緣聚鮮鍋 (已結業)

今晚應朋友邀約去左荃灣食放題，係新開張的半自助式放題。這間店鋪地方很清潔乾淨，環境很寬敞很舒服！有部份食物要經QR Code 下單，十分響應環保。其他蔬菜、丸、麵、刺身、熟食、壽司、甜品、雪糕、飲料都係自助形式。用QR code 點單的有肉、海鮮等等。依度有八款湯底可以揀，我們一行四人有人唔食辣，揀左壽喜燒湯底。肉有特級牛肩胛肉眼、美國穀飼肥牛、西班牙梅頭豬肉，每碟份量唔會太多，切得薄薄的，易熟，淥一淥就食得。肉類好有質素，油脂適量，軟腍香滑，肉味濃郁。這間放題食物包羅萬有，又夠新鮮，真的可以媲美自助餐。

今天晚上我們再到這裡食放題，17:00已經人頭湧湧了。$98至抵食時段，但不包括肉類，如果不太愛好肉類的朋友們，以這個價錢是非常吸引的，因為只吃自助吧枱的其他食物也會很飽酸蘿白醃得很入味小丸子，炸餃子味道很好，其他只屬一般看到這些熟食，充滿家常便飯的感覺，味道好，但是炒蜆太辣了(我不好辣只能吃了一隻)壽司，賣相很好，份量不太大，吃多兩件也不會太飽手卷是即叫即做，我選擇了三文魚蟹籽，吞拿魚蟹籽，雖然是放題任食，但壽司師傅手勢絕不馬虎，材料亦不會減少暑假就快完結了，如果想和小朋友外出用膳放縱一下，這個是個不錯的選擇

朋友約在荃灣食飯，一般都即時諗起大鴻輝(荃灣)中心，而在OPENRICE見到新開左一間打邊爐的半自助式放題，試新野心態驅駛下，即時book黎試下。我地book 左C時段，都係$208加一，價錢非常平民化。到左要在門口登記排隊安排入座，同時間可以揀埋湯底。環境好大好闊，食物擺放非常整齊，仲有好多選擇。即時排刺身部，每人每次限選三款，有三文魚、吞拿魚、油金魚、帶子等等。每款會有大約三片，好新鮮肥美，無雪味。仲有多款壽司，非常吸引。丸的選擇都好多，全部都金黃色，蟹籽芝心包，麻吉燒、竽頭丸等等，應有盡有。仲有一般邊爐都會見的午餐肉、腸仔、菜、瓜。可以食得好均勻。最吸引係花茶區，好多野揀，唔駛淨係飲汽水果汁咁甜，好細心。依度CP值好高。值得再黎。

近日減少了出外聚餐，來記錄一下前陣子在大鴻輝用餐的新餐廳。平時去大鴻輝都有點怕等升降機(未知大家有否試過排隊到出室外再打蛇餅呢😆)。今日去這間打邊爐是搭扶手梯上的，可以避開排隊，一路上扶手電梯，上到見到藍色招牌就到了～在大價錢牌看看要比那個價錢坐位有空間感，裝飾都不似打邊爐，比較新式。玻璃房內有大枱，可以容納多人。入座的票帶有QR Code, 掃一掃可以自行手機下單，對於我們對手機多於跟真人對話的人來說十分方便，也可以有記錄跟進有否遺漏。皮蛋芫茜湯湯底選擇了簡單的皮蛋芫茜湯，第一輪的點菜相對比較慢，第二輪便很順暢，也沒有漏單的情況。蝦雖然沒有生蝦可點，但是自取位置有熟蝦特級牛肩胛肉眼牛肉色澤不錯，油脂分佈也很平均，厚薄適中三文魚骨腩肉質新鮮，沒有腥味食物區比較像新式放題，出去自取的有丸類面類等等已有廿多種選擇~又有壽司、多種蔬菜最後到期待已久的甜品! 超過十款雪糕最喜歡 玄米茶 及奶茶，味道很突出又特別~總結來說，種類和口味都令我們滿意!

