緣聚鮮鍋 (已結業)

大時大節，最鍾意出街吃飯的，雖然平時都已經常常食，但節日聚餐時會特別高興和開心。今次選擇去荃灣緣聚鮮鍋。之前已經預訂好，話甘快就有位了。我們點了$168價錢，5點入座，7點結帳，包日本刺身和特級牛肩胛肉眼。憑升級刺身貼紙，去取日本刺身，每次3樣刺身。三文魚，帶子，榮螺片，甜蝦等等不只新鮮，而且賣相口感都不錯。好震撼在旁邊還有一條好大的吞拿魚。除了刺身，還有火鍋，天婦羅，冷盤前菜，餐前小食，應有盡有。火鍋我們點了好多款肉類，特別系牛肩胛肉眼，入口嫩滑，任點任食，吃唔停口。除了罐裝飲品，留意到有即沖花茶，玫瑰普洱是朋友至愛，我就調配山楂洛神花柑桔話梅，有酸梅湯的口感。食飽刺身火鍋後，必定要食甜品，種類多到食唔晒。最過癮系有個朱古力噴泉，勾起大家兒時回憶。

假期的大鴻輝太多人排隊了，今次能平日來，所以我們都不用等位就可以入席我們揀了 豬骨湯底，湯底很奶白，應該用了很足料的豬骨熬我們剛坐低，侍應很快就上了3種不同的牛肉👍🏻👍🏻👍🏻 湯底也很快到餐廳是半放題式打邊爐，有很多丸類、蔬菜、飲品可以選擇，可以自己去拎 而海鮮🦞和其他肉類則需要落單，，我地點了必點的美國肩胛肉眼、沙白、扇貝、鴨血、牛柏葉等等 另外，也有刺身、壽司可供選擇，我們仲可以看到廚司表演即場切 吞拿魚，很大條，表演完後，我們就可以食吞拿魚啦

屋企聚餐，今次黎新開幾個月既緣聚鮮鍋試下，一黎到先送一碟靚牛肉，跟住去邊自助區有好多野食，包括刺身，壽司，前菜，甜品，飲品，火鍋配料都好多選擇。刺身每次排隊只可以拎三款，排隊人數太多，鐘意食刺身既朋友可能要排多幾轉啦。刺身質素都唔錯，但赤蝦有啲腥。最欣賞既係蠔同埋雞子，蠔味夠濃，雞子好大粒，出面都未見過有咁大粒雞子。飲品款式太多8個飲品櫃，又有清酒，梅酒。整體都唔錯，價錢亦唔算太貴，埋單都係234一位。

今天在荃灣收工，跟同事去大鴻輝的緣聚鮮鍋打火鍋加放題。每人230元左右，好掋食。我們點芫茜皮蛋湯底，今天肉類好像很薄，可能黑色碟的關係，肉色較淺。剌身類比較新鮮，比較冰。剌身和取生食物區放置一部吹風機，在食物區地下吹，雖然能保地方乾爽，但總感覺把塵吹起了，飄浮在空中。

管理有待加強，入座前需要排隊，但隊伍指示混亂無論有訂位與否都排在同一條隊伍。沒有足夠既排隊位置，排到入自助餐攞食物既位置，阻礙前一批客人攞食物。服務速度慢，入座選擇湯座後半小時才送上湯底。肉類、餃子、天婦羅、海鮮採用手機落單快捷方便，但是下單份量標示不清楚，例如按一份是多少食物。加上送上肉類以外的食物速度太慢。下第一次單很久都沒有送來，以為漏單，到下第二次單才一次把兩次下單的份量都送來。。。雖然員工頗有禮貌，但服務仍有待改善

當日一行四人來光顧緣聚鮮鍋，餐廳面積很大，員工亦充足，晚市時段坐無虛席說到食物，先有刺身及壽司，其中更即場切一條巨大的吞拿魚全部都很新鮮另外有大量的火鍋配菜，丸類及腸類都是自取的，而其他的火鍋均需用QR code點菜，如肥牛、羊肉、雞肉、海鮮貝殼類等等此外還有自取前菜，味道亦是不錯的除了冷盤還有自助的小食、麵及湯，相當受歡迎，但餐廳回盤速度高，亦時會換其他款式甜品選擇不少，亦有豆腐花及雪糕飲品亦有不少，另有自製花茶及各式酒類任選呢

