羲和雅苑

营业中

休息中

之前經常提起既爆炸糖片皮鴨想試左好耐，咁啱有朋友生日就決定去食呢間慶祝。餐廳內裝修好古色古香仲有海景。主角當然係片皮鴨，係訂位同時已經預訂左烤鴨一入到枱就可以準備上菜之後再慢慢諗食咩，除左烤鴨外款式都幾多選擇但相信食完主角都已經填滿半個肚所以淨點左2款菜同甜品。金沙鮮魷魚份量十分大，外層炸皮脆卜卜得黎有沾上鹹蛋黃同內裏既油份，魷魚炸得唔老又爽彈。金銀蛋浸䈑筍皮蛋同鹹蛋鋪滿係萵筍面上加上少少肉碎，湯汁帶鹹蛋黃香飲落都唔會口乾，䈑筍切到一絲絲仍保持脆口唔會過淋。烤鴨上前店員首先放上八寶盒同一盤帶熱氣既盤整理好放枱，然後即製既羲和烤鴨由師傅推出到枱前再慢慢將烤鴨分割。首先係烤鴨皮做第一道菜放上熱盤保温，然後到鴨胸到最後為鴨腿肉。八寶盒上有自家製既簿餅皮，除左傳統配料外仲有山楂同洋蔥用黎包簿餅食落感覺比較清新無咁膩，最期待當然係爆炸糖食落無失望感覺比預期中夾原來甜版既片皮鴨都幾搭配。食完鴨都已經好飽，最後再追加糖水楊枝甘露芒果香甜柚子甘香薑汁紅棗桃膠薑味十分濃又夠辣幫助消化。

中菜黎講京菜入面既片皮鴨應該係我最鍾意既菜式之一,朋友見我成日揾有片皮鴨既餐廳今日佢就帶左我去海港城羲和雅苑試試.打開本郁而有份量既餐牌即刻揾片皮鴨,點左半隻再加份八寶盒叫餐廳上左先然後再慢慢研究下份menu.最後追加左一人一碗湯羹同小菜.酥皮酸辣湯酥皮焗得金黃又脹卜卜咁,內裹酸辣湯好足料有適木耳筍絲等等,中西合璧食法估唔到都幾夾.山藥燕窩羹飲落會咬到一粒粒爽脆既山藥加上燕窩既口感軟淋形成對比,味道清清地又暖胃.等左陣終於到皮片鴨出場,一共有3食部位1.鴨皮建議沾爆炸糖同藍莓醬食,見到店員開包爆炸糖放係八寶盒入面好新奇,即刻試食一舊又估唔到幾特別,鴨皮既油遇上爆炸糖後係口腔入面爆破砂砂聲,爆炸糖同藍莓醬令鴨片無咁油膩.2.鴨胸建議用芥末,芥末係店內特製食落比起其他芥末更甜又帶多點酸味唔會辣.鴨胸肉都唔會鞋,出色.3.鴨腿係最期待,可以包上簿餅加上傳統既京蔥同青瓜最後沾上甜烤鴨醬十分滿足,簿餅皮簿得黎又煙靭.食完片皮鴨後最後一道菜炸豆腐都上左,外皮炸得乾身呈金黃色加上少少椒鹽令味道清淡既豆腐唔會過單調,外脆內軟得黎又唔會一夾就散.

終於考完大學最後一次既試！為咗慶祝完sem，決定同朋友食餐豪既，最後選擇了呢間環境相當不錯既中式餐廳，見佢菜式選擇非常多，重點系有我至愛既片皮鴨！話明片皮鴨系我至愛，而且呢間餐廳最出名就系片皮鴨，咁又點可以唔嗌呢？！鴨烤好後，師傅會即場片鴨，其後店員會詳細講解食法，非常貼心。呢度將鴨分咗鴨皮、鴨胸肉同鴨腿肉三部分，每一部分都配以唔同既食法，聽聞有啲係呢度獨創既食法，非常特別。首先係鴨皮配以藍莓醬同爆炸糖，咁既食法真係第一次試，鴨皮好香油香，再加埋爆炸糖喺口入面啪啪啪咁爆，好盞鬼，而且係出奇地夾。其次係鴨胸肉配以芥末醬，酸酸甜甜咁，兩者非常夾。最後鴨胸肉就係傳統既食法，鴨胸肉非常嫩滑，再加埋青瓜同甜醬包埋一齊食，勁正😆；又或者可以配山楂加洋蔥同藍莓醬，新既食法亦相當不錯。另外仲嗌了多款小菜，特別中意梅菜干煸四季豆，送飯食簡直一流。動感豆腐既動感原來係因為木魚絲😂，豆腐非常嫩滑，再加埋木魚絲，口感豐富了不少。芥末沙津蝦球係店員推薦的，大大隻既蝦球，以米餅作底，再加埋芥末醬，口感相當豐富。青梅一字骨，一上菜就聞到酸味，食落亦好入味。宮爆雞丁相當入味，而且雞肉肉質嫩滑，不錯。食咗太多肉，為咗減

