羽壽司 (已結業)

04/11/09 晴天今天返學前, 我和我的妹妹去了新蒲崗的羽壽司食個lunch,之前我都未去過的, 前幾天我在銅鑼灣逛街時, 有一位店員姐姐派了一張"羽壽司 "的傳單給我, 然後我帶回家給我妹妹看, 之後我妹妹常叫我同她一起去食, 於是今天放假同我妹妹去食sushi了!我在家樓下搭小巴去新蒲崗, 連等車都只是用了30mins, 去到已經是12:00pm, 店裡的客人都不算太多, 不過卡位已經滿座了, 店員帶我們去坐迴轉壽司吧位, 都冇所謂啦!之後我們都馬上填寫"壽司/魚生"的件數, 我們當然會叫三文魚, 海膽之類的食物, 之後我的妹妹也點了不少食物, 因為今天是我請客嗎!是時侯又開餐了, 先講下我們點了的食物,看來sushi飯都比較細粒了......三文魚腩sushi, 不夠肥美,又薄身, 本身的三文魚的質素都是麻麻了......玉子壽司----都不錯, 食落甜甜地, 都幾滑!希靈魚籽壽司---咬落"拍拍聲"的魚籽, 都不俗!帶子sushi---真的很大件,不過不鮮味,帶子好稔 食落啖口!如有檸汁配上更好了!?築地蝦壽司---好鮮, 看到蝦都好晶瑩剔透, 好美,好爽口!花之戀壽司-

我聽我男朋友喲friend話最近到過新蒲崗羽壽司果度食過話OK喎!我未同我男朋友去試吓囉!唔.......都算唔錯! 我一去到座低咗一陣,就有個侍應主動行過黎向我推介食品,之後我order左一客珍珠蠔壽司,侍應話珍珠蠔日本空運過來價錢為$25蚊...口感鮮甜好味道!抵食!!正跟住個侍應仲同我落左一客醬汁三文魚壽司,....話$9...超抵食喎!我地去過咁多間日本壽司店食過!其他侍應唔會好似d班服務員工咁有效率,又主動加茶!我下次一定會同埋班friend再出來過!!!!!!!!!!!!!

今日再次黎食壽司,見到海報做特價壽司,雪埸蟹柳$5一件,帶子壽司$8,吞拿魚腩壽司$20一件,每款都叫左一客...雪場蟹柳壽司:$5好抵食,幾好味呀!帶子壽司:$8鮮甜,又大件...吞拿魚腩壽司:$20,食落口感好似融左咁,正!軟軗蟹手卷:隻蟹好熱,紫菜好脆...羽冷麵沙律:冷麵夠凍,點芝麻醬好味...三文魚刺身:好新鮮,冰凍嘅感覺....下次都會再黎食ga....

今日同D同事食lunch,我提議食羽啦!因為我都未去過新蒲崗分店,想試下呀!我哋每人叫一個定食,叫埋壽司tim...鹽燒鯖魚定食:燒得唔會好dry,剛剛好...汁燒牛肉定食:牛肉嫩嫩的,有洋蔥,唔會太鹹...雞扒拉麵:好滑嘅雞扒，拉麵好彈牙!野菜拉麵:野菜炒完先放落D拉麵度,D菜都唔會老老的..鰻魚壽司,珍寶赤貝壽司,珍寶帶子壽司都好味真係好大件...之後食埋個甜品，係我最鍾意食嘅紅豆雪糕,有好多一粒粒嘅紅豆喺裡面ga...食完好飽呀,侍應不停同我哋加茶,我本身成日同老公去藍田分店食ga,我覺得服務質素同食物都不錯...