為了慶祝人月兩團圓的中秋節，早一個星期前已經訂好位和家人食中秋大餐。選定於荃灣大鴻輝中心內的緣聚鮮鍋，廣告上說是荃灣最大型的火鍋＋自助餐放題,令人非常期待。場內真是超級大，而且取食物的空間很寬闊，人多時也不會覺得擠迫，有壽司， 刺身，火鍋配料，沙律，熟食，炸物，雪糕，甜品，飲品區等.... 大得我迷路了幾次。最先看到的是一整排的雪櫃，有罐裝汽水，麥精，酒類等，最得我心的是餐廳有不同花茶， 柑桔，話梅給客人沖茶飲，很貼心。熟食區域有番茄炒蛋，薯仔炆牛柳粒，肉醬意粉等... 經常轉換，味道都唔錯，還有不同炸物和雞翼，食完再打邊爐。壽司區有燒三文魚，帶子， 鰻魚，大蝦壽司等，細細粒容易食，其中燒三文魚壽司燒得很香，進口充滿油脂。師傅也會即埸整手卷～～最喜歡這裏的火鍋配料超級多選擇，蔬菜種類齊全，非常吸引。坐下我就用手機掃描餐廳給的條碼點了生蠔，帶子，牛頸脊，梅花豬肉，羊肉，沙白，蠔和天婦羅等等。最特別是餐廳準備了很多給生日壽星拍照的道具牌，雖然我們沒有人生日，但也借了來給爸媽拍照， 渡過了很歡樂美味的晚上，很讚。

今日難得所有要返工既都休息，所以食早d... 估唔到都爆場🙈價錢講真唔算貴，但食物既質素認真麻麻😓首先要讚既係，佢竟然有唔同既花茶俾你自己沖😍仲有支裝既熱維他奶😍😍熟食...真係好普通...連燒賣都有🤣火鍋類要有既丸、響玲、山根、魚皮都係現成貨仔我地因為唔食生野既老人家多，所以冇加錢食刺身。但依然有壽司食😋佢既肥牛，真係肥到冇朋友總體而言，俾得138加一試下就好🤣樓上一鍋堂都係168加一但質素好好多結論：一班朋友吹水就一流...任飲啤酒、果酒、清酒同梅酒追求味道既，就唔好黎啦

你依家餐廳食嘢，建議最好book定枱，本身自己都好有信心一定會有得食，但佢哋7:15開始安排訂枱嘅客人入坐嘅時候，先至發現佢哋真係好full booking呢間放題火鍋真係有驚喜，大大呑拿魚即場切係全晚重點，晚市二百幾蚊，刺身火鍋仲有熟食甜品兩小時無限任食，刺身新鮮，甜蝦仰必食，飲品選擇都好多，啤酒汽水盒裝飲品乜都有甜品區有雪糕，朱古力噴泉，仲有d糖果朱古力，絕對可以滿足得到小朋友如果當日生日仲可以免費食，如果係當月生日嘅，就可以全單八八折

上星期約咗幾個朋友又喺荃灣睇吓有咩好食，去到大鴻輝中心朋友提議試一次呢間從來未食過嘅火鍋放題 佢哋嘅收費屬於正常水平，留意到9:30之後有第二位半價添佢哋一樣有個大堂位置比人哋拎好多火鍋配料同埋餐前小食我同朋友order左幾款肉類，佢哋都幾細心牛肉種類都有幾種，而且來貨都幾新鮮，都會食到肉味唔會有雪藏味另外不得不提佢哋有廣島蠔任食，唔係間間火鍋店有㗎，非常唔錯！另外佢哋嘅豆皮同埋牛柏葉都非常新鮮，牛柏葉我同朋友叫咗好多round, 好爽脆

日式放題，一位200蚊仲有找，加埋火鍋，有好多鍋底任你選，可以點鴛鴦，d牛肉好靚，又新鮮，雪糕、炒菜、火鍋料自助，飲品大雪柜任攞，三文魚都好新鲜，成條吞拿魚師傅當面係甘片出來，睇到都覺得新鮮。

