羲和雅苑

营业中

休息中

鴨分了3份上碟 先來淨皮然後鴨胸(皮較少肉為主)最後就是傳統片皮鴨鴨烤得唔錯皮的確係好香脆但皮脂偏厚 較肥膩 有點太油膩的感覺淨皮建議食法是配紅梅醬同爆炸糖啅頭野實際就好玩麻麻地好食鴨胸就配秘製芥末醬芥末醬好正 其實配咩肉都會好食😂最後一款才配傳統的青瓜蔥同海鮮醬包起食或可包山楂條同洋蔥包皮非常薄身有韌度 偏硬了一點創意心思就夠哂但我都係鐘意傳統片皮鴨唔使搞咁多花臣我反而較喜歡這裡的前菜 推薦蜜汁脆芋絲芋絲條好幼好脆 蜜汁好似麥芽糖咁 黏黏的可以做到拉絲幾過癮黑椒椒鹽炸粟米亦正 夠蒜香又脆口惹味口水雞好重花生令醬汁過份杰身太厚太膩麻味亦偏重 味道缺乏層次金銀蛋浸萵筍唔係經常會食到 萵筍超爽口全海景餐廳預左價錢不便宜但最後埋單每人約2百幾蚊 比想像中抵食想去個靜靜地坐得舒服有景觀的中菜館可以考慮一試

今晩真係有口福喇，好友話要慶祝搵到份新工，嚟海港城嘅羲和雅苑食餐好嘅！😋😋餐廳外望嘅景色真係一流，餐廳內大部分座位可以近距離望住維港景色，咁啱天氣幾好，走出露台更可以乘著微風欣賞香港夜景嘅醉人景致。☺️☺️室內裝修走新派中式設計，無論吊燈或牆上嘅壁畫都各有特色。嚟到，當然唔少得點我最期待嘅「爆炸糖烤鴨」啦！感覺新奇又過癮！首先廚師係我哋面前即席將鴨皮及肉逐少逐少切割，將不同部位分成三碟。上菜後，服務員詳細咁介紹每一碟嘅配搭及食法。第一碟是鴨胸皮，服務員建議配搭藍莓醬及爆炸糖一起食用。第二碟是鴨胸肉，建議配搭黃芥末醬。第三碟是連皮帶肉嘅鴨腿肉，建議配自己喜歡嘅材料，如青瓜、蔥絲、洋蔥花、山楂條等，加埋醬料，用傳統食法，以薄餅皮包住食。店員介紹烤鴨食法時，勾起好多兒時回憶，感覺就好似睇返以前一套叫「伙頭仔昆布」嘅卡通片，每次伙頭仔昆布都會詳細介紹創新食品嘅食法，食完之後就會興奮得邊衝上天、邊高呼「好好味啊！」今次食爆炸糖烤鴨嘅體驗就好似重拾返呢種衝擊味蕾嘅感覺嘞！另外，我地仲點左和牛粒干煸口蘑、干鍋菜花、焗芝士大蝦、紅燒獅子頭、松茸素佛跳牆及粟米魚肚羹。🔸和牛粒干煸口蘑和牛肉粒又香又淋，口蘑味

千變萬化嘅中菜可謂難學難精 即使係平價食材經過高超手藝同花巧嘅心思烹調亦可成為貴價菜要搵一間有咁嘅心思手藝嘅中菜館並唔容易呢間食過幾次 水準穩定地高頭盤嗌咗個磯煮鮑魚冰鎮鮑魚爽口入味並唔出奇難得在隔離醃製嘅伴碟居然毫不遜色之後嗌咗個獅子頭獅子頭極鬆軟極碎嘅肉只係啱啱好可以聚埋一齊 擺入口就化開芥末沙律蝦球醬汁惹味 中菜中算係幾創新荷葉飯非常金黃打開薄薄嘅荷葉就出白煙青梅一字骨 酸甜有度 可以送三大碗飯全晚最深刻印象就係呢道拆骨肉燉白菜拆開咗肉唻煲 令佢嘅肉味滾哂出個湯度食材簡單但極鮮甜當然重頭戲少不了片皮鴨將皮胸脾分開各配不同醬料底座會發熱保持溫度十分考究

