美心MX (已結業)

當時6:13pm左右...都係差5多full晒,基本上係次次經過呢間鋪頭,都見到好多好多人,真係非常之熱鬧ga!無乜邊個時段係少人!!!!幸好找到2人桌~order同埋扲食物果陣都唔駛排隊,keke有好多公公婆婆都同d朋友吹水,,,吹到唔捨得走咁tim ^-^ 吉烈漢堡扒便當tea 19元→17元~ 是次用coupon,減2蚊~ 主菜就係 吉烈漢堡扒~炸得很美呀,係卜卜脆呢~又金黃色!!不過..中間似魚肉多d wor... 不過10多元,食到咁樣質素的便當,也不錯的~吞拿魚3文治 x2 真係好好味,非常鮮味又開胃的!!!d餡料又夠晒多~滿意,便款的便當甜品也是薯仔沙律+馬豆糕~不過馬豆糕係略甜...淡味返d更好,不過口感佳~**粟米 都幾好味,不過加埋牛油更滋味呢...唔見有油~good**薯條 賣相不錯,而且口感也很好,重薯仔味~咸味岩岩好~that's good其實都幾大份,我很滿意呢款下午茶~yeah 希望下次推出其他款式便當,我都會試試配熱檸水我幾like隻杯,個design很美,相比起美心未裝修之前,個杯真係靚左好多,更stylish!!而且美心wall上的掛畫全部都以「

今日(10-3-2010 Wed) 同男友起身後陪佢返工,咁落荃灣食,都10點幾喇,所以冇乜人同開始冇咩o野食,男友話要拿拿林買喇,佢要$21.00o既火腿煎蛋一丁同熱檸茶,我要$19.00o既雪菜肉絲米,腸仔炒蛋厚多士同熱檸水.男友就搵個位坐等叫佢,我o既就幾快有,返埋位,先塗牛油,牛油同多士都凍,牛油唔會熔,少少o既炒蛋唔係太滑但總好過麥當勞,唔乾同唔淡,亦幾香蛋味.腸仔冇問題,件多士就只有邊脆,而米粉軟硬適,味道唔太鹹,可以.但檸水o既檸檬依然唔係靚,澀澀地o既.男友o既我冇問到,都係咁啦.我o地有coupon,兩個都慳o左兩蚊.

以為大集團，靚裝修，同屋企人食飯先食得架勢同得體…裝修就唔錯…但食物同服務質素就非常唔掂！叫人點菜可以等左5分鐘先有人應，應完仲話要等一陣…唔夠人就拿拿聲請人啦！！問佢有咩推介「我地樣樣都好食」… 咁我問果句係廢話定你既答覆係廢話？？？都算啦，問佢裡面有Ｄ咩，答唔出…到我點完菜十分鐘，佢話有呢樣冇果樣，招牌菜可以無？剛剛開夜市我係第一個客人夠膽同我講「賣晒」？ＯＨ．．．食野貴唔貴唔係問題，最緊要我食得有價值！今次好失望！

公司三文治一向係學覺得比較飽肚既下午茶，呢日就黎左呢間食啦。都等左好耐下，但如果唔即整既又唔好食喎。公司三文治都係有四件咁多，裡面既材料都好豐富。有雞蛋、火腿、雞肉同沙律醬。沙律醬唔會太多，其他材料既味道都唔錯，好好味。而配碟既有扭紋薯條，不過我覺得有小小淋。紅豆冰同平時一樣既，紅豆好淋同好有咬口。奶水又唔算太重，算唔錯既。實有下次既，公司三文治算係幾飽肚既下午茶黎既。

(19-1-2010 Tue)朝同男友一齊食個早餐至返工,咁o岩有coupon就o黎美心試吓同事成日講o既厚多士啦.o黎到都唔算太多人,而且重有卡位,但太多射燈,令卡位好熱.男友先去買o野返o黎食,然後到我,驟眼見佢有炸魚柳同厚多士,到我揀時,我就要個$21.00o既炸魚柳,腸仔,茄汁豆,蘿蔔糕同飲熱檸水喇,用coupon減$2.00,即係$19.00.返到埋位,至發現原來我同男友要o既係一樣,只係厚多士,蘿蔔糕同奶茶檸水o既分別.我用半件蘿蔔糕同男友交換半件厚多士.睇真啲,蘿蔔有冬菇粒同蝦米,一啲都唔馬虎.我先食炸魚柳,原來魚柳熱辣辣,我見男友重未食,就催促佢快啲食,魚柳雖然唔太脆,但內裡都幾滑,算唔錯啦. 而茄汁豆呢,一心以為係凍o既,但原來係暖o既,好窩心.而腸仔呢,冇煎過,應該係烚,亦係暖暖,冇問題.期望o既厚多士呢,竟然令我失望,佢唔脆唔香,只係比普通方包硬身少少.而有料o既蘿蔔糕呢,好似食唔出味道,只係算實實地咁,又係普通啦.男友杯熱奶茶,男友話睇顏色應該有茶味,我試一試,茶味都係淡呢.而我杯熱檸水呢,檸水好熱,熱到焯到啲檸檬皮,令杯o野好澀,o徒晒啲靚檸檬服務:雖然係自助

