美滋鍋 (家樂坊)

营业中

休息中

My family and I went to a restaurant called "Beauty in The Pot" (美滋鍋) located Shop 803, 8/F, Gala Place, 56 Dundas Street, Mong Kok旺角登打士街56號家樂坊8樓803號舖.The restaurant is decorated in Pink theme color."Huadiao chicken"花雕金榜雞HKD$98Generous portion!Value for money!!Infuses with a mind aromatic distinctive Huadiao alcoholic flavour!!"Jumbo shrimp dumplings"珍寶鮮蝦水餃HKD$44/4 pcs隻..Spingy,bouncy whole shrimp is wrappes inside. ..Very moist,juicy and nice flavour!Highly recommended!!"Shrimp skewers"竹籤蝦HKD$6

今日放假同朋友行旺角，行經家樂坊見到間好靚的火鍋店招牌，朋友話都好想食午市火鍋，咁就上去試吓。入門口見到門面好靚，仲有隻花做的bear係門口,忍唔住要影返張相添。餐廳裝修都好靚，座位舒適寬敞，服務員熱情招待。我哋叫咗餐廳推介每位$148的二人餐，套餐包括二款指定湯底，松茸野菌鍋同蕃茄湯底，服務員叫我哋先飲蕃茄湯先，味道超香濃，好似飲鮮榨蕃茄汁咁，唔錯。食物包括有肥牛，西班牙黑豚香肩，入口有濃濃的肉香，肉質嫩滑及爽口彈牙的豬頸肉。韭菜餃包住好多韭菜，係韭菜迷的精選，魚皮餃就有香濃的魚肉味，牛肉丸同豬肉丸都特色同高質！仲有蟹柳、腸仔啖啖肉，響鈴加埋入口爽滑的烏冬，都係唔錯。我覺得餐廳選料尚盛，質數都幾高。除指定食物外，有多款小食任食，飲品除咗有多款罐裝飲品外，又有自家制的檸檬洛神花茶及竹蔗茅根水。另外仲有多款水果任食，食到最後服務員送來柚子沙冰，柚子味特濃非常美味，真係好超值。

網上無意中睇到有人介紹一間以粉紅色為主題嘅打邊爐餐廳，而且地點又係超級方便嘅旺角，同朋友行完街後一於去感受下粉紅色可愛少女風嘅餐廳。係門口位置餐廳攞放咗一隻粉紅色巨型熊bear bear!非常吸睛又可以同佢影相影相post 上IG打卡。入到嚟餐廳，周圍都係粉紅色，真係好啱我哋女仔朋友食飯同時又可以影靚靚相。我哋點咗個午市超值套餐，因為店員介紹套餐包吧枱嘅醬料、小食同埋飲品，而且只係每位$148，非常抵食！吧枱上嘅醬料種類非常之多，啱晒我哋鍾意食咩味道就自己調教。飲品選擇雖然唔多，不過有我哋都好鍾意飲嘅忌廉鮮奶，而且係任飲！小食都幾多，有青瓜、豬肚、皮蛋、花生等等，我哋就最鍾意食佢嘅青瓜同豬肚。青瓜醃得好好味，我哋喺水滾之前攞咗好多嚟食哈哈！套餐跟咗長生松野菌鍋同蕃茄粟米鍋，裡面有肥牛、豬頸肉、黑豚香肩、雞肉腸、肉丸、魚皮餃同新鮮蔬菜等，以二人份量嚟講相當豐富。最驚喜係個野菌湯，飲落口有香濃野菌味道仲好鮮甜，另外蕃茄湯亦都有濃濃嘅蕃茄味，味道酸酸甜甜好開胃