好耐冇食 鴨 啦, 仲要難得約到 三位朋友來到尖嘴 羲和雅苑品嚐鴨🦆🦆 。4人坐6人臺，好寬敞舒適。餐廳燈光柔和配合維港夜景，挺有情調😌，今次還要好難得同三個美女共進晚餐左思右想，點了12道菜。🔸️桂花蜜山藥(碟)$48個人覺得桂花清香，但略甜了點。山藥咬一口，挺清新可口。🔸️馳名烤鴨(隻)$598欣賞服務員講解鴨肉如何分三部分配合不同的調味料和配菜食，如鴨胸肉陪黃色芥末食。鴨腿肉會陪山楂，蔥，麵粉皮和甜汁一齊食物最普及的食法，也是我最愛的食法。鴨烤得好香，肉質保持嫰滑。🔸️張氏獅子頭$48精緻，肉碎味道不錯，記得趁熱品嚐🔸️黃扒魚肚(位)$148一盅好小，四人分淺嚐，魚肚好滑。🔸️撈汁秋葵(例)$58秋葵是很健康的蔬菜，挺清新fresh。 🔸️松露蠔仔煎蛋(例)$88松露香撲鼻，蠔仔煎蛋煎得很好，很完整，蛋和蠔仔均衡融合。蠔仔足料新鮮雖然是煎，但不干。🔸️榆耳碧綠核桃(例)$128核桃好香脆賣相吸引，色澤亮眼。🔸️牛油芝士焗大蝦(4隻)$188牛油芝士濃度剛好，焗得好香，每人一隻，剛剛好，蝦肉juicy,肉質保持嫰滑。🔸️青梅一字骨(例)$138汁份量剛好。🔸️宮保大蝦球(例)$128驚喜😍🤩 蝦肉厚厚

海港城多左好大範圍做高級食肆, 這家來自北京的想試好耐! 環境靚, 裝修雅致! 我哋2人有烤鴨套餐, 唔駛諗唔駛煩! 無見到隻鴨, 烤鴨唔喺我哋面前片, 見到既時候已經片好晒上碟, 一鴨三食! 先來一盤醬汁, 其中最特別係有爆炸糖, 最欣賞係芥末醬! 皮有點太油膩, 肉質細緻滑嫩, 肉味好濃郁! 建議餅皮包2片鴨肉食, 剛剛好! “素” 佛跳牆! 侍應姐姐走嚟 sell 我哋加錢轉燉湯, 我問同佛跳牆有咩分別 (我無為意原來係素), 佢哋只話佢哋既燉湯好出名…嗯..咁唔轉啦, 咪又係嗰 d 嘢? 點知原來係 “素” 佛跳牆…我估佢哋自己走嚟 sell 我哋既時候都唔記得呢個 “素” 字先係重點! 蜜汁脆芋絲, 回頭率超級高, 甜而油膩, 香脆可口, 超好味! 牛油芝士焗大蝦, 好大隻的蝦, 細心哋開邊去腸! 用上多種靚芝士, 濃濃咸香, 食2隻剛剛好, 唔太膩! 干鍋菜花, 菜爽口辣辣哋, 正好中和油膩感!包餐酒, 不過唔飲油可轉果汁! 我轉西瓜汁, 足料清涼! 最後楊枝甘露甜品, 細細的一碗, 麻麻哋, 各樣味道都略嫌不足! 註: 2人餐 $888, 茶芥 $20位, 埋單 $1,0

為咗搵仔仔嘅百日宴場地， 行遍了尖沙咀， 疲勞嘅我極需要美食cheer up, 就揀咗海港城呢一間之前聽人推介過嘅京菜式。一入去見裝橫極似北京上海嘅新派餐廳， 揉合了古典及現代美， 侍應嘅服務都好好。我哋首先叫咗半隻北京烤鴨， 一個湯，一個菜， 兩款主菜，一個主食，最後再叫兩個甜品， 嘴刁的我們飽到撐破了肚皮。半隻北京烤鴨， 分成了三小碟， 鴨皮 ，鴨胸, 鴨腿肉， 片片分明， 很考刀功。一食是鴨皮點爆炸糖及藍莓醬，二食是鴨胸肉點餐廳自家調配嘅芥末醬(呢個我最愛， 芥末醬有小顆粒，似美式及法式芥末混合)， 三食是傳統嘅包捲皮。 三種食法各有特色， 豐富味蕾。酥皮酸辣湯， 揉合了中西特色， 爆足料， 加上酥皮 ，需要兩個人share,否則會太飽。青梅一字骨，酸酸甜甜超級開胃， 而且面有新鮮青梅，很解膩。乾扁四季豆， 這道菜很常吃， 特別在於這加了梅菜， 混合起來加上肉碎及四季豆，口感豐富。乾炒牛河，大大塊牛肉片，惹味乾身。宮保大蝦球， 分量很大， 有5，6隻蝦球，辣而不燥，帶甜酸味道甜品雖然高質但價錢略貴， 楊枝甘露普普通通，薑汁紅棗桃膠是出面比較少有，製作需時，要等十分鐘，但很滋潤.

