羲和雅苑

营业中

休息中

靚景+佳餚！👍🏻👍🏻😍「羲和烤鴨」- 係我第二次品嚐、一隻烤鴨分三部份分別以不同配料及食法、確實食得招積! 👍🏻😜之前未識得欣賞「鴨皮」沾「爆炸糖」食法、今次㗳真啲竟然愛上了。覺得另有一番滋味！👍🏻😋「鴨殻」- 第一次嚐到沾上薄粉以椒鹽炸透、超惹味！👍🏻😋😋「黃扒魚肚」- 南瓜🎃蓉湯+大大塊花膠、除了感覺特別滋補、原來係可以咁夾！👍🏻😘其餘菜式味味皆精、我個人特別喜歡清酒鹽水鴨肝、黑椒鹽炸粟米！捧腹而返！👍🏻😋😋😋是晚菜單：清酒鹽水鴨肝桂花蜜山藥韭香雞黑椒鹽炸粟米湯：黃扒魚肚 （南瓜、花膠）烤鴨兩吃（片皮鴨及椒鹽鴨架）酸辣油炆大蝦 宮保帶子球　水煮桂花魚 椒麻牛肋條 梅菜干煸四季豆籠仔櫻花蝦海味蒸飯 楊枝甘露😋😋😋

同一班好朋友都非常鐘意食片皮鴨知道海港城呢間新餐廳 有海景view岩晒我地呢啲鐘意食野又影相既人餐廳都幾大 仲有outdoor望住一大個海景裝修好靚 我地訂枱時已預留片皮鴨仲包含一個八寶盒內裡有藍莓醬、芥末醬、甜麵醬、洋蔥條、黃瓜條、蔥條、跳跳糖、山植條同簿餅一份如果想再加一小配料需＄20 有好多新款配料之前都未配搭過每一款食落都好夾 片皮鴨真係好出色脂肪分佈均勻皮好脆開胃黑醋雲耳食落真係好開胃 好爽口又酸酸辣辣既味梅菜干煸玉豆炒得好入味 片皮鴨可以再encore！雖然俾起其他會貴價些少但環境同服務都已值呢個價！

本身一心諗住食片皮鴨, 但係都唔係真係好出色價錢比較貴, 食法幾新潮, 原隻鴨拎出黎係我地面前切, 分左3部份, 會介紹用咩醬去食但係味道好似唔係好夾其他小菜都幾好, 金磚豆腐塊呢個好好味坐都坐得幾舒服, 唔會同隔離D枱坐到好埋, 環境幾好下次都會再黎試其他菜式, 但唔會再試片皮鴨

今日一行5人到餐廳，點了1個4人餐，1個1人餐。由於每個餐都有前菜，湯，主菜，及甜品，份量亦很多，所以最後食剩唔少。如果只點4人餐亦完全沒問題呢～我覺得這家餐廳環境好，每道菜也不錯，以下是我覺得特別出色的菜：芋頭拔: 這個是1人餐的前菜，超好食，又甜又香口，份量超大，食到停唔到口，這個要趁熱食，涼了不好食片皮鴨：這道是招牌菜，賣相出色。相比其他餐廳，它弄得特別香，只是有點偏肥，不能食太多蝦湯海皇泡飯: 它的湯很香很鮮甜，滿口都是蝦及海鮮的香味，它的配料很豐富，總之食很很滿足松露牛肉：這個松露香氣及味道很突出，很少見呢我覺得這間價錢是ok既，唯獨我覺得茶錢$20位是有點貴了。

