羲和雅苑

营业中

休息中

成日去到海港城都唔知食乜，同埋要等好耐先有枱，今次我做定資料搜集，搵左呢間專食片皮鴨既羲和雅苑～事前已經訂左枱，一入座店員就帶左我地去呢個自成一角既位置～望出去仲有海景我地叫左好多唔同款既野食獅子頭：呢個獅子頭係配碗細細地既白飯食既～店員建議我地先將d白飯撈落獅子頭度食，咁獅子頭d汁就會撈埋落d飯度我未食過正宗既獅子頭，所以都唔知係點，但呢一個我覺得好好食，味道唔會好咸，多汁得黎送飯一流！白藥燕窩羹：呢個羹相對其他菜式比較淡味，店員都較準哂上菜時間，上左呢個羹先～山藥食落爽爽聲，仲真係有一大揪燕窩食完個感覺好滋補！椒鹽炸魚皮：可能大家打邊爐食日都叫炸魚皮覺得冇乜特別～但係呢度d炸魚皮我地就覺得用料一流！平時食幾舊都覺得好漏，但今次竟然冇！因為太大碟既關係，碟魚皮我地由頭食到落尾，但最後食個陣都仍然係好酥脆，唔會話硬同un! 值得推介！片皮鴨：登登登登！黎到今日重點！師傅係你面前片！佢一路片個陣我就一路聽到脆卜卜既聲音！一食落去果然係不得了！呢款片皮鴨食法有別於傳統，店員一黎就講解原來係有唔同食法～由右至左食法：1:配梅醬，加爆炸糖酸酸地好開胃2. 配芥辣醬，好有刺激味蕾既感覺3. 傳統

朋友是一位對食物質素絕對有要求的一位朋友，所以對於我來說也是挺頭痛的，我和朋友也是中式的愛好者所以在網上搜尋一遍後知名這間位於海港城的中式餐廳是比較出名的，而且感覺環境和食物質素不錯，當然要去試一試。馳名烤鴨(半隻)這裏的北京鴨應該是很有名氣的，所以我們當然要點來試一下。廚師將鴨放在移動桌上將施展他的刀法遂片遂片切下來，很有視覺效果。廚師切下來的鴨肉共有幾個部份，服務員跟我們介紹着說每部份的鴨肉需要的是什麼配料和醬汁。鴨胸皮要配的是爆炸糖，這個配搭非常有趣，鴨胸皮和爆炸糖的配搭吃下去有點甜外皮感覺很脆和爆炸糖一起吃很有口感。鴨胸肉這部份的肉是要用面皮包京蔥、青瓜等再是沾上芥茉醬去吃，牛胸肉很新鮮而且外皮很趣有一點鴨油，很有柔潤感，和配菜一起吃很滋味。鴨腿肉可配兩種食法，可以用傳統吃法和另外一種比較新式的吃法就是可以配上洋蔥、山渣，酸梅醬等，吃下去酸酸的再配上洋蔥口感刺激和開胃。磯煮鮑魚鮑魚一片片的整齊的放在碟上賣相很吸引吃下去鮑魚很新鮮而且很煙靭，吃了一片再想吃多幾片。蝦乾冰草這是㕑師的推介，冰草我也是第一次吃，感覺很爽口而且配有蝦乾，吃下去有蝦的味道而且令到冰草有不會太單調，很爽很香

好喜歡烤鴨，女友話呢間個個都話正，決定去試試，328蚊半隻，我覺得價錢略貴，但如果好食無坊。結果，好Q難食。 同一般港式流行烤鴨食法一樣，有三種，鴨皮，鴨胸，鴨脾。鴨皮一般點砂糖食，呢度食法好特別，點爆炸糖加藍莓醬，個人覺得只係噱頭野，而鴨皮烤到好似成口油咁，完全無香脆既感覺。中間係鴨胸，據侍應話係要點師傅“特別"調制既芥末醬，本人覺得同超市買既芥末無分別，唔識欣賞佢既特別，但總算入到口。鴨脾加傳統食法，即係包薄餅皮再加上京蔥同西青瓜，配甜醬食，一入口，感覺隻鴨應該都烤好後擺左好一段時間，脂肪已經係凝固左，一片片肉極少，脂肪極多，好似食緊凝固左既食油咁，而且係“騷"到不得了。結果食左兩片已經頂唔順，另外仲有兩味燒汁芥末牛柳，好咸，同海味籠仔櫻花蝦蒸飯，除左味精，就係味精，同屋企附近既茶記味道相似，但係3倍價錢。請都唔會再食。去之前請三思。

