翠林辣蟹舫

呢間蟹店係尖沙咀一直幾有名氣，網紅店，第二次去發現原來餐廳會定期更新menu。今次唔食蟹試下其他餸先～.醋香手拍青瓜 $48開胃涼菜，醋酸加蒜蓉既青瓜，衝擊味蕾！.椒麻酸菜魚 $288足料創新既酸菜魚，魚肉厚實彈牙，大大塊食特別有嚼勁！調味配料比較特別，有炸蒜、青瓜、酸菜、雲耳、蓮藕，比市面上較為Free Style！.海皇賽磅蟹 $138厚厚蛋白好有層次感，甜甜帶綿，仲有帶子切粒、蝦仁、三文魚籽配搭，感覺都好清新！.燒汁煎厚切牛脷 $138不得不讚歎呢款牛脷真係勁厚勁大塊，而且煎得好香濃，最重要每舊都好好咬口，一啲都唔韌！呢款送酒簡直一流！.依家7月份只要book咗枱又有嗌蟹仲每人送一個黃金流沙蝦球添。

叫得做蟹坊 嚟到當然係要食蟹啦🦀個招牌避風塘炒蟹 真係好正😍大大隻蟹 加上面頭大量嘅蒜頭🧄一齊爆炒 食落勁香口好濃郁 仲有少少辣味 非常之惹味🌶再加埋鮮甜嘅蟹肉 真係冇得頂！

突然有鋪想食海鮮嘅癮，見到呢間餐廳今個月做緊訂座優惠，如果有消費招牌炒蟹其中一款，就有每人一個免費黃金流沙蝦球，於是帶屋企人試吓！而呢個優惠佢每個月都會更新一次，每月都有唔同優惠菜式推出比大家！新加坡酸辣蟹嚟到呢度一定要食佢嘅招牌炒蟹，是次嘗試左新推出口味，新加坡酸辣汁帶點東南亞風味，酸酸微辣好開胃，越食越過癮，送飯一流！蟹肉好新鮮同厚肉，掛汁入味。黃金豆腐作為餐前小食份量夠曬誠意，一磚磚金黃色迷你一口size，脆卜卜的外皮，內裡軟滑濃郁的豆腐，夠鑊氣的椒鹽蒜香味十足，香口惹味！粟米石斑塊鮮美軟綿的石斑魚肉，被薄脆的外皮包裹，搭配濃稠的粟米粒白汁甜而不膩，口感豐富。呢個真係可以當作小食咁食，送飯啖啖肉一流！沙爆魚肚浸勝瓜爽口魚肚搭配軟滑鮮甜的勝瓜，食完之前幾道濃味菜式，食返啲清淡時蔬就啱晒啦！由期係食咗咁多肉同炸嘢，食返呢個解下膩就岩曬

中意食蟹的我，特登去搵呢間網紅蟹店🦀，位於尖沙咀的「翠林辣蟹舫」，好多明星都幫襯過嘅得獎店舖！避風塘炒蟹🦀 $688/隻毫不客氣用上大量韓國炸蒜頭🧄嚟炒，香味更突出，蟹肉結實鮮甜，帶有少少香辣非常惹味，蟹鉗大大隻一啖咬落去「爽」👍🏻不愧為鎮店招牌菜！香芋蝦肉浸娃娃菜 $128湯汁非常鮮味，有蝦乾嘅鹹香，肉碎鮮甜，炸芋頭軟糯，娃娃菜吸收晒啲湯汁好正！😋蜂蜜燒汁牛仔粒 $128牛仔粒軟韌適中，蜂蜜配上黑椒粒香香甜甜，送飯一流😍黃金流沙蝦球 $Free只要點招牌炒蟹每位就可以送一客，用上越南大虎蝦好彈牙，加上鹹蛋黃流沙炸得香脆又唔會乾！店員服務熱情細心，期間隨時注意幫你換骨碟，亦都會同你介紹每一道菜嘅用料！☺️

講到避風塘炒蟹必定講呢間翠林辣蟹舫，先可以食到正宗香港嘅避風塘炒蟹😝一入到餐廳，二話不說先order個避風塘炒蟹先單喺擺盤已經好岩打卡，採用越南肉蟹，單係蟹錘已經啖啖肉，配上炸成金黃色嘅蒜蓉、辣椒等，食落香辣惹味！口感嫩滑入味，而蟹預先分拆好，方便易食！作為招牌菜果然名不虛傳！另一款必食係椒麻酸菜魚，每件魚都又肥又滑，辣度同麻度都剛好，而且份量教唔少，2 -4人食都好夠，湯底味道控制剛好，唔會過咸或食完好口喝，原來唔止食蟹出色，酸菜魚都好不錯！小菜就叫咗蜂蜜燒汁牛仔粒😝絕對配飯一流，蜂蜜配燒汁甜甜對每粒牛仔燒都沾滿醬汁入味嫩口，薯仔煎香過帶蜜甜，味道剛好，令人食慾大增！另一款必食黃金膳球，件件都大大去骨白膳球，炸到金黃色，肥美而滑嫩，放係咸蛋黃脆沙堆，好邪惡！但食落充滿咸香而香脆，同朋友真係覺得好正呀☺整體每道菜都係水準之上，果然係明星飯堂😝下次要再試埋佢其他菜式😋翠林辣蟹舫🦀尖沙咀亞士厘道24-38號天星大廈1樓A號舖