片皮鴨 ，油香肉滑，久不久總心思思想食，既然想食就唔會去普通茶樓是是但但咁食 決定再戰海港城靚景餐廳 ... 即係lee到 帶家人食盡點小心意😚一講就緊係講隻鴨先片皮前會將烤鴨送到席前讓人客檢視色澤紅潤，鴨身脹卜卜，皮下脂肪完全融化，鴨皮鬆脆，一咬已化酥香。每片皮肉比例3:7，油香豐富，又不覺很肥膩。食法夠特別 配山渣條藍莓醬夠新奇 點爆炸糖小朋友最中意 但爆炸糖被點一兩次後會變一舊舊 唔易點起黎食 而我就都係鐘受最傳統青瓜加醬 始終最基本 都最惹味磯煮鮑魚2隻176咩係磯煮？ 就係用濃的醬汁加上昆布慢火炆燉 所以唔會太鹹得來又好濃 烹煮過程非常費工及複雜但所熬煮出來的成品相當美味令鮑魚口感保持鮮嫩彈牙芥末沙律蝦球 我至愛😘芥茉醬即係師傅自己調配味道偏酸但係我鍾意佢夠炸皮薄

黎到海港城，除左買名牌之外，更係要食好野喇。黎到海港城最頂頂既海景位，就有間中式野食下，岩曬帶親戚屋企人黎。環境方面無敵大海景！當然就唔少得喇，如果8點前入座，仲可以欣賞到維港fing當當tin，唔洗係海傍同人逼。裝修方面，一入座，好似返左古代咁，每枱都有一個獨立既partition分隔，私隱度非常高，同隔離傾計細細聲就夠。食物方面片皮鴨半份，有師傅即場表演切，一共3道，3道都有唔同食法，詳細店員會逐一介紹，食落好有鴨既油氣，個皮燒得唔錯。魚皮，食落唔錯，厚薄均一，唔太咸韭香雞，成隻雞浸曬落碎韭菜度，吸收曬d韭菜既香味，食落唔油，幾特別既做法咸蛋黃魷魚，好有咸蛋黃既油氣，又有魷魚既彈牙，好邪惡既一道菜，高膽固醇人士注意。

今日朋友升職請食飯，嚟咗呢間係海港城嘅中餐廳，之前一直聽過呢度嘅烤鴨好出名，今日終於有機會試啦！餐牌嘅選擇都幾多，而且每款都好有特色！張氏獅子頭呢一個獅子頭好有驚喜，分量唔大，但味道非常好！醬汁調校得啱啱好，配埋白飯一齊食好夾呀！宮保帶子球用宮保嘅做法煮帶子係第一次試，味道唔會過辣，只係小小辣，唔錯！而且帶子非常爽口，口感一流！松露蠔仔煎蛋呢一個煎蛋非常有驚喜！首先蠔嘅數量都幾多，非常足料！而且配合埋松露將，味道出奇地好夾！有松露嘅香味之餘，又可以食到蠔嘅海鮮鮮味，好特別，推介！！牛油芝士焗大蝦一上枱嘅時候已經聞到陣陣嘅牛油芝士香味，證明食材足料，而且配合得恰到好處。焗大蝦蝦肉吸收左牛油芝士嘅精華，好味！而且肉質爽口，非常唔錯！食到最後主角烤鴨上場啦！呢度嘅烤鴨除咗好食出名之外，而食法亦都非常講究。師傅會先把烤鴨皮切出，再介紹我哋點上藍莓醬，再加爆炸糖一齊食！呢個食法非常新穎，充滿樂趣之餘，估唔到口感同味道都好夾！好驚喜！而第二層烤鴨最好嘅食法係配合芥茉醬，都唔錯，鴨肉鮮嫩而且外皮非常香脆！最後第三層嘅食法就係傳統以麵粉皮加上蔥同醬料食，一樣滿足！

