緣聚鮮鍋 (已結業)

最近留意到荃灣新開了一間火鍋放題，有時資助模式的。餐廳環境豐富衛生，冷氣充足，具備足夠空間感。餐廳食物種類豐富。火鍋，甜品日式料理，應有盡有。首先我和朋友選取了一些壽司和刺身，刺身確是很新鮮，厚切色澤均勻的三文魚，甜甜的甜蛋，還有帶子刺身，帶有鮮甜味道。而且餐廳仲有芝士焗蠔，大大隻，肉質鮮甜。真是令人回味，下次再來都會再去食。另外餐廳還供應炸物，例如炸雞翼，炸薯條，炸番薯，炸榴槤球等等。重點是火鍋，餐廳供應不同火鍋湯底，火鍋配料真材實料，餐廳提供手機選材模式方便客人準確選擇食物份量及種類。我們在手機程式中可以選擇牛肉，羊肉或雞肉作為火鍋食物。牛肉色澤，均勻很新鮮，經過煮熟後，食入口感覺肉質軟綿綿的。

胆白講，其實我好怕嚟大鴻輝食嘢，每逢晚市經過必定大排長龍，但今次係熟人介紹，就慕名而來睇睇啦！估唔到~真係有驚喜！沿扶手電梯搭上3樓就到達餐廳門口，完全唔需要經過長長嘅等時間👇地方寬敞，環境衛生今日我同小朋友嚟食午市，未夠11:15已經陸續有客人嚟到，我兩日前訂咗枱，所以好快就可以安排入座😊首先，揀咗個蕃茄湯底，大部分火鍋配料自助區都有得攞，肉類同少量食物就需要用手機scan個QR code落單，比較特別。炸物，壽司，餐前小食，沙律，熟食，數之不盡，就連飲品都有數十款甜品款式雖然一般，但色彩繽紛攞滿分，自製乳酪雪糕配上朱古力針及棉花糖，賣相非常吸引總括：食物味道好，地方寬敞，假日帶埋小朋友嚟食飯都唔怕擠迫，期待下次光臨

嚟到大鴻輝本身打算食放題，原來已經轉左做火鍋。首先個場好大，好似大過之前放題，比酒店自助餐更大，新裝修環境ok，坐得舒服唔會太迫，走廊夠兩個人過。湯底都係果d 豬骨，蕃茄，莞茜皮蛋。等左十分鐘個湯底嚟左，冇咩特別。之後嚟左牛肉，食落都叫ok。仲可以追加牛肉，雞肉，豬肉片，羊肉片，牛柏葉，海鮮，扇貝，蜆，水魷魚，等幾分鐘到，食落不過不失。睇睇原來仲有天婦羅，終於有放題嘅感覺，我太飽冇食，朋友話幾好食。其他自助形式有熟食，炸物，仲有好多菜，同埋丸類甜品見到有雪糕機，蛋糕仔，軟糖，清酒梅酒啤酒任飲之後行去洗手間有點d跣，大肚婆同小朋友要小心。總括嚟講唔太差，同樓上最大分別係唔使排隊等lift，有新鮮吞拿魚，壽司同天婦羅食。

眼花撩亂@緣聚鮮鍋 早幾日和老公慶生，上網搵到荃灣緣聚鮮鍋有生日免費優惠，趁住早收工便早早和老公去食飽飽啦 就在大鴻輝中心3樓，唔洗排隊直接坐扶手電梯直上即是，上到去，嘩，超熱鬧的 座位都萛好舒適 價錢超吸引，早食既話，$118一位JA  飲料區大得跨張! Hoegaardan任飲已經值回票價 丸區  沙律區 刺身區，是即叫即切的! 新鮮又厚切 仲有新鮮的吞拿魚呢 部份生料係要scan個QR code落單，一柯打，食物3分鐘內送上來，仲要快夾準 醬料  牛肉質素有圖有真相  唔肥唔廋岩岩好，放題質素好優質啦  甜品區也是滿滿的，我的問題只是在於肚子放到多少，最後只係食了一份豆腐花就為這餐畫上完美句號了!