辛辛苦苦終於捱到放假嘅日子，梗係要揾間好食嘅餐廳去慶祝下！朋友話好耐冇食過片皮鴨，見網上有人推薦食呢間，所以就一齊去試下。雖然話呢間餐廳座落係尖沙咀海旁，但其實除左片皮鴨呢一味相對貴少少之外，其他菜式嘅價錢都幾合理，加埋有得一路食一路欣賞維港景色，都真係幾抵一坐低就即刻叫左一隻片皮鴨，我地4個人食，一隻都好快清晒呢度最特別嘅係佢地發明左好多唔同食片皮鴨嘅方法，例如唔同部位嘅鴨要點唔同嘅醬，亦都未必需要包住黎食，亦都有好多新嘅醬同配菜去包，例如係藍莓醬同蜜糖芥茉醬，山楂條同爆炸糖等等，雖然我覺得都係傳統嘅食法最好食，但係呢D唔同嘅建議配搭都真係幾有新意同埋出奇地唔錯之後我地就每人食左一隻磯煮鮑魚，廚師已經將鮑魚切成一片片好方便食，鮑魚煮得香甜，食完一隻覺得完全唔夠呀呢個桂花蜜山藥都唔錯，桂花味道好出，山藥爽口，食完片皮鴨覺得有少少膩口嘅話食呢個非常有清新解膩嘅感覺如果我講咁多味餸之中我最鐘意食呢個會唔會好冇出色呢個蜜汁脆芋絲真係超級超級好食，首先佢真係好大份，岩晒我呢個芋頭控！佢嘅蜜糖超級多，完全唔會有一啖係冇蜜糖嘅，但佢又唔會死甜，清甜加埋脆脆嘅芋絲條真係會令人忍唔住食完一啖再一啖！輕

之前返大陸食過羲和雅苑, 印象中唔錯, 但一直都唔知原來香港有分店嫁本身我地想試下隔離既西餐, 但見到羲和雅苑, 即臨時改左主意!入到去, 高級中餐既設計, 仲有維港既境色, 環境簡直一流! 餐牌入面既野食雖然唔平, 但都好有特色, 每一樣都好吸引我去試呢之前係大陸食過佢地既北京烤鴨, 印象中唔錯, 所以我地今次都有叫半隻一齊share! 再另外叫左幾個餸試下! 雖然唔可以所有送到滿分, 但有幾款都令我印象幾深刻!1. 半隻烤鴨 ($328) - 當然要介紹佢地既招牌菜啦! 佢地既烤鴨她好特別, 係有3種食法嫁! 廚師根據3種唔同既方法黎切! 第1種係只切鴨樣, 再點藍莓醬同爆炸糖一齊食, 口感同味道都好得意, 除左d皮咬落好鬆化, 仲有d爆炸糖係口入面彈黎彈去 第2種係皮肉以大約4:1既比例黎切, 再點D mustard, 感覺好似食緊煙鴨胸, 但肉更新鮮同鴨香味更濃 第3種係最基本既切法加食法, 切成半皮肉, 點海鮮醬同加D京蔥一齊食, 特別D可以加多條紅菜頭一齊食, 即刻解哂膩2. 孜然羊架4件 ($188) - 羊架煮得岩岩好! 肉有彈性但一D都唔韌, 外層燒得又香又略脆, 加

