就咁睇個門面已經好有份量😂，但係餐廳都冇咁而態度唔好，反而仲好熱情好nice ☺️。而餐廳都會每月更新優惠菜式，可以留意住有岩就黎食🤣。-💕 黃金流沙蟹 👅好味指數：8/10一黎到已經勁香鹹蛋黃味😍，成隻蟹佈滿鹹蛋黃粒，蟹鉗唔難拆，拆開後每隻都好厚肉，肉質嫩滑一咬即散開☺️而且juicy，而其他既蟹蓋肉都經過炸後，蟹膏蟹肉變得更加香口惹味😍。-💕 生炸蝦球👅好味指數：8.8/10依個好驚喜😳，好大粒😍炸過後好香脆，蝦肉餡勁多而且仲有小小蝦膠煙韌感👍🏻必食❗️-💕 百香果一字骨👅好味指數：8/10依個岀奇地好食，一字骨份量都好多，脂肪比例會多小小，食落勁軟腍☺️而百香果味唔係醃左入去的，所以唔怕味道會好重，而係最後先滲出淡淡既百香果香，有啲似西檸雞咁樣☺️。-環境：8/10服務：8/10整體味道：8/10回頭率：8/10

難得同母親大人撐檯腳，在OpenRice選了這間好評頗多的海鮮中菜館。2人被安排坐卡位，空間頗闊落。Menu除了招牌蟹和海鮮外，還有不少中菜選擇，部份更有8折優惠，非常吸引！黑白胡椒蟹 $688 (8折)眼見每桌必點的鎮店招牌蟹，當然寄予厚望，最後吃得津津有味，非常滿足！雖然有8折優惠，但並沒有將貨就價，不但新鮮高質，而且足秤爆肉。黑白胡椒味道濃郁，不嗜辣的我也很受落這種惹味，夾雜的炒洋蔥也是入味的精髓所在。吃到最後稍為冷卻後，沒想到味道更加突出，不得了！福花小魚 $188本身對椰菜花或西蘭花都不太有好感，但這個福花，即福建椰菜花的口感介乎於兩者中間，比西蘭花軟腍，但比椰菜花爽口，初試有驚喜！每條魚仔都炸得香脆乾身，整體很有下酒菜的感覺，而且份量不少，滿足！山楂汁鱔球 $148山楂餅就吃得多，以山楂汁製成的小菜則是第一次嘗試。鱔球無骨啖啖肉，包裹著一層脆卜卜的炸漿，淋上酸酸甜甜的山楂汁，有創意而且味道不錯。香芋蝦肉浸蛙蛙菜 $128吃完濃味的黑白胡椒蟹，需要清淡的小菜Balance一下。蝦肉、蝦米、芋頭、芹菜、紅椒等多款配料，配上清甜的湯底，簡單的蛙蛙菜提升到不同層次。

難得返工後可以約朋友食晚飯,我地揀咗位於尖沙咀呢間專門食避風塘炒蟹既中菜館-翠林辣蟹舫翠林辣蟹舫頗有口碑, 好受旅客同名人歡迎,餐廳正門可見到好多明星餘老闆既合照,相信質素都有保證👍來到翠林辣蟹舫當然係要食肉蟹啦! 翠林辣蟹舫有5大招牌炒蟹菜,包括: 避風塘香辣蟹, 蟹醬焗香辣蟹, 黄金流沙蟹,椒麻香辣蟹同黑白胡椒蟹. 我地試咗黑白胡椒蟹. 肉蟹分量都唔食,蟹鉗啖啖肉. 店家都十分之貼心,隨蟹仲有個蟹鉗叉同一次性手套,方便剝殼用同唔會整污糟手. 黑白胡椒蟹冇避風塘炒蟹或黃金流沙蟹咁油膩. 黑白胡椒都好惹味,啱啱好中和咗蟹本身既寒涼. 惹味得黎又食到蟹既鮮甜.👍🏻至於其他小菜都好出色, 其中最令人喜出望外既係山楂汁鱔球. 酸酸甜甜既山楂汁配上香酥可口既炸鱔球味道一流. 而且鱔球冇乜骨絕對啱一家大細食用. 我覺得係翠林CP幾高既一道菜式.頭抽煎五花腩: 啱曬中意食肉既朋友,送飯送酒一流! 乾煎五花腩不但唔油膩, 而且瘦多肥少, 食多兩塊都唔覺得滯. 另外分量都幾大,一碟都有10大塊.🤪香芋蝦肉浸娃娃菜: 雖然簡單但娃娃菜同芋頭勝在新鮮嫩口. 夥計都笑言呢道餸自己返屋企都可以整到. 可見翠林