荃灣真係有好多好嘢食，今次見到網上面有人推介呢間餐廳，所以決定放工過嚟試一試望一望個價錢牌，價錢好合理呀入咗後馬上選擇咗個湯底先，今次我選擇咗壽喜燒湯底好快就有湯底到，而外面中央位置有好多唔同嘅火鍋配料最好食係牛肩脊，爽口彈牙，又充滿牛味另外，仲有海鮮，帶子大大粒又新鮮，而且洗到好乾淨除此之外，講到明叫日式放題就當然唔少得有刺身、壽司及手卷刺身有好多唔同種類嘅選擇，即場切，夠曬新鮮即做手卷好特別，你只需要話俾職員聽，想要乜嘢配搭，佢哋就會即場整俾你，可以話叫做獨一無二口味，紫菜仲係脆卜卜最令人驚喜就係以下環節，佢會首先響鐘，噹噹噹，然後好多客人都會圍埋一齊睇表演即切吞拿魚，師傅刀工了得，睇住佢表演，感覺好治癒。表演完畢後，職員仲會每台派一份，不用排隊，人人有份，永不落空仲有唔少前菜、炸物、熱葷，真係多到食唔曬呀飲品除咗有超級市場式的一長列大凍櫃可以選擇，仲有特式花茶及涼茶，當中呢個菊花蜜係大讚，菊花味道濃郁，一啲都不是加水或偷工減料養顏又健康

與舊同事每年有三幾次聚會，習慣上，邊吃邊傾最實際，每人輪流話去哪一間食肆，以示公道，這次由他負責找，他住在荃灣區，說有好介紹。原來是吃火鍋放題，任食兩小時，收費都是$208+10%，然而香港人收得貴又話貴、收得平，又驚無質素！我其實完全不擔心質素，因為聚舊是首要，食物是其次。來到餐廳，多人在輪候入座，因為放題是分時段的，而入座前要選定湯底，以方便侍應及早預備。共有八種湯底可選，我們選了黑蒜和豬骨湯底。入座後，侍應簡單介紹落單程序，肉類和餃子是要經QR Code落單，相當新穎的玩法，而其他食物和食材都是在外面自助形式選取。先去巡視環境才出擊，最多人排隊是刺身區，有吞拿，三文，甜蝦，帶子等，還有多種壽司，賣相吸引。而沙律有已拌好的，也有自行配搭的，醬汁也有五種，海鮮方面有青口，翡翠螺，凍蝦，另一邊是火鍋材料，琳瑯滿目，丸子種類歎為觀止，墨魚丸，豬肉丸，牛肉丸，拉絲蟹籽芝心包，麻吉燒，魚皮餃，椒麻貢丸等，另一邊有台灣腸，芝士腸，午餐肉，魚腐，響鈴，炸魚皮，炸麵筋等，一時間有選擇困難症。如果注重健康，蔬菜是不可缺少，有油麥菜，鮮冬菇，苦瓜，冬瓜，蓮藕，翠玉瓜，蘿蔔，甘筍，萵筍，秀珍菇，蟲草花，

約咗舊同事去荃灣大鴻輝食自助火鍋🥘 火鍋店佔3樓全層非常之大👍 場內有多個區域， 壽司刺身🍙、沙津🥗、火鍋、 甜品🍰、 熟食、麵食 、飲品區……值得一讚，飲品任飲汽水、啤酒🍺、清酒🍶，甚至花茶都有😍 晚餐時段入座即送牛板腱一客，牛味極濃👍 火鍋有八款湯底，都算多款😚 火鍋店以電子系統落單，方便快捷， 冇漏單 ， 侍應服務好快捷👍， 雖然全程兩個鐘，但只食到一部份，因實在大多款la😍🤩下次一於再來食過😆

