羲和雅苑

营业中

休息中

幾年前從北京回來後一直對烤鴨念念不忘知道羲和雅苑是北京過江龍後真的好期待不過晚巿的定價對我來説太貴了 所以特意選了平日午市來午市套餐超抵食！有齊湯 前菜 主菜 青菜 甜品我們點了一個一人套餐（一人份已夠2個人吃）還加了優惠價$198半隻烤鴨鴨湯 很足料 味道清甜前菜 ✨蜜汁脆芋絲 其實就是拔絲芋絲 好香脆好好吃！但一定要趁熱 因為放得太耐會乾會硬 芋絲會黏在碟上主菜 ✨福建炒飯 上碟時看見好多汁以為飯會好濕好淋 想不到食落岀奇地乾爽 蛋炒飯底炒得金黃好香 忍不住吃了兩三碗！甜品 楊枝甘露 小小一碗 芒果味挺足看住海景吃午飯真是一大享受啊！來到烤鴨 分别有鴨皮 鴨胸 鴨腿鴨皮：點藍莓醬＋爆炸糖鴨皮很香脆 配合爆炸糖最得意的效果是咬下去你會馬上感覺到鴨皮的油香在咀裡跳 滿咀都是鴨油 好滿足鴨胸：鴨肉冇乜肉味 肉質粗糙 黃芥茉是廚師特調 味道不辣 不過我覺得不太配 所以最後都係沾番藍莓醬+爆炸糖鴨腿：適合最傳統的食法(包薄餅) 鴨肉仍然沒什麼味道 需要沾醬 配青瓜絲洋葱吃 不過不失埋單$402 兩人吃得飽飽的！如果想試試烤鴨 但預算不高的話推介午市套餐加優惠價吃！比晚上便宜太多了😊今次當過下

之前你食過烤鴨覺得十分之好食，而朋友專登遠道以來香港，當然就叫佢過嚟尖沙咀食有買嘅烤鴨啦。去到朋友都話裝修得十分中國風，又可以見到海景十分之靚，先以我哋今次就叫咗好多唔同嘅中國食物，佢都十分之滿意。馳名烤鴨，有專人拎過嚟之後就喺面前切都幾特別，而且烤鴨會分開三個部份放喺碟上好方便見到心水烤鴨。醬汁在八寶盒，入邊有唔同嘅醬汁而且仲有好特別嘅爆炸糖，同埋有不同醬汁和配菜，中間仲有熱辣辣嘅薄餅片。張氏師子頭，小小器皿裝住十分之漂亮，入面有粒小小獅子頭，而且仲有唔少醬汁，最精緻是還有一個小小的白飯一齊食，食落去將汁好惹味，而且豬肉好軟熟配上白飯撈埋一齊食更加好食。青梅一字骨，醬汁梅味十分之突出，而且炸得十分之好，醬汁唔會好杰身，豬肉口感不錯，酸酸地幾開胃。山藥燕窩羹，山藥係一種好有益嘅藥材，所以見到有山藥燕窩羹，而且價錢都唔算貴，就當然叫一個來試一試，沒想到味道幾清淡，而且山藥味都幾重好味道，朋友都讚好。黑醋雲耳，黑醋味都有，而且有驚喜係幾辣，同埋雲耳好爽口，好開胃，但係如果食唔到辣嘅人就會覺得偏難幾辣。金銀蛋浸萵筍，係我同朋友都好鍾意食嘅餸菜，金銀蛋味道濃郁，而且唔會太鹹，萵筍吸左醬汁嘅味十