💫黃金流沙蟹（$688）招牌黃金蟹，濃郁的蛋黃包裹著蟹肉，咸蛋黃愛好者 必選❣️❣️ 用咸蛋黃包裹下去炸，每寸外殼都沾著薄薄一層咸蛋黃，果然是吮指美味。💫上湯娃娃菜一道簡單而美味的菜，用上湯，帶出娃娃菜的清甜，配料有蝦米、冬菇、肉粒等，味道爽口，清新。 💫 水煮牛肉（$118） 太香了，又香又辣，牛肉嫩滑，素菜味道也非常恰到好處，連湯都好喝，適合撈飯。肉量份量多，性價比高💫 柑桔汁一字骨（$118）柑桔汁酸酸甜甜，配一字骨，好特別！成件事好奇妙😆好開胃嘅一道餸！餐廳環境好舒服，適合多人聚餐！餐廳每月會更新菜單，係好出名嘅網紅店，值得推薦

尖沙咀呢間食蟹嘅專門店好似都開咗幾耐，每次經過都好多人，據說係好多網紅KOL經常推薦既蟹店，而且每個月都會更新優惠菜式！今日終於比我試到😍，七點鐘入到去都差唔多全場滿座！入面嘅姐姐同哥哥都好nice，用餐體驗一流😍#避風塘炒蟹 $688再8折上菜見到wow一聲，隻蟹真係超大隻，而且避風塘嘅料都勁多又惹味。蟹有走過油，好香口，而且隻蟹好多肉，唔會淨係得個殼。#食神炒飯$188呢個炒飯嘅造型超得意，係一條錦鯉嚟㗎。有好多蟹籽鋪喺面，飯粒炒得好乾身，夠曬鑊氣，仲有好多配料，口感十足。#香芋蝦肉浸娃娃菜$128呢個上湯浸娃娃菜超級足料，有好多芋頭、肉碎、蝦煮上湯，娃娃菜入晒味🤤#黃金流沙蝦球 $48呢個蝦球表面裹滿蛋黃碎，蝦肉彈牙又大隻。仲有個碗仔裝咗啲沙律，解膩一流。一言記之曰：『正！』#翠林辣蟹舫📍尖沙咀亞士厘道24-38號天星大廈1樓A號舖

避風塘美食避風塘可以係一個地方亦可以係一種料理方法。真真正正起源於香港嘅產物。避風塘炒蟹街知巷聞是能夠代表香港的有著名海鮮菜式，以香辣惹味見稱。主要材料是肉蟹，並且與蒜頭、乾蔥、豆豉、辣椒、香茅混合而成的醬料一起爆炒而成，不同的店舖會有各自的秘方。香港從前是一個漁港，稱為水上人的漁民的家，就是他們漁船，沿海的避風塘就是漁船小艇的必要設施。由於漁船無法存放容易受潮變壞的調味品，水上人習慣以一些能夠長期保存的薑、蒜、蔥、豆豉、辣椒等為配料，加上他們的漁獲，避風塘炒XX就成為他們一道特色美食。因此吸引到一班老饕上船品嚐，由於有價有市，避風塘漁船餐廳應運而生，銅鑼灣避風塘的出品更被稱為正宗。隨着時代發展，受填海工程、衛生及食肆管理問題影響，70 年代末尾，香港政府便停發漁船餐廳牌照，呢一類餐廳就被迫上岸。先有灣仔謝斐道、洛克道一帶及銅鑼灣鵝頸橋底開設熟食攤檔，避風塘炒蟹亦有另演變而成為橋底辣蟹。以往香港漁獲豐富，可以用新鮮海鮮，但現時已經不足以滿足懂得食的香港人，打正正宗旗號的避風塘炒蟹，實際上多家已改用入口的高質菲律賓、越南肉蟹或澳洲泥蟹。所以已經演變成有香港特色的烹調方法。今次試呢一間餐廳

