羽壽司 (已結業)

我同男朋友一入到去...waitess姐姐就帶我地去坐卡位...可能係冇乜人既關係啦~~之後我地叫左2碟3文魚壽司....雖然係好細舊-.-但係都ok既...我最記得係碟海膽壽司~~平時我同男朋友去其他地方食海膽壽司....佢都話難食~今次黎到呢度~佢竟然話正~之後食左好多野..我又嗌多左個3文魚腩....點知等得太耐...所以唔要~點知竟然係個waitess姐姐處理呢件事~.其實都冇乜野既~但係最奇怪既就係冇經理係度...-.-搞到我都唔知點好!!!

好耐冇食日本野喇,仲要同好鬼耐冇見既前度女友黎,好鬼死開心!!我地叫左好多野食,南瓜三文魚頭湯好好味,鹽燒三文魚頭須然等好鬼耐,但係都正既,芝麻八爪魚..嘩..好大隻啊..軟殼蚧手卷,好多羔又香口,前女友話: "冇得頂呀"而我就食左個火炙特大原條海鰻,好長好大條,佐呂間蠔都ok既,鰻魚飯都好好食,可能今日同佢食野,乜都覺得好食,不過佢都話幾好架!!!!!!

上星期五兩三點入去，叫左個滑蛋牛肉定食，出到呢個樣嚇親人。有一ｄ煮到好老、灰灰地色的蛋，ｄ牛肉就咁用水焯一下就算，ｄ水未瀝乾就"達"上d飯到，成碗飯係濕既。有ｄ洋蔥但係係生既，完全未抄過。定食係有個日式蒸蛋的，個侍應上菜時想掉低個好頹的蟹子沙律就算。我話係蒸蛋唔係蟹子沙律，佢就要等５分鐘，問我要唔要。大佬呀，你個廚師唔想整都唔駛咁頹掛？我話等冇所謂，但我埋單時佢都冇俾番個蒸蛋我。碗飯實在太難食，食左兩啖我頂唔順冇食到，之後去左另一間食墨丸河．．．順帶一提，我個friend碗烏冬都唔得．．

父親節一行三人去左果度食晏,本來三個都諗住一人一個定食加壽司~老豆最鍾意佢既三文魚腩定食,因為低食過夜晚,但想order時見用紅筆劃左~即係代表暫停,(其餘既定食order紙都係咁),咁就只有我同女友食定食~老豆就食壽司~叫左個鯖魚同鰻魚定食,個定食有前菜,蒸蛋,湯,飲品或雪糕,老豆食既壽司好正常~但我地兩個既定食就出事喇~個飯硬到似隔夜飯囉~跟住食食吓見到有個侍仔攞住個三文魚腩定食俾客囉~跟住我就問佢地乜唔係暫停咩,佢話係囉之前,但而家有供應返,係我張(木台)D Order紙冇更新到囉~跟住就係定食既飲品要我問佢係咪跟埋佢話係~以前都唔係咁既,落單時會問埋你,而家就個個發夢

上完攝影班, 今晚突然好想食壽司, 好似好耐冇食過咁,同埋又未試過「羽壽司」, 見新蒲崗呢間唔駛等位喎~雖然明知貴貴哋都決定走入去試吓, 了咗個心願, 最多唔好食就唔再嚟食啫~ 我哋入到嚟已經十點多啲, 但 last order 係 10:45pm 喎~於是嗱嗱聲落咗啲 order 先~~一開始先食咗個波士頓卷, 但老公太肚餓, 冇映相就食咗... 食落普通, 冇乜特別。跟住係油金魚($20)、三文魚($9)、火炙三文魚($28)、鱆紅魚($14)、帶子($25)及玉子壽司($9),全部都普通, 帶子好肥好大隻, 但可惜都係唔多夠新鮮。海松貝壽司($20), 賣相都幾吸引, 面度啲 wasabi 仲特別勁呀! 不過片魚生就冇乜特別。針魚花壽司($20), 嘩! 個樣好靚呀! 但係食落去又冇乜特別喎~ 都係唔夠鮮味... 同埋好易散晒既! 長槍鳥賊壽司($14), 都係普普通通, 有啲似墨魚。八爪魚芥辣軍艦($12), 海膽魷魚壽司($14),八爪魚芥辣軍艦幾好, 但海膽魷魚壽司就食唔出海膽味.......脆辣雞軟骨($38), 呢個真係幾好味, 不過老公話唔夠咸喎~ 我就覺得貴得滯!