今天出文之時，兩口子應該抵達莫斯科，希望其後機程及轉機一切順利～對於這次東歐之旅，對自己最大期望是盡快適應 jetlag，同時中國胃老公不要太掛念中菜美食... 也因此選在離開後，才一連發表三篇中菜，首先是 羲和雅苑 的烤鴨麻辣宴！ 去年秋天，曾在位處絕美海城港的新店與好友們享用了一頓難忘烤鴨宴；上週一再訪，有雨的晚上景色是不如首訪，但除了重溫美味北京烤鴨，鮮甜黃扒魚肚，又飽嚐了宮保帶子球、海鮮毛血旺、海蟹炒年糕等驚喜新菜式，經歷同樣愉快又飽足！ 晚宴先由 桂花蜜山藥 開始，這款有益健康的食物，加上適量桂花蜜及冷藏後，滋味香甜又涼爽，在這悶熱的夏天合胃非常！ 接著很快來到是晚焦點、用上北京填鴨烤製的鴨子，每隻約有5斤重；香噴噴、令人垂涎片鴨表演，讓人未吃先興奮；不同是這次選了二吃，繼片皮鴨又有椒鹽鴨架，原來後者超好吃～ 這裡的鴨會片成三碟，分別是：純鴨皮、鴨胸肉、鴨腿肉上檯，全部都有連皮全都好吃；而豐富繽紛八寶盒則有：藍莓醬、芥末醬、甜麵醬、洋蔥條、黃瓜條、蔥條、跳跳糖、山楂條、麼麼皮，最喜歡麼麼皮夠薄又滑，而跳跳糖（其實即是爆炸糖）配鴨皮也非常有趣。 一邊品嚐烤鴨時，店內另一名

早在父親節已經Search到這間餐廳，但當時太遲訂座，無位，所以便訂了父親大人生日的那天來試試。前一日收到電話確認訂座，到當日仲收到SMS通知，服務一流。餐廳在海港城的最篤篤，門面黑底白字，駕車的朋友可以泊海運大廈，一上電梯就是了。預訂8:30，8:20 到了，但竟然安排左其他人入座先到我地，不過安排左間房俾我地，都可以。一行七人，一早預訂了一隻鴨，送上時有包爆炸糖，但倒出來後都係溶到一舊舊，有點奇怪，反而其中一種醬料係藍梅醬，又出奇地好食，隻鴨雖然有"助熱"，同分左3個層次，不過唔係太大分別，無入口即溶，但都可以。其他小菜點了獅子頭，好的識，好細客，但D肉同汁撈得好埋，味道好好。另外炸竽絲，好大客，好脆口，蜜煻味濃，食極都食唔哂，仲有黃金魷魚，份量都多，唔算太重蛋黃味，不過夠可口。仲有A菜、蒸蝦飯、宮保帶子。蒸蝦飯無味，有點失望，宮保帶子個樣好多辣椒，但竟然唔辣，真好。最後等左好耐都無黎到個「蠔仔泡飯」 (我催單時叫左「蠔仔粥」，侍應提我「唔係粥，係泡飯」，其實你知我講乜就得啦)，起碼催左3次先黎，飯唔多，蠔好細粒，唔鮮甜，最惹味果然係碟脆脆。$2000埋單，不過不失，食物唔算太出眾

呢間餐廳要打電話訂位既，晚餐佢會分2個時段，6:00-8:15另一個就係8:30-關門，訂枱個陣要訂埋烤鴨，有一隻或半隻揀既我訂既時間係6:00，所以去到仲有d光芥末沙律蝦球（即炸連埋下面塊餅一齊食，好好食）松露蠔仔煎蛋（食落差唔多啖啖都有蠔仔，連埋黑松露一齊食超好食）煲仔炒菜（呢個煲下面係有火一直煲住黎保暖既，煮得非常野味超正）義和馳名炸鴨（有新式既食法而佢係會分3碟上，部位唔同就會點唔同既醬汁上碟個陣會同我地講第一碟-梅子醬加爆炸糖（又幾好食喎估唔到都夾到）第二碟-芥茉醬（芥末味唔重，包埋塊皮一齊食都好食）第三碟-最原本既食法（都好正）蝦湯海皇泡飯（呢個味道岩岩好，飯又唔會太爛，好好食）服務都非常好但每碟菜既份量都偏小食完晚餐仲可以行出去睇夜景非常方便架