一個人放咗工好想食壽司,於是就去咗羽壽司食咗個3號壽司餐,見個圖好似得小小野心念一個下午茶應該夠啦,點知先講吓壽司:帶子,赤貝,甜蝦,雪場蟹柳, 劍魚,當然唔小得我最愛嘅三文魚,仲有2件三文魚加洲卷.帶子壽司好鮮甜,赤貝壽司夠爽口,劍魚OK啦甜蝦都OK大隻傢.到最愛嘅三文魚壽司,當然係Good啦!有魚味又夠肥美.本來仲想叫多一客,不過太飽啦,因為我仲叫咗客特價嘅沖繩蝦壽司,食到咁上下先記得個餐仲有個烏冬,好彩唔係好大碗,食完個餐再食雪糕,飲多杯茶,個感覺好滿足.須然下午茶時間,D服務都OK架,做野好怏手,笑容充足.仲有VIP咭有九折

有朋友介紹呢度唔錯, 一心黎試下, 點知真係有d失望...2點幾去到唔駛等即有位, 坐係迴轉bar檯, 環境都幾舒服乾淨見到餐牌有set lunch, 價錢唔貴喎, 當然叫啦~叫左2 set刺身+手卷+牛肉烏冬令我失望既野黎喇...就係個d刺身...3款刺身:- 2塊三文魚, 都算正式size, 唔特別大/厚, 味道都ok既- 2塊蛋, well, 如果呢個都算刺身的話... = ="- 2粒吞拿魚, 實在有d不知所謂, 竟然係2粒而非2塊!男朋友話因為我有個三文魚手卷, 但真係好唔得囉, 無理由因為咁樣將我舊吞拿魚變成一粒!! 仲要係味都無嘜個種!!! 手卷係ok既, d紫菜其實有d軟身, 唔爽脆, 所以一掂到醬油就會lum左... 烏冬係細碗既, 不過算最好味, d湯好有味, 牛奶白色幾靚, 我鐘意佢好多粟米, 同埋牛肉都算唔錯, 呢d可以加番dd分... 反而我地另叫既築地蝦壽司&芝士蟹籽壽司就唔錯~築地蝦幾大隻, 肉好彈牙芝士蟹籽都算正常份量, 只係個紫菜散散地而且侍應真係有d搞笑...客人唔多, 佢地都唔係做得甩, 但就係唔會抬頭望下有冇客人舉手...我地就係見住個侍應企係不

星期5同同事一齊出去食下飯,諗住食日本野,其中一個同事係旺角個間分店食過覺得唔錯,但又怕星期5要有排等位,所以特登去新蒲崗呢間諗住比起旺角應該無甘多人.一去到我地一行6人,要等位,甘好正常丫,等一陣俾左張4人枱我地大佬我地6個人喎,都唔係廋架喎,眾人o哂咀,佢又話如果你地唔要4人枱,就有排等.甘無辦法啦甘熱唯有坐住先架.甘因為好肚餓唔理37定21就即刻叫野食,叫左好多野,但係佢好多野都無!!!!!!!三文魚腩,無!生蠔 ,都無... ...好啦,甘都要認命架.叫d串燒食下啦! 青椒仔串燒 , 無!! 連冬菇串燒 ,又無!! 等等啦,我唔記得佢仲無d咩喇,總知好多野無啦!!!!!!!!食個鵝肝sushi,好臊囉,憑經驗知道有臊味係鴨肝黎既!! 其他sushi都ok既,但係有個炒雜菜(差不多甘既名,唔記得)勁咸-.-好明顯係未兜平均d鹽!,又有叫左個牛肉粒(個名類似啦,唔係好記得)個汁甜得濟,d牛肉熟過頭,好韌 6個人坐4個位真係逼到破,冷氣唔知係壞左定乜野,得坐最入既2位同事先feel到有冷氣,其他人根本唔知有冷氣-,-...食完已經係成頭大汗,埋單個陣total$17xx,每人差唔多

今個星期響新蒲崗食左兩次壽司,一間係大盛,一間係羽壽司,點解會食兩次,因為兩間都有特價壽司囉,首先講大盛先,佢地d特價壽司平過羽壽司,有海胆壽司,帶子壽司,甜虾壽司,海胆落到枱,d紫菜淋左,海胆細粒又唔夠新鮮,帶子壽司細細隻,食落冇鮮味,同元綠/元氣冇分別,甜虾壽司,size都ok,但係連虾頭既甜虾壽司,都係第一次食,食起上黎有d唔方便,其他食物我個人覺得都只係一般.(當食物到齊後,好似想我地快d食完快d走咁,侍應好似唔多識笑)到羽壽司,帶子壽司,海胆壽司,皇帝蚧柳壽司,先講帶子,大隻鮮甜,海胆壽司,紫菜夠脆,海胆大粒,皇帝蚧柳,雖然係蚧柳,但係話明皇帝,梗係kingsize啦,勁正.(服務都ok,起碼有笑容,氣紛都唔錯,食完都不斷幫我地加茶)總括本人對以上兩間壽司店既評論,雖然大盛食物比較平,但羽壽司質素比較好,去食飯除左價錢之外,品質,服務都相當重要.今日響電視見到羽壽司既新廣告,又有新既特價壽司出左,一定會再去試吓

