羽壽司 (已結業)

質素和食品種類跟阪前很相似, 但沒有阪前的人龍和氣焰, 服務也殷切一點, 氣氛較和諧舒適(見伙計們說說笑笑, 相反阪前的人很緊張, 趕時間似的). 帶子十分鮮味, 三文魚抵吃, 大蟹柳一吃再吃.

今晚一行9人去羽壽司食，上次係食LUNCH，但今次食DINNER！有啲失望囉！原來午市先有SET LUNCH，但晚餐就無SET DINNER，要人哋散叫，感覺上唔算太抵，但勝在壽司有特色，啲款都OK，今日食咗個金龍卷，$68 (未加一) 有啲牛油果同蟹籽响面頭，個餡係好似係蝦抄律，味道OK，但都係上次食LUNCH 抵啲，大約$68 咁上下，有好多件壽司，重有三文魚魚頭湯，個湯好好味，好足料，今次晚餐諗住試多次，個湯單買要$14一客，都唔算便宜，但今次個湯好稀，又冇咩料，好似午市賣剩的料煮埋一齊咁，我哋仲叫咗兩客湯，兩碗都冇咩料，有啲失望！ 重有佢有推出素壽司，點知隻淮山同另一款(唔記得咗個名)都冇貨，有啲失望，佢該响個牌度寫明「此貨暫缺」，唔洗話落order 之後先話冇貨。 因為新店開張，好似每食滿$100有一個chop，佢會俾張印花card 你，儲夠6個chop 可加$20申請永久會員卡，之後憑卡惠顧任何一間羽壽司有九折，但我覺得要俾$20先可成為會員，唔係咁抵，重要指明生日當天惠顧才可有七五折優惠，至少都俾夠一個星期的限期啦！咁倉促叫人嚟得切去食喎！但响新

晏晝去, 新張有85 折, 整體壽司都很很新鮮, 特別推荐珍寶帆立貝壽司, 真係好甜好大粒~~~還記得尖東既"羽"新張期都係好好食,可惜依家都走樣喇, 希望呢間能夠保持水準...

因為月底前有85折我地尋晚又再來光顧, 6點9 4個人都要等一陣, 原本諗住叫定食再散叫壽司,點知原來夜晚冇定食, 一坐底諗住叫清酒, 點知佢地話原來未有酒牌, 於是我地出左去買枝紅酒入梨飲, 個經理都好好人幫我地開, 我地叫左好多壽司,三文魚x4, 劍魚,赤貝, 章紅魚x2, 海謄, 海謄魷魚, 芥辣甜蝦, 三文魚蔥花,芝士蟹子, 帆立貝波子壽司, 三色波子壽司, 皇帝蟹柳,花之戀, 跟住佢地叫咪有限量既石蚌, 不過唔好食又薄,熟食叫左炸蕃薯, 稻廷冷烏冬, 鹽燒靖魚,再叫左幾枝波子氣水同1鑵可樂, 總括梨講食物質數只係o.k. 同上星期六晏晝梨差好遠,冇上次咁新鮮, 但有85折埋單都係$408算食得過啦....

開張食過兩次七月前八五折有食襯手一般迴轉壽司質素但要特別推薦皇帝蟹柳-- 一絲絲的質感同其他蟹柳絕不相同好鮮甜特別超級大帶子三十五蚊-- 幾鮮甜又真係好大隻幾正

星期六下午約啊媽梨呢間試新開張又有85折, 果日天氣34.5度係門口等位勁熱, 都幾多人等,對面原本好旺的大盛變左冇人排,等左15分鐘叫我, 點知我啊媽未到佢話要齊人至俾入,於是又要再等10分鐘, 我地坐迴轉檯, 即刻急不及待拎2 碟三文魚壽司, 都好大件9蚊碟好抵, 再點左鵝肝35蚊1件都幾大件同啊媽分一半食,好香口, 入口即溶, 一碟海膽壽司25蚊好味, 一碟雙拚有海膽拖羅, 同魚子拖羅壽司35蚊, 一碟乳龍蝦壽司一件35蚊, 呢個好新鮮, 不個啊媽話好腥, 我覺得幾好, 螺片壽司,呢個叫錯左,諗住係白色果隻點知係啡色既, 唔好食, 仲有海謄魷魚壽司, 芥辣甜蝦壽司好味又抵14蚊, 再叫左章紅魚壽司14蚊好抵又新鮮, 另外叫左碟啊媽鍾意食既劍魚壽司, 我冇食應該都幾好味, 跟住我啊媽話好飽, 原本諗住埋單, 點知俾佢果隻又粗身大條既蟹柳吸引,上面仲有黑魚子, 同普通蟹柳唔同,好有蟹肉味好鮮甜, 再加左鑵氣水, 85折埋單235左右食左12碟咁多貴野, 算抵, 一定會再去既

晚飯時段去食，新開張有85折，服務唔錯，環境都可以，都好多人等位。2個人食左8樣野，120蚊埋單，不過點計都計唔倒120蚊，自己計過都係118蚊倒，多2蚊都算啦。下次會再去食，食滿100蚊可以儲一個印花，儲夠6個加20蚊就可以做會員，不過10月尾前要儲夠印花。我下次會再去食的，會睇清楚張單。

Ｄ三文魚好肥美,尤其是Ｄ火焰三文魚非常好食, 其他食物都唔錯,價錢都合理,店員D服務態度都唔錯, 地方不是很大, 但都幾光猛同整潔, 依家因為新開張,只要在七月三十一曰前幫襯堂食仲有ハ五折添, 希望繼續keep住D水準啦^u^