位於海港城盡頭的羲和雅苑，是一家來自北京的雅緻中菜館，能飽覽維港的景色。餐廳地方唔細，有室內同埋室外位，今日天色幾靚，能完全冇阻隔咁欣賞世界第一維港夜景，心情都靚啲！薑味汽水 $45問完要唔要冰，上菜時仲幫你開罐同埋斟埋，服務一流！羲和馳名烤鴨（半隻）$328色澤飽滿，燒得勁靚仔！之後師傅就會將佢分體！會分成三碟，一鴨三吃！中間的蒸籠放著薄餅，配料除咗有傳統食片皮鴨嘅甜麵醬、青瓜同埋京蔥絲之外，另外仲有藍莓醬、芥末醬、紫洋蔥同埋京糕條！而最特別嘅係有一包爆炸糖！！左手邊的第一碟是燒至香脆的鴨皮，建議食法是配藍莓醬＋爆炸糖，又甜又脆又跳彈，非常新奇好玩的食法！右手邊的是鴨胸肉，建議配芥茉醬，酸中帶甜，頗為刺激的！最後一碟是鴨腿肉，可任意配醬料和配菜來吃，傳統一點可以加入京蔥青瓜再配甜麵醬；新潮一點，可以加入洋蔥和京糕條，再配藍莓醬！張氏獅子頭 $48羲和雅苑有三寶，第一寶就是烤鴨，第二寶就是這個迷你的獅子頭，味道淳厚，口感鬆軟，仲配一碗迷你白飯，正！黃扒魚肚 $148羲和第三寶黃扒魚肚，以南瓜作為湯底，魚肚軟腍鮮味，連湯底也是一樣極盡鮮味，是無可挑剔的一道上品！金銀蛋浸萵筍 $88以濃郁

記得細細個去酒樓食飯都好鍾意食片皮鴨，到大個反而唔多地方有得食，今日就黎到呢度試下佢d片皮鴨！個menu除左片皮鴨都仲有好多特色野食，可以選擇叫set又或者散叫！呢度d野食話傳統又唔算好傳統，係喺中菜入面加入一d現代元素咁，幾有創意第一味上係蝦乾冰菜，有個味道好似酒醋嘅汁做底，酸酸地幾開胃跟住黎左獅子頭，雖然唔算好大個，但佢配埋一碗仔飯上，撈埋食都幾滿足，就叫單獨食都好味！酥皮酸辣湯呢個組合真係第一次試，又估唔到西式酥皮同中式酸辣湯可以擺埋一齊，效果幾好跟住重頭戲黎啦！叫烤鴨嘅話會有個師傅喺你面前即刻起皮起肉，再有店員介紹食法，其中一個食法竟然係烤鴨皮點爆炸糖，解膩得黎又多一重口感！仲有山楂餅、洋蔥、青蔥、青瓜、芥茉可以配搭黎食，一個菜可以有唔止5-6個食法，變化豐富！宮保帶子球，惹味，帶子新鮮北京干炸丸子，入口鬆化最後上嘅係櫻花蝦海味蒸飯，其實已經食到飽飽地，但一打開個蒸籠蓋，陣香氣又再勾起食慾！最最最後，以一個嫩滑嘅紫薯燕窩燉蛋白作結，完美！

同爸爸補祝父親節， 佢話好滿意呢一餐！ 首先環境黎講呢間真係幾靚幾雅緻，望到維多利亞港，可以出去露天位置影相。座位都好闊，坐得舒服， 仲有得叉電。食物質素方面，同一開張時相比依然保持到水準每次來都會叫的「烤鴨」半隻烤鴨同北京食到的一樣咁講究， 有3種食法：一食： 鴨胸皮加藍莓醬或跳跳糖，鴨胸皮好脆口！ 加埋跳跳糖係雙重刺激！二食：鴨胸肉點芥末醬，味道都幾夾，帶有一點微酸，幾開胃三食：鴨腿肉 用皮包埋甜麵醬、青瓜同蔥一齊食，係傳統食法，塊皮好薄，食多兩塊麵唔會咁易飽肚。又或者點藍莓醬、加埋紫洋蔥同山楂條食，都幾有特色。宮保帶子球帶子粒粒都好大，煮得岩岩好，滑而爽口仲有脆脆的腰果花生，同埋幾入味的大蔥，口感不錯。味道香辣得黎都比較濃味，岩配飯一齊食。金沙鮮魷魚呢碟真係好好食雖然咸蛋黃多到有點罪惡感，但又忍唔住係咁食！ 外脆內爽彈，魷魚唔會靭，咬感幾好，夠新鮮花蜜汁黑椒雞翼呢碟雞翼又係伴飯良菜！蜜糖甜甜地，加上少少黑椒味，小朋友都鐘意食。而且雞翼係炸過的，炸皮幾薄，肉質都依然juicy紫薯燕窩蒸蛋白，呢款岩想食甜品又怕肥的女士，甜度適中，食材健康，仲有份量幾多的燕窩