今日米飯班主話帶我地食個馳名烤鴨，講到好好食，真係好期待啊位於尖沙咀既羲和雅苑，成個格局好高級，坐得又舒服，餐具放得井井有條講明要食烤鴨，緊係先叫左烤鴨來先啦，一個大盤搬過來，上面有4,5味醬同配料，中間放上薄餅皮，醬有麵醬同黃芥末，但出奇意料會有藍莓醬同爆炸糖，真係好味又新奇薄餅皮好熱又夠薄，包住香噴噴既烤鴨食真係好好味，烤鴨又好重鴨油香，但又唔會太肥，咬落去肉與油融化在一起，超級好味松茸佛跳牆，松茸味道非常香，我好鍾意呢隻味，用料非常足，連渣食哂超誇張和牛粒乾煸口蘑，和牛粒啖啖油香，非常軟滑，牛味好重，牛的油份比D菇索左入去，菇有菇味之餘仲有牛味，好食羲和小肉餅，與我一般概念的小肉餅不同，挺酥軟的，很好吃青梅一字骨，酸酸甜甜，脂肪唔算好多，都多肉，好滋味仲有呢款黑松露煎蛋，真係超香黑松露味啊，入面仲有D蠔仔，又唔腥，好好食！呢間中菜館果然有番咁上下水準，無論色、香、味都一應俱全，唔係米飯班主帶我地黎都試唔到呢D正野

今次到小女子生日🎂，朋友提議食「片皮鴨」⋯⋯⋯突然想起從雜誌中看過尖沙咀海港城開了一間新派京菜食「片皮鴨」-義和雅莊於是提議大家試下訂了晚上6:30pm, 要8:15pm 還枱。餐廳位於海港城近碼頭一樓最深入的位置⋯內裡裝修中式典雅，而且可望維港美景（忘記影相），一個一個小個室式，私人度高，可以盡情跟朋友吹水。打開Menu, 價錢不算太貴（除了海鮮時價），開始還以為份量會好少，想不到大家食到捧住個肚⋯⋯⋯首先，當然要點個招牌菜「義和馳名烤鴨」看見脹泡泡的烤鴨，真令人垂涏雖然我們點了半份，但都會整隻烤鴨在我們面前切食烤鴨除了要烤得外脆內嫩，醬料亦是靈魂所謂烤鴨三吃，就是點三種不同醬料。職員都好細心教我們如何食此烤鴨第一吃：爆炸糖+藍梅醬開頭以為只是Gimmic, 但想不到甜食烤鴨又幾好食😋。酸酸甜甜的藍梅化了鴨皮的油脷感覺。第二吃：黃芥辣醬這款點黃芥辣的烤鴨，每片鴨肉成份比較多但個人就不太喜歡配黃芥辣食。第三吃： 用薄餅包著配料同吃最傳統的吃法，薄餅皮很薄又QQ配料除了傳統的燒鴨醬、京蔥，洋蔥、蒜頭，還有山楂糕。山楂糕還是淨食更好食😋食完招牌菜，試下一些凍盤「麻辣海蜇頭」朋友們大都不吃得

京菜以精巧，細緻而馳名，最近到過一間位於海港城的高級京菜，可謂色香味俱全。宮殿式設計，別具氣派。先嚐主打羲和烤鴨，最愛吃是皮，香脆酥香，鴨油滿溢，炒極，帶肉的部入味，肉質緊緻細密，鴨香具層次，我偏向不夾粉皮或蘸上醬汁來吃，原汁原味更為可口。松茸素佛跳牆，單是松茸的香氣，越吃越濃，鮮味無比。義和小肉餅足有十二層，層層酥脆㚒著肉香，好巧手的廚藝! 我很愛吃它的乾煽菜式，梅菜帶甜，估不到同肉豆味道好㚒，一㸃都無寡的感覺。和牛乾煸口蘑，蘑菇和牛皆新鮮，乾煸菜式沒有過多醬汁，輕薄一層，相當惹味。青梅一字骨，選用的一字體肥瘦各半，炸過特別香，青梅醬酸甜各具，減卻了肥膩，好吃到妙不可言。美味的京菜，筆墨亦難以表達箇中滋味。

As a person who used to have shit and expensive lunch in packed restaurants in Central / Admiralty, this place is like heaven during weekdays.We ordered a set lunch ($128), shrimp noodle. An appetiser dish, a soup and a dessert were included in the set.The noodle looks plain, but the taste is quite good.Peking duck (half) ($198) is the highlight...Plenty of meat, the crispy duck skin is very nice, and plenty of veg and sauces for you to choose to eat with the duck.A lot of smoke, which actually

