美滋鍋 (家樂坊)

营业中

休息中

以粉紅色做主題嘅火鍋店 令人少女心爆發門口嘅玫瑰花熊仔超級可愛原來係來自星加坡嘅品牌餐廳有一湯底 雙拼湯底及四格鍋選擇今次試咗佢哋嘅特色藥膳湯長生抗癌松茸野菌鍋 $128湯底連同四支湯汁比顧客因應需要加湯 非常貼心軟骨爽肉丸$29 半份口感超爽彈牙 鮮味都幾突出而且肉丸色澤亮麗 豬頸肉$68全份豬頸肉薄切好快就熟而且粉嫩嘅顏色令人食慾大增肉味香濃 吸左湯汁非常好味美國安格斯牛小排$139 半份牛肉油花平均分布 質素極高師傅將牛肉開邊切 口感更佳而且牛肉嘅香味令人回味點上我最愛嘅芝麻醬就一絕白鱔片$59 半份魚肉非常鮮甜 滾大概2分鐘就食得保持到鮮嫩嘅程度店員總會提供漏斗俾大家計時 不得不提呢度嘅飲品亦都相當優惠無論係自製水果紅茶定係竹蔗茅根$25已經無限量添加咁嘅價錢咁嘅質素真係性價比極高

首先 我真係要講這間公司來自新加坡 一聽就知品質保證 因為新加坡人要求都比較高，所以令到我更加有信心。環境方面，又大又靚，庢位好舒服，四圍都充斥着粉紅色嘅物品，而且餐廳都好貼心，會照顧埋家庭嘅小朋友，有個轉系為小朋友而設嘅活動室。眼見都幾乾淨講返食物先我叫咗個湯底係松茸野菌煲本身已經好多料 不用再叫菌茹外面仲有免費的自助小食同水果正呀調味料方面，我未見過一間打邊盧有這麼多的選擇，完全可以滿足不同的朋友手打肥牛：新鮮嫩甜 價值合理 五花肉： 夠薄好容易熟 口感滿足雞肉：好滑又鮮甜 牛柏葉： 記得係10秒就可以食啦 好爽脆彈牙整體來講呢間係有啲服務質素嘅打邊爐餐廳就算同屋企人來食也好合適

呢間餐廳新開嘅時候實在太多人去book咗幾次都book唔到今日好好彩可以walk in入到去九點左右到達 呢個時間都要等位大概等左10幾分鐘 就入得去啦😆餐廳裝修主打係粉紅色 喺門口已經有好大隻粉紅色熊啤啤公仔大家都爭住同佢打卡😆我哋兩個人坐四人枱 坐得好舒服枱度內置USB叉電 好貼心嘅設計枱面上放咗四個漏斗當計時器使用咁樣恰野食嘅時候就唔怕overcook 啦😙去到醬料真係呆左除咗有小食同埋生果提供佢個醬料係多達20至30款!!!!!!佢會有個牌教人如何調製醬汁 可以參考下.膠原蛋白養顏美容鍋拼滋補養生香辣鍋一開始要先飲碗湯 湯底好濃郁 飲落去有一種黏着喉嚨嘅感覺每一口都是骨膠原湯入面仲有滑豆腐同雜菌材料好豐富飲完然後先再開始打邊爐店員會擺四支湯喺度打邊爐打到咁上下嘅時候唔會加水而係加返呢個湯所以個湯永遠都係咁濃郁 好正呀😙然後呢度配料大部份都可以點半份我哋兩個人黎都可以食到好多樣唔同嘅嘢芝士雞肉香腸（半份）新鮮肥鵝腸（半份）丸子盛合盤美國安格斯牛小排（半份）手打烏冬（半份）滑豆腐（半份）盛料唐生菜（半份)飲品方面我哋選擇左竹蔗茅根（無限量添加）呢個好抵飲呀店員見到我哋嘅嘢飲差唔多飲