登登登登 又去食放題啦， 今次揀咗荃灣大鴻輝3樓 緣聚鮮鍋， 呢棟大廈 人多到 一早電梯 口開始已排長龍， 好彩3樓 我哋搭扶手電梯可以上， 避開 熱辣辣排隊之苦揀依家係貪佢價錢大眾化， 最主要係啤酒任飲，2小時， 我們預早訂了7時15分， 去到門口已經人山人海， 閒日使唔使咁誇張幸運地 畀了一張 近街既落地玻璃位為我們坐， 環境唔迫， 地方好大， 先揀選鍋底， 睇見有個黑蒜鍋好特別，糸佢拉侍應 先上一碟牛肩胛肉眼， 和美國穀飼肥牛， 如果我們再order可以 q R code 落單， 當然 裏面還有 水魷魚牛栢葉 之類急不及待去巡視業務， 地方好寬敞， 感覺就像酒店的 buffet， 分開幾個區域， 有沙律菜， 蕃茄，粟米粒 等等， 還有很多款壽司， 魚生有 三文魚， 希靈魚，金槍魚， 榮螺， 甘蝦油甘魚， 還有 凍蝦和 青口小食有枝豆，中華沙律， 黃金螺等等火鍋 更加多款式， 啲丸 款式 多到 唔記得， 菜，金菇麵條 又放在另一個區域， 有唐生菜油麥菜 還有很特別 蟲草花， 兩種菇類， 麵也很多款韓國麵出前一丁麵條看見甜品小朋友最高興除咗有 Haagen Dazs， 朱古力噴泉

我黎呢到係食野, 唔係做Waiter!你地既野食某d係幾好食刺身真心好好但你地既服務令我大開眼界話說我有訂位9點25分去到同個 Receptionist講訂枱號碼唔知係我講得差定咩問題?竟然比左張walk in 既飛我等到45分個 receptionist 問有冇人book左未入去我先知當左我walk in...... 算入到去諗著用你地個雅軒優惠receptionist 就叫我同入面既人講用優惠但好笑既係入面既人同我講要出去搞即係點?又入又出?????好, 我唔用優惠食野既時候完全冇人黎收碟一枱都係碟!都算食到咁上下終於有個waiter收碟頂, 佢竟然用命令既語氣咁我做野“比嗰3隻碟我呀”請問咩事?我幾時做左你地員工?你地個waiter拎唔到咪分2次或者你叫我幫你遞都唔係問題加番句唔該/可唔可以/麻煩都好真係好有問題, 麻煩正視下, 唔該最後, 因為有d趕時間我亦都食得媽唔開心想走叫左埋單, 有個waiter應左但過左好耐都冇比張單我好, 我自己出去好聲好氣同個cashier講埋單cashier洗唔洗黑面??有咩得罪你呀?另外, 你地廚房又要扣單又要玩野Order左幾次牛肉都係比唔足

放左工，同朋友聚一聚，食下野，食火鍋放題最好，大家都可以放縱下。一上至黎，地方係好大架，岀去行個圈，火鍋料多到呢。連麵類都有十款。飲品櫃都唔使我講，自己睇，任飲。呢度係掃QR code 落單，肉類海鮮都係任食，好，叫個湯底先，蕃茄湯加麻辣鍋。呢度仲有刺身壽司放題，刺身即叫即切， 色澤紅潤，新鮮度滿意，玉子咬落彈牙，唔鬆散。肥牛有紋有路，唔太肥，食落牛味就爭少少。豚肉唔錯，咬落有口感，一陣再叫多碟。仲有好多款蔬菜同丸類，每樣試少少先可以食得晒。蠔肉幾肥美，烚完都唔會收水得好緊要，魚皮餃都唔錯，個皮唔韌。岀面仲有蛋糕，啫喱，雪糕，生果，各式甜品，我就試下呢個紅棗雪耳糖水，潤一潤先。

最近同幾個朋友去咗荃灣一間放題＂緣聚鮮鍋＂去食放題，裡面環境寬闊，而且非常整潔。擺放嘅食物種類繁多，有日本刺身、壽司、打邊爐嘅配菜、煎炸食物、各式各樣的甜品、不同款式的飲料、仲有熱食，小菜等等，完全符合不同食客的囗味！食品方面，我地試左一個＂雞肉串＂味道濃郁，而且肉質香滑，入囗時亦不會太煙韌！另外，仲有＂雪花肥牛＂係打邊爐必食之一，賣相相當吸引，而且肉質非常新鮮，易熟易入口！最後，就係＂蔬菜，菇菌類＂款式十合多，同樣新鮮，而且仲係有益健康，食多些都唔怕！

