緣味小聚 (金百利廣場) (已結業)

今晚同男友去銅鑼灣行街食飯，今次到佢諗食咩好😆 估唔到佢又選擇左蒸氣鍋😂 近依幾個月，佢開始鍾情蒸氣鍋，鍾意食得夠鮮又健康。 銅鑼灣金百利廣場新開左間，一於試下啦。-新開張有優惠，每人二百幾蚊食到好滿足。我地點左其中一款海鮮套餐：⭐️6小時燉原盅無味精燉湯當晚係蟲草花燉雞湯！ 真材實料燉製，湯底好清甜。 -品嚐完湯品之後，就到蒸氣鍋出場！ ⭐️8款海鮮➡️韓國大鮑魚、蘇格蘭聖子皇、紐西蘭帶子、北海道大刀貝、深海龍躉件、生猛大海蝦、青島大花蛤、鮮甜貝殼類。 全程有職員協助幫忙蒸海鮮，確保唔會蒸過龍。 款款鮮甜無比，最鍾意質感爽彈的鮑魚及蟶子。-⭐️手切牛手切牛薄切厚度均勻、紋理清晰；牛味濃郁-最後登場的是⭐️八寶蒸飯❗️特別❗️平時食蒸氣鍋，最後多數是粥底/湯底，還是第一次吃蒸飯呢。 三十款配料挑選八款實在有難度，樣樣都想試。最後我們點了蝦醬豬腩肉、秘製雞軟骨肉餅、香滑雞件、豉汁排骨、蒜香茄子、臘腸、鮮淮山、豆醬豆腐卜。 蒸飯賣相相當吸引，蒸二十分鐘就可以品嚐了。 蒸飯米粒軟綿；特別推介秘製雞軟骨肉餅及臘腸，相當惹味！ 不用添加醬油已夠鮮美！ 蒸飯還配有花生及芫茜呢！-銅鑼灣地段一間確實幾抵食的蒸氣海

呢日放左工同同事黎左呢間位於銅鑼灣，新開無幾耐嘅蒸汽火鍋店。呢間餐廳位置好方便，一出地鐵站就到！餐廳提供唔同類型嘅套餐，價錢同食物種類不一。我地order嘅套餐包括嘅食物有燉湯、蝦、鮑魚、龍躉、貝殼類、牛小排同八寶飯～燉湯系蟲草花雞腳燉湯，非常鮮甜，一d都唔似落左味精！每款海鮮都配上不同蔬菜一齊蒸煮，蝦肉配金菇，鮑魚配紅蘿蔔，魚配萵筍，貝殼類配茄子，每款蔬菜都好清甜。講下肉類同海鮮～蝦肉爽口鮮甜；鮑魚都幾大隻，啖啖肉，但一點都唔韌；龍躉肉質嫩滑，魚皮食落煙煙韌韌，有口感；貝殼類都好鮮味，食落唔會有沙！八寶飯可以自選八款配料，我地分別揀左茄子、萵筍、冬菇、蓮藕、山藥、銀魚仔、排骨同牛柳粒。雖然我地主要揀嘅都係蔬菜，但味道都唔會寡，同埋配料切到一粒粒配埋飯一齊食，好易入口！食之前餐廳嘅侍應姐姐仲幫我地響八寶飯上面加左蔥、花生等配料，令飯食起黎更香！我覺得配料方面最有驚喜嘅系山藥，因為食落粉粉地，好特別！另外，值得一讚嘅系侍應姐姐嘅服務態度超級好！！細心到會將蒸好嘅食物放響我地個碟上面方便我地食，簡直系食緊殘廢餐呀！

第一次寫openrice就比左銅鑼灣呢間蒸氣鍋～因為好想試下做foodie 嘅感覺應該係新開張關係，超抵食！環境同一般食蒸氣鍋嘅酒樓完全唔同，感覺好華麗好高級，櫈用左唔同嘅圖案，即刻充滿歐陸風格！今次只係叫咗個平嘅海鮮蒸鍋套餐，因為唔鍾意食龍蝦...宜家食親海鮮火鍋都唔會揀任食，因為太唔新鮮了.. 所以呢道提供左8款海鮮，樣樣都好新鮮，過下口癮都夠嘅～雖然啲蜆唔太大隻，但勝在無沙，隻隻都識自己打開，睇到好治癒呀～食落都幾鮮甜，豉油都唔需要落呀！帶子就預先切左一半，易熟好多，而下面亦都墊咗粉絲，今次就落咗小小蒜蓉調味，變咗蒜蓉蒸帶子，夠濕潤，不錯！聖子唔係話超級大隻，不過厚肉而且肉嫩！只係落咗小小辣椒調味，都已經好辣啦，下次都係唔敢挑戰自己...