口味既野好個人既，有人話好食，有人話唔好食，計我話自己種意既就食喇，食咗先算！唔好食既，咪唔好再嚟喇！係咪先烤鴨真係食到👆餐廳服務員姐姐提意呢個點芥末醬，味道唔錯既，不過服務員姐姐麻煩你，可以解釋得慢D，講得太快客人聽唔清楚咪又會再問，你咪又要講多一次，因快得慢囉！👆餐廳服務員姐姐提意用蒸包既皮包住食可以用傳統既醬，亦有新穎既醬，新既醬有似果醬既，有好爆既，有幾爆？落爆炸糖囉😏！鍾意食🦐又鍾意食伊麵既朋友必食推介牛油蝦伊麵好 邪惡呀😏！怕食唔飽既你必食推介荷葉飯，炒得好干身架

今日同朋友二個人行開尖沙咀, 諗住未試過呢間咪試下囉. 由於時間早, 不用等位便可以入座. 入座時, 侍應有通知用餐只能到8:15. 見當時仲有75-80分鐘, 一般情況下是足够的. 便答應了. 但我地點了二人餐再加一個小食. 來了一個小食後, 我地食哂嗰小食後, 足足等了35分鐘才上第二道菜. 仲要係追先出. 跟住突然係15分鐘內出埋餘下的. 當時己經係7:50分. 而另一個侍應同我地講, 知道我地仲有個甜品未上, 但係第一輪只係可以去到8:15分. 即代表, 我地只得20分鐘要食哂6嗰餸 (包括片皮鴨). 未計甜品. 如果我地知道佢地出餸出得咁慢.就唔會入去食. 到最後, 我地發現有套餐內個蜜汁脆芋絲係漏咗俾我地. 至於食物質素方面, 主打的馳名烤鴨. 隻鴨有騷味. 酸辣油燜大蝦就太辣. 由於食得太趕的關係, 影唔切相. 不過, 唔會再去呢間食. 用這個價錢, 食到咁趕. 而且又唔係食係好好食. 雖然佢埋單時俾咗COUPON, 但我諗我唔會有機會用得著囉. 

之前同家人到海港城行街,行到攰就緊係想揾個地方坐低食飯,今次我地就揀咗食北京填鴨好出名既羲和雅苑一到門口餐廳既裝潢已經好古色古香,因為天氣好既關係,店員就亦十分主動問我們要不要到室外用餐,能感受海風吹拂地用餐當然是更加色彩.我們叫了四人套餐作為前菜的冰鎮鮑魚和涼拌海蜇,整體頗為清爽開胃,但若對於不能吃辣的人,海蜇則偏辣當然少不了主角北京填鴨,這間比起一般吃北京填鴨的餐廳有點不同,除了提供一般的配菜外,更有配合爆炸糖及藍莓醬的食法,頗為新穎

有聞這家烤鴨店已久，他們的店遍佈北京、上海等地。他們設店海港城新翼，採全景落地玻璃，維港景色，盡入眼簾。餐廳裝潢古樸又時尚，以雕花木屏風作分隔，格調高雅。雖然環境高格調，但週一至五的午市價格親民。夏曰特價午市自選套餐有齊自選前菜、主菜、鴨湯、時菜同甜品，只是$128！認真抵吃！我們一行二人，一於點一個套餐同以優惠價$198點半隻招牌烤鴨share.前菜：蜜汁脆芋絲嘩啦！估唔到前菜咁震撼！有一大盆炸芋絲！這芋絲炸得酥脆，而不油膩。每條芋絲都均勻地沾上蜜汁，味道香甜而不膩，帶陣陣芋香，令人吃過不停，好吃！福建炒飯$128這福建炒飯材料都幾豐富，有帶子粒、雞蛋、菜心、雞肉、蝦仁、冬菇和紅蘿蔔等等。炒飯炒得好香，芡汁鮮美，滿有瑤柱同上湯的滋味，口感濕潤。羲和鴨湯：雖然是餐湯，但絕不馬夫，湯頭鮮甜，完全吸收了鴨殼的肉香、還有紅蘿蔔和粟米的蔬菜甜味，不錯。田園時蔬：即使是灼菜，也用上湯灼熟，帶一點油光，清淡而味美。甜品是楊枝金露，口感滑溜，芒果味十足，味道酸酸甜甜的，是清新的甜品超值優惠價$198羲和招牌烤鴨半隻，一鴨三吃。這烤鴨分三個部分品嚐。首次是烤鴨胸皮：這烤鴨皮比平曰吃的較為厚身，皮下完全