美心MX (已結業)

今日(2-4-2011 Sat)同男友11:00am到美心,諗住食個晏,點知都重係早餐menu.男友自己先要個$21.00o既餐蛋出前一丁麵,要熱奶茶.我就要$23.00o既歐陸香腸雞扒多士餐,要凍奶茶,加$3.00.o野食齊喇,睇睇杯凍奶茶,都唔係好多冰,點解要加$3.00咁多呢?一飲落去,都好甜吓.而灰白o既歐陸腸仔有兩條,有一撮薯仔煙肉同洋蔥,多士係厚切.開餐!歐陸腸仔正常冇o野講,細細件微暖o既雞扒原來都有約1.5cm厚,但肉質有啲實,味道都有啲腥,麻麻地.薯仔比較油,而厚多士都腍,唔脆喇.而男友o個啲呢,我飲一啖佢只落一包糖o既熱奶茶,我即話冇茶味,男友飲吓,話有啲苦,平時佢落一包糖就已經夠,但今次佢要落多半包,咁就o岩喎.而其他o既我就冇問佢點,不過見佢碗麵都有啲菜食吓.衛生:由於開頭坐o既卡位o岩o岩對住風口有啲涼,之後見另一張客人走o左同執好枱,於是調位,但張枱冇抺,到我要去買o野食時,就吩咐男友叫人抺枱.其實我o地一入去搵位,都見到有啲枱冇人執.服務:三個收銀都冇客時,我行埋去,最近餐牌o個個o岩o岩擰轉身擺自己o既袋,我行去中間,中間o個個冇主動招呼,到我求祈叫唔該

昨天晚上，因為爸媽都不在家的關係，我就到了一家順路，在巴士站旁的連鎖快餐店。一向對快餐也沒有甚麼期望，本來想著那麼貴，晚飯就隨便算了。但是，因著背包中的優惠券，就進去了。點了一味菜，是青豆角煎釀魚餅湯羹套餐。內有青豆角煎釀魚餅，從來也沒有想過快餐店會花那麼多時間，將豆角卷起來，釀在魚餅上。魚餅很有魚味，是想象不到的濃，想不到隨便吃一餐快餐也有這樣的質素，完全超乎期望，讓我工作了一天之後的灰暗一掃而空。其實吃這個餐的其中一個原素是因為它同時有一個西湖牛肉羹，本以為是隨便午餐例湯樣子的一碗，卻想不到是一大煲！可能太久沒有吃一些中餐式的快餐晚餐，所以這次有很多驚喜。拿到食物，正準備享受的時候，突然收拾食物的嬸嬸走過來，用不純正的廣東話說：「先生，要點火嗎？」最初我不明白她要和我說甚麼…原來她怕我的湯會變冷，想為我點火暖一下那西湖牛肉羹。表面看來，這樣做有點多餘，實際上也婉拒了她。但是她的一問，讓我感受到一份溫暖，和平常吃快餐的冰冷，急速，趕時間完全不一樣。雖然因為要趕時間，乘搭巴士，真正逗留在店子內的時間只有十五分鐘左右，但是那十五分鐘卻是我整個晚上的refreshment。感謝你，美心快餐

大家樂又 名正言順抄足美心MX個tea set--便當........但始終都唔夠美心咁平!!美心的便當款式成日都會轉,所以幾有新鮮感~加上又平,份便當真的擺放好多款食物,實在非常吸引,百變形象的便當!!!我成日都心思思想買來吃~ 因手頭上有coupon,加上頭先食lunch又唔夠飽,放學落車後特地上美心買外賣返屋企食先~至抵便當$18→ $16有:chopsticks:三絲炒麵, 份量真係好多!!:chopsticks:燒賣2粒,口感很一般....:chopsticks:馬拉糕,味道good:chopsticks:薯仔沙律 用另1個細膠盒盛著~沙律裝到滿晒,外賣盒的盒蓋 真的蓋得好實~:chopsticks:碗仔翅 幾多料,有冬菇,雲耳,粉絲,肉絲,WOW!非常之抵呀~其實呢份便當 當lunch食也是10分飽,飲品熱檸水等外賣果陣,唔駛3分鐘就可以扲得職員服務態度good下午茶時段個場唔算full~今餐非常之抵呀!!!