放工去完Sogo買野，就過金百利揾食。望住水牌，太多食肆，心大心細，都唔知點揀。突然有位阿姐遞張紙埋來話新開，叫緣味小聚，見價錢不算首，就上去一試。睇餐牌，有兩個蒸套餐，我們叫了龍蝦套餐先來一個松草花火燉鷄腳跟住主菜上場最後最期待的八寶飯，有多種配料，可揀8款雖然食完海鮮，已有飽的感覺，但見個飯蒸熟後，實在太漂亮，都吃了2碗，太好味。總共有5碗飯。。

近期出街食成日食熱氣野，最近朋友介紹一間蒸氣海鮮火鍋，新鮮又健康，今日出開銅鑼灣，第一時間book位試吓，佢哋嘅口號「不一樣的蒸氣鍋，非一般的潮食新體驗」，緣味小聚位於金百利廣場，地點方便入到去坐低，睇完Menu，決定試吓豪華龍蝦海鮮蒸氣鍋套餐，有燉湯，八款豪華海鮮，手切牛頸脊，仲有八寶蒸飯，好豐富燉湯用料充足，絕無味精海鮮非常新鮮，侍應們貼心為顧客逐一烹調每款新鮮嘅海鮮，十分抵讚八寶飯有多款配料可選，所有配料配合埋飯食前先蒸，保證用料新鮮呢個價錢、呢個份量、呢種服務態度，絕對誠意推介大家

有朋友從外地回港，話想試下蒸汽火鍋，於是我地揀咗呢間喺銅鑼灣的《緣味小聚》，地點方便喺附近週圍行下買嘢，點知食完發覺性價比極高我地點咗上面的套餐，有個燉湯，8款海鮮，手切牛同埋八寶蒸飯，價錢來講都好抵，包咗好多嘢，但食物的質素先至係另我地驚喜的部分餐廳一舨比客人的荼水都冇咩特別，但呢度的茶卻係非常好飲的烏龍茶 (老闆講咗個品種名但我唔記得咗)，細節都做得很好，給我非常好的印象第一樣上的是《6小時燉原盅無味精燉湯》，有雞腳、瘦肉、冬蟲草等，非常足料同好甜，而且飲完唔會口亁，真係冇用味精跟住就到海鮮。餐廳會用計時器計住每款海鮮蒸咗幾耐，所以所有海鮮都係蒸得啱啱好說實在，所有海鮮都很鮮甜，食得出是很新鮮的，而且計住時間蒸，煮得剛剛好我自己特別鍾意食個大刀貝，蒸完出嚟啲湯好甜好正！個人建議唔好點太多鼓油，食海鮮本身的味道已經好好食牛肉都係會計時蒸，而且蒸出來同平時打邊爐有啲唔用，牛味會更加出，而且好淋好好食，但當然同啲牛靚都有好大關係最後的八寶蒸飯真係有驚喜，有30款配料可以選擇，在當中選8款再蒸，約20分鐘蒸好，加點鼓油撈埋一起食，好味又夠飽總括而這，食物多種類、新鮮好食，性價比極高，下次一

今日跟朋友嚟銅鑼灣食好嘢，係我最喜歡嘅海鮮蒸氣鍋😍😍真係令我回味無窮！我地揀咗「星級大鮑魚 海鮮蒸氣鍋套餐」，每位只係$218，有加一服務費，但就唔收茶芥同醬料費。套餐包埋「6️⃣小時燉原盅絕無味精燉湯」，真材實料，唔落味精，滋補過屋企阿媽煲的🙌🏻⭐️星級海鮮8款⭐️全部都新鮮又肥美，店員仲會好專業地用timer幫我地計時，免得過生或過熟，服務態度一流！🐋韓國大鮑魚🦈蘇格蘭蟶子皇🐬紐西蘭大帶子🐡北海道大刀貝🐟深海龍躉件🦐生猛大海蝦🐚青島大花蛤🦑鮮甜貝殼類食完海鮮已經飽咗大半，仲有🐷豐盛八寶蒸飯🍚殿後，會不會太豐富了！自選八款配料：🐽蝦醬豬腩肉🍗秘製雞軟骨肉餅🐂柱侯牛粒🐟銀魚仔🥓臘腸🍆蒜香茄子🌽栗米粒🥒榨菜絲今餐性價比極高，我都想再嚟多次！

