羽壽司 (已結業)

經常幫襯,每次食完壽司都會好滿足~~^^必試帶子壽司,如果捨得食珍寶($35)當然更好,我唔太捨得,so 幾次都係食普通版($25),但已經好好味!!!舊帶子又香又"林"又甜,朕味充滿於整個口腔,一流~~~~~!!其次就係"鱈場蟹柳壽司"($20),又係perfect~~~~~!!今日試左珍寶版,好厚好長,口感一流!!!其它都值得一試ge 有:波子壽司(有幾款):圓錄錄,好得意~火炙三文魚($14):都唔錯,外熟內生,雖然不是我食過最好的一間...軟殼蟹手卷($14):好味,但呢間分店一般,新蒲崗好味de,塊紫菜可以keep 住脆的,呢間唔得~

23-11-07 Fri Lunch豬軟骨拉麵$38 有前菜,蟹籽沙律,壽司x4 同雪糕中華沙律, 蟹籽沙律也沒甚麼特別四件壽司中的三文魚一看便知擺得耐, 冇乜色豬軟骨湯底不錯, 但豬軟骨冇味道有人的地獄拉麵等左15mins 都未有個個差不多食完先上真係差勁

因為是第一間在新蒲崗開的迴轉壽司，所以我一定要試試啦~入店後的第一個印象不好，侍應們懶懶散散的好像不想郁，餐牌和餐廳氣氛也很"大陸feel"，對食物的期望也因此降低。出乎意料之外，壽司真的很不錯，魚生大大塊而且非常新鮮，飯的份量則不大，而且是手握的，立刻加了分，不得不試的是鵝肝壽司，奉勸大家一上就要立刻吃，口感一流呢!!

今天沒有跟嫲嫲來,女主角當然是我女朋友,因17/10是我們拍拖三周年紀念!晚上來到羽寿司發覺多了一個很矮的女部長,頭髮長長,樣子可愛,但很可惜只會站着,從來都不會做其他嘢,也沒有笑容,叫佢都不應,哈,我發覺其他待應比佢好好多,點解這間店子咁奇怪,會請一個唔做嘢的部長???

坐迴轉枱不會悶,因大部份座位都見到壽司枱的作業,好open嘩,剩做壽司都有八個師傅,不過即使星期六晚上,有些師傳都行行企企傾下偈,不是很忙軟殼蟹手卷$14: 最差!!! 軟殼蟹好油好腍身希靈魚籽壽司$14: 不是太多地方有得食,個人至愛醋黃魚壽司$14: ok,不過元氣更便宜更好食吉列蠔壽司$14: 味道像吉列蝦,沒什麼蠔味劍魚壽司$20: 肉質幾好帶子連卷物$25三件: (細)帶子幾厚肉三文魚壽司$9: ok,這兒算最抵這兒的珍寶帶子是招牌菜,迴轉帶上最多

因為前幾天去了板前吃壽司回味無窮,於是約媽咪在這裡放工附近吃壽司,1點幾也不用等位...叫了海膽壽司竟然沒有,很失望,象杖蚌還可以,不過細件了點,赤貝刺身也是沒有唉,劍魚壽司我沒吃,親子卷,魚子比較少,三文魚普通,芥末魷魚一般,叫了個雜錦魚生沙律,芥未甜蝦壽司,燒牛舌..牛舌是整頓最好味的,還有一鑵可樂,埋單187元..因有9折卡,總括而言真的比開張初期差很遠..怪不得不用等位了,對面的日本餐廳已經多番人..下次如果來都是叫定食算數,都怪自己懶不想去板前排隊

我覺得呢間壽司店好特別，好多款式，和別間不同．而每晚都有師傅即席生劏魚（剌身）．非常新鮮．較特別的有：金龍卷＄６８　（成碟壽司好長）帆立貝波子壽司＄２０　　（壽司粒粒都係圓）珍寶帶子＄３５　（真係好珍寶，大到連飯都見唔到）香芒蟹籽沙律＄３８（看到師傅即場切芒果，　　　　　　　　　　芒果好薄）日式燒羊架$48 (好特別)　（OK)秘製汁燒牛助骨　＄６８(好少地方有）羽龍卷　＄６８　　（好特別）現在還可以儲夠印花，加＄２０，做永久會員

尋日同個仔來食午餐，本來等位都要好耐，但個接待員好好禮貌，仲係咁入去幫我睇有無卡位比到我，仲落手落腳執台！當食午餐每個待應都好有禮貌，但只有她，令到我十分不滿意她。

初開張既時候，我都有去食過。初初都ok的，之後都有成日去食，但係琴日去食，真係已經太差了。我以後都唔會再去食的。首先講乾淨，table 太濕啦，chair又有食物係到，地下又有食物，跟住我地就同經理講，佢都肯聽，之後見倒個侍應拎野食去我地後面果張table，成2個手卷竟然可以掉晒落地下，唉，行咁快仲乜呢。到我地叫左野食，都有d好耐先黎，例如鰻魚壽司同埋皇肯蟹柳啦，都好耐先黎到喎。到埋單啦，又計多我地錢，上次又係咁，今次又係咁，唔好以為我地d 客唔睇單先得架，所以我會評這間鋪唔合格。>_<唔怪得d 人成日話初初開張緊係做到好好啦，之後就唔會架啦，原本這句說話係真的。