媽媽因睇完某d KOL介紹，形容到天花龍鳳！指明要食……可惜成餐飯都感受不良好😑上枱只有一個殼兼且係乾淨到一個點！極度懷疑重用又重用。個雞鮑翅又係令人感覺不良好！原煲拎過嚟 過影相，然後拎返去廚房分！？分咗超過10分鐘，就拎一碟雞過嚟話係煲翅隻雞….一睇就知唔係同一隻🐓⋯⋯然後再過幾分鐘續碗翅上枱，家人食完問應該仲有剩？侍應話無曬啦，係咁多！我哋有疑問點解唔喺枱面分碗？連屍骸都見唔到。咁樣做生意欠老實囉！結論係：無服務可言，收$10位 同花生$18再加一，又四捨五入 收錢，根本係營業手法好有問題。經OpenRice 訂位優惠提供指定餐牌有8折，店員推介時 不時強調有折，但最後埋單得3樣係有折，其餘是收取正價。有啲係語言藝術….坐低就不停只顧sell貴餐，平則2千幾@4位用，再嚟就3千8@4位。話有幾好食 幾抵食 食啲靚啲嘅乜乜乜。落完單隔一陣又問食唔食燒鵝？隔多一陣又問試唔試吓咕嚕肉？新菜式喎😒😒點先，都嗌咗幾個貴價餸 都不停sell所謂瀨尿蝦要3百幾@隻，質素係好一般，同一價口喺其他地方會好好多。雞煲翅味道係正常水準，但係有疑似偷龍轉鳳成份，並唔係枱面分碗，雞又唔係原煲隻雞….隻雞太

同屋企人食飯, 揀間食中菜既餐廳一定冇錯, 自己又私心想食海鮮, 就揀左呢間食蟹既餐廳餐廳係尖沙咀, 晚飯時間都幾多人, 好彩我一早BOOK 定位, 餐廳都有大卡位坐, 張枱夠大, 放晒食物都唔會好迫😙食物方面, 有好多款唔同既小菜可以選擇, 有海鮮頪既, 又有小炒類既, 有D仲要係平時好少見既菜式, 仲有部分菜式做緊8折! 連佢既招牌蟹都有8折, 我就梗係叫返隻黎食LA!😛黃金流沙蟹: 見店員拎上枱就已經覺得好有氣勢, 蟹既份量十足, 兩個蟹鉗超大隻, 店員見我唔夠力, 仲主動幫我開蟹鉗, 開完見到入面啖啖肉! 加埋佢既鹹蛋黃同麵包糠整成嘅流沙，蟹肉甜得來又有流沙嘅脆口，真係超正😍😍😍山楂炸蝦球：呢個又係好正嘅炸物，佢嘅蝦爽口彈牙，足足有成個手掌心咁大，炸衣又夠薄，真係十分滿分🥰柑橘汁一字骨：呢個一字骨嘅醬汁，有好特別甘甜味道，骨嘅肉煮得好入味，襯埋飯一齊食，相當唔錯☺️香芋蝦肉浸娃娃菜：食咗咁多肉梗係要叫返碟菜啦，估唔到呢道菜都咁有驚喜，佢唔係普通嘅上湯浸娃娃菜，佢個菜應該係用高湯嚟煮嘅，入面嘅配料十分足，令到佢嘅鹹鮮味出晒嚟，連個湯都俾我哋飲晒😋呢間餐廳嘅小菜真係冇得彈，屋企人都食

家中長輩想食蟹, 一行三人帶佢出嚟呢度食, 諗住叫隻蟹、叫個翅要啲小菜, 餐牌蟹$688再八折, 個肥老細出嚟, 笑口噬噬, 左手一隻大蟹（真係好大喺街市未見過）,右手一隻bb蟹, 大隻就$988, 細隻就餐牌價$688, 咁見老人家想食蟹咁貴少少冇所謂, 叫咗一鍋翅, 再加個$288酸菜魚, 因為諗住人少隻蟹大以為夠, 點知老細有啲黑面, 好似嫌我哋叫得少嘢食, 事後先知怪錯咗老細.........隻蟹上枱, 根本係街市220蚊斤嗰啲貨色,唔覺特別大, 完全唔會係老細攞出嚟嗰隻, 唔怪得知老細嫌我哋叫得嘢少, 原來驚我哋唔夠飽。只見老細攞住嗰對大小蟹穿梭各枱, 係咁遊說啲食客大個隻, 結果當然上當多啦, 仲要最後埋單原來$988嗰隻蟹係冇八折, 要細蟹先有八折, 根本無論你食幾多錢蟹, 大細唔會差太遠, 埋單差唔多$1800, 咁唔老實冇下次!