細個既時候一聽到話有片皮鴨食就好開心 依家大個就少左食 今次就決定重拾番細個食片皮鴨既回憶店舖裝修精緻 坐位都夠寬闊 有啲位更加望到維港既景色黎到呢間餐廳當然要叫片皮鴨 師傅會出黎即席片鴨肉 而且旁邊都有店員講解食法 夠晒貼心呢到既食法同出面既餐廳有啲唔同 呢到將鴨分成三個部分 配以不同食法 第一種係有藍莓醬配爆炸糖 配以鴨胸皮食 第二種係蘸上呢到師傅秘制既芥末醬配鴨胸肉食 第三種就係鴨胸肉 呢個部份既鴨腿肉可以以傳統食法：京蔥同甜醬或者可以用山楂配洋蔥同藍莓醬 食落口酸酸甜甜👍🏻桂花蜜山藥味道清新 配有桂花既清香 幾開胃干煸四季豆 呢個菜係我成日叫既菜式 😂雖然簡單 但係配飯食一流小肉餅細細件 而且將醬汁放係肉餅上面比食客自行調節分量動感豆腐配上木魚絲 木魚係豆腐上面擺動 實係夠晒動感😂芥末沙律蝦球 配上米餅 增加咬口

和家人在尖沙咀逛街，走到海港城附近到了吃飯時間，想著隨便在附近吃個晚餐便可以了。一路上看有哪些餐廳比較吸引，由於家人喜歡吃中菜，所以最尾選擇了這間餐廳，價錢不算太貴。首先我們叫了一個前菜就是最正常的手拍青瓜，手拍青瓜比想像中辣一點，但是調教得非常入味，辣得來亦非常吸引。家人很喜歡吃魚，所以我們叫了他的炸魚，這個炸魚是用桂花魚造成的。外面脆得來內裏的肉很滑，做法有點像松子黃魚，但是他的醬除了甜甜酸酸外，有了一點辣汁，喜歡吃辣的朋友可以試一試，但是不會太辣。喜歡吃辣的我們除了叫這個魚外，我們亦叫了一個宮保蝦球。宮保蝦球就是宮保雞丁的做法但是把雞丁轉做了蝦球，蝦球大大隻非常爽脆，外面包了一層薄薄的粉，配合這個宮保的做法用來配飯一流。飽肚的選擇我們叫了一個櫻花蝦海鮮炒飯，櫻花蝦海鮮炒飯配有一點鹹蛋黃醬，有蝦及帶子等海鮮配以炒，價錢不算太貴，作為飽肚，選擇之選非常正確。下次多人時試試他的片皮鴨，好像很多人叫很好味似的。

和家人慶祝母親節，選擇了在尖沙咀吃中餐看到這間北京菜有片皮鴨吃，來這裏一試。我們叫了一個比較特別的前菜，是桂花蜜山藥$48。桂花山藥約很特別，山藥即是我們的淮山，口感帶黏，有非常濃郁的桂花味，很少吃前菜會是甜的，感覺有點怪，如果放在最後吃可能更夾。我們五個人叫了一整隻片皮烤鴨$598，分量算是剛好，因為鴨的份量也挺大隻，多肉。店員會為你介紹片皮鴨的食法，會將不同位置的鴨皮肉分做三種，一種是鴨胸皮，另外是鴨胸肉，再有鴨髀肉。 鴨胸皮是最肥美的，一咬下去滿是油香，皮很香脆。店員介紹了一種新食法就是把鴨胸皮混入藍莓醬及爆炸糖吃， 這個食法很新穎，能夠把最肥美的鴨胸皮的油膩感減少。 另外鴨胸肉的食法是混合了店舖特製的黃芥末醬，想不到原來黃芥末除了混合燒肉外，混合鴨胸肉亦一流。我想應該是鴨和醬也有很好的品質。 最後是鴨脾肉是用傳統的片皮鴨包食法，除了正常的甜醬青瓜京蔥外，他一提供了另一種食法就是山藥洋蔥藍莓醬，個人還是喜歡傳統的食法。來到吃北京菜當然少不了吃他的獅子球，雖然獅子頭像是上海做的，哈哈，但是不要緊。我們還是試了。獅子頭的價錢是48蚊一粒，size不算太大，但是獅子頭來的時候會配一碗細