口喝到要命呀，由青衣落到荃灣後，隨即找間快餐店整杯飲品頂當。雖然一點多在扒王之王吃的強大肉類午餐一下子就消化哂但我都不敢叫豐富的公司治喔..怕肥呀..(好想吃公司治,好想一人擦哂四件啊.哈哈哈)，回到現實我只要左瑞士雞翼拼咖哩魚蛋，飲ZRRO走冰。這個餐$17.50，只有未發育完成的瑞士雞全翼一隻和發漲魚蛋五粒，其實味道是不錯的啦，雞翼充滿瑞士汁味，魚蛋辣辣地，兩樣小食又夠熱﹗但份量真的未免極度既輕量級囉最後，老友轉贈公司治一件給我，可能肚餓關係?我覺得公治好美味，有雞肉﹑蛋﹑生菜﹑蕃茄加少少沙律醬，正~

美心MX---蒸魚晚餐~配老火靚湯+油菜+白飯+茗茶日期：2009-09-12在"美心MX"(荃灣綠楊坊分店)買了"蒸魚晚餐~配老火靚湯+油菜+白飯+茗茶"($42)。今晚是豉汁蒸黃花魚，清補涼豬肉湯和蠔油西生菜。1.豉汁蒸黃花魚---黃花魚算大條，魚肉份量多。蒸魚時間剛好，魚肉仍然嫩滑，魚味濃郁，沒有腥味。豉汁味道鹹香帶微甜，鹹味適中，用來伴飯吃，相當惹味。2.清補涼豬肉湯---湯煲得夠火候，味道濃郁，略鹹了點。一些豬肉肥瘦相間，肉質軟腍。3.蠔油西生菜---西生菜煮得太久，不夠爽口。

今日中午去左呢間店到試試佢o既焗豬扒飯,佢又唔貴wo,$29一個飯,連野飲都係$34,大大碟,好多汁,塊豬扒已經係切好左,唔洗再切.而且好鬆軟,不錯,d飯焗得剛好,不錯,會再來.

美心MX---和味湯拉麵~豬軟骨湯拉麵日期：2009-09-09在"美心MX"(荃灣綠楊坊分店)買了最近推出的"和味湯拉麵~豬軟骨湯拉麵"($29)。其實31/8已經外買過這款豬軟骨湯拉麵，可是店員竟然沒有給我豬軟骨!害我只得淨湯麵吃!幸好今次沒有遺漏。豬軟骨湯拉麵---內有拉麵、豬軟骨、粟米粒、昆布、木耳、紅蘿蔔、椰菜、滷蛋、鮮東菇和豬骨湯。湯頭略為清淡，豬骨味不夠濃郁，鹹味不足。麵質太腍身，沒甚口感。豬軟骨肉質軟腍但略微嚡口，軟骨爽脆，醬油味很淡，不夠入味。滷蛋鹵味足夠，鹹味適中。整體水準一般。

美心MX---優生冬瓜盅晚餐~配籠仔古法蒸魚塊+白飯+茗茶日期：2009-09-05在"美心MX"(荃灣綠楊坊分店)買了"優生冬瓜盅晚餐~配籠仔古法蒸魚塊+白飯+茗茶"($39.5)。1.優生冬瓜盅---以日本"串鈴"和"雪花綠"品種冬瓜製成的冬瓜盅，湯料有瘦肉粒、雞肉粒、草菇、冬菇、燒鴨粒和夜香花等。冬瓜盅冬瓜肉厚，瓜肉柔軟中帶些微爽口，味道清甜，瓜肉頗多，十分飽肚。湯料份量不多，瘦肉軟腍不乾嚡。湯頭清甜，帶點夜香花味，鹹味適中，整體水準很好。2.籠仔古法蒸魚塊---魚塊和翠玉瓜加上蔥粒、薑絲、肉絲、冬菇片和醬油汁料，以荷葉包裹蒸熟。魚塊估計是鯰魚柳，魚肉嫩滑，魚味較淡，薑味和醬油味重，略鹹了點。翠玉瓜軟腍，瓜肉吸收了汁料，略鹹了點。

中午時份, 肚子餓了, 剛巧路過此間餐店, 再見到餐牌上有懷舊菜餚!立即選購: { 鴨腿}比起隻{油鳮脾}還要細, 肉質又非常之, 完全沒有鴨的味道;湯底又十分之鹹, 簡直十分十分之失望!