正月廿日‧晴 有食友問在香港會在那裡吃壽司及刺身好，說來說去也是那三幾間，不少人問：「你不吃迥轉壽司的嗎？」答案是我是不喜歡吃，但卻還吃過不少，好像是日，又一行八人的來吃了。 這裡午市除了迥轉壽司，也有不少的定食，而我也依循一貫的路線，就是只吃熟食，先要了個牛肉窩定食，還要了軟殼蟹壽司，就此而已。 不少的壽司上檯，賣相一般，壽司飯不規則得來還是鬆鬆散散的，我還是吃我的軟殼蟹壽司更好。軟殼蟹炸得熱熱的，吃起來脆口有羔，不錯，唯壽司仍然走著「鬆鬆散散」的路線，叫人不覺是吃壽司，像吃飯； 牛肉窩是熱騰騰的上桌，上面打了隻生雞蛋的，賣相沒有不妥。除了牛肉，還有高麗菜及洋蔥，加上甜甜的sukiyaki汁，將之下飯，怎樣子難吃也會有個譜。米雖然是珍珠米，但仍是沿壽司路線般，是散收收的；另外吃了幾件天婦羅，至少即炸，是脆的，交足功課。主菜沒問題，配菜就很一般，味噌湯淡而無味可以理解，但燉蛋吃起來有腥味，就不可以原諒，吃了小半已放棄了。 餐後可以選雪糕或咖啡的，要了前者，來的是紅豆雪糕，雖然是來貨，卻覺得是整餐飯最對辦的。 埋單每人一百，不便宜的，如果我可以選，真的沒有什麼道理會來這裡。

越秀後面, 有大盛 & 羽壽司比我揀, 因為未食過羽壽司, 所以揀咗佢, 諗住質素都唔差, 應該好過元気...未食飽都唔想再叫野食!食完好超失望!!!!!!!!!!!!!!!!!! 唔會再有第二次!!!帶子: 好同意下面的意見 "珍寶帶子雖然大, 但毫無鮮味可言!" $8 一件, 但至少要叫兩件, 帶子係好厚, 好大件, 但真係無味!!!! 三文魚: 一d 味都無, 同百佳差唔多!魚奶湯: 好似打邊爐湯底, 濃湯寶!! 大拿拿$20 架!!! 回水!! 魷魚: 無乜特別三粒一碟: 算是最好食芥辣甜虾: 芥辣無芥辣味, 甜虾無虾味, d 虾同虾仁炒蛋有得揮, 一d味都無!! 食到成個口都係 "潺", 個軍艦黎到自動散開大蟹柳: 都ok鼓油: 無味, 係咪溝咗水??飯: 一係好濕, 一pat pat, 一係硬邊order d 壽司, 塊魚生係暖ga?? 係咪即係在belt 拎比我?? 咁我唔洗order la????d 壽司司傳好唔認真, 有個好"亂黎" , 錯order 又唔做返, 無心裝載!!另外, 我都覺得d 碟唔係咁乾淨, 好似好多"漬"總結: 差過元気元祿都可能好過去, 金井差唔

由於住附近，成日幫襯羽壽司不嬲都覺得唔錯，尤其初初開果時，加上我係member有九折....所以成日去食...上個星期日晚，同細佬去食..........真係差左好多d 醬油應該溝左水，淡的...其中一碟三文魚壽司有條頭髮..好彩未放入口....雖然待應換過碟比我...但係都冇胃口...唔知點解...三文魚同帶子壽司都唔凍的....食到最後埋單...又計多左兩碟隔離位叫的東西....本來我張member card印住抽中左炸雞軟骨...就係因為我要改單.......張member card 拎左去改積分...就係咁.....我中左果個炸雞軟骨就冇左....可憐...雖然我知人多.....但係都唔使越做越差掛!我諗冇咩野事我都唔會再幫襯住囉....