之前食過2次，今次同同事再encore,點知出事啦，嚟咗一隻死蟹，蟹肉明顯地”梅”, 明顯係一隻死蟹，其實落單時都覺得怪怪地，佢避風塘炒蟹比較出名，但推介我哋叫另一種更加重口味嘅煮法，一上枱就知道賴嘢，另外叫咗一個食神炒飯，唔知係我哋嘅問題定係佢嘅煮法係要炒燶咗先得，海鮮叫咗蟹，七個人一隻，14個人均分3個雞煲翅，其他係小菜，人均5佰幾，唔算好飽，唔太推薦

建議親朋戚友👨‍👩‍👦‍👦一齊去食，每款菜式真係睇得又食得，質素絕對對得起價錢😤 每月亦更新優惠菜式，8折為返抵食好多呢家7月訂座同時order 招牌炒蟹，更送每人一個黃金流沙蝦球，啲優惠🈹加加埋埋真係吸引🦀鎮店招牌蟹包括: 避風塘炒蟹、黄金流沙蟹、黑白胡椒蟹、椒麻香辣蟹、香辣蟹醬炒蟹*黄金流沙蝦球🍤 $48/隻極力推介之一，用新鮮越南虎蝦，將表面沾滿鹹蛋黃脆沙包，食落結實彈牙，口感一流😍🤤*黃金豆腐 $68 每粒金黃色脹卜卜，炸漿好薄，外脆內軟，豆腐好滑，豆味濃到好似食緊豆腐花🤤*冰鎮拔絲咕嚕肉 $148皮薄鬆脆，個汁調得岩岩好，酸甜度好平衡👍🏾 旁邊仲有好多紅椒，青椒，蜜桃伴碟*避風塘炒蟹🦀 $688/隻原隻越南肉蟹，走油連蒜蓉沙一齊炒，好香口酥脆😆蟹殼都好軟身好易敲，肉質紮實爽口，辣度適中，完全無蓋過陣海水味，每啖食到蟹既鮮甜😍 蟹蓋仲有啲膏

之前嚟過呢度食晚飯，發覺呢度除咗食蟹勁正之外，小菜都係好有驚喜同水準。今日同媽媽專誠嚟呢度食蟹以外嘅選擇。呢度好旺場，我哋冇訂位，好彩有位唔駛等。黃金豆腐好有水準的一個小食，媽媽讚不絕口。每粒豆腐都炸得好靚，金黃色，而且完全冇油。豆腐外脆內嫩滑，脆漿好薄有少少椒鹽味，好惹味，再沾上少少泰式酸辣醬食，真係食唔停口。蜂蜜燒汁牛仔粒賣相擺盤一流，炒得好有鑊氣，薯仔粒外層少少脆，入邊粉嫩，牛仔粒啖啖肉，不會嚡，每粒薯仔及牛肉都均勻佈滿了調味剛好嘅黑椒蜜糖汁，冇得輸。黃金鱔球賣相一流，好邪惡嘅一個菜式。鹹蛋黃脆脆香氣撲鼻，好甘香。鱔球大大塊，炸得非常酥脆，炸粉一點也不會厚，鱔肉不會腥，鱔皮囗感Q彈。椒麻酸菜魚呢個酸菜魚好有驚喜，一大盤，估唔到嘅係魚肉係用上了貴價龍躉塊。龍躉大大件，份量好多，而且好新鮮。肉質紮實不會嚡。魚皮夠晒厚，骨膠原豐富，口感Q彈，就像是吃緊花膠。湯底的麻辣味和酸味，好平衡，而且龍躉的精華都響晒湯裏面，好鮮甜。配菜有雲耳，蓮藕片，芹菜，酸菜等等，吸入湯汁非常好吃。總括而言，這家的小菜一點也不會比他們的招牌蟹失色，全部都有水準。而家餐廳搞緊推廣，凡在七月訂座，消費招牌辣蟹就每人

