緣聚鮮鍋 (已結業)

放左工，同朋友聚一聚，食下野，食火鍋放題最好，大家都可以放縱下。一上至黎，地方係好大架，岀去行個圈，火鍋料多到呢。連麵類都有十款。飲品櫃都唔使我講，自己睇，任飲。呢度係掃QR code 落單，肉類海鮮都係任食，好，叫個湯底先，蕃茄湯加麻辣鍋。呢度仲有刺身壽司放題，刺身即叫即切， 色澤紅潤，新鮮度滿意，玉子咬落彈牙，唔鬆散。肥牛有紋有路，唔太肥，食落牛味就爭少少。豚肉唔錯，咬落有口感，一陣再叫多碟。仲有好多款蔬菜同丸類，每樣試少少先可以食得晒。蠔肉幾肥美，烚完都唔會收水得好緊要，魚皮餃都唔錯，個皮唔韌。岀面仲有蛋糕，啫喱，雪糕，生果，各式甜品，我就試下呢個紅棗雪耳糖水，潤一潤先。