早排父親節，就揀咗爸爸好鐘意食嘅北京菜。知道父親節個幾日會好多人，所以一早就book咗位。入面啲裝修都偏向中國風，通花嘅木隔間好有feel，而牆上嘅黑白相又比人有啲復古懷舊嘅感覺。桂花蜜山藥強推前菜！山藥發出淡淡嘅桂花香，桂花蜜包住每一個山藥，甜得泥又帶點小清新，而山藥就好爽脆！蜜汁脆芋絲又一甜蜜蜜之選，芋絲切到啱啱好，幼身，蜜汁沾滿住芋絲，但食落就甜而不漏。上菜時，店員仲超細心，話比我哋知，要趁熱食，凍咗就好易黏埋一齊，如果有需要仲可以叫佢地加返熱，好貼心！不過好好彩，冇呢個情況出現。馳名烤鴨一見到師傅推隻烤鴨出泥即刻心心眼，萬眾期待，師傅一片一片咁切出烤鴨，功架十足。烤鴨主要分咗三個部分，鴨胸皮、鴨胸肉同鴨腿肉。最欣賞係呢度除咗提供傳統嘅大蔥、青瓜同烤鴨醬之外，仲會藍莓醬同爆炸糖食法！我就最鐘意爆炸個食法，感覺好神奇，鴨皮充滿油香，而爆炸糖係口腔嘅氣泡真係好似係口入面跳緊舞咁，當中嘅糖分仲中和咗鴨胸皮嘅油膩感。除咗以上食法，餐廳仲提供埋芥末醬同山楂糕做配搭，一菜幾食。籠仔櫻花蝦海味蒸飯橙紅色嘅櫻花蝦配埋淡黃色嘅炒飯，顏色鮮豔，睇見已胃口大開。材料超多，基本上每食一啖飯都包含咗一粉嘅

今日朋友生日，同左佢嚟尖沙咀海港城度食飯，因為朋友好鍾意食片皮鴨嘅關係，所以我哋選擇咗呢一間餐廳。我哋提早左兩個星期就已經訂咗位㗎啦，但係估唔到當我地準時到達嘅時候，都仲要我地等左半個鐘，大啦啦成10幾日，企喺門口等半個鐘，其實咁點解要卜位呢？內裏嘅裝修，簡潔，高尚，而且座位都算舒服，可以望到維港海灣，景色一流，而且仲係落地玻璃，環境十分之優美。我哋叫咗一隻片皮鴨，配料有好多，最特別嘅係佢哋會有爆炸糖，但係嗰塊皮， 10分之後，而且又唔夠熱，真係好失望，至於隻鴨，完全唔係新鮮嘅，上枱嘅時候已經凍凍地，好失望，因為話晒我哋嚟都係食片皮鴨。金鑽豆腐塊，冇咩特別,勝在嘅係新鮮炸起,仲係脆卜卜,但係裏面嘅,都只係普通嘅百福豆腐,完全唔值呢一個價錢。櫻花蝦海味蒸飯，唔覺得有啲咩特別，亦都唔值呢個價錢，份量十分之細，而且炒得好硬身，有冇咩味，唔知食緊啲咩。其他嘢，都唔想再講啦，總言之一句，佢除咗個海景，其他嘢真係不知所謂，完全唔值呢個價錢。