曾經有個日本朋友同我講過：要知道一間壽司店是否專業可靠只要看兩件事，一是員工的制服，二是師傅的年齡。就像這間店，員工的制服，既不齊整又不乾淨，個個衣不稱身，真係著起龍袍都唔似太子。而D師傅一個個都係黃毛小子，再睇佢地的手勢，真係唔敢食佢整D野。都唔明白，點解處理魚生的高危食品，政府唔洗佢地考牌。講真光顧過這間店後，我就不覺得他們是在賣日本菜。

果日九點幾十點去先講服務,非常差我食左一個鐘唔夠佢地趕收工就就不斷叫我(因張枱長佢唔方便拎)"可唔可以幫我拎個餐牌黎""可唔可以幫我拎個wasabi黎" x 2次之後收左個wasabi, 話你想要可以問我地攞咁你不如唔好收住,我仲食緊架跟住又有人"可唔可以幫我拎支豉油黎"起我地面前加豉油仲擰轉面同人傾計, 真係好驚豉油照頭淋加完又會叫你擺番, 超麻煩成條bar 枱都係d 食物渣宰(人地lur出黎果d) 豉油,茶漬,用過既墊枱紙,茶杯其他枱都超污槽原因係d 客人走左佢地剩係收左d 碟諗住收工一次過抹,仲成地垃圾添佢又拎住d 污漕碗起我地身邊行左幾轉仲有d 污漕水飛濺左落張枱!!之後又用收完污漕碟既盤黎裝我碟壽司最後想講d 員工其間不叫又跳大聲講野大聲笑好似去左老麥咁食物質數麻麻海膽唔新鮮其他亦唔覺有咩特出d 飯同十蚊三件無分別係我食過最差既一間日本野!(全部真人真事,希望唔好刪改)有0分我會俾0 分

上星期4我揸車到新浦江食壽司,我其實去開大盛食,之不過見到都多人排隊,所以過左對面羽壽司試下啦,食食下d食物都ok,幾好幾新鮮,之後叫左一個魚生沙律...食食下發覺好少汁,之後我叫左個師傅加多ｄ汁比我啦,佢不但加多左汁比我,再加返一d青瓜整返好似完來一碟比我,起初我見到佢加返d汁,又加青瓜整好返完完本本一碟比我,我又覺得冇乜需要,我只需要加返多d汁ja,但佢講左一句話,如果可以做好d,點解唔整好d呢??之後佢仲介紹自己叫阿禮,有什麼需要可以搵我丫o 如果覺得我地整得好食既,下次再來過囉o 下次你再來既,我請個蚧子沙律你食o 之後我今日又揸車去食,我座低一陣,個師傅見到我,主動同我say hi ,之後再拿個蚧子沙律來,話請我食,個師傅仲好好記性話,今日又揸車來呀^^?之後仲同個師傅有講有笑,佢仲介紹d食物我食,d大帶子同皇帝蚧柳超正,我地三個人食左4百幾,超底食,最主要既係估唔到師傅都有咁既服務good

今日同女朋友第一次去食,真係好難得唔洗等位就有得入去!!因每次見到門口咁多人等,所以次次都冇入去食!!入去第一個感覺ok喎!!啲食物都幾好.....但個蟹子沙津就唔係咁好,來第一客個沙津好差, 啲青瓜好苦,咁就叫佢換咁果個,唔知係咪經理啦,就好客氣咁就話換個一碟,咁來第二客佢就叫我嗜但都係好苦> <個經理態度好好咁, 同我講唔好意思,不如取消呢個叫其他野食.過左一陣佢同我講話叫大廚再做過一碟比我, 問我要唔要同講解點解啲青瓜會咁苦今時今日咁好既服務真係好少見到,同有一位女侍應啲服務態度都真係好好!!就算啲野食有問題只要見到有咁好既服務都起碼唔會一肚氣先啦!!GOOD!!PS:個蟹子沙津有要改善既地方!!

22 August 2007 (Wed) - 午飯朋友話呢間嘢都幾新，話同我去試下，入去見到有牌寫話呢度七月七日開張既，都係開咗個零月度，啲嘢好乾淨，服務幾好，食物新新又唔錯，我諗新開既舖真係好啲！極力推介佢個珍寶帶子，生蝦（唔係甜蝦，大隻啲嗰種），真係好好味！鰻魚就略為燶咗啲；炸蠔就一啲蠔味都沒有同埋蠔既蹤跡真係唔係好睇得到！其他嘢都算唔錯！不過應該唔會再有機會去啦，因為好唔就腳！hehe，不過我相信生意會唔錯，因為附近學生好多！

今晚同嫲嫲二人世界,因為阿爸阿媽去咗旅行,唯有食自己啦.我住黄大仙,梗係去新蒲崗食啦,因為我嫲嫲係一個潮人,係佢話俾我聽呢度有間羽壽司,真利害!8點幾,呢度己經好多人,一入門口,已經有好強的士氣,我諗應該是歡迎光臨的意思,我們不是坐吧枱,當然是因為嫲嫲,他們不斷為我們加茶也令我們受寵若驚吧,因對面x 盛我們叫了三四次也不會為我們加的!!!食物方面也不錯,我最喜歡的當然是那個(珍寳帶子),巨型得可怕,但出奇地鮮甜呀!還有他們會廣播活魚寿司,那把聲音很好聽,令人有種很想試試的感覺,當然不像酒樓的(有下午茶點心)那種吧!哈哈!