影片
更多
2018-11-26
104 浏览
一直都好鍾意食片皮鴨，期待到今日成日返工都諗住放工就可以去食。其實香港提供片皮鴨嘅餐廳都唔少，但質素可以好大分別。今次食到高質片皮鴨點可以唔開心share半隻烤鴨配呢度特色嘅八寶盒。平時食炸鴨多數只提供甜醬，蔥絲，青瓜絲做配料，呢度提供西式食法，有藍莓醬，山楂條同洋蔥絲，另有秘製嘅芥末醬同爆炸糖。桌前有個長方形盤，店員首先將皮嘅部分放上去，原來盤下係一包類似暖包嘅東西，放到水裡有化學作用產生熱力，一直熱住啲鴨。八寶盒中央有同樣設計蒸住啲薄餅皮。炸鴨有專人在旁邊分部位切，然後分成三碟送上你前面嘅長方形蒸盤上，半隻鴨份量都幾多。店員介紹呢度獨創嘅食法：先將鴨皮沾爆炸糖，含喺口中幾秒再咬。我地心諗：咁玩嘢，應該都唔慌好食。結果一咬，個皮炸得好香脆，鴨油好香加埋爆炸糖嘅聲音同甜味，估唔到真係夾，完全唔係亂嚟嘅fusion。另一個西式食法用薄餅皮包住藍莓醬，洋蔥絲，山楂條同主角片皮鴨，亦都係意想不到嘅夾。整體成個炸鴨炸得剛好，又香又脆口，八寶盒嘅配料提供傳統又新式食法好玩又好食。另外試左獅子頭，用個好似茶壺嚟碗仔裝住一粒獅子頭仲會配一碗迷你嘅飯畀你撈嚟食，好得意。呢度嘅獅子頭做得唔錯，好入味，肉
半隻烤鴨配呢度特色嘅八寶盒。
平時食炸鴨多數只提供甜醬，蔥絲，青瓜絲做配料，呢度提供西式食法，有藍莓醬，山楂條同洋蔥絲，另有秘製嘅芥末醬同爆炸糖。
桌前有個長方形盤，店員首先將皮嘅部分放上去，原來盤下係一包類似暖包嘅東西，放到水裡有化學作用產生熱力，一直熱住啲鴨。八寶盒中央有同樣設計蒸住啲薄餅皮。炸鴨有專人在旁邊分部位切，然後分成三碟送上你前面嘅長方形蒸盤上，半隻鴨份量都幾多。
店員介紹呢度獨創嘅食法：先將鴨皮沾爆炸糖，含喺口中幾秒再咬。我地心諗：咁玩嘢，應該都唔慌好食。結果一咬，個皮炸得好香脆，鴨油好香加埋爆炸糖嘅聲音同甜味，估唔到真係夾，完全唔係亂嚟嘅fusion。另一個西式食法用薄餅皮包住藍莓醬，洋蔥絲，山楂條同主角片皮鴨，亦都係意想不到嘅夾。整體成個炸鴨炸得剛好，又香又脆口，八寶盒嘅配料提供傳統又新式食法好玩又好食。
另外試左獅子頭，用個好似茶壺嚟碗仔裝住一粒獅子頭仲會配一碗迷你嘅飯畀你撈嚟食，好得意。呢度嘅獅子頭做得唔錯，好入味，肉質亦好鬆左但又唔會太散。
蜜汁脆芋絲好似拔絲，又脆又甜，超好味呢
鬆皮酸辣湯真係第一次食，呢度酸辣湯嘅味道同之前食過嘅唔同，都幾辣，幾醒胃。
拆骨肉燉白菜，湯頭因為好多豬肉絲所以好甜，有咁多菜食好健康，大大煲裡面仲有粉皮，非常抵食。
仲叫左其他野食都唔錯。
北京干炸丸子
籠仔櫻花蝦海味蒸飯
擔擔麵
難以忘懷片皮鴨喺專我口中嘅甘香，下次一定叫埋我班片皮鴨之友嚟返尋味
张贴