美滋鍋開咗好一陣子 一直以來都好想食 今日終於約到好姊妹 一台四人齊齊開餐餐廳係以粉紅色做主打顏色 充滿夢幻及浪漫氣氛 到處都是影相打卡位 呢隻巨型熊啤啤有成個人咁大隻 一定要同佢合照 打個靚卡醬料方面可以用誇張來形容 未食過一間火鍋店嘅醬料係咁多種選擇 另外亦提供各種時令生果是任食的職員安排我哋入坐之後 詳細為我哋講解餐廳皇牌湯底及如何操作電子點單服務 最令我驚喜的是職員講解完畢後 還會向我們鞠躬 然後離開 今時今日嘅服務態度實在難得滋補養生香辣鍋 膠原蛋白養顏美容鍋 餐廳的王牌湯底 一於兩個都點曬麻辣湯底夠惹味 入面有原條人參 夠曬滋補膠原蛋白美容鍋建 議先飲用湯底 然後才打邊爐 入面有大量菌類及豆腐 但係味道卻非常濃郁 初時以為會好清淡建議膠原美容鍋這邊可以烹調蔬菜 可以避免蔬菜吸收湯底嘅油份 這樣可以食得更健康黑栢葉 喜歡它的爽口 灼一灼就食得 沒有漂過的黑栢葉沒有鹼水味道 原汁原味最好吃鮮鵝腸 清洗得乾淨沒有騷味 而且夠肥 咀嚼下非常香口 油脂豐富牛舌爽口 由於非常薄 所以灼一灼就食得牛肩脊非常新鮮 肉質淋滑 而且有肉味九肚魚好少地方有得食 竟然喺呢度可以食到 實在太開心啦

不論你什麽歲數，一顆少女心，絶對令你持久青春的! 堅持 👍😝在網上看到這粉紅餐廳，立馬致電 book 好位，約了我的粉紅閨密去朝聖! 我們倆好姊妹🙆🏻‍♀️🙆🏻‍♀️不約而同，穿上同系列衣服，果然 "身無彩鳳雙飛翼，心有靈犀一點通"💞👩‍❤️‍👩服務員靚姐 (多位）😄態度好，有笑容，有回應! 招呼我們上座後，還向我們作90度鞠躬，太久違了! 欣賞這店對員工的管理及教導!座位濶落，環境光明整潔，門口處除了亮點粉紅豬豬，很貼心放了飲品、小吃，如果等太久，更可扭蛋呢 🤗然後，放了很多不同的醬油、蒜和香茜等配料，也有一些凍盆小吃，例如黑木耳、青瓜和蘿蔔等，超棒😋由我發板: 為人貪心，緊係想試多d，所以叫鴛鴦鍋🍲。。。膠原蛋白養顏美容鍋 + 滋補養生香辣鍋😄靚姐姐先叮囑我們喝碗熱熱養颜美容湯，我們都很乖乖 😜😜立馬喝上兩碗呢! 呵呵，雙倍美麗😆很好喝，味道很捧! 豆腐有水準，很滑溜🎉🎉🎉花膠是靚姐介紹的，叫一份"全份＂，吃完會無限送上半份又半份。。。甘抵! 緊係叫啦! 優惠做到今個月底咋🤗 滑之餘又彈牙，肯定補充了不少骨膠原 😄愛晹身邊女人的男子漢們，真係要帶她來呀😘魚三角是魚的下巴位置，食得夠嘴匀，

個人比較喜歡用iPad 落單，好過用自己電話掃QR code, 方便又易睇，成間店用粉紅色為主，好岩大家去打卡，門口仲有個大大ge玫瑰花啤啤熊，調味料自助式，仲有生果同頭盆自助任拎，味道都很好我地簡左4格，花膠(一定要點，好好飲)麻辣煱好足料，好夠味醉雞煱，個人覺得煮野麻麻，但飲湯一流椰子煱，好甜好好飲，煮野都好正點左好多餸，碟碟都好新鮮，每碟上黎都會話你知要煮幾耐，叫左3色滑，豬肉麻麻地，因為要睇實d時間，煮太耐會太老

見網上咁多正面評價，我梗係唔執輸去試試呢間過江龍嘅美滋鍋，睇下佢咩來頭🤭我哋早一個星期book位，當日係星期日，但餐廳意外地唔full，就算walk-in都有位🙃莫非係中伏嘅徵兆？餐廳裝修有別於一般火鍋店，以粉紅色作主調，非常少女心💕💕員工服務態度亦親切熱情，值得一讚💯湯底方面，我地選擇左膠原蛋白養顏美容鍋同埋養生藥膳醉雞鍋🍲一開頭湯底味道算足料，唔錯👌🏻但食落就開始覺得有味精，一路食一路覺得好頸渴😖配料方面亦都唔係太出色，冇乜邊樣特別值得一提，牛小排品質亦一般🤥以咁嘅價錢嚟講，出邊會有更加多較高質嘅火鍋店可以選擇🤫食到最後，服務員會為我地送上柚子沙冰作結，好可惜地，味道同韓國濃縮柚子茶沖劑一樣，大失所望😔原本對呢間火鍋店嘅期望都幾高，但試咗之後覺得各方便嘅質素都普通😕坦白講，下次應該都未必選擇美滋鍋了。