在"美心MX"(荃灣綠楊坊分店)買了"御串燒便當~配珍珠飯+漬物+Q版芝士蛋糕+夏日特飲"($29.5)。由於夏日特飲售罄，因此轉成黑糖魔芋奶茶。1.御串燒便當~配珍珠飯+漬物---內有雞中翼燒，豚肉丸燒和四色野菜燒各一串，配照燒汁珍珠米飯和大根漬(醃漬蘿蔔)。雞中翼肉質嫩腍，鹹香中帶微甜。豚肉丸口感鬆軟，帶點胡椒味，十分香口。四色野菜包括車厘茄、紅甜椒、冬菇、黃甜椒和青瓜，車厘茄香甜多汁。珍珠米飯軟硬適中，照燒汁份量足夠，香甜惹味，鹹味適中。大根漬爽口，酸甜醒胃。2.Q版芝士蛋糕---尺寸約3cm X 3cm X 2cm。口感鬆散乾涸，餅底不脆，芝味極淡，乏善可陳。而且"仿日式"的便當竟然配上西式的Cheesecake，實在令人哭笑不得。3.黑糖魔芋奶茶---奶茶加上少量黑糖魔芋(蒟蒻)。奶茶的茶味香濃，奶味略淡，甜味不夠。

日期：2009-05-30 在"美心MX"(荃灣綠楊坊分店)買了"So MX住家菜~秘製洋蔥鴨(配例湯,灼菜,白飯,茶)*送綠豆沙($39.5)。1.秘製洋蔥鴨---內有1個洋蔥和8件鴨肉。洋蔥一些軟腍一些仍爽口，味道香甜。鴨肉軟腍，鴨皮則較韌。鴨味足夠，可惜鴨件份量較少。醬汁洋蔥味和豉油味濃郁，甜味適中。2.蓮藕豬骨湯---內有蓮藕、豬骨、瘦肉和果皮。湯味夠濃，不過實在太鹹了。3.灼西生菜及白飯---西生菜清甜，可惜不夠爽口。白飯太乾硬。4.綠豆沙---綠豆沙不夠濃稠，起沙度一般，甜味適中。

今日(12-2-09Thur)同男友7:15am o黎到食早餐,我揀o左$18.50o既艇仔粥,三件蘿蔔糕餐,加$3.00要凍檸蜜.我o既食物齊晒,拎走時,發覺點解我杯檸蜜咁清,好似係凍檸水o既?即問一問亞姐呢杯係咪凍檸蜜?有個即時答係,另一個同o個個講一睇就知唔係,漏落蜜糖.然後佢o地就即整過杯畀我,點解最開頭o個個可以亂咁答o架?而男友就要o左$21.50o既炸魚柳,炒蛋多士,茄汁焗豆餐,返o到o黎.我o個個三件蘿蔔糕唔係好大件,艇仔粥亦唔大碗,竟然有好多生菜,又有魚片絲,一舊豬肉絲,兩件豬皮咁啦.食落都竟然越食越夠味,鹹鹹地咁.而蘿蔔糕都夠味,有蘿蔔味,唔會散開,亦有冬菇o係裡面.而男友o既餐,佢一返埋o黎就即刻指住兜只有10粒以內o既焗豆問,使唔使咁少呀?好貴咩?件炸魚柳都唔係好大件,佢塗晒啲沙律醬上去食,炒蛋比大X樂o既乾身,我覺得唔會好滑,男友都咁話.而其他都唔使講啦.環境衣o家啲連鎖快餐店差唔多間間都整到啲座椅好舒服,我o地坐卡位,反而枱同椅之間o既空間唔多夠.而呢間竟然有電視睇,奇.

昨日去食下午茶，點知係一場惡夢既開始。我要左個便當餐配肉醬薯蓉，個餐仲有咖哩角、薯條、雞鎚。仲有個沙律同椰汁糕，我仲加左8元要個雪糕紅豆冰。我去到水吧，無人理我，我等左成分鐘先有人接我個order。佢地既人手好亂，好難做到個高效率，等左差唔多成個字先食得。食得都唔代表好得，我試左個焗薯，都唔熱既。D肉醬同個焗薯唔多夾。薯條同咖哩角就soso啦，無乜野。D雞鎚就好細隻，沙律同椰汁糕都算過得去啦。但杯雪糕紅豆冰就令我好失望，杯野除左冰之外，成杯都係椰奶，甜到死。就算唔加錢都唔會飲呀。呢杯係我飲過既紅豆冰中既蘿底橙。一個餐18元，加8元要雪糕紅豆冰，咁就26元啦。去大家樂、大快活咁樣食下午茶，好多選擇之餘，仲食到你好飽。p.s.意粉屋既椰林相思就算加11元轉飲都仲抵飲過呢杯"雪糕加椰奶"多多聲，意粉屋既椰林相思起碼有七成既花奶，仲有3成既椰奶。夏天飲椰林相思，一個字...爽。