餐廳有名的是地道風味的烤鴨、創新獨特的烤鴨也能品嚐。一直都見有雜誌報導, 口碑也不錯, 今日終於可以嚐盡其美味。烤鴨新鮮烤成, 保持其鴨皮的脆, 鴨肉的嫩, 肉汁更不用說的豐富，入口感覺像是體會到烤鴨的精粹食法也講究了鴨胸、鴨腿等不同部位, 配上不同的醬汁, 食盡其美味。個人比較喜歡傳統食法, 面粉皮薄, 加上山楂、青瓜等配料, 入口毫不油膩, 脆嫩口感帶點清新。創新食法也是不錯, 鴨片沾上爆炸糖, 鴨皮本已脆口非常, 爆炸糖令脆口的鴨皮入口更富立體感, 加上藍莓醬的酸甜, 味道不膩而新穎。山藥燕窩羹, 燕窩足料, 山藥營養豐富, 賣味道清淡而養顏。青梅一字骨, 入口外層帶脆而啖啖肉, 一字骨非常入味, 味道酸甜且帶有骨香。荷香鮑魚雞粒燜飯, 整個飯的份量好大, 鮑魚、雞粒配料都好足, 飯粒除了有醬料的香, 更有荷葉清香, 混合一齊, 層次豐富而味道不咸, 加上配料, 飽肚又抵食。

🍗羲和馳名烤鴨 半隻 配八寶盒相中係俾人偷食左幾舊😂半隻鴨二個人就岩岩好鴨肉分左三個部份上鴨胸肉 鴨腿肉 鴨胸皮淨食皮就有d油 鴨胸肉就最好食 配八寶盒 上面有好多醬除左普通甜醬 仲有蜜糖芥末醬、藍莓醬 連爆炸糖都有！💥但我就真係唔識欣賞咩藍莓同爆炸糖🤷🏻‍♀😂反而蜜糖芥末醬就幾特別又幾match 最經典既甜醬加葱 真心冇得輸😌

尖沙咀好多商場都已經布置左聖誕裝飾，因此今日放工就去呢邊，食完飯可以行下睇下燈飾。本人係鍾意食片皮鴨嘅，不過好食的真係已經諗唔起幾時食過咯…今次真係有驚喜，畢竟價錢唔算貴，但質素係超班，有傳統又有新式食法。是日七點，一行三人去到OTE，室內滿座，幸好天氣未算凍，坐室外都可接受。而室外仲有個好處，係與維港為伴。前菜桂花山藥，都幾入味，但我不嬲唔好花味菜式。第二碟上檯係黑松露蠔仔煎蛋，蛋滑，有加黑松露炒之餘，仲加左一匙松露醬喺面，啖啖都食到松露味。第三碟荷葉飯，足料，亦好吸荷葉味，不過蝦米多到呢，我覺得咬到牙都軟。點解我要講一二三碟，係因為呢度真係逐碟上檯…呢個係我唯一覺得要改善地方，明明附近幾檯都一次差唔多過上晒。當然，如果你享受食法國菜，呢度ok。最後，仲有碟鴨呢？壓軸出場係半隻片皮鴨。侍應好細心先上八寶盒，提我地兩碟鴨應該點食：一個係鴨片，沾藍莓醬同爆炸糖；一個鴨胸肉，沾芥末。鴨片好酥脆，冇錯係「酥」呀，因為個皮已經片走左脂肪。爆炸糖效果同平時點砂糖一樣，但就gimmick少少。鴨胸非常好味，肉唔奀，皮肉比例ok。好嘞，食完兩碟，仲有一碟呢？我地都以為隻鴨髀會後上。但等等下，唔對路，

今日同閏蜜去尖沙咀shopping，經過呢間幾fancy嘅餐廳，就決定試下。入到去侍應帶咗我地去𥦬口位，景觀加上餐廳環境都唔錯。我地首先叫咗呢度嘅招牌菜片皮鴨半隻配八寶盒，基本上係一鴨三食，餐廳好講究咁將鴨分咗三part，除咗傳統青瓜、蔥嘅夾餅皮食，餐廳準備咗爆炸糖+藍莓醬，多重味道嘅交雜加上味蕾上嘅刺激，配合起上黎食真係非常有火花; 最後就係山楂條加藍莓醬加鴨夾餅皮，個感覺好似食緊pancake咁，好得意！跟住再叫咗個荷香鮑魚雞粒燘飯，一上枱已經飄黎陣陣荷葉香，啲飯非常入味，加上鮑魚同雞肉提升鮮味，豪華得黎又好好食。再加咗碟羲和小肉餅，見到個名幾得意所以叫咗，黎到原來係一個捲餅，由皮薄鬆脆嘅酥皮，再夾住啲肉餡，食落非常有層次感，只係豐富嘅餡料食到我地班姊妹有少少滯最後仲叫咗個蜜汁脆芋絲作結，芋絲十分鬆脆，再配上淡淡嘅蜜糖，非常可口，好推薦做為小食。總括黎講，無論食物同環境都幾唔錯，值得一試！