為補祝母親節, 帶親愛的母親大人食好一點! 又因為我大愛片皮鴨, 一直想再食羲和雅苑, 所以充滿私心地選了羲和雅苑來補祝馳名烤鴨(半隻)《$328》※ 推薦指數: 5/5有師傅出來表演如果切出一片片的鴨呢~~~羲和雅苑的片皮鴨分了三食: 1.鴨皮 2.半皮半肉配芥辣 3.傳統包餅皮每款食法都既特別又好食!1.鴨皮油份略重, 幸好燒得很香脆, 充滿著鴨油香!另外, 就要提及最特式的食法: 配爆炸糖和藍莓醬一起放入好, 好得意呢~2.半皮半肉配芥辣三款入面我的最愛, 皮肉分怖剛好, 加點芥辣, 鴨味即時提升!3.傳統包餅皮其實都不錯! 但可能因為要分作三食, 鴨肉比較薄, 包了皮後鴨香大大減退...所以每次都要包兩片鴨才剛剛好!磯煮鮑魚《$88》※ 推薦指數: 4/5鮑魚真的很鮮甜, 是食得出的新鮮!磯煮後不會過咸, 反而提升了鮑魚的鮮味栗米魚肚羹《$88》※ 推薦指數: 5/5啖啖魚肚喔!!!雖然真的有點貴, 但真的是真材實料呢~松茸素佛跳牆《$138》※ 推薦指數: 4/5如果說栗米魚肚羹有點貴, 這松茸素佛跳牆真的是超貴!雖然松茸份最多而且湯亦很清甜, 但真的很貴呢, 所以扣了一分~

辛苦左一段時間 終於有機會慶祝下 食下念念不忘既北京填鴨我地五個人點左一隻烤鴨 有師傅出黎親自切 食法分為三個部分 店員親自詳細講解每種食法首先係鴨胸皮 本身已經十分香脆 有油香 蘸上藍莓醬及爆炸糖後 要放在口中含一陣 享受一下爆炸糖 然後先食 口感十分豐富 正呀之後係鴨胸肉 要蘸芥末醬食 味道酸中带甜 不會油腻最後係鴨腿肉 十分嫩滑 有兩種食法 傳統食法係配上薄餅 京葱和青瓜 不愧為一直以來既傳統 果然好Match 而新式食法係配薄餅 藍梅醬及山楂 味道偏甜 又係一種新嘗試蜜汁脆芋絲 呢個真係好好味！！！芋絲真係好幼好脆 沾滿蜜汁 蜜糖味濃 但甜而不膩 一定要再黎食 獅子頭 雖然小小一球 但肉質嫩滑 味濃而多汁 配白飯食好味桂花蜜山藥 桂花蜜香甜 山藥爽口碟矶煮鲍鱼 好爽口 好入味干煸四季豆水準不錯 好有鑊氣芥末沙律蝦球炸得好 蝦夠曬大舊 味道新鮮 配埋芥末醬 以及米餅 口感更豐富 青梅一字骨真係好勁梅味 夠曬酸 未食都已經聞到 好開胃 啱曬鐘意食酸味既朋友老北京炸酱面 可以自行調節落幾多醬料落去 啱返自己口味 咁就唔會太鹹或太辣啦 而麵條都夠煙韌 整體口感好豐富

難得收早一於約朋友食個晚飯聽講呢間餐廳最出名係食片皮鴨我同朋友二話不說就入左去餐廳環境好靚我地坐左卡位 好闊落叫左半隻片皮鴨師傅會係你面前表演點切片皮鴨呢隻片皮鴨總共有3種食法侍應好詳細咁講每一種食法鴨好肥美 肉質鮮嫩最特別既緊係配有藍莓醬同山楂條第一次食咁既食法 但估唔到味道又幾夾口感多左層次但我最愛就係用皮包住食 餐廳好貼心會用發熱包烘熱住蒸籠 令佢唔會變硬我地仲叫左個鹹蛋黃炒魷魚魷魚外層包滿住金黃色既鹹蛋黃味道濃郁 炸得鬆脆值得一試黑松露蝦仁炒蛋蝦仁好爽 蛋唔會炒得好老配上黑松露色香味十足白菜窩有白菜 薯粉 雲耳同肉絲分量十足而且個湯好鮮甜櫻花蝦海鮮蒸籠仔飯個飯十分香 蒸出黎軟硬道岩岩好而且d飯索哂海鮮既精華好鮮甜同開胃配埋櫻花蝦增加香味

