繼 (已搬遷) 新店位置

自繼開業以來，我幾乎每月都來光顧。因為它的鐵板燒實在十分美味，令人再三回味。繼主打的是傳統的日式鐵板燒、刺身和壽司。在同類型的日式餐廳中，價錢最為相宜，但材料絕對是新鮮的，而且來源跟高級餐廳的一樣。以老顧客的角度來看，它一直保持能料理的水準、服務態度友善、廚師用心為客人烹調食物，實屬難得。如果你對飲食有興趣，廚師們非常樂意跟你交流。餐廳裝潢以大理石和天然木為基調，配上日式畫作，簡約而帶有和式風格，置身其中很舒服。以下是我推薦的鐵板燒午餐套餐，我就是每次去同一家餐廳，會點同一個餐的人，哈哈。這是沙律，有沖繩的海葡萄。 當我一開始吃，廚師會一邊按進度準備下一道菜，確保是新鮮熱乎乎的。 下面的是燒銀鱈魚，魚皮也會燒得脆脆的，我喜歡配中間的酸甜汁。 大蝦的蝦膏會先切出放到一邊煎香，再與大蝦一起炒，吃起來，除了濃濃的蝦膏香味，還有來自大海的味道，新鮮極了。這就菜不在menu 上，但每次都有，就是焦糖麵包，是繼的自家製麵包，牛油+砂糖，脆脆甜甜的。牛肉眼和薄燒我都試過，我比較喜歡薄燒，青蔥和蒜片包裹在內面，吃起來滿有口感。牛可以由客人選擇生熟程度。吃完牛，基本上也飽了。這個時候，還有炒飯、麵豉湯和

第二次同朋友係度食,因為第一次食完念念不忘，所以今次再order壽司set , 上次選10件壽司，今次黎個12件壽司set , 刺身非常新鮮，真係好好味，而座bar 枱位，師父會一件一件咁送上壽司，由淡至濃味，超貼心，而且lunch set 仲有沙律同蒸蛋，今次沙律仲有海葡萄，好新鮮好爽，食完壽司仲有甜品 ,簡直係大滿足👍🏻👍🏻

朋友介紹話有間鐵板燒午餐好好食，鐘意享受美食的我，當然要去試，由頭食到尾未停過都係二百幾元，真係抵食，招呼又好，廚師煮嘢又好食，完全係可以再去，環境又舒適，食物又講究，就連塊放底既墊油面包都挑左個舖名，望都食得開心😃1—-沙律2—-湯➕前菜3—-帶子（鮮甜玉嫩）4—面包（吳係一般既多士，係食落脆口➕—-有咽硬口感帶有類似蜜糖味—好食👍）5—-魚柳（面頭魚皮脆，魚肉滑）6—-豚肉卷（肉夠淋，裏面菜夠爽口）7—-炒芽菜配椰菜（爽口香甜）8—-海鮮粒炒飯（多料，反夠乾身香口）9—-咖啡或甜品昵個一人餐，認真多嘢食，食足九道菜皇帝式享受的午餐😬😋🤗👍👍

今晚(Oct31)老公為我安排了一個Omakasa做生日dinner,佢自己唔食Sashimi,所以order咗Tapankayi一人前俾自己，一家餐廳可以咁樣cross over, 真係不錯。。可能我本身都鍾意D2呢啲小型mall,有好多小小shops,喺香港真係買少見少，再入去呢家繼，雖然唔大，但乾淨企理，感覺超良好。。早兩晚我好朋友都請我喺CWB食omakase,可以話呢度嘅同CWB兩個級數(價格都反映出嚟),但我會話呢度個omakase 性格比超高，一啲都唔遜色。。。唔形容咁多，睇相啦。。吃Omakase最大嘅特色係驚喜，所以唔知咁多跑去吃，睇住廚師發板聽佢教你點食，非常享受。。。

10月13日生日同屋企人去食鐵版燒魚生好一般唔甘香 秋刀魚刺身好醒 份糧好小已經要300蚊碟鐵板燒最值得讚就係唔太油鵝肝甘香又juicy👍🏻👍🏻整體黎講 價錢係貴 唔會世界級好味不過贏在即卡整 即卡食 熱辣辣師父就成日煮下你個餐 又整下人地個餐 如果多人一齊包房都OK

媽媽受難日，請佢去食生日飯😂~點了兩個一樣的12件壽司套餐:蓮芋沙拉(第一次食蓮芋，係蓮花既莖部，好爽脆)海鮮茶碗蒸，入面有鮮魚片同蟹棒深海池魚左口魚銀鱈魚右口魚太刀魚帆立貝鰹魚赤蝦配櫻花蝦(櫻花蝦味好搶，但呢件又甜又香好味）鯖魚配昆布漬Toro(我覺得呢件介乎赤身同中toro中間，如果肥啲就perfect)海膽☺️☺️☺️正到爆鰻魚玉子面豉湯咖啡奶凍全部壽司都好鮮，無腥味。媽咪都話好好食！如果唔係我地太遲去到（等左15分鐘左右，13:50入座）就唔使食得咁急了~不過呢間好食同抵食過鮨芸館好多！下次去食埋鐵板燒先得！