一直都好鍾意食片皮鴨，期待到今日成日返工都諗住放工就可以去食。其實香港提供片皮鴨嘅餐廳都唔少，但質素可以好大分別。今次食到高質片皮鴨點可以唔開心share半隻烤鴨配呢度特色嘅八寶盒。平時食炸鴨多數只提供甜醬，蔥絲，青瓜絲做配料，呢度提供西式食法，有藍莓醬，山楂條同洋蔥絲，另有秘製嘅芥末醬同爆炸糖。桌前有個長方形盤，店員首先將皮嘅部分放上去，原來盤下係一包類似暖包嘅東西，放到水裡有化學作用產生熱力，一直熱住啲鴨。八寶盒中央有同樣設計蒸住啲薄餅皮。炸鴨有專人在旁邊分部位切，然後分成三碟送上你前面嘅長方形蒸盤上，半隻鴨份量都幾多。店員介紹呢度獨創嘅食法：先將鴨皮沾爆炸糖，含喺口中幾秒再咬。我地心諗：咁玩嘢，應該都唔慌好食。結果一咬，個皮炸得好香脆，鴨油好香加埋爆炸糖嘅聲音同甜味，估唔到真係夾，完全唔係亂嚟嘅fusion。另一個西式食法用薄餅皮包住藍莓醬，洋蔥絲，山楂條同主角片皮鴨，亦都係意想不到嘅夾。整體成個炸鴨炸得剛好，又香又脆口，八寶盒嘅配料提供傳統又新式食法好玩又好食。另外試左獅子頭，用個好似茶壺嚟碗仔裝住一粒獅子頭仲會配一碗迷你嘅飯畀你撈嚟食，好得意。呢度嘅獅子頭做得唔錯，好入味，肉

話說要同朋友慶祝生日，我地想試呢度嘅烤鴨好耐架喇！果然，名不虛傳！我好中意餐廳門面，感覺清雅舒服。入到去，成間餐廳都係落地玻璃，個景真係好正呀！<蜜汁脆芋絲>有驚喜！芋絲炸得脆口，食落好似”拔絲”，但唔會太膩，而且無諗過份量咁多！推介！<乾隆白菜>每塊都充滿芝麻醬，味道開胃。上面嗰粒係山渣，一咬好juicy，酸味味好好食！<張氏獅子頭>肉質係非常嫩，亦唔肥，d汁令到我地簡直.....想添飯呀！<松露蠔仔煎蛋>啖啖松露香味，蠔仔鮮甜肥美！<羲和馳名烤鴨>主角黎喇！係一鴨三吃: 烤鴨胸皮、烤鴨胸、烤鴨腿。值得一讚係，廚師喺你面前切，店員亦好細心咁解釋要配合邊種配料、醬汁💕😍鴨胸皮配藍莓醬，感覺幾特別同創新，加咗爆炸糖，第一次咁食烤鴨，食得好過癮！烤鴨胸係點芥茉醬食，無肥膩感，鴨胸肉保留咗好多肉汁，正！烤鴨腿係用我最中意嘅薄餅包黎食，好中意加山楂條、甜醬👍🏻👍🏻👍🏻總括黎講，烤鴨質素高，食法創新，餐廳環境亦好好！會再黎！