荃灣一向好多好嘢食，朋友生日話想食新野，上網見到呢間新開既緣聚鮮鍋都幾岩佢，放工就約埋一齊晚飯啦。入到去環境比我想像中大，雖然係新開，但人流不缺，十分旺場。地方大野食都唔野少，除左刺身放題、火鍋任食，出面仲似自助餐，應有盡有。火鍋湯底選擇好多，我地簡左蕃茄湯、壽喜燒。坐低後，侍應會送上一碟冰鎮特級牛肩胛肉眼，有D火鍋配料係要掃個QR code落單，其中粟米餃子、天婦羅都幾好食，出面仲有好多食料慢慢簡。壽司、沙律吧、冷盤區除咗刺身之外，壽司都好受歡迎，行左幾轉都見好多人夾。熱食區選擇同樣非常多，除左有好多唔同既炸物外，仲有不少熱盤。甜品區有各式各樣唔同類型既果凍、奶凍、豆腐花、朱古力池、雪糕櫃等等，其中最愛就係乳酪雪糕。飲品區果汁、汽水應有盡有，仲有好多酒類可以任飲，鐘意飲酒既朋友一定值回票價。另外附近仲有花茶可以自己沖。

相比起大x口, 馬x, 一x堂優點1. 價錢貴小小,但問題不大2. 樓面同事有帶手套, 算乾淨3. 收碟效率快4. 要比多D時間我諗諗缺點1. 因為刺身要排隊所以skip2. 豬肉徧肥3. 牛肉一般, 肉質鞋4. 針對肉類：碟大肉少(數量上), 成隻碟得2塊肉.....5. 衛生問題, 地面好痴鞋, 攞食物的碟底下有飯粒！6. 最簡單的菜, 種類少, 仲要爛？？？7. 海鮮種類少, 得扇貝&蠔, 冇蝦&帶子8. 食單問題間間有, 視乎多與少(一般)總結：伏味濃厚, 唔信可以一試

早幾日見有食評說呢間緣聚幾好，見今日有時間於是去試吓，上到去見有幾個價格，看了自助餐加火煱98元，自助餐加火鍋和任食豬牛雞9O分鐘，及最貴12O分鐘任食，最後揀了最平98元，但最差係海鮮區海蝦只會出1次，得十多隻，第一轉見到取不到食，等了半小時見仍末出，跟著問壽司師父幾時會再出，壽司師傅說每日中午任食只會出1次，個人覺得超離普，11點半開始，12點半己說吾再出，3點半先完。

母親大人一向都是火鍋放題的愛好者，有見及此我便帶她到「緣聚鮮鍋」吃過痛快!這裏的地方相當大，有不同的區域以方便客人拿取食物，分別有飲品區、刺身區、壽司區、沙律區、熟食區、火鍋區和甜品區等，區域裏食物眾多，實在難以選擇!飲品區內的飲品特別多，無酒精飲品如可樂、芒果汁、提子汁、檸檬茶和可樂等，有酒精飲品如啤酒、梅酒和清酒等，這裏就連花茶亦有提供。刺身區內有提供吞拿魚刺身、三文魚刺身、甜蝦和鮮帶子等。此外，餐廳還特意安排即場劏吞拿魚的環節，感覺非常有趣又新奇!在幾款刺身中我們選了甜蝦、吞拿魚刺身和鮮帶子，而我們特別喜歡鮮帶子，就是愛它鮮甜又厚身。另外壽司區內的壽司款式也不少，八爪魚壽司、三文魚壽司、鰻魚壽司、腐皮壽司和玉子壽司等，我們只是隨便的選擇了好幾款壽司，在我們挑選的壽司當中特別喜歡鰻魚壽司，味道鮮甜又惹味!沙律區內有一些沙律菜、粟米粒、車厘茄、蟹柳絲和薯仔沙律等，由於這裏食物眾多，所以我們都沒有特意吃沙律。熟食區內的熟食款式也不錯，想不到他們有好幾款炸物如炸咖喱角、炸雞粒和炸餃子等，還有叉燒包、炒麵、蕃茄炒蛋和咖喱魚蛋和章魚小丸子等。我們隨便選了炸餃子、炸雞粒咖喱角和章魚小丸子，我們