本身係另一間餐廳預訂咗大閘蟹放題 點知發生啲不愉快事件 嗰間餐廳話我哋冇訂到位 總之冇得食🥲 所以就諗起呢間係位於尖沙咀嘅蟹店 呢間辣蟹舫質素唔錯 而且有好多好評 喺呢間店上嚟嗰陣 見到門口有好多同明星影相嘅合照😮濃湯大花膠雞呢部係店員極力推介嘅一個燉湯 要成588一窩 本身都諗咗一陣 但係見佢咁落力推介就試吓啦😂 飲完第一啖就覺得物超所值啦 呢鍋湯真係好杰身 係花膠嘅膠質 而且雞味好濃郁 絕對係真材實料避風塘炒蟹呢個係呢間店嘅招牌菜 當然要過一個想食蟹嘅口癮🤭 避風塘炒蟹以一隻一隻咁計算 Size唔算太細而且避風塘脆脆超級好送飯🦀 蟹亦都好有鮮味 蜜桃咕嚕肉咕嚕肉外脆內軟 又冇骨 醬料調得唔算太酸亦唔會太甜 所以都有想一舊接一舊嘅諗法🐷酥炸蠔仔餅呢碟對我來講就太過熱氣 因為呢碟蠔仔餅炸得好乾 的確係好脆嘅 但係我會鍾意食潮式嗰種蠔仔餅多啲😗黃金流沙蝦球呢碟又係店員極力推介嘅 價錢係逐隻叫嘅 賣相的確幾靚 一隻好大嘅蝦係啲米通上面🦐 再配埋面頭嘅黃金餡 的確係好好食亦都好有鮮味呢間餐廳雖然價錢唔平 但係以食物質素嚟講 性價比都幾高😺 個人覺得燉湯同埋流沙蝦球比蟹更加令人有驚喜

前排收工 公司成班人就諗住食個飯美女老闆就揀咗呢間 因為同事先後來 所以我坐低之後 已經點好晒嘢食但係唔好意思 因為呢一路飲酒 一路傾偈 好多唔記得咗影相😭😭 ⭐️椒鹽豆腐裏面豆腐好嫩 外面皮 薄夠脆好食超快俾人秒吃了⭐️黃金流沙蝦球呢個好食！啲肉質大大隻又彈牙⭐️避風塘八爪魚我記得呢個同事都話好食⭐️醬油午餐肉炒米呢個每個同事都話好好食！我哋問個肥仔叔叔有冇家鄉炒米粉 佢話有呢個 午餐好似都有供應 平d 建議大家揀呢個⭐️醬油滷鵝同事話肥哥哥極力推介啲呢個 但係大家都冇乜點郁過 因為呢碟嘅肥膏好多 同埋唔係好入味 呢個係伏🥲⭐️炒辣蟹（有避風塘 &有黑胡椒）一見到個樣嗰陣覺得 嘩！係好大隻呀 但係事後知道其實一隻蟹差唔多$1000 每人食得過一舊仔 性價比極低 窮L表示好貴🥲總結我覺得食其他小菜都OK 但食貴嘢本人就唔建議😂😂😂（因為都唔係太好食）

聽朋友介紹黎呢間尖沙咀餐廳食蟹尖沙咀站出黎亞士厘道 行過少少天星大廈既1樓蟹既煮法都有五種 最傳統既薑蔥同避風塘 就食過啦諗住試下黃金流沙仲有蟹油醬，同胡椒 好似都ok見格離台避風塘炒係勁多香蒜 炒到一粒粒黃金流沙蟹都等左大半個鍾先上菜蟹鉗勁大隻 啖啖肉潮式酸菜魚佢唔係用平價魚佢用龍躉 但份量就唔算多相對其他餐廳就普通

一直好鍾意食蟹🦀🦀🦀久聞尖沙咀有間食蟹好出名嘅鋪頭，所以早前就去試咗～餐廳格局適中，味道都唔錯，唯服務態度可以再改善整體評分：6.9/10味道：7/10服務：6/10環境：6.6/10人均消費：$100-200地址：翠林辣蟹舫 (尖沙咀)尖沙咀亞士厘道24-38號天星大廈1樓A號舖避風塘炒蟹：餐廳有5款煮法比我揀，包括避風塘，黃金流沙，蟹油醬，薑蔥同胡椒，我就揀咗最人氣嘅避風塘炒蟹🦀一嚟到時好有視覺衝擊！面頭有成座小山一樣嘅香蒜！隻蟹又大隻，雖然唔多膏但食落啖啖肉超級惹味😍😍😍令海苔脆脆：上面舖咗少少海苔，食落又甜又香脆😋😋😋