醬料自助bar有多款醬料，亦有小食及水果供應嚟自新加玻嘅呢間人氣火鍋店裝潢非常夢幻粉嫩，令人少女心爆發呢！湯底款式有好多，如：膠原蛋白養顏美容鍋、滋補養生香辣鍋、養生藥膳醉雞鍋等...全部都滋補養生美顏，比起傳統打邊爐嘅沙嗲湯底、麻辣鍋更健康呢！身為辣控，我就揀咗個滋補養生香辣鍋....香辣鍋分小、中、大辣，而我揀嘅小辣香辣鍋都已經非常夠辣勁喇！辣鍋以豬骨、人參、當歸、紅棗、黨參、枸杞等製成，入口食到麻辣香味之餘，仲帶點藥材香喔！打邊爐配料方面，推介必點花雕甘榜雞，可選半份/全份！雞肉超級嫩滑，餣得非常入味！牛小排脂肪分布平均，肉質非常滑嫩，牛味濃郁！另外，豬花肉脂肪含量較多，甘香滑嫩！芝士蝦丸咬落爽口，一咬入面芝士爆發，芝士味很香濃！珍寶鮮蝦水餃脹卜卜大大粒，入面餡料充足。有原隻鮮蝦呀！飲品方面有有洛神花茶、竹蔗茅根、水果茶等等...洛神花茶及竹蔗茅根可選任飲，價錢都只係$25，非常抵飲！最後仲有柚子沙冰奉送，透心涼呢！

妹妹生日，她喜歡吃滋保養顔火鍋，約她去旺角家樂坊樓上的美滋鍋慶祝！餐廳以打造粉紅色時尚風格為主，光線充足；還設有個色彩繽紛的室內兒童遊樂場。這裡是用平版電腦點菜，自己落單，方便快捷又環保。除個人喜歡可加$20在醬料區自由配搭, 還有前菜和生果，都是任吃的。鴛鴦湯底，是其中一款鎮店名湯「膠原蛋白養顏美容鍋」呈現奶白色，香滑濃湯，讓人驚喜！火鍋配料包羅萬有，特色肉拼盤，肉質鮮明，可以一次過滿足幾款肉類。日本北海道帶子，晶瑩剔透,鮮甜嫩滑！最後每人還送杯滋潤解渴的柚子沙冰，酸酸甜甜，感覺清新解膩，令這噸火鍋帶來完美的終结！

每逢收工唔知食乜好，都會諗起打邊爐，近期打邊爐都特別注重湯底，有養生美顏功效的，當然是首選😅！ 位於旺角家樂坊樓上八樓的滋味鍋，地點方便之餘，重係主打〈膠原蛋白養顏美容鍋〉當然要試試啦😊！粉紅色格局，特別吸晴👀！電子落單，方便又環保，連小朋友遊戲室都有，好細心，值得一讚👍🏻👍🏻！湯底方面有六款選擇，(清涼解熱雪耳椰子鍋)(長生松茸野菌鍋)(維他命C蕃茄栗米鍋)(滋補養生香辣鍋），😊而我就選擇了(養生藥膳醉雞鍋)和(膠原蛋白養顏美容鍋）雙拼，店員提議打邊爐前先來喝一碗膠原湯，以瑤柱、雞肉、雞腳和豬骨等熬超過8小時而製成，入口已感到濃郁又滋潤，另一邊是醉雞鍋,充滿酒香和藥材的香氣,湯料有當歸，黨參，紅棗和枸杞···牛舌＄49／日本香肩白豬肉片＄69薄切易入口又快熟，兩個人食，點半份剛剛好！蝦卷＄34（半份)長型的蝦卷，口感食落似蝦餃和餃子😅好特別，而且好足料👍🏻👍🏻！脆炸午餐肉$29／炸響鈴＄29即炸又脆口，不用煮已經可以即食，而響鈴當然要點啦😋，因為咁濃郁的湯底，吸收一吓已經好好味，又脆口！最後重有柚子沙冰送👏👏，凊甜又清新！