我都係睇廣告宣傳慕名而來試吓，見到佢有優惠，剛巧有朋友生日，所以特意來試吓，你入到去個場都幾大，嘢食種類好多，可能因為我哋係星期一晚上9:30入去食，所以見到坐唔滿，但我見到嘢食種類真係好多，有分開四大種類，熟食類，其實仲有小丸子，春卷等等... 第二就係壽司類刺身都好新鮮，唯一是他竟然有殻我都係第一次食，其他三文魚與吞拿魚都幾好味，好欣賞個即做手卷，因為有好多種材料俾你揀，之後就火鍋區仲有肥牛，海鮮羊肉等等...之後就係甜品區，甜品區其實都有好多嘢食但我影唔到咁多相啦，買單最後9:30後每位$178，真係非常之抵食，一定會再來。

其實我都係網上睇到介紹至入黎！見佢208一位。。相信伏位唔多。。。可惜。。。天意弄人！！！熟食難食唔在講。。。春卷（唔知咩餡），炸曼頭（無練奶），炒麵（無味），牛仔骨（硬！）到到火煱料。。牛肉（咩部份都無肉味），丸（所有丸嘅配搭奇怪，甜嘅咸嘅牛奶嘅。。味道樣樣有！）千算萬算都估唔到！連野飲都有伏！！野飲櫃居然有18度嘅凍櫃（1個）？？利害！！！！我係有史以來我係第一次因為食到啲甘嘅野，而上黎打野囉！！我真心失望！！！

朋友喺大鴻輝到返工，佢介紹話有間新火鍋叫緣聚鮮鍋，佢話個名叫緣聚鮮鍋點都要約一大班人試吓，但點知約其他人就約極都就唔到時間，所以我就約honey先上去試吓先。HONEY機場收16:30，所以我地可以食個Early dinner最重要係早食可以平D之餘仲有足夠時間消化，幻想個感覺無咁肥...上到去未夠17:30，呢個時間食飯原來好舒服，又唔使等位，又唔使同人迫，仲要平好多，簡值出奇蛋一樣呀!不過我地想食刺身高牛肩肉，所以我同Honey都係揀咗正價時段嘅價錢。職員喺reception desk安排座位前會直接幫我地落埋湯底，然後點菜形式係QR CODE用電話落單，而另外佢地有個超大嘅Area分菜式比顧客揀選其他嘅火鍋配料，而且仲做到分門別類，當中包括日本食品、韓國食品、蔬菜、腸仔&丸類、粉麵食品、熟食區、甜品區、飲品區，井然有序，安排得好好。我相信小朋友&女士最喜歡嘅就係佢地嘅甜品區，種類很多，最特別係呢到有朱古力噴泉同埋自助雪糕機，而且仲有好多朱古力彩針、聰明豆可以做配料，真係兒時回憶返哂黎!巡視完一轉拎埋野飲返埋位就開餐，之前用電話落咗嘅Order好快就送到黎，今次就揀咗壽喜燒嘅湯底，

行過大鴻輝 見到佢新開左火鍋放題餐廳就約埋朋友試下！緣聚鮮鍋既CP值好高 平日$208就可以食到火鍋加刺身壽司放題！餐廳有部分肉類同餃子係電話點餐其他食物 飲品就係自助區拎我地叫左個壽喜燒湯底之後就更係即刻叫啲牛試下特級牛肩胛肉眼都多雪花 牛味都好重自助區有唔同既打邊爐配料有好多新奇既丸！！！除左火鍋外 同有即切刺身 同好多唔同款式既壽司可以睇住師傅切魚生感覺衛生好多魚生既質素都唔錯三文魚好肥美🐟🐟餐廳仲有啲熟食有啲似食既自助餐咁！飲品方面我好欣賞佢既花茶區唔似一般放題店淨係得汽水仲可以有好養生之選總括來說 好滿意餐廳既食物下次可以再黎食