呢度d野食幾貴，而且無咩特別。如果想食平野最好過返對面ge壽司舖。不過呢度勝在多選擇。

去過三次，上次去一坐低時發覺檯面黐立立，點知噚日去又係咁(唔知佢地唔抹檯還是塊布唔乾淨)。今次叫左三文魚、帶子、北寄貝壽司，幾新鮮。尤其三文魚好平$9一份。叫多兩份都唔覺貴。另外叫左蟹子沙律，噢！太太太多沙律醬了，多到同菜絲差不多份量，too bad >_<仲有叫左個吉列豬扒飯及鰻魚炒飯，兩個都好鹹，真係麻麻。

Went there last night to eat to try out this new restaurant. the were lots of empty seats on one side however they put all the people together on the left side.The main door makes a lot of sqeeky noise please fix it. Its so noisy you cant talk to your friends its so distracting.The food which was ordered was 2 noodle, fried oyster, salmon sushi. well very disapointed in the food.The sushi is not fresh the sea weed is not fresh, the noodle well no taste, no meat, there is a lot of water but no s

珍寶帶子大隻到有唔信，好好味。三文魚刺生亦好得。但服務就認真麻麻，曾幫襯三次，但每次都落漏單，或者將第二食物送錯來。而且感覺食物好似越來越細碟，尤其係雪糕，細杯到唔信。壽司房個面地下漏水，唔明點解遲遲都唔修理，而且職員亦要叫才去抹，如果跌親人就賠死佢。

07年10月, 同女朋友去食海鮮簿餅鰻魚幾款壽司, 蟹子壽司好新鮮豬扒一碗麵...etc, 太耐, 唔太記得價錢唔貴, 味道中上睇下你識唔識得食, 我好大食, 叫左六、七樣都ok個waitress上錯左件壽司, 我食左先知, 同waitress講, 攪到免費食多左件壽司, 個經理仲親自黎道歉...excellent好食, 好低, 好滿意

早前和家人一行六人包括一輪椅..一去到門口有幾級...門口個小姐即刻黎幫手抬輪椅..食既野都唔錯...走果陣一個男經理都即刻幫手抬輪椅落去

第一次去吃，壽司價錢方面好抵吃，有$9碟的三文魚壽司，都好新鮮，其它壽司價錢/款式/味道都O.K.。另外有1碟壽司是3個球型壽司，面層是帶子，超好吃!!! 價錢我不記得是$20 或是$35碟!!!但活魚剌身壽司的石玤，口感方面我覺得不太好吃!!!炒野菜是$28碟，都好大碟，味道都可以。三文魚海鮮炒飯，三文魚炒得過熟，而蝦仁又炒得過熟及略硬，不好吃!!!

見好耐無同屋企人出去食餐好既，所以今晚決定請佢地食餐飯。本來打算出銅鑼灣食，媽咪就話遠，所以就去左新蒲崗果間羽壽司，因為之前見到，大家都想試下。我地坐迴轉臺，諗住會好逼，點知唔係，又坐得幾舒服。之後開始食，我一黎就食左碟芥辣八爪魚，幾好食。其他壽司都ok。但個軟殼蟹手卷就麻麻，卷得唔好，軟殼蟹炸得太耐，口感麻麻。整體黎講，食物質素唔差，屬中等水平，服務態度值得一讚，真係用個心同你講多謝。;]

又係我，已經第次去今次係帶朋友去～被朋友夾硬逼我坐左個order枱,因為坐得舒服d喎～我發覺坐order枱d sushi好似無咁好味~一開始叫左個，珍寶帶子無迴轉果d咁肥美，雖然都好甜～後叫左築地蝦、劍魚、油甘魚、皇帝蟹棒、花之戀、特上海鰻、三文魚，感覺味道以同價sushi黎講都係比較好味，但差過迴轉枱～築地蝦有ｄ乾身、劍魚有筋、蟹棒細左、三文魚細左、特上海鰻個邊爛左、花之戀d蟹子少左．．．同埋坐order枱深切感受到，羽sushi侍應ge招呼真係差左d，笑容唔夠～得一個靚女姐姐係咁斟茶,其餘有少少懶懶閒ge感覺～食左一半，逼我坐order枱的朋友答應轉迴轉枱～d sushi真係靚ｄ好味ｄ～蟹棒大條ｄ、帶子肥大ｄ，三文魚都鮮ｄ．．．唔係我誇張，連我唔鍾意迴轉枱的朋友都話以後一定要坐迴轉枱～味道4分係因為前半段order枱3分,迴轉枱5分～建議大家日後去羽，有得揀一定要坐迴轉枱！

去過三次，三次食完都感覺良好～第一次去因為想食sushi，附近又得佢～第二次係介紹ｆｄ去～讚：珍寶帶子，推介，35蚊，帶子好大隻好肥美，好甜，口感唔錯，好味過板前果個～食完想再食，最後同朋友一人一客，肥到佢！><~~食完覺得ok喎,9蚊個三文魚,唔腥,都幾有魚味～皇帝蟹腳，20蚊，好味，明明係蟹柳，但好有蟹味，不過其實同板前差唔多～劍魚，20蚊，好鮮，算抵食~彈：點左珍寶赤貝，敗筆，未解凍，屣左我35蚊～前菜一patpat...太多醬～服務一般，但今日去食印象良好，見倒佢地因為sushi轉得太耐，唔新鮮就倒～珍寶帶子、珍寶赤貝等等呀呀，好捨得～我地點左珍寶帶子，佢即整，唔俾果d我地～感覺好好～今日埋單，234，咁ge價錢，算係好好味～