繼 (已搬遷) 新店位置

餐廳外面感覺非常傳統日式料理! 高格調的店內裝潢設計簡單整潔。店內分為二個區域：鐵板燒和壽司區，今晚專程來試試鐵板燒，餐廳坐位不多所以需要訂位。本人喜愛鐵板燒的原因是因為節奏慢，可以一邊慢慢品嚐與此同時亦可以欣賞師傅精心泡製的每一道佳餚。鐵板套餐每一道菜都配搭完美、食材新鮮度高、調味恰到好處。師傅不忘貼心提示「調味料只是裝飾品，我已經調校好味道」。不得不提最新鮮的是日本帶子，即開即燒，半生熟上，而且上菜時更每位附上迷你爐具保待熱度。用心之處是平常光顧的餐廳蒜片是普通蒜頭做的，而「繼」是採用獨子蒜不但橫切面大，口感好之餘，亦不會奪走牛肉的鮮味。總括經驗是讚及推介，會再回來光顧。

朋友介紹我去試了継，這間新開的日本鐡板燒餐廳在D2 Place Two3/F，環境又幾好、私人度又高，食物又真係好好食，我好耐沒食過如此高質數嘅Teppanyaki! 居然在荔枝角找到！！一定要推薦大家，餐廳的主廚又Nice又好傾！以這一種質素的高級日本鐵板燒餐廳通常在灣仔或銅鑼灣食加酒水都要大約每位二千元，継的價錢好合理大約一千三個一位，而且這裡有兩間VIP房，私人度好高好舒服，傾生意一流！開Private party 又一流！

難得同朋友約會， 想搵一個靜靜地既地方傾計食好野！ 喺荔枝角搵到呢間新開張無耐既鐵板燒餐廳！ 一入到門口， 個感覺已經好舒服， 佢既位置唔多， 最岩談心！ waitress 服務周到！ 朋友想食刺身， 但我因爲有左BB ， 唔食得生冷野， waitress 介紹左好特別既素食壽司比我！ 佢個飯團係師傅加左少少日本菇令成個壽司無咁齋， 飯面有日本鮮腐皮加果凍啫喱，准山， 山葵⋯ 等⋯再加金薄喺面， 好高貴呢！ 朋友就食新鮮刺身！好新鮮好美味！

同仔仔黎開大樹先生玩，見到樓上三樓新開左一間日本鐵板燒，一心諗住想食日本嘢既我，就同老公，仔仔一齊試下，估唔到真係有驚喜，一開始食左幾味魚生刺身，佢地既魚生刺身不但好似藝術品咁靚，更非常新鮮！而平時對鐵板燒不感興趣既我都覺得好好味，由其是平時仔仔唔係好鍾意食魚，而佢地整既鐡板燒甘鯛面層既魚皮脆卜卜，但係佢既魚肉又唔會因此而變得乾身，反而好juicy!真係值得推薦！除左食魚，我地都點左龍蝦，蒸蛋，帶子，真係每樣都好好味！下次會再試下佢地既壽司吧先！

最近得知D2 place Two開了一家新的日式高級鐵板燒，所以收工約埋一班好朋友去試一下！果然十分有驚喜，由頭盆到主食都非常有驚喜，食材十分之新鮮！一定要推薦大家

估唔到係荔枝角都可以食到咁高水準既日式鐵板燒！今日同屋企人行過D2 place, 見到3樓有新開既餐廳 上到去就見到有間日式鐵板燒餐廳，個門口好靚。入到去叫左個套餐 廚師好nice，水準極高！啲食材都好新鮮，食到超好味既釜飯同龍蝦，最後既甜品都讓人好驚喜！之前有去過其他同類日式餐廳 咁既收費真係性價比好高！個裝修都好靚，下次會再去試埋個lunch, 見到個lunch menu 都好抵食。同屋企人食得好開心 下次一定會再去