本身好鐘意食片皮鴨，聽朋友講羲和雅苑做得非常出色，就決定去試下。我地預先訂左枱，店員亦好細心，特別留左有海景嘅位置俾我地。店鋪採用中西合壁嘅裝修，感覺時尚。首先食嘅係馳名烤鴨，店員非常盡責，每次都會介紹部位，同教我地食法。首先係鴨皮，配合藍莓醬以及爆炸糖，非常創新嘅口味，呢間店舖首創，食落好夾，充滿驚喜，不愧稱為會跳舞的烤鴨！第二種食法係鴨胸點秘制嘅芥末醬，醬汁酸中帶甜，成功帶出鴨嘅鮮香，完全唔膩。第三種食法為傳統食法，可以用卷餅包上蒽絲以及黃瓜條配甜麵醬。除此之外，帶皮嘅鴨腿肉亦可以蘸藍莓醬加紫色洋蔥以及京糕條，第一次試西式食法就愛上左，有相逢恨晚嘅感覺。接著係酥皮酸辣湯，又係一道中西fusion菜，西式嘅酥皮配上中式酸辣湯，酥皮不俗，可能我本身唔太食得辣，覺得湯比較辣，酸味比例唔夠。張氏獅子頭非常軟熟，肉質鮮嫩，配合白飯食，非常適合。至於北京干炸丸子就炸得香脆，丸子比香港嘅肉丸細粒，可以一啖一粒，再點沙律醬減去油膩感，非常可口。擔擔麵亦不過不失，只係份量較少。相比之下，籠仔櫻花蝦海味蒸飯較佳，點心籠一打開陣陣荷葉淸香撲鼻，蒸飯上鋪滿海鮮，賣相吸引，令人食指大動。拆骨肉燉白菜則非常足

心血來潮想食片皮鴨，見到尼間好似唔錯！個景真係不得了，對住維港。不過夜晚啲玻璃少少反光，日頭黎會更正！地方一流，座位闊敞。眼見評論話好多店員服務麻麻，個人覺得ok喎！店員帶我地入座時問我地要咩茶，茶到啦仲斟埋比我地👍片皮鴨半隻（$328）有師傅係隔離即片😍眼界大開！無幾耐店員就送菜上黎啦！仲好細心咁講解片皮鴨既3種食法（其實menu內都有寫😚）抵讚！爆炸糖片皮鴨真係好新式既食法 似食緊前菜 開下胃先！不過未必個個接受到新野 我朋友就係啦😂金磚頭腐塊（$108）必叫既菜式！出面係椒鹽皮，超薄皮！少少脆，很香口！入面係滑到不得了既豆腐🤩食半碟無難度😍蜜汁脆芋絲（$68）個賣相好正 砌到成座山咁高🤤尼碟菜好考功夫，要把芋頭切到勁幼再拎去炸！食落脆卜卜 好似食緊薯條咁好正！但個人建議 芋條可以切粗些 食落芋頭味會更出😚張氏獅子頭（$48）見個名好得意 又唔貴 所以就叫左一客試下😚原來係肉丸浸左係d醬汁到 個飯好mini好得意！溫馨提示 記住要趁熱食啊餐廳上菜較快，因此食物易凍。但值得一讚既係店員會好貼心咁問你要唔要用個蓋com住d食物先👍最後我地問店員可唔可以出去睇下個景 佢帶左我地出去仲幫我

終於等到今日 之前係FB見到有朋友食過 話好正 我仲特登訂左位 一去到就即刻可以入去 一入門口就覺得個環境唔錯 有D懷舊氣息 有D中國風 比到我一個好舒服既感覺 我地被安排坐4人卡位 我鐘意同女朋友坐同一邊 但店員同我地講可以坐對面  店員同我地解釋因為我地坐果邊會有熱空氣對流  有機會會滴水   呢件小事令我覺得佢地好細心入正題  今次我地叫左幾樣野  第1樣  唔駛諗  一定係叫隻鴨------+第2樣  同女朋友見到都2話不說話想食第3樣  第4樣  第5樣  先講第一道 +  廚師會好似片皮鴨咁整  一片一片片出黎   用皮包住黎食但係會有3個部位  1.鴨胸皮(油份高  啖啖油要趁熱食  如果唔係會成口油)2.鴨胸肉3.鴨腿肉(好嫩 唔會鞋)有3種食法 1.青瓜 , 京蔥 -  甜醬2.青瓜 , 京蔥 - 藍莓醬+爆炸糖3.青瓜 , 京蔥 , 紫洋蔥 , 山渣條 - 芥末醬第1種就唔多講  有食過片皮鴨都知    第2種我覺得幾得意  因為店員叫我地含係口2-3秒先開始咬  咁先可以食到爆炸糖果下  個Feel好得意  多左個口感第3種女朋友覺得幾好