好好味黑白胡椒蟹😍今次終於約朋友食中菜，因為近排見ig有人食大大隻蟹好吸引，我哋都忍唔住去試吓，叫咗幾樣嘢都好味😋黑白胡椒蟹佢啲蟹有分普通蟹同勁大隻嘅菲律賓蟹，我哋兩個人叫咗普通蟹已經好夠食。佢有好多唔同嘅做法，其實款款都想試，最後揀咗黑椒。佢用好好味嘅洋蔥煮嘅黑椒汁，隻蟹切開幾舊，所以好入味，隻蟹勁肥滿，啖啖肉，好好味呀☺️下次一定會再去試其他口味。食神炒飯一定要食呢個炒飯，真係好好味，除咗大量蝦粒、蟹子，仲有類似豆角嘅嘢，炒到夠乾身夠入味😋一個人食兩碗飯都唔過分。沙薑鹽水鵝鵝雖然好肥，但佢嘅味道整得好好，沙薑嘅香味減少鵝嘅so味，怕肥嘅我都忍唔住食咗幾舊。蕃薯苗平時自己點炒都唔好食，佢用豬油渣炒，雖然油咗啲，但真係炒得好好味。見隔離人多點咗三隻唔同口味嘅蟹，正呀，人多就可以食多幾個餸，下次帶埋屋企人去食先。

今日同朋友🧑‍🤝‍🧑去尖沙咀搵食，佢帶咗我去一間係尖沙咀都開咗幾耐下嘅餐廳，叫做（翠林辣蟹舫）呢間辣蟹舫唔難搵，係尖沙咀a1出口行三分鐘就到。朋友之前嚟過食過幾個招牌菜都讚好，所以今次照板煮碗叫番一模一樣嘅菜。朋友仲話呢間係網紅店呢，每月都會推出一啲特色小菜。上菜前侍應畀咗一碟餐前小食（椒鹽花生🥜），可以慢慢食住等。話咁快啲菜已經上枱。話梅涼瓜：出面冇食過呢款配搭嘅菜式，佢哋用話梅檸檬去浸涼瓜，估唔到個味道咁突出，而且咁夾，酸酸甜甜好開胃。黃金流心蝦球🦐：店員話係佢哋嘅得獎菜式，個蝦球好大隻，而且炸得好香脆，食得出好新鮮，就連去用嚟墊底嘅炸米都食得。椒麻酸菜魚🐟：一上枱已經聞到好香椒麻香味，店員仲話佢哋嘅魚唔係普通街邊餐廳嘅貨色，係用深海大龍躉🐟切片做，佢話睇個皮有幾厚就知條魚有幾大條，真係食落去啖啖骨膠原，而且一啲都唔鞋，仲好滑，而且個湯底一啲都唔咸，仲好有鮮味。花膠炒甜豆：一個天一個地嘅材料，既然可以咁樣配搭，花膠好大塊又軟又滑而且好夠火候💥，配埋荷蘭豆一軟一脆，十分之夾。原來食蟹🦀仲有特別優惠：‼️7月只要訂座在餐廳消費招牌炒蟹就可以免費每人一個黃金流沙蝦球‼️

心血來潮想食炒蟹😝😝咁同行朋友就話去呢間網紅蟹店晚餐啦！佢哋每個月仲會有新嘅優惠菜式！去到仲見到7月份訂座喺餐廳消費招牌炒蟹！就可以每人一個金流沙蝦球(今次咁即興冇訂定位先添😂大家去食記得訂位喇). ✨ 避風塘炒蟹 $688 (八折)氣勢滿分‼️成隻蟹好有份量又啖啖肉！加埋以炸蒜香葱辣椒等嘅避風塘式炒法無敵惹味呀😍😍果然係招牌炒蟹！. ✨ 黃金豆腐 $68 (八折) Be大愛呢款餐前小食😋極脆外皮炸粉完全唔會厚！內裏嘅嫩滑豆腐係入口即化嘅境界 ！食得出係考功架之菜式！！. ✨ 黃金鱔球 $128 (八折) 香口嘅黄金菜式係食小菜經常點燈嘅款式！改以鱔嚟製作又幾有新鮮感！以海量鹹蛋黃脆脆包裹住🤩🤩內裡嘅鱔肉唔腥又軟嫩！. ✨ 蜂蜜燒汁牛仔粒 $128 (八折) 即係平時食嘅薯仔牛仔粒啦❤️牛肉醃得夠腍又入味！Be個人覺得沾滿咗蜜汁嘅薯仔更係成道菜靈魂所在！