今日是姪仔生日，於事今日同佢去一間放題食生日飯，佢成日都話好想食放題，所以去搵間咩都有得食既餐廳先。我老婆搵到間未食過又不算太貴既放題來試下，我們見湯底都算多選擇，有八款湯底給我揀黑蒜、豬骨、壽喜燒、味噌地獄辣、海鹽昆布、芫茜皮蛋、風味麻辣，因為有小朋友所以到最後我們選擇了壽喜燒湯底。入到場，地方不錯，將食物同顧客坐的位置會分開兩邊，令攞食物不用太迫，食物方面都算多選擇，熟食同甜品都有數十款，飲品都算多，又有啤酒、梅酒、清酒選擇。點了湯底之後，會送上每款一碟靚靚的肉有特級牛肩胛肉眼、美國穀飼肥牛、西班牙梅頭豬肉。每款肉都切得不算太厚，容易淥一淥就食得。肉類好有質素，油脂適量，軟腍香滑，肉味濃郁。刺身區域有甜蝦，榮螺，三文魚，帶子等等，咁多個之中最喜愛就係甜蝦，都好大隻，爽嫩蝦味起濃。壽司區又有自選最多三款的手卷區域，有吞拿魚、蟹柳、粟米、吞拿魚沙律、蟹籽、青瓜等等，而我選了(吞拿魚、吞拿魚沙律、蟹籽)，內裡配料仲多過飯，又夠新鮮，真是不錯。雲尼拿、玄米茶、奶茶口味的雪糕(後兩者)都非常特別，初頭食落茶味不算好濃，但之後食多幾啖開始慢慢香濃出來，真是不錯。到最後發覺自己食熟食多過食火鍋配

緣聚就快變成我的食堂之一了， 短短一個月又來第二次了， 對上一次是食晚餐， 今次是食lunch ，但原來食物同上次係一樣的，除左熟食外，因熟食係不斷轉款的。我最喜歡來呢到係，第一時間去大雪櫃到拎野飲，太多款，我今次飲左 lemon cc , 黑糖薑茶， 可樂。再來我就去拎壽司， 每款一兩件 😂， 好完都半飽了。之後就用 apps order 豬牛雞打邊爐， 不得不提呢到有個醬汁位，好多醬汁材料比大家 mix 。數十款打邊材料慢慢選， 最後我嘆左杯雪糕。

當三心兩意，樣樣食物都想試下嗰陣，就會諗起去食放題今次搵咗間多選擇嘅放題試下呢間放題係半自助形式，大部分嘅食物都可以喺出面自己攞呢度有火鍋放題，所以有好多火鍋嘅食材可以選擇，淨係丸類都有好多款式如果唔想食太肥膩，仲有好多蔬菜可以選擇除咗火鍋配料，仲有日式食物可以選擇咁啱遇上壽司師傅切吞拿魚嘅時間我都係第一次見師傅，將原條吞拿魚切開一塊塊刺身連甜品都好多選擇，有個小小嘅朱古力池，旁邊仲有糖、蛋糕等等飲品同樣多種類，呢度嘅食物種類比起我之前食嘅放題都要多入嚟之前揀咗火鍋湯底，呢個係黑蒜鍋湯底呢度嘅肉類同海鮮係另外用app落單，可以根據自己喜好揀鍾意食嘅食物冇諗過價錢唔貴嘅放題，除左牛肉，仲可以食到蠔、蜆同帶子估唔到呢個價錢嘅放題，可以有咁多嘢食，而且質素都唔算差食物種類真係太多，無奈眼闊肚窄，食咗一部分已經覺得好飽，下次會再約埋屋企人一齊嚟開飯

都有一排冇嚟到荃灣， 呢日行完千色店就走去隔離大鴻輝度睇下有咩食， 喺樓下見三樓有火鍋放題食， 印像中呢間舖應該係新開冇幾耐， 見價錢都係二百蚊左右到一個人， 幾合理所以就入去試下， 等位嘅時候店員就會問你揀邊一款湯底， 所以各位去之前就要諗好， 餐廳面積好大， 相信差不多有300個座位， 座位都幾乾淨企理。餐廳大約八點鐘嘅時候， 就會有壽司師傅劏吞拿魚， 對於大約200蚊放題嚟講比較少見。餐廳地方好大， 有多個自助區例如火鍋配料， 餐前小食， 沙律， 飲品， 雪糕和甜品， 有少少去咗食自助餐咁嘅感覺。火鍋類別我哋揀咗個比較特別嘅黑蒜湯底， 幾香黑蒜油味， 湯底偏清， 火鍋配料嘅牛肉的油脂分佈都幾靚， 200蚊任食嚟講算唔錯， 仲有海鮮都係可以任叫。見出面有壽司師傅即劏吞拿魚，當然要攞啲刺身試下， 吞拿魚好鮮甜， 肉質同平時唔係即劏嘅好唔同， 其他刺身都好新鮮。總結呢間餐廳都算係平， 二百蚊有咁多選擇， 而整體嘅食物質素都唔差， 抵食。