海港城LCX近年開咗好多新嘅食肆，之前食過一間意大利餐廳佢嘅Pizza十分出色，係佢附近亦都有一間想食咗好耐嘅片皮鴨，今日終於都有機會一試。好耐冇食過海蜇，於是乎就點左一個麻辣海蜇頭做前菜。麻香海蜇爽，作為開胃前菜十分醒胃。松露蠔仔煎蛋-估唔到松露加蠔仔會咁夾，蠔仔大小適中，煎到剛熟，松露帶出蠔仔嘅鮮味，而且蛋亦都煎得夠乾身，有d驚喜！終於嚟到主菜-片皮鴨。經理好好心機咁同我哋介紹片皮鴨唔同部位同食法。最先食嘅係鴨胸皮，配以師傅秘製嘅梅醬，再加埋爆炸糖，絕對係一個創新嘅食法。鴨胸肉就建議連包皮同傳統京蔥青瓜連醬一齊食。鴨髀肉除左以包皮配以傳統食法外，仲可用西式紫洋蔥、山楂片夾包皮食，試過就知道有驚喜。金沙海王扒白玉-滑滑豆腐配以鹹蛋黃、元貝粒、日式蟹籽，冇想像中咁濃味，清淡可口。芥末沙律蝦球-香脆嘅外皮再加上芥末醬，賣相一流。餐廳地方寬敞，枱同枱之間有適當嘅距離，好適合一班人傾計食飯，下次去約埋三五知己再去呢度。

今日同朋友食晚飯，book第一輪6:00~8:30pm 食飽仲可以行下街我地6個人，預早訂咗1隻片皮鴨，黑衫侍應就叫我地點套餐抵D。哇，套餐貴咁多，又唔係樣樣岩食，所以最後都係散叫前菜：冰菜，原來係涼伴，酸酸地幾有驚喜炸芋絲，哩個好好食，甜甜地又唔會油芥末鴨腳，都可以，但雄記個芥末雞腳筋會出色d主菜：松子魚：炸得唔脆，有少少辣，唔似食開嘅松子魚糖醋骨：份量比預期多，味道可以籠仔蒸飯：實物比圖細好多，每人食到一小碗宮保蝦球：伴菜好多但又唔係好辣喎，蝦球岩岩好每人一粒訂位仲送咗個腩肉，一般般食完仲未見我地隻片皮鴨，問返個黑衫女人，竟然漏咗單搞到最後先上隻鴨明明隻鴨好大隻，但片完出黎得3小碟最右邊係層皮，同d 爆炸糖一齊食，我覺得好油，食緊豬油榨咁之後食中間（伴酸梅醬）同最左邊（夾粉皮）我覺得隻鴨好一般，無咩鴨味，塊粉皮係薄但一夾起就凍咗，反而佢嘅前菜係最好食同特別D, 下次再去可以剩係叫前菜同小菜

和友人相約係尖沙咀食野已經係慣例大家都喜歡食中菜訂位時已經預先訂左一隻北京填鴨 環境係靚既朋友發辦 每樣嘅價錢唔係好清楚桂花蜜山藥 好細碟 似送既前菜既份量 清清地 味道幾好 可惜好少蜜汁脆芋絲 幾香口 就係炸芋絲加扭麻花上面既蜜糖 蒜蓉粉絲娃娃菜 似乎係sell樣多d 實質菜唔係好多 但靚又唔係好靚金磚豆腐塊 都香口豆腐好滑 幾好食青梅一字骨 濃味左少少 還可北京填鴨 要全隻 $5百幾但係切出嚟嘅片都唔係太多 仲幾肥反而朋友喜歡吃肉 但係就乜肉可以食 想食 又要加錢 就無要喇佢哋搵咗一個盒 放咗暖包係下面 唔知加咗什麼 但係製造左煙霧效果維持短短一陣子 但又未上曬 得一碟放好曬已經無煙 好似好唔實際 一個大大八寶盒 只可以話用嚟影相 說真的 味道的配搭比較牽強原本佢哋嘅鴨已經冇咩鴨肉味道用藍莓醬就冚晒鴨味道 就係甜甜地芥末漿又唔係好襯都係傳統嘅配搭比較正常爆炸糖係幾特別可惜第一二個人點完之後其他爆炸糖都醬埋一舊塊皮亦都太厚太乾 都幾差籠仔櫻花蝦海味蒸飯 係點心籠尺寸 大概二人份量 無咩特別加左炒烏冬 好似好小家 得xo醬、蔥同洋蔥蔥油雞 唔熱 只係暖暖地 食個份量正常少少不過就一般囉