《推介 新派中菜 美食佳餚🌃》羲和雅苑做新派中菜，比起傳統與別不同，但係箇中精粹，依然係以中菜作為核心，而做法加入不少西式以及東方元素，適合本地及遊客品嚐。第一道鴨皮自重感比較重，味道濃烈，可以選擇千點將雀雀以及爆炸糖，脂肪在口中溶化，配合爆炸糖嘀嘀嗒嗒。這道菜式，是我從來未見過，新穎創新而且味道水準一流，我會選為必試菜式。第二道鴨胸肉，肉量多比較粗糙，適合點芥茉醬，用甜味道帶出鴨香。第三道鴨肉上菜，店務員介紹是鴨髀肉。髀肉是成隻鴨最香最柔嫩細緻的地方，而且味道更鮮，因此不用沾點任何醬汁已經可以品嚐。椒麻澳洲牛肋條此道菜也是頂尖的享受，強烈推薦。柔軟的牛肋骨肉，上碟時已經切成漂亮的連骨的厚肉片。牛肋骨肉的油花較多，亦因為油花分佈平均細緻，肉質鮮嫩而多汁。而且加入中式香料及青蔥，增添左麻辣風味。牛肉入口後有溶化的感覺，因此令你有食唔停口嘅衝動。

沿自北京總店，餐牌上的菜式圖文並茂，各類型的菜式看起來也十分吸引。近日天氣也開始炎熱，所以於吃飯前點了一個冷盤-桂花蜜山藥。山藥爽口鬆脆，配上甜甜的蜜汁，能為你清新一下味覺。當你點了片皮鴨，更會有師傅於你面前片鴨，分別先後送上鴨胸皮、鴨胸肉和鴨腿肉。除了傳統的食法搭配大葱、青瓜和甜醬，以薄餅包來吃，而羲和雅苑，創新了另外兩款食法。分別係鴨胸皮配上藍莓醬和爆炸糖;以及鴨胸肉佐特製芥末醬。當鴨胸皮蘸了藍莓醬和爆炸糖，放入口中時，爆炸糖的在嘴溶化時會產生氣泡，口感也變得新奇，而鴨胸皮更是味道香濃，油脂的香味也伴隨著咀嚼而慢慢釋放。值得一提的是特製芥末醬的味道十分出色，配上鴨肉時更能帶出鴨肉的鮮味。小吃方面更點了羲和小肉餅。相對其他菜式，小肉餅的表現是較為遜色，肉餅的粉漿太多，加上是油炸的飽點類食物，吃小半件便容易有飽肚感。整晚數樣的食物中，唯獨這個黃扒魚肚最令我印象深刻。湯入口順滑，味道帶有咸香鮮味，加上魚肚厚身，口感扎實。另外，我更點了一客松茸素佛跳牆，松茸份量很多，而且湯的味道更因為松茸及其他菇類而變得鮮甜無比。表現也很好。張氏獅子頭，味道香濃，肉質細嫩，店家更很細心地配上迷你飯，令客人

今日媽咪生日就帶距來呢度試下，壞境都唔錯嘎，幾有藝術感同中國風。芥末沙律蝦球$148上面係炸蝦球加沙律醬 一咬落去又脆又大大啖蝦肉。 嚟咗兩次都有叫。片皮鴨喺招牌，真心好食！！！ 呢度嘅服務真係唔錯有專人嚟切俾你 另外都會簡介片皮鴨嘅三種食法 最令人意外喺佢嘅藍莓醬配爆炸糖嘅食法。 喺其他中菜館都未試過呢個食法。 喺如果想食返少少菜嘅可以試吓呢個冰草， 哈哈我都係第一次食呢個冰草 食落去酸酸甜甜凍凍地幾開胃 ，有啲似中式嘅沙律。 喺出邊嘅中菜館都好少見。

來自北京的羲和雅苑，主打北京phone的特色吼鴨，配上多種食法。首間海外的分店選址在尖沙咀的海港城，雖然地方你地鐵站有一定的距離單看但是進入餐廳之後,可以飽覽部分維港的景色,這一餐晚飯別具特別意義。坐下之後，店員徐徐奉上熱茶，眾多不同的茶葉當中，選了白牡丹。當然比較普通的普洱，香片等等也會有。麻辣海蜇這一道餐前小食帶一點麻辣的感覺，嫲嫲不會過分搶鏡！黃金豆腐磚酥皮酸辣湯中式的酸辣湯，配上西方的食法，份外特別。酸辣湯都是用上新鮮的筍絲而炮製，味道層次分明。黑松露蠔仔煎蛋干鍋福花好惹味的一碟菜！辣椒只是吊味，不會太辣！主角出場，來自北京的烤鴨！真的是萬眾期待，因為我們只有兩個人，所以店員推薦我們點半隻，雖然只有半隻的份量，但是食法已有三種。一上枱，烤鴨用一個細少少的爐坐着，不擔心會變冷。鴨的皮很薄，而且沒有多餘的肥肉。先是將鴨的皮，點上店家為你準備的藍莓醬及爆炸糖，此食法為會跳舞的烤鴨！藍莓醬的酸，加上爆炸糖的甜，味道相得益彰。相信小朋友一定會喜歡。第二種食法，就是點上店家為你預備的蜜糖芥末，這個食法新穎，芥末醬挑起你的味蕾，帶出烤鴨的香。就算不用卷餅，味道已經十分有層次。第三次就係同普通