第一次幫趁就超級驚喜。一次再一次去幫趁都係廚師發板，今次第三次去，依然充滿驚喜!!大廚年輕有禮，又有heart。細心了解客人要求。每一件都做得好有心機。我問長問短，都一一用心解答!! 睇佢處理食材已經係一種娛樂! 就算要等，都覺得好有趣。食材超級新鮮，不時不食!! 調味同醬汁配搭得有心思! 全程都完全唔需要點豉油。每一件廚師都會講解一下食材同個別處理方法如何可以突出食材嘅味道。每一次食完都好期待下一次!!有時啲野唔可以只用平同貴去衡量。最緊要覺得物有所值!!

不能吃澱粉質，一起身好似喪屍般要找肉食！找到了這家位於D2 Place II 的日本鐵板燒，看看裝修不錯。就入去試啦！點了「竹」餐，好豐富！好好食！服務真的有85-90%達到日本的水準。不錯👍物超所值！(不過某d 顧客破壞了寧靜的氣氛，沒辦法，唔係餐廳的錯）$248 + $98 sashimi (3 kinds) 非常新鮮！鮮甜柚子汁沙律 （清新！）鱈魚 （香、肥美）大蝦或帶子 （蝦好好食！炒香了蝦膏再炒埋d蝦入去）（帶子用貝殼裝住了海帶，帶出了帶子鮮甜）Caramelised toast ❤️（偷吃了一細啖！初戀的感覺）燒厚切牛 （5成，剛剛好！無筋！炒蒜片好功夫！）炒飯多葱（我唔食得炒飯，阿仔話好好食，夠乾身）Miso soup (不是行貨嘢。阿仔爭住飲埋我個碗！）炒野菜（芽菜是粗的！）甜品：紫薯咖啡或茶

今天同honey拍拖，來里邊睇下關於beyond 35週年紀念品，順便係附近食餐返。我一向避開人群，比正常人遲食Lunch, 我一點半左右才食，我里類人有D舖頭歡迎，有D相反，從D侍應師傅既態度便知，因我試得多試過明明係逐件上變 拼盤上😏反而歡迎既係我吾阻佢哋做第一轉客，又吾係真係太遲果D客，一般過左两點我吾會食日本餐一入舖右邊係鐵板，左邊應該係房，我就一路向前行，我食寿司，梗係坐寿司吧。一向我對木色既裝修情有獨鐘，好舒服既櫈，好闊落，矮櫈吾洗吊腳 寿司吧房得十個位左右，有两個畫框 黐埋一齊，好靚好優雅，你問我係咩？我梗係吾知，我又無去摸過，只是覺得好靚等齊人，各自叫左個12件寿司set,今日里件醋鯖魚好好味酸味咸味配合得好好個魚邊好肥味又香，有D煙燻味奋，令到吞拿魚腩有D失色，海膽好好味，紫菜仲脆(有幾多間舖頭可以做到)，我十二件已經夠，今天honey好大食，轉十五件set值得一讚既係跟餐沙律上枱果陣仲凍既， 食落口索索聲(好多餐廳，我一坐低未叫野食，已經上左沙律小食，D沙律吾凍兼黃邊見到都吾想食飯後甜品同咖啡，咖啡Ok. 甜品好 的骰honey喜歡仲好細心換毛巾同新茶

長沙灣的D2 place有好多餐厅，呢間喺D2 Place的二期三樓。地鐵荔枝角站D2出口步行三分鐘即到。装修秉承日式低調雅緻的風格，以鐵板燒為主。中午會提供一些丼飯套餐，大約三百元一份。點了黑松露带子海鮮丼，290元。先上了沙律，蔬菜新鮮多汁，又有千島汁淋在上面，十分开胃。因為不喜歡黑松露的味道，經理特意幚我换成了三文魚籽，令人倍感體贴。紫菜不够亦可另外，不再收費👍。蒸蛋雖然外表平平，但實則內有乾坤，藏有丰富的蟹肉和其他海鮮，絶不是一般蒸蛋那麽简单。套餐另配甜品或飲品，我點杯咖啡，味道香淳，不亚於咖啡店的出品。整个套餐驚喜不断，確是物有所值。

閒日中午，食左午市2人套餐，埋單一千多（各人散叫一個單人餐會較好了）套餐有魚、鮑魚（店話冇日本鮑冇貨，當日提供較大隻嘅澳洲鮑）、澳洲牛柳（可選薄燒，今次試牛柳）、蜆湯、糖多士、炒飯、炒野菜、甜品師父幾健談，功夫好，燒魚好食鮑魚：火候ok,新鮮，燒時仲識郁，嫩口，鮮但唔濃味牛柳：微牛味、火候好、嫩、有肉汁，師傅話炸蒜片都係自己以日本蒜整，牛同蒜都好食以下掛住傾計冇影相了蜆湯：錫紙盤蜆上鐵板加清酒煮湯，鮮味足，甜糖多士：以牛油、糖係鐵板上煎出多士，煎過程睇得enjoy炒飯、野菜：普通，正常味道。甜品係普通的非自家製瑞士卷食物整體係好食，但份量較少，兩位女士食係7成飽，同男士一齊食就未必夠了。9百幾蚊食物有質素，然而小小一份甜品與咖啡只能2選1，未免顯得有點少氣。可以下次再去午餐，但會選單人menu較好