看報吃、羲和鴨、慕名來、咎自取、限時段、真掃興、怪裝修、欠環境、鴨細切、無鴨味、欠賣相、叫價高、水準低、麵難吃、唔扺食、不再來。靠坐窗邊望廚房、廚門大開氣味來、烤鴨上枱心里焮、碟大量少枱面細、菜譜內容選擇少、獅頭小家送淡飯、爛碗盛麵好驚嚇、老闆喜財唔好客。

好多人如果唔係同屋企人食飯，都好少去食中菜，但其實間中都會有啲中菜好好食。成日去食茶樓，今次決定食豪啲，去食好西！🤭行去呢間「羲和雅苑」都花左二十分鐘以上呢，好遠喔。😢－果到既環境好舒服，座位好寬敞，如果靠窗坐既話，從落地大玻璃望出去，就係夜晚既海景，一望無際。🌊淨係食個景同環境，都已經夠。金色既茶壺同透明既水壺，未試過飲「白牡丹」，好奇試下，失望，同普通壽眉冇乜分別。😓－Menu大大本，圖文並茂，相當清晰。👏藍妹好欣賞佢某啲菜式會有簡介，令人知道所用既材料同特色。結果淨係睇Menu都睇左我地15分鐘。😂－相信重點推介一定係烤鴨，亦可以叫爆炸糖北京填鴨。爆炸糖北京填鴨（羲和烤鴨）首先介紹下佢既八寶盆。大蔥、京蔥、黃瓜同甜麵醬都係必備，平時都會見到。但呢到好特別，加入左芥末醬、藍梅醬、山楂條同爆炸糖。🤩（由於侍應叫我地要趁熱食，所以未等到第三味放埋上去，我地就開始食，最後藍妹只係影左頭兩味）講食法之前，不能不提佢地既細心之處，佢地分別係皮同鴨肉既下面都放左會發熱出煙既暖包，確保皮同鴨肉可以保持熱度。🤗。由左邊講起，第一味：鴨胸皮，第二味：鴨胸肉，第三味：鴨腿肉。侍應推介食法：1️⃣鴨胸皮 －

行街無意中見到呢間餐廳，見環境幾好，一直都想嘗試。昨晚終於有機會和朋友一起喺呢度食生日飯。結果非常失望😞 食飯要分兩個時段，第一段是六點多至8:15要還枱。第2段是八點半，沒有限時還枱。結果我們選擇了八點半。下班時候還早，於是我們在露台酒吧對着美麗維港夜景飲吓嘢、食下小食。環境是美，但餐廳服務員猶如茶餐廳夥計一樣惡劣。沒人理會不在話下，餐牌上的飲品大部份沒有供應。到訂枱時間八點半，三催四請，幾經辛苦，先將我地轉到室內晚飯。試問咁樣有訂枱同冇訂枱有咩分別？反正都無人理會。由於是日係週五，餐廳門外很多人在排隊。食物質素確係唔錯。我們嘗試了扁皮鴨，一鴨三食確有驚喜，鴨皮夠脆。小吃雞翼、海蜇、芋絲和其他菜式宮保蝦球、海鮮豆腐的味道亦不錯。雖然嘢食OK，但我絕對唔會再幫襯。唔係想對內地人有偏見，但餐廳大部份新移民服務員，完全唔理解咩係服務質素，要是想同佢哋反映意見都是徒然。收中上檔餐廳價錢，茶餐廳不如的服務，仲點叫我再返嚟。甜品設計亦係亮點。精緻的茶杯小碗，配個大湯匙，根本唔知點食。湯匙大過碗口，咁樣嘅設計都諗得出，佩服！

鴨新朝食法落錯單 照收錢二大 一細 三歲一開始收兩個茶 提完佢地多收咗餸張單最底即刻多咗個茶你好嘢 三歲飲中國茶 一壼滾水都無小家食物ok 環境ok仍然都係一間大陸餐飲素質完