父親節當然要帶daddy食餐好，知daddy鐘意食片皮鴨，就黎左呢間羲和雅苑！黎到都好多人 好彩一早訂左位！首先當然必叫佢地既馳名烤鴨，師傅仲會係我地面前表演切鴨，呢度既片皮鴨有三種食法，分別係鴨皮、半皮半肉配芥辣同埋傳統既包餅皮食法！鴨皮烤得好香脆，鴨油既香味出哂黎，雖然聽落好似好油膩，但係食落完全唔覺呢！芥辣半皮鴨肉，芥辣同鴨肉好match ,令鴨肉既味道更出！傳統食法都好好味，餅皮唔會好厚，醬汁不膩，好推薦大家黎食啊！daddy都話好味道！我地一家鐘意食魚，就叫左份炸魚，魚係桂花魚黎，d汁無整到條魚表皮淋左，真係即叫即炸！魚皮炸到好香脆，內裡既魚肉好嫩滑，醬汁辣辣地好惹味！叫左個櫻花蝦海鮮炒飯，裡面加左點咸蛋黃醬勁香，配料有蝦同埋有帶子等，炒飯好夠鑊氣，炒得乾身唔濕，味道夠！呢度既菜式性價比高又正宗，下次會再黎呢！

今日又同兩位好朋友黎Girls’ Talk, 平時三個女仔都係好西餐多，話說今次想搞下新意，就試左呢間人氣餐廳。叫左前菜，不過不失。都啱我地一貫口味。到左主菜，不·得·了！下面呢個蟹粉豆腐係小妹大推的！非常舒服的味道，個咸蛋黃味唔會好濃好膩，反而同蟹粉味平均得來又清新。同埋小妹對食物的温度好重視，凍左嘅食物是大打折扣的！呢個豆腐有個爐一直保持温度，可見廚師的細心！平時怕肥的小妹都舀完一匙又一匙。到左重中之重, 呢度嘅signature dish—片皮鴨。本來我地怕叫左隻鴨，會太多，就叫唔到其他特色菜，但係觀察枱枱都是必點，都決定要試下！一鴨三個部位，幾種不同食法。不同的sauce, 又有中西式之分，仲新穎到加入爆炸糖。職員會細心講解，小妹想留番空間等你們自己去食嘅時候explore!值得一讚的係，個皮好薄，燒得好通透，完全沒有肥膩感。份量也剛剛好，唔會有食唔曬的感覺。另外，也有職員留意著，不時在下面個爐加入暖暖包，保持包皮的温度。小妹最重視蔬菜，又點可以唔叫菜。擺盤有心思。蒜味娃娃菜無得輸！甜品叫左楊枝甘露，十分清新。環境方面擁有Harbour City 無敵大海景！可惜小妹遲book

羲和雅院做新派中菜，比起傳統與別不同，但係箇中精粹，依然係以中菜作為核心，而做法加入不少西式以及東方元素，適合本地及遊客品嚐。第一道鴨皮自重感比較重，味道濃烈，可以選擇千點將雀雀以及爆炸糖，脂肪在口中溶化，配合爆炸糖嘀嘀嗒嗒。這道菜式，是我從來未見過，新穎創新而且味道水準一流，我會選為必試菜式。第二道鴨胸肉，肉量多比較粗糙，適合點芥茉醬，用甜味道帶出鴨香。第三道鴨肉上菜，店務員介紹是鴨髀肉。髀肉是成隻鴨最香最柔嫩細緻的地方，而且味道更鮮，因此不用沾點任何醬汁已經可以品嚐。椒麻澳洲牛肋條此道菜也是頂尖的享受，強烈推薦。柔軟的牛肋骨肉，上碟時已經切成漂亮的連骨的厚肉片。牛肋骨肉的油花較多，亦因為油花分佈平均細緻，肉質鮮嫩而多汁。而且加入中式香料及青蔥，增添左麻辣風味。牛肉入口後有溶化的感覺，因此令你有食唔停口嘅衝動。