美滋鍋由新加坡引入，隸屬樂天飲食集團旗下，以精品火鍋店作定位，裝潢風格唯美少女風，配上養顏湯底，吸引不少小資光顧。價錢不算便宜，但環境乾淨舒服、位置極闊落舒適、自助吧乾淨企理、還有隻大大粉紅熊作門面擔當。養生藥膳醉雞鍋藥材鮮甜帶酒香，暖身暖心更促進血液循環。藥材香加上糯米酒酒香，濃而不澀。清涼解熱雪耳椰子鍋椰肉、排骨、老雞、雞腳及雪耳熬成湯底，再加入新鮮椰青水，清熱潤肺。喜歡喝湯的朋友，更可添加濃湯，同樣濃郁鮮美。特色肉拼盤拼盤包括安格斯牛小排、安格斯封門柳、田野鄉村嫩豬肉、澳洲羊肉卷等，剛好滿足兩人的份量，品嘗不同肉類。炸響鈴大大件響玲比平常吃的更大更厚身，吸附更多湯汁，淺嚐好味不飽肚。秋葵西洋菜自制水果紅茶紅薯細粉薯粉幼細易燙易熟，口感滑溜彈牙、保留點煙韌口感，吸汁力強帶湯頭餘韻。台灣新鮮鴨血火鍋必點之選，鴨血嫩滑滑溜，柔軟卻帶煙韌，不會碎掉，濃香無腥。菠蘿沙冰飯後贈送的甜品，入口冰涼爽利，菠蘿味帶酸甜，解油去膩。總括來說，環境及食物都較精緻，適合情侶或朋友聚餐。

今日又去咗打邊爐啦！今日去嘅係大名鼎鼎嘅美滋鍋，成間餐廳嘅裝修都非常之少女峰，用咗好多粉紅色嘅元素，非常之適合女仔過嚟打卡。呢度嘅醬料區嘅醬料有非常之多款，除咗一般會見到嘅蒜蓉辣椒蔥等等之外，仲有例如黃豆、糖、蒜油等等喺其他火鍋店未必會見到嘅醬料，一場嚟到嘅朋友一定要自己Mix and Match試吓唔同口味嘅食法😆湯底方面，我哋嗌左一個膠原蛋白養顏美容鍋同一個清涼解熱雪耳先椰子鍋。店員叫我哋喺食嘢之前可以不一碗湯出嚟飲，我哋就試咗美容鍋。美容鍋飲落去係好香嘅豆乳味，入口有少少漿漿地，應該就係膠原蛋白嘅膠質？🤣嘢食方面，我哋嗌咗一個肉類拼盤，有兩款油、兩款豬同埋一款羊肉。上枱嘅時候店員仲喺乾冰上面加水，製造出煙霧離漫嘅效果，果然好適合打卡。兩款牛肉入面我比較鍾意封門柳，貪佢肉味濃啲；豬肉方面我就鐘意嫩豬肉，入口又畫，又有豬肉嘅金香羊肉都好重羊肉味，我身為羊肉愛好者都非常滿意。除咗牛肉拼盤之外，我哋仲嗌左一碟手切肥牛。手切肥牛嘅油脂比較多，肉味冇封門柳咁濃，但係入口就比較軟滑，如果鍾意食油脂味重啲嘅朋友可以試吓呢一款。另外我哋仲嗌咗啲海鮮，不過唔記得咗影相🥲鮑魚好鮮甜，肉質彈牙，大小適中

上星期去咗食呢間美滋鍋，中午人不算多，一入就有位坐。叫咗個兩人餐$168，係一個好似酒店下午茶的架，上面有幾塊肉，每人可分到一塊牛豬、一塊豬肉、一塊羊肉、一條芝士腸、兩粒肉、一條響鈴、一條蟹柳、兩粒餃。如果兩個女仔食，食埋個烏冬，都應該飽。好處係野飲可以任飲。湯底好處係可以飲得，名付其實養顏。肉質食得出係新鮮，牛同羊都濃味。肉丸係手打肉丸，亦彈牙。我地怕唔夠飽，額外叫咗雞件同牛丸，佢可以半份地點餐，唔洗因為食唔晒而浪費。雞件細細件易入口，牛丸彈牙。最後贈送柚子沙冰，酸酸味味可以去油膩。