食得多其他國家嘅菜式，久不久梗係要撐中菜啦！ 係海港城LCX再行入d個頭開嘅餐廳越來越多，一年多前食過意大利餐，今晚就決定黎食我久違了嘅片皮鴨😎自成一角樂趣多🚧，就算只係二人前，都坐得好闊落。金沙海王扒白玉絕對係我今晚嘅最愛菜式！豆腐軟滑，配以淡淡嘅鹹蛋黃、仲有鮮甜嘅元貝粒、日式蟹籽。帶有fusion嘅創新，食落真係有衝動叫個靚仔嚟送口🤗海蜇頭都值得推介，作為好冷盤小食，坊間一般都係得普通海蜇，但好明顯口感同海蜇頭梗係有差異啦！海蜇頭本身無味，所以醬汁搭配好重要，更顯師傅嘅功架👍🏻松露蠔蛋，幾樣濃味配料撈埋增添層次，惹味提鮮。誰也不搶誰的風頭！最重要係炒蛋晤會因為要煮熟隻蠔而炒得過老，火候鑊氣都一百分💯講咗咁耐，又點可以晤提我哋嘅主角啊！兩個人就叫咗半隻片皮鴨淺嘗😈 上菜嘅時候已經好有宮庭式大排筵席嘅氣勢，每一個步驟、食法都好講究！先食1️⃣ 鴨胸皮2️⃣ 鴨胸肉配師傅秘製醬汁3️⃣ 鴨脾肉（先建議連包皮一齊食）而輪盤上就有各式各樣嘅配料-> 紫洋蔥、山渣片就係比較西式嘅食法，亦都唔少得有中式傳統京蔥口味。我個人就鍾意乜都試新野，貪心嘅我哋每樣試暈，我就最鍾意山楂夾皮嘅食法，酸甜醒胃！正🤗

老朋友從美國回來香港度假， 當然要帶他食啲有水準嘅菜式啦， 來這間尖沙咀 Ocean Terminal的羲和雅苑招待外來朋友，絕對唔會失禮。 景色方面除了可以飽覽整個維多利亞港夜景外， 還可以食這裏的招牌菜馳名烤鴨，絶對能令賓客大飽口福。這裏的烤鴨即時製作， 師傅現場慢慢一片片切， 分成三碟。 第一碟先嚟鴨皮， 點上蘸藍莓和爆炸糖， 新穎食法，口感特別香脆。再嚟第二碟鴨胸肉， 配上傳統芥末醬，味道酸中帶甜，肉質嫩滑可口。第三碟是鴨髀肉， 連皮帶肉， 最啱用卷餅包的傳統食法， 加上甜麵醬、蔥絲、黃瓜條，味蕾好享受。 亦可以用西式食法，配上藍莓醬加紫色洋蔥和京糕條，食法夠曬特別， 味道更上一層樓。跟着還點了獅子頭、磯煮鮑魚、 黃扒魚肚、紅燒炸乳鴿和福建炒飯， 豐富到極。獅子頭HK$48一客， 味道香濃、肉質嫩滑，配上迷你白飯,幸福在心頭。磯煮鮑魚HK$88一隻， 鮑魚浸了特製醬汁， 味道出色，肉質鮮甜爽彈，片片厚薄適中，好彈牙。黃扒魚肚HK$148一盎， 口感鮮味， 一大片魚肚金黃發亮，滑口又營養價值高, 加上小南瓜來烹調，好入味好好飲。紅燒炸乳鴿HK$88/隻， 即點即炸，熱辣辣非常入味

是晚同好朋友慶生，早早地book左呢間餐廳既戶外位，幸好天公做美，可以睇下維多利亞港同對岸港島既夜景先來當然係呢到既主打北京烤鴨師傅係你面前即片分左3個部位配上八寶盒內不同既醬料先切頸部外皮，店員推薦新式食法，配藍莓同爆炸糖，味道又出奇地配，不但能減低膩能，而且感覺新穎之後再分有鴨胸肉、鴨腿肉我個人比較喜歡鴨腿肉，因為係連皮帶肉配返傳統醬料，甜酸醬、青瓜同洋蔥，就已經品嚐到片皮鴨的油香和酥化外皮，又不會太膩仲點左兩款前菜 桂花蜜山藥 ＆ 蜜汁脆芋絲一直很喜歡桂花蜜山藥這道菜，帶清香的甜，爽脆的口感蜜汁脆芋絲甜度較高，很有拔絲的感覺，每條芋絲都炸得鬆脆，所有人都覺得是意料之外的美食梅菜干煸四季豆，炒得很香，好有鑊氣四季豆既調味同爽脆度恰得好處，也是其一必點菜式見人多，點左四川水煮魚份量超大的，足夠4人分享因同行友人不太好辣，只點了小辣，只能說小辣帶香，魚肉夠滑孜然羊架，香氣十足的菜式燒過的羊架，其so味同香料味揮發在空中咬下去是有肉汁的，質感不硬，厚度還不錯最後推介的是杏仁豆腐杏仁味道很重，在吃過味濃的食品後，來這個清新口腔，也是不錯的選擇