翠林辣蟹舫

营业中

休息中

近排發現尖沙咀呢間食辣蟹既餐廳做緊八折優惠，急不及待就約朋友去食，餐廳門口貼滿老闆娘同明星合照，水準一定有保證，餐廳座位闊落，窗邊卡位可以望到街景特別舒適，店員服務好細心周到，食物注重擺盤，別具心思。避風塘炒辣蟹 
先將越南大肉蟹油炸至半熟，再混入已油爆既自家製秘製香料及香蒜，再落鑊再炒至全熟，蟹肉肉質結實，真係啖啖肉。椒麻酸菜魚 
魚片用上二十幾斤重既龍躉起肉，魚肉嫩滑軟綿，油脂豐富，魚肉吸引曬麻辣鮮香，十分惹味，配料有萵筍、蓮藕、酸菜、雲耳等。山楂汁脆蝦球將新鮮大蝦去殼，原隻油炸至香酥，皮衣薄脆，蝦肉鮮味彈牙，配山楂汁酸酸甜甜好開胃。食神炒飯炒飯砌成一條魚狀，造型可愛，炒飯炒得好乾身，口感煙靭，配料有蝦仁、豆角同蛋絲，魚身撒上日式蟹子，豐富口感增次。