呢間餐廳以粉紅色做主題，相信大部份嘅女仔都好鍾意。醬料區有多達20款不同嘅醬汁，仲有幾款前菜同水果可以無限添加。長生松茸抗癌鍋湯底入面有唔同種類既菇，仲有好多蟲草花，好飲又滋補膠原蛋白養顏鍋呢款每次黎都會叫既，因為成個湯底都好足料，每啖都飲到滿滿既骨膠原😚呢到啲食物大部分都可以揀半份或者一份，叫半份既話就可以食多啲唔同既食物😆美國安格斯牛小扒厚度適中，好重牛味，一啲都唔韌千層毛肚半份既份量都幾多淥大概一分鐘就食得，而且食落去好爽口，忍唔住係咁食阿拉斯加蟹柳 又係好快淥完就食得，就算淥耐左都唔會散開魚皮餃餃皮都好薄身，無嗰種好粉的感覺👍🏼餡料既肉汁都好多同埋呢到既飲品係無限量添加職員好細心 留意到飲左一半就會主動過去幫我地添飲😆竹庶茅根唔會太甜夏天打邊爐飲一流 又可以清熱消暑👍🏼

夏天食火鍋別有一番風味🤣今日同朋友來旺角家樂坊呢間美滋鍋✌️門口有好大隻粉紅色熊等緊你👌店內近門口處有各種各樣的調味料、小食和生果😋😋入到去整間店都係粉紅色🥰🥰店舖好大，座位好寬敞坐得好舒服👍店員好細心介紹點樣用tablet去點餐.我哋點左雪耳椰子鍋，上枱時店員話先飲些湯，湯底果然清甜、滋潤. 呢度啲食物可以揀全份或半份，我哋全部揀咗半份，因為想試多幾樣😜安格斯風門柳～色澤紅潤，脂肪分布平均，牛味濃郁😋芝士墨魚丸～大粒又彈牙，裡面有滿滿的芝士👍皇帝菜～新鮮爽脆日本香嫩五花腩片～好滑，唔使點醬料都咁好食✌️脆肉鯇魚骨腩～爽脆、識貨✌️珊瑚蚌～淥1分鐘就可以，口感啱啱好，好爽😋凍豆腐～吸收晒湯底精華，味道特別出色😋每樣食物送上桌時店員都會告知要淥幾耐👌賣單時仲送上金橘沙冰，飲完應該可以幫助消化👍

今日有個女性朋友帶我去旺角打邊爐，佢話呢度的食物好正。行入去店即刻明白晒，粉紅色的裝修帶點夢幻感，好sweet!原來係新加坡過江龍，唔怪得啲裝修咁有特色。佢哋湯底有好多選擇，不是平時吃開的味道，有啲似藥膳，感覺好養生，我們叫了長生松茸野菌鍋拼蕃茄玉米湯，兩個湯底上枱都好足料。野菌湯裏面好多蟲草花及菇類，湯底好清甜有鮮味又滋潤。蕃茄玉米湯有啲似羅宋湯，有蔬菜味，蕃茄夠香濃，帶玉米的甜又有少少辣。餐廳提供免費前菜，有青瓜，木耳，鳳瓜及豬耳，每樣食物都好新鮮，吧枱仲有各種調味料及豉油，都有三十幾種選擇，最緊要打埋好乾淨。呢度大部份食物可以叫半份或一份，非常之細心，二個人都唔怕食唔晒。安格斯牛小排，肉味不錯，同蕃茄湯十分配合，入口即化。半份牛舌都有十多塊，份量算大碟。花雕金磅雞，半份雞腿肉一様好大碟，雞肉十分夠滑又有雞味，花雕味算重，同野菌鍋湯底十分配合。丸子盛合，有牛丸，豬肉丸，墨魚及魚丸，每種都各有心思，口感彈牙，食得出用料新鮮有肉味，唔會滿口都係粉。蔬菜盛合拼盤，上枱擺設好靚，蔬菜種類非常豐富，有唐生菜，西洋菜，蓮藕，冬瓜，粟米蕃，冬菇及萵筍，份量給兩個人啱啱好。唔夠飽叫咗個紅薯粉，口感