去荃灣行一轉, 見到MX就肚餓, 想起下午茶的油雞肶瀨加飲品都是$19, 唔知荃灣分店得唔得?這間都製作認真, 全熟但肉質都是嫩滑, 放湯浸一浸都沒有太過分的粗糙。湯瀨就不及荔景, 浸到肥得過分, 不爽口了咖啡至少沒有酸味, 都香濃！很美滿的午餐啊！

尋日(16-9-2010 Thur)同男友起身後去食早餐,呢日我要上大陸廠,就決定o係綠楊新邨食,o黎到呢o度o岩o岩有位,我去買o野食喇.要o左個歐陸早餐,有雞扒,腸仔,牛油厚多士,飲少甜綠茶.齊晒喇,o個杯綠茶個杯係舊式茶餐廳,高身紅豆冰杯,拎埋位時真係一步一驚心.平安返到坐位,睇真啲,一件雞扒好細件,多士只烘一邊但仍似未烘過.食o野喇,所有o野都普普通通啦,而綠茶呢,自問自己適應o左飲室溫水,但室溫綠茶原來重難飲,不過算啦,都飲埋佢lu.服務:咁o岩被我見到一個老婆婆o係o個o度買早餐,然後有位亞姐幫佢拎份餐畀佢,真係好貼心.

lucnch甚少到呢間餐廳食, 呢次入到去,見到幾多食客..好在找到一張很好的卡位~yeah 食兩餸飯$29→$26 ,用左coupon 減返3元!雖然相比起其他普通食肆即使用左coupon,都唔係特別平,但食物質素也有一定的保証 揀左 鮮茄繪雞絲, 是日時蔬~ 夠晒健康,哈哈!! 鮮茄繪雞絲::: 雞絲好好味,鮮茄汁又幾多,而且甜甜地,開胃呀!! union 加埋番茄汁,好味喔!! 是日時蔬::: 今日係生菜,都有幾多,再加上蠔油~ 飯球一般,份量不錯, 是日例湯, 呢次唔叫飲品, 今日個例湯係--青蘿蔔排骨湯,真係好好味,可惜見到青蘿蔔浸到老左d....

今早跟媽子到美心食早餐,幸好今日人流不會太多,真好~ 可惜美心的點心早餐已經售罄 否則我好想試下~ 揀左個港式早餐NO,1 羅宋湯通粉有椰菜,紅蘿蔔,但湯底真係幾多油...夠熱!! 都有幾多雜菜,通粉咬落有少少粉狀的感覺 配菜的腸仔口感幾好~jusicy!太陽蛋外表很不錯,口感雖然有點「鞋」,蛋黃用來沾腸仔也不錯蘿蔔糕 幾好味,質素也不錯~座位也舒適,員工服務態度幾好~呢款早餐,雖然稱不上NO.1 ,但一分錢一分貨~也不錯的

當日想食tea同埋用coupon下午茶減2蚊~點知我揀左 燒鴨瀨粉~ $13,因為已經很便宜~所以無得再減,haha!要買滿18元才可減2蚊~算!唔緊要! 碗瀨粉湯底多油…但d鴨肉很jusicy!幾正有5件左右,但係瀨粉份量唔多,當lunch吃一定唔飽~3:10pm入黎都差5多full晒..想不到!可能呢間分店交通方便,而且又位於荃灣市中心! 廚房部自動俾杯水我~good 食完之後喉嚨乾乾地,發現幾多味精

今晚(11-6-2010 Fri)男友買燒雞髀茄蛋飯同熱檸茶做佢晚餐,佢畀啲我試,我咬o左兩啖,皮都幾脆,肉又滑.但好攪笑地見到有塊芝士黐住隻雞髀.見佢盒飯有菠菜,有好多茄汁,連雞蛋都染埋變紅色,好似唔錯咁,男友話雞髀好香,酸酸甜甜o既茄汁重加上芝士,佢話好惹味,好好味,讚不絕口.可惜我唔記得影低佢.

今日(17-5-2010 Mon)同男友起床後,又趕唔切join爸爸飲茶,惟有自己食o野.男友話去美心,啊,又係好多o野揀但唔知食咩o既地方.去到人龍好長,咁o岩o係收銀附近有位,我叫男友坐定定,我買o野食,男友叫我幫佢諗食咩o野,佢要凍檸茶.啊.我見歐陸早餐好似好吸引咁,就叫兩個啦.我要$22.00o既腸仔雞扒蘿蔔糕煙肉炒薯仔,飲凍檸水要加$3.00.原本幫男友揀腸仔豬肉漢堡厚多士煙肉炒薯仔同凍檸茶,點知行到收銀時失憶,將豬肉漢堡轉o左做炸魚柳.Total收我$48.50.到攞o野食時,就問問亞姐,魚柳可唔可以改翻做豬肉漢堡,亞姐話要睇睇價錢先,咁我話唔使喇.(費時煩到人嘛),但幾位亞姐依然好合作咁check同答我,問我換唔換?我答唔使喇,唔該.咁我就等等等,男友o個份攪掂o左,先拎畀佢,等o左一陣到我o個份,返埋位食喇.男友一開始就食魚柳,重讚魚柳炸得好,我話畀男友知原本想同佢換翻豬肉漢堡o既事,佢話都唔錯吖.而我同佢就將對方冇o野互相交換一半o黎食,細細件o既蘿蔔糕鹹鹹地,仍有臘腸蝦米;腸仔幾鹹吓,醮魚柳o既沙律醬食就中和翻;炸魚柳,魚肉仍滑,唔錯;茄汁焗豆份量少,暖暖地,可以;