係荃灣同朋友搵嘢食，收一些傳單發現有一間火鍋放題新放，就決定試新野。係大鴻輝入面，不用搭Lift就到，上個扶手電梯就到。地方寬闊，岀去拎食物行得舒服，不會好多人好迫。食物擺設整齊。擺架BB車都還有地方行。有各種不同種類的火鍋料。擺設整齊等緊火鍋湯滾之前，有一些即食的，不用望住個爐等。有芝士焗蠔，又有多春魚。食到差不多，餐廳突然響鐘，有個大廚拿出好大條吞拿魚岀來分割，表演刀功，特別環節。分割每個台一份刺身吞拿魚。大大份，非常新鮮。食飽飽，仲有乳酪雪糕，和一些精美甜品，擺設好整齊。

荃灣真係好多嘢食，上網見到呢間新開嘅緣聚鮮鍋，價錢唔貴之餘，仲好多嘢食，又有刺身放題，又有火鍋任食，再加埋酒店食自助餐，想食嘅嘢，都會喺度搵到價目表平日嘅晚上，食足兩小時，都只係二百蚊多少少，平時出去食個打邊爐，都已經唔止呢個價錢刺身區域刺身師傅現場生劏原條吞拿魚，睇到都知新鮮，原來唔單止有得睇，切完之後，侍應會每台派一份，唔使排隊，唔使爭，人人有得食除咗吞拿魚，仲有刺身吧，款式唔少，有我最愛嘅鮮帶子同甜蝦帶子鮮甜，算幾大粒有口感壽司及冷盤區除咗刺身之外，仲有一系列嘅壽司同埋冷盤，冷盤仲有個沙律吧，可以自己整心愛嘅沙律。壽司嘅款式選擇豐富連花之戀壽司都有添啊，真係想食乜都有凍海鮮方面，有藍青口同埋煎海蝦，海蝦係爽口彈牙，肉質結實，入口清甜。藍青口海水味十足，鮮美無比。除此之外仲有好多日式八爪魚同螺肉之類嘅日式冷盤熱食區選擇非常之多，有好多唔同嘅炸物，同埋熱盤有大蝦天婦羅，炸漿好薄，更能夠容易食到蝦嘅味道芝士焗蠔，用錫紙兜載着，熱辣辣嘅芝士配上鮮味無窮嘅生蠔，味道十分之夾辣酒煮花螺，大大盤任你食炒大蝦，用咗好多洋蔥去煮，更能夠逼出蝦嘅鮮味，香氣十足最特別嘅係，連八爪魚丸都有，更加估唔到的

暑假例行節目就係周圍搵好嘢食，最緊要就係平靚正，我就搵到呢間新開嘅放題。呢間集自助餐加火鍋任食放題，真係乜都有首先揀咗個豬骨湯底，有啲食物係要scan個QR code落單，其他就自己出去慢慢揀。地方好大，坐得非常寬敞闊落，我哋仲坐喺窗邊卡位，好舒服食物分咗多個區域，壽司區，種類好多，呢part阿仔至愛，一嚟到已經夾了多款壽司。火鍋區，應有盡有，基本上火鍋的食材都具備，我最愛響鈴，吸曬啲湯好好味，食完又食熟食區，真係好似酒店buffet咁，有好多熟食，唔使等有得食， 天婦羅好脆。甜品區，放題嚟講佢真係好多選擇，有蛋糕，奶凍，糖果，雪糕，呢度啲雪糕品種好特別，有玄米茶，奶茶，豆腐…… 喂喂喂，仲有朱古力同煉奶噴泉呀，我哋自製咗朱古力棒同煉奶棒，好好玩唔少得飲品區，大量各式其式飲品，同埋不同酒類。其實仲有沙律區，乳酪區，餐前小食區，真係多到食唔曬。呢度啲服務好好，佢哋經常主動加湯底， 唔使客人舉手叫最緊要係咩呀，我哋呢個時段，5:30 -7:30成人每位$118(未計加一)，我諗會趁暑假同阿仔嚟多轉😁