今晚同朋友係TST食左餐豐富的中國菜馳名烤鴨, 鴨皮的汁也明顯更豐盈飽滿些。而掛爐烤鴨帶有的果木清香, 肉質肥而不膩，外脆里嫩，非常好吃, 烤鴨被分成片放進盤子裏，鴨皮很光滑，呈褐色狀，翻過來，鴨肉很白嫩，令人垂涎欲滴。配以大葱, 、黄瓜丝、甜面酱，用薄饼卷着食用, 再配上爆炸糖, 口感好特別哦青梅一字骨,  在天氣炎熱食欲不振的季節里，來製作一盤酸甜可口、極具風味的梅子排骨, 肉質飽滿肥美黑椒鹽炸粟米, 椒鹽同辣椒令粟米好惹味，越沾得多辣粉越正 , 惹味無比宮保大蝦球, 火爆炒菜並放紅辣椒的作法, 口感香辣，鮮美滑嫩，非常下飯

有幾年冇食過北京填鴨 好似係 除非唔係 經過海港城 新裝修嘅呢邊 喺餐廳門口經過 見到 招牌菜 係北京填鴨 門面幾靚 落地玻璃見到海景就入去試下 第一次lunch食北京填鴨 叫咗一碟小食 一碟炒飯同一份 北京填鴨 兩個人 食到飽飽 北京填鴨 師傅好專業咁 砌咗三個部位 放到靚一靚 侍應生 耐性地 逐一介紹... 介紹 有乜嘢 醬料 配菜 同點樣食法 最新奇係 山楂糕同爆炸糖 一路食一路喺個口度爆 口感好特別 又鹹又甜 酸酸地 仲爆炸 Haha 幾好玩 包北京填鴨嘅面皮 又做得幾鬆軟 最緊要夠薄 鴨件已經夠油膩 好容易飽 如果面皮 厚身啲嘅話 食兩嚿就飽 呢個厚度啱啱好 女孩子都可以食多幾嚿

這間海港城既中餐廰一直都很受歡迎，隨左食到正宗beijing菜外，仲可以享受維港180海景，為慶祝同事生日，決定豪一豪。環境相當高檔，富有中國風，大部分位置都有屏風包圍，很高私隱度。頭盤咸蛋黃鮮魷，炸得非常脆，咸蛋香濃但咸度適中，鮮魷裏面有大量肉汁，水準很高。魚肚湯係這裏相當火紅，喝一口鮮味大爆發，喝到大量海鮮味外，與pumpkin甜味非常配合，友人即時叫多一盅。主菜燒鴨分三種方式上，先吃皮，再試另外兩款皮和肉，熱度，鴨味相當濃味，配上用寶盒上的各款醬，特別係爆炸糖和莓醬，係我食過最正既烤鴨。

為咗同朋友慶祝完sem， 特意揀咗環境一流，亦有特色嘅中菜餐廳食飯！我地一行5人嗌左超多餸，因為除咗片皮鴨之外，其他餸菜都唔太貴，可以接受我哋嗌咗一隻鴨，店員會為你即場片😂！總共會片出三小碟出嚟，每一碟都有唔同食法。而店員就會好詳細講解，好貼心除咗傳統食法之外，仲會有藍莓醬配爆炸糖，黃芥末醬同山楂條配洋蔥。食法創新，而且味道同傳統食法不遑多讓獅子頭好迷你😂醬汁濃味，肉質鬆化蜜汁脆芋絲好驚喜，酥脆之餘仲有好多蜜糖，大推！干煸四季豆好有鑊氣，送白飯一流想清淡啲就可以有金銀蛋浸萵筍，同樣好味動感豆腐原來係因為有木魚😂豆腐本身好嫩溫桂花蜜山藥好清新解膩芥末沙律蝦炸得好，配埋下面米餅口感跟進一層宮爆雞丁十分惹味，雞肉鮮嫩，京蔥索晒汁青梅一字骨酸味夠，好開胃