今朝(7-5-2010 Fri)因公事要上大陸趕時間,同男友落到荃灣至決定食邊間,行到o黎,見美心唔太多人,我o地就決定呢間,我買o左$21.00 o既早餐,係火腿炒蛋牛油方包配叉燒湯意,要熱檸水.呢次都好快,方包好厚,火腿都幾鹹吓,我就將佢夾o係方包食,一來食快啲,二來冇咁鹹,但都一樣咁鹹.炒蛋冇乜問題,而叉燒湯意就細細兜,五片叉燒都係瘦叉燒,好彩都唔太硬,意粉唔太腍.而熱檸水仍依然係澀,係咪買手以公司set好o既價錢買唔到靚貨?環境:開放式餐廳,唔知係商場冷氣唔夠定佢o既射燈太強,越食越熱.而椅背緊貼椅背,好唔舒服.

燒汁墨魚丸配迷你肉醬意粉燒汁墨魚丸 3粒~ 真係好多醬汁呀,不過醬汁略甜~而且顏色看上去,幾濃~墨魚丸尚彈牙~不俗 迷你肉醬意粉肉醬的味道很好,甜多過咸味~仲有鮮茄粒~好好食呀,而且仲有粟米粒呀,好鮮甜~I love it!!份量真係唔少呀~雖然係細細碗^v^意粉的硬度適中~ 熱檸水~d lemon無苦味,新鮮的~滿意 同朋友一齊坐~差5多坐左成粒鐘先走不過到5點幾呢...都勁多人........好多婆婆同埋家庭主婦聚集的落腳點=v=原本18.5元~是次用減2元coupon, 16.5元

2010年3月23日 ( 1 ) 荃灣 ( 美心 - 1 ) 晚飯 加料美心集團近期推出的荷香雞，今晚選購來作餸。荷香雞：每隻售($ 48元)，算非常抵吃，雞肉不太肥，不嚡口，雞肉入味好吃。

今日(15-4-2010 Tue)同男友食早餐,行到o黎荃灣就呢間啦,8點幾人多啦,好彩都有啲位,男友先買o野食,等o左好耐至返o黎,之後到我,我揀$21.50 o既C餐,係雞扒煎蛋牛油多士,要熱奶茶.我又等o左好耐至拎齊o野食,雞扒唔係好大件,有茄汁焗豆,好彩係暖暖地唔係凍o既,而煎蛋變o左炒蛋,睇個樣好乾,但食落又唔係,OK.牛油多士,多士係厚多士,但已經腍o左重有啲韌.而奶茶都係咁啦,茶味唔夠.男友o既係睇仔炒蛋多士麥皮同熱凍檸茶,我冇問佢評價,只知佢食剩多士,因為一來飽,二來同我o個件一樣,腍o左.服務:其實男友經過上次要食麵等好耐o既經驗,都已經避o左唔要麵或米粉呢砍類,點知今次,我o地兩個都真係等好耐,應該起碼等o左8分鐘,攪到原本唔趕時間返工o既我都驚驚.我o地諗應該係宿減o左人手.

今日(29-3-2010 Mon)同男友起身後去食早餐,橫豎要去銀行同睇醫生,就同佢行落荃灣食o野,我o地就o黎美心啦.我要個$19.00o既烤去皮雞扒蕃茄醬通粉+熱奶茶,有coupon減$2.00.男友要唔知幾錢o既腸仔煎蛋一丁麵,飲凍檸茶.我o個個好快攪掂有得食,但男友o既就等成5分鐘至有得食.我o既餐賣相唔太差,雞扒唔太細件,我以為係另上但原來唔係,雞扒唔o鞋唔乾,鮮蕃茄唔太酸,通粉滑因為幾腍,湯清清地,奶茶都有淡淡o既茶味.整個都唔太差,不過只係暖暖的.而男友o既一丁麵呢,佢話熱就好熱,但好淡.佢話一丁麵要等咁耐,下次唔會食呢個.