粉紅控天堂呀朋友約食飯 💕🐷🧠👚👛一口就話想食美滋鍋🐽🌸🎟🏩🎀💓💞💕💗去到 我明白了🤣🤣完全系比粉紅色包圍住 服務都好好呀 講解曬張枱ge機關 🤩有得叉電 又有二邊紙巾 牙簽位 用tap落單 👍🏻👍🏻好多食物都有半份落 啱曬想每樣都試小小ge我地🥳 枱上面有3個漏斗 都系粉紅色㗎每個菜一上 同事都會講解落幾多分鐘飲品方面 紫背天葵同竹蓆茅根🥤🥤一杯$18 $25無限refill😂咁唔洗問啦湯底選擇左鴛鴦湯底有美顏湯同椰子🥥湯二個我都飲左好多碗呀 真系要讚真系好入味好濃郁 🥣🥣🥣叫左好多嘢食 個🐮🐮牛encore左2ground真系好好味😍😍 睇到10點後仲有8折 收3點㗎 又多一個宵夜選擇📣📣

膠原蛋白美容鍋好濃味， 午餐好抵食每樣有啲值得一試， 鴨血唔錯 醬料款式好多 有飯後果亦都有頭盤， 環境 浪漫 舒適服務一流 仲有可愛小熊陪伴， 仲有兒童遊樂場 可以放心食飯， 適合大人小朋友， 生日有生日蛋糕同埋有姐姐同你唱歌，

旺角柏裕美滋鍋，是新加坡樂天集團旗下其中品牌。除信心保証外，去過幾次依然覺得無論服務及衛生情況都能保持很好的水平。火鍋醬料超過20多種，牆上還有10多種調配醬料方法！ 醬料費每人盛惠$20竹蔗茅根及紫背天葵洛神花 $23/每位就無限暢飲。4款時令水果及3款前菜任食。兩人可坐四人卡位，空間夠大。食得開心又舒服。點了鴛鴦鍋（膠原蛋白養顏美容鍋$128維他命c 蕃茄玉米$58）旁邊準備了一樽樽湯底方做客人自助加湯。黃金魚皮 $58炸得非常香脆惹味，零死角咸蛋黃勁吸引。日本香嫩白豬花肉 $69豬肉爽滑有口感！嫩肩小羔羊肉 半份 $49羊味十足，較適合蕃茄湯底。豆卜 $16吸汁必點。牛肉丸 半份 $29手打生牛丸無得輸，還帶點陳皮香！最後還會提供柚子冰沙作解膩完美的句點。

「邊個話打邊爐就唔可以靚㗎？」打邊爐給人的感覺就是粗曠，但其實打邊爐也可以很優雅！一走到店面，映入眼簾的是一隻很可愛的粉紅玫瑰熊！像與男朋友約會收到的小禮物。整個環境都像少女心爆發。先點了個蕃茄骨膠原湯底補補。點好菜，當然就是去混醬，這裡的選擇很多，任君選擇。又有一些小食，花生涼菜青瓜，還有水果呢！喝的少不了，選了任添的紫背天葵。冰凍酸甜，重點是無論有多少客人，你的杯子只要空出三分一，就立即會被加回，可能男朋友也沒那麼細心。肥牛羊肉質素也不錯，不會太肥，也很鮮嫩。寬粉裁得不會太長，這樣就不怕彈到衣服上了。牛柏葉是一圈圓捲的，很特別，吃起來方便，也易咬，爽口！這樣被呵護了一頓。

公司有新同事生日， 於是去了 旺角 登打士街 ，家樂坊8樓的美滋鍋 齊齊慶祝生日。餐廳嚟環境舒適， 粉紅色的 裝修 ，佈置得很 雅緻。由於 晚飯的 時間尚早，人客稀疏 ，我們很快便安排入座。我們選了一款 膠原蛋白美容鍋 作為湯底， 湯底 滋潤清甜 ， 同事 都先品嚐一碗 鮮甜的 湯底。在這乾燥的天氣下，滋潤一下。接著便選)幾款火鍋配料， 餐廳內的火鍋配料選擇也很豐富 有 新鮮的 海鮮， 肉質晶瑩的魚肉， 薄切 的 豚肉 。肥瘦均勻的 羊肉 ，還有味道鮮美的 肥牛，和雞肉。還有 餡料充足的手打丸 和自家製的水餃雲吞 ，水餃味道 鮮美。還有其他新鮮的蔬菜， 蘿蔔 ，粟米 等等。也有多款飲品選擇 。最後還每位客人奉送上甜品 ，認真超值。