Pinky 火鍋店....就會諗起新加坡過江龍美滋鍋！.今晚黎食晚餐，貪佢服務好（入座後店員會詳細介紹湯底及推介食物）同埋坐得舒服（全是沙發卡位）。.餐廳有自助區，小食、水果任拎任食小食有涼拌青瓜、木耳 及土豆絲、還有麻辣鳳爪！味道唔錯冇交行貨，淨係食小食都飽...哈哈.我地揀左鴛鴦鍋底- 維他命C蕃茄玉米 配 養生藥膳醉雞 湯滾後先喝碗湯，好喝！特別係藥膳雞湯，冇味精好正。.牛舌 - 滾8秒就已經熟，肉味香濃.芝士墨魚丸 - 墨魚膠包住新鮮既墨魚粒，中間有流心芝士。.脆炸午餐肉 - 唔放入湯就咁食外皮好香脆，中間肉嫩。.紅薯粉 - 幼粉食落唔會有咬極唔斷口感，配埋蕃茄濃湯一流。.飲品有自家製竹蓆茅根 及 紫背天洛神花茶可以無限添飲。.最後餐廳送贈柚子沙冰，好清爽！

夢幻粉紅 新加坡火鍋入門口就見到滿滿的粉紅色 ，座位寬敞，坐得舒服。醬料充足，多選擇，特別喜歡泰式香辣醬， 夠辣，青檸味香，夠惹味。還有餐前小食點了鴛鴦鍋有骨膠原充足滋潤的美容鍋， 有菇菇及好滑的豆腐滋寶養生藥膳醉雞鍋，酒味香，有5，6塊醉滑雞安格斯牛小排油脂分佈平均，新鮮，牛肉味濃，肉汁豐富西班牙黑毛豬新鮮，厚切，同樣肉汁豐富響鈴同筷子一樣長，有層次，又脆又香蝦卷好滑，蝦味鮮，彈牙蓮藕片又爽又粉，菠菜新鮮紅薯粉煙煙靭靭食完仲有沙冰， 酸酸甜甜，可以清下熱氣，透心涼。

今晚打邊爐。好友介紹下就試試。未入門口已感覺少女左首先被大大隻粉熊吸引到，入面全是粉紅之旅😊😊先選湯底先😌😌最後點了醉雞加長生抗癌野菌。湯底到時服務員好好叫我地先飲湯先。先飲野菌先。濃濃蟲草花。野菌，及小小药才。好香口。再試醉雞。酒味香濃與飲與有濃濃酒味。雞滑。正👍🏻👍🏻點了鴨血。就放入野菌湯邊。雖然無麻辣咁相配。但絕對不差，鴨血彈口。爽入湯底。不錯烏冬都是放入野菌湯。真的清新好味。烏冬彈牙😍😍😍真是點了2次吃才足夠🤌🏻🤌🏻雞子放入醉雞邊，令到湯底更升華，雞子吃時記緊無筷子點個龍。不是的話會咬爆時會熱到口，我吃法通常是隱陣。正。吸入醉雞湯。飲了加湯再飲。簡直進寶了一晚飲品25蚊無限加。點了紫背天葵。解渴，不太甜。可以無限加感覺超抵🤣🤣🤣🤣整體感覺好。所有食品都不錯