去 過 兩 次 , 第 一 次 已 經 好 正 ,第 二 次 去 仲 更 加 正 ,果 度 的 珍 寶 帶 子 甜 到 無 人 有 , 連 最 平 既 三 文 魚 都 好 好 味 . 又 肥 又 厚 喎 好 正 . 原 來 三 文 魚 仲 可 以 火 炙 潻 ,火 炙 過 有 一 陣 陣 香 味 ， 而 肉 質 很 滑 ， 我 覺 得 同 普 通 三 文 魚 都 咁 好 吃 , 重 有 個 炒 飯 一 定 要 試 , 吾 係 普 通 既 炒 飯 , 係 有 足 夠 既 材 料 , 曼 魚 炒 飯, 好 多 料 , 正 . 水 準 好 , 嘩 , 簡 直 好 到 吾 知 用 什 麼 來 形 容 , 過 兩 日再 去 , 希 望 會 再 有 令 人 有 驚 喜 吧 . 服 務 員 態 度 很 好 ， 見 我 和 朋 友 吃 完 飯 也 依 然 招 呼 周 到

上星期同朋友再次去羽壽司,竟然發現我鍾意食既帶子壽司做緊特價,只係$8件咋,超興奮囉.因為可以食多幾客嘛.哈~~哈~~兩個人叫左牛柳粒.南瓜餅.串燒雞翼.雞軟骨一口芝士.特大原條海鰻壽司.軟殼蟹手卷.三文魚刺身.皇帝蟹柳壽司.再叫多個日式牛肉鍋以上咁多樣都唔錯架,仲有一樣要介紹既就係魚奶湯喇.(飽哂)唔知係唔係做緊特價.眼見身邊既枱都叫特價壽司.好多人食,不過我同朋友都食左兩客帶子同2客蠔壽司....之前仲有個朋友比左張印花咭我....差兩個印就印滿,可以申請會員咭,要加$20申請,不過唔緊要啦,做左會員咭有九折.生日有七五折,每次埋單仲有得抽獎,張咭仲係永久添.咩都抵番哂啦,呢餐就食左$4百幾蚊,不過下次就會平d喇,事關我已經做左羽壽司既終身會員喇~

這次食了三文魚壽司, 鰻魚壽司, 珍寶帶子壽司, 玉子壽司, 蠔天婦羅, 忌廉薯餅和蟹子沙律, 但發覺有些退步了.........最嚴重的是三文魚, 薄了和質感都變差了......珍寶帶子雖然大, 但毫無鮮味可言!蠔天婦羅看似很大, 可惜全是炸粉........其他都一般, 我想它是時侯反省了~~

之前我一直喜歡到這一間吃飯，因為無咁多人等位。早幾日我同皇子又再去開飯，點知D食物既質素超級趺WATT，服務員(包括個經理)態度都頗差，服務員差已經唔應該，點知個男經理都仲可以差上加差~~奇!!我由佢間舖開張已經光顧，果個芝士蟹籽軍艦係皇子必食架嘛，今次唔知點解D芝士變左樣一舊舊好唔CREAMY，我米問佢囉；點知新經理答得好搞笑囉,佢話我入黎做已經係咁架喇，你未食過嘛，我真係O哂嘴。跟住我地見到個珍寶帶子表面有好多黑點，米叫佢換過囉，個女服務員換完返黎講，果D係紫菜醉，師傅掂過D紫菜後無換手套所以會咁，我真係忍唔住笑左出黎，我問紫菜明明係綠色，果D係黑色點點，你係米色盲?定我係危盲呀? 仲有呀，如果真係紫菜，你D師傅咁DRITY同唔PRO既咩，明明對手都污漕左，都唔去換，點整野比人食呀?唉，超失望，錯又唔認仲要搵細佬仔都唔信既藉口，差勁~~