平時在餐廳要找素食一點也不容易，要跟大伙兒一起吃飯，總要朋友們動動腦筋！最近在新的鐵板燒餐廳試了素食壽司，非常驚喜！一般只能食玉子跟腐皮壽司，在這裡款式很好，賣相亦非常精緻，味道很好！素食要在訂位時提出，咁款式就會多好多！如果跟師傅提出有咩想食，師傅也可以即場整新菜式，很欣賞他們的細心與精神！除了壽司之外，還有其他的菜式，也很特別，值得一讚啊！環境跟服務也不錯，一定會再去呢！食肉既朋友仔，也有新鮮既魚生👍🏻👍🏻

友人是入行多年的日式鐵板燒師傅，今日有幸跟他食日本料理，整餐晚飯令我發現自己實在孤陋寡聞，原來日料都有好多好多學問，特別在此與大家分享。這晚由師傅發辦，由開胃菜開始、然後刺身、壽司。開胃菜：醃漬秋葵、山竽、水雲酢、海葡萄沙律刺身：由淡味至濃味石碉魚、平政、油甘魚（鮫位）、深海池魚、粒貝 （灑上岩鹽，帶出咸鮮味）、生蠔、北寄貝、火炙梳子魚（又名竹籤魚）、拖羅中場休息，並唔係師傅休息，只是讓我們的肚皮休息一下，師傅安排了炸澤蟹及慈姑片，是佐酒小食不二之選。餐廳會將澤蟹放於盤中，利用青瓜飼養數天，令澤蟹排走污穢物，客人可以放心食用。 由於澤蟹是活生生放入炸鍋，故此每隻形態不一，上碟時仍然栩栩如生，美麗的橙紅身軀，非常脆口。壽司：每件壽司師傅已調好芥末及豉油針魚 （加上日本柚子皮，口感更清新）金目碉（熟成3日）熟成令魚身更軟身，味道更突出。火炙銀鱈魚（灑上岩鹽）、火炙春子碉 、鮟鱇魚肝、火炙赤睦、火炙拖羅、三文魚子、火炙和牛 所有的火炙刺身及壽司，師傅均會加入備長炭一起燒，目的是驅走瓦斯味，但同時有會又帶出陣陣炭香。火炙壽司同樣有一些規矩，就是要20秒內放入口，以免魚肉變冷；軍艦壽司則要15

週未兩口子來試新餐廳，點了龍蝦2人餐，再散叫了小量海產。 服務好好，食材也新鮮講究。貝殼類的海鮮很爽口，龍蝦用了海膽烹調，很配合。跟餐的是日本和牛，預期中的軟滑。 有但美中不足是鐵板師傅會同時招待不同批次的客人，而且每組座位和隔離不相識的客人是完全零空間。那天剛巧隔離坐了3位興緻勃勃的客人，嘈得我頭也昏了，而且對我們的食材口沫横飛的指指點點，令我們覺得很不是味兒…… 還是適合一大班可以自己坐滿一張枱的朋友來。

本來訂了另一間的鐵板燒，但因為要限時晚上分兩輪，跟朋友商量後想想下大家覺得一餐鐵板燒兩小時也不足實在難接受，所以決定轉地方，剛好這一間是新開店不足兩個月，相信名氣暫時不大因此就算在一日前亦可以訂到枱準時到達被安排其中一間鐵板燒房，大概有7至8個座位，感到地方很舒適，另外大廳亦有相連的鐵板燒枱，可以同時容納兩位師傅，當然座位亦相對增加了。點了龍蝦二人鐵板燒套餐，也有活鮑套餐，同價。相片上傳空間有限，那先付（前菜）就不提供相片簡單描述作罷，基本沙律菜，車厘茄，最重要還有海葡萄粒貝是當晚最欣賞的海鮮，不用沾任何醬油或調料，每一片入口都是鮮，甜。爽囗就更不用說，不過如果消化力弱朋友就建議少吃幾片一人份量也不少銀雪魚質素就一般不過魚皮經過慢煎油份已經減退剩下一口脆的口感以枝豆薯蓉煮成的白汁配上脆皮肉嫩的真白鯛味道混和得適中，完全沒有蓋過魚的鮮味，而又可以令魚身肉更順滑新鮮紫菜加上上湯浸煮的扇具味道更提升，最後上湯還建議客人喝光光以獨立燒爐保温，不用怕降温而要急著入口以龍蝦膏來烹調龍蝦肉是最原汁原味的配合不過肉雖爽口彈牙，但略嫌鮮甜味不足A5鹿兒島和牛師傅很貼心，這是一人份量，但是會分開兩次主理才