即使現時已是夏天季節，但亦無礙我愛好打邊爐的心，今天便特意相約了好姊妹陪同我，一起到此間來自新加坡的人氣火鍋店用膳，皆因其裝潢設計甚是吸引，完全可以滿足女生們愛打卡的要求，而且它現時午市有推出超值套餐，基於這兩個原因已令我必定要到此品嚐一番。到達餐廳門口便率先看見一個大型的招來玫瑰花熊仔，內進則可見整體裝潢用上粉紅色作主題，如此夢幻精美的環境特別適合打卡拍照。而且餐廳更設置有一處寶寶樂園的兒童天地，以便供小朋友作遊玩之用，雖然礙於疫情關係暫不開放，但服務着實是相當貼心。還有值得一讚的是餐廳雖已經營數年，但環境仍然能保持新淨且整潔衛生，讓人對其加分不少。是日與朋友點選了餐廳新推出的超值午市套餐，價格只需要每人 $148 起，即可享用多款食材種類，當中包括肉類、蔬菜、肉丸和餃子等，並且送贈任飲涼茶、特色飲品、和擁有三十種醬料的自助小食吧，而且其自家製的食材出品更是堅持每日新鮮製造而成的，因而價格方面着實是抵吃超值。飲品車飲品車是自助式的，其中提供有朱古力、紫貝天葵、甜品等，顧客可根據自己喜好拿取不同的飲料享用。而且其設計是使用夢幻的粉紅色調，配搭紅白帳幕，如此精緻漂亮的外觀亦是屬打卡位之一

為朋友慶生，特意選了這家很粉紅的火鍋店，期望老少女的少女心得以無限延續。剛進門就看到一隻巨型粉紅bear bear，室內也一應都是粉紅色的裝修，就連天花上的出風口也很細致地塗上了粉紅色。醬料區很壯觀，不乏還有一些特別的醬料如泰式酸辣醬、牛肉碎辣醬、菌皇醬、韭菜花醬等，其中牛肉碎辣醬真的是大推，超級好吃。涼拌菜和水果也在同一個位置，可以自由取用。為免醬料太多令人眼花繚亂，店家還貼心地準備了一份特色蘸料的份量配置表來教學。店裡採用平板電腦自助下單，方便快捷。而且食物可選“半份”或“一份”，非常適合我們這種選擇困難症患者，可以多選幾個“半份”來多試不同菜色。火鍋湯底很快上桌了，我們點的是鴛鴦鍋（膠原蛋白養顏美容鍋+滋補養生香辣鍋）。店員建議可以先喝膠原蛋白湯，然後再開始吃其他東西。白湯湯底很鮮味，絲毫沒有味精感，本來就有的菇菇和豆腐份量頗多，可以配湯一起吃，但喝完湯其實已經飽了一半。紅湯看起來很辣，但吃起來其實還好，反而那股辣辣的香氣很能籠罩食物。嫩肩小羔羊肉（半份），羊肉肉嫩味濃。美國牛板腱（半份），肉質精瘦。黑毛肚（半份），毛肚很爽口，不過要注意別燙太久，會縮水。蝦卷（半份），煮熟的蝦卷

今日同朋友去打邊爐，餐廳以粉紅色為主，枱上有粉紅色的漏斗，可以用來計時，很貼心。枱旁放了四樽入好的火鍋湯底，超方便。自助醬料區有各式各樣不同配料自由配搭，而且選擇超多。亦有幾款餐前小吃，如青瓜、木耳，可以任食，十分開胃。至於湯底，我地選左鴛鴦鍋，膠原蛋白養顏美容鍋及雪耳鮮椰子鍋。店員溫馨提示，打邊爐前可以先飲湯底，我地每邊都飲左一碗，美容鍋的骨膠原很重，雪耳湯底很清甜，兩個湯底都好好味。 主角當然係精選牛肉拼盤，其中安格斯牛小排油脂均勻，肉質鮮嫩，牛肉味濃，正。而丸子盛盒有軟骨爽肉丸、牛丸、墨魚丸、蝦丸，粒粒都十分彈牙，特別是墨魚丸內還有粒粒墨魚仔，口感一流。加埋可以無限量添加竹蔗茅根, 打邊爐必備。另一貼心地方是打完邊爐仲有柚子沙冰送，可以解油膩。