呢間專食蟹嘅中菜海鮮餐廳開業咗好多年，好多明星都捧過場！我記得幾年前嚟呢到食呢度嘅避風塘炒蟹套餐，到宜家都仲歷歷在目😌 事隔咁耐返嚟再食，分享比大家😋✦ 鎮店招牌蟹 - 避風塘炒蟹｜$𝟔𝟖𝟖/隻 (𝟖折: $𝟓𝟓𝟎.𝟒)除咗避風塘炒蟹，仲冇黄金流沙蟹、黑白胡椒蟹、椒麻香辣蟹、香辣蟹醬炒蟹選擇👍🏻 全部都係用上韓國蒜頭炒，完全冇混入麵包糠，勁香口惹味🥰 蟹肉啖啖肉😋 ✦ 翠林椒麻酸菜魚｜$𝟐𝟖𝟖嚟呢度真係未食過酸菜魚，好有驚喜！首先賣相好靚好大盤，然後係用上龍躉魚肉😍 啲皮勁滑勁厚好多骨膠原啊🤪 呢個價錢食到咁靚嘅魚，而唔係其他地方咁用上鱸魚，非常值得一讚👍🏻 份量都算多，而且麻辣酸味味恰到好處，可以飲啖湯☺️ 唔算好辣啱晒大眾口味～✦ 食神炒飯｜$𝟏𝟖𝟖又係賣相一流，成條錦鯉形狀😯 仲有蟹籽鋪喺面做埋裝飾，呢碟炒飯真係勁好食！飯粒炒到粒粒分明超彈牙，加埋蟹籽口感更爽脆，配埋蛋香，味道唔會太濃！勺完再勺嚟食，必點 👍🏻✦ 山楂汁虎蝦球｜$𝟒𝟖/隻好大隻虎蝦係入面夠晒彈牙，炸粉好脆又唔會油膩，加埋酸酸甜甜嘅山楂汁好開胃😉💬 𝐎𝐯𝐞𝐫𝐚𝐥𝐥：餐廳環境比之前更舒服闊落，而且食物種類好多，用嘅食

尖沙咀呢間網紅蟹店好受歡迎平日晚上餐館座無虛席 好熱鬧我哋兩個人叫左三款食物🔸山楂汁鱔球醬汁酸酸甜甜 食落好似咕嚕肉汁咁白鱔去咗骨 大啖食都唔怕 外面有一層薄薄嘅炸粉 入口酥脆做到外脆內軟 口感一流🔸避風塘炒蟹🦀🦀🦀主角出場!!! 炒蟹呈金黃色 賣相非常吸引 面頭鋪滿海量炸蒜 帶點辣味 好邪惡隻蟹真係好大隻 份量十足蟹鉗啖啖肉 肉質鮮甜嫩滑 超正 餐廳好貼心地提供埋手套 剝殼都唔會整污糟隻手👍🏻🔸食神炒飯擺碟好有心思 係鯉魚造型味道都好惹味 米飯炒到粒粒分明配料有蝦仁 蛋 同豆角有蟹籽 食落更有口感

今晚有新菜牌先食為快😋過兩日正式推出謝謝寶林姐及英哥安排! 朋友食到個個讚不絕口😋以下是一些推介，大家可以試下！避風塘炒蟹 (鎮店必食)話梅涼瓜 (酸甜開胃)黃金流沙蝦球 (熱辣辣啖啖肉)黃金豆腐 (脆口軟滑)冰鎮拔絲咕嚕肉 (推介之選)山渣汁鱔球 (做法特別)蟹醬餐肉炒米粉 (惹味多餡)蔥油脆魚片 (底下還有金菇)古早味紅糖糕 (入口軟滑)海苔脆脆酥 (懷舊回味)過兩日又有朋友生日，又訂了枱，今次有間私人房，夠晒私隱呀！

收到喜訊，於是先生話今晚食好啲，帶我去尖沙咀的網紅蟹店。餐廳光猛闊落，有卡位和大圓枱，人多或人少都坐得舒服。食物方便有海鮮和各式小菜，還有燉湯、濃湯花膠等。鎮店招牌蟹和小菜都有八折呢。避風塘炒蟹（$688八折）超級大隻越南蟹，鋪滿厚厚的炸蒜，放在紅色牌坊之下，非常有氣勢，難怪稱為鎮店招牌！味道少辣惹味，蟹肉結實鮮甜。店員準備了夾子給我們夾開蟹鉗，另外有主動換了幾次骨碟，服務很好。山渣汁鱔球（$148八折）炸漿脆薄，鱔肉大片啖啖肉。甜酸的醬汁掛面又不會浸腍脆皮，不錯。食神炒飯（$188）錦鯉造型很搶眼，飯粒乾身有鑊氣，而且加了少許煙韌的意大利長野米，健康又有口感。每啖飯都有餸：蟹籽、蝦仁、青豆、嫩蛋，真是食神級數。