今日去咗銅鑼灣金百利廣場7樓嘅緣味小聚食蒸氣火鍋，地點十分方便，銅鑼灣港鐵站E出口一出就到金百利廣場， 非常易搵入到餐廳，睇過餐牌，揀咗豪華龍蝦海鮮蒸氣鍋套餐，套餐包括有原盅燉湯，八款海鮮，手切牛頸脊，仲有八寶蒸飯，好吸引去食海鮮蒸氣鍋，最擔心就係唔識拿捏時間，又驚唔熟，又驚太熟，係緣味小聚，由經驗豐富嘅店員幫你逐款海鮮處理，只需乖乖坐喺度，就可享用美味健康嘅蒸氣鍋佢嘅八寶蒸飯非常出色，首先由顧客需要喺多達30款材料選出八款，有選擇困難嘅朋友可以選擇佢哋嘅人氣菜式，再由店員放入蒸氣鍋蒸廿分鐘，再配合花生及特製豉油，美味嘅八寶蒸飯就完成了開始時擔心只得八款海鮮可能唔夠飽，但之後食埋個蒸飯，真係非常飽足

網上見四人餐有得團購抵食，所以一行十二人一齊食坐位方面地方都較為淺窄，始終呢一層一開四，做四間餐廳，所以都坐得幾逼不過侍應經理都好好話後面有張吉枱所以幫我地係後面蒸海鮮同飯，我地就可以無阻擋下傾計吹水同食唔無嘅話真係逼到碟都差啲放唔到。食物方面海鮮都唔錯，所以就咁蒸完我都無點任調味直接食都覺得好鮮味好食款式種類都唔少，有聖子、扇貝、蝦、龍蝦、鮑魚、魚塊、蜆仔、少少蔬菜同最後上嘅八寶飯最正都應該係隻龍蝦，每人都有隻鉗啖啖肉，啜埋啲汁好鮮好正另外，佢每4個人就送一碟避風塘炒蟹做前菜，如果叫埋碗白飯撈黎食就一流

呢晚同朋友係銅鑼灣行完街街，見到金百利廣場有傳單，介紹呢間新開張 食蒸海鮮的，我們被新開張開心價吸引了原價鮑魚套餐每人$388套餐價，現優惠價$218。於是一於決定試下。套餐有以下食物：6小時燉原盅無味精燉湯有瑤柱，雞肉，蓮子等，相當足料，味道清甜，飲得出無添加味精。到蒸海鮮，會有位專人問我們要落咩調味料，和計蒸的時間，服務周到。韓國的大鮑魚：蒸海鮮之前，鮑魚幾新鮮都彈牙，我們選了放陳皮一齊蒸，味道好夾，保留鮑魚鮮味。蘇格蘭聖子皇：好大隻，啖啖肉，亦係好鮮味，我們配左剁辣椒來作調味，味道惹味而不辣不搶北海道大刀貝：比較少海鮮蒸可以食到大刀貝，肉質較扇貝硬一些，但有鮮味，底部的粉絲也滲透鮮甜汁, 妙！扇貝肉厚，夠新鮮，配了黑松露醬一起蒸，更提升香味。最鐘意食粉絲，夠哂入味。龍躉件肉嫩爽滑，入口即溶。海蝦，花蛤各款都鮮味，用蒸的方法一吃便知海鮮新鮮程度。手切牛薄薄一片，肉質夠腍，蒸的時間剛好。最後重頭戲，8個配料八寶蒸飯，非常豐盛，各款配料切粒，可易d各款精華滲入飯中，食埋個飯真係好滿足啊！地點就腳，食物也不錯，大家不妨趁有開心價去食下啦！

經常係銅鑼灣出入，都會留意下邊度有新嘢食，邊度有特色餐廳，都喜歡搵朋友一齊試下，今次搵到呢間緣味小聚，有別以往的蒸氣海鮮。雖然間鋪頭唔大，但有家的感覺，d服務員服務得好好，幫大家控制蒸的時間。今次揀咗海鮮餐，包括有燉湯，8款海鮮，1款牛牛，同埋自選8寶飯。無味精的炖湯，內有瑶柱、雞爪、雞肉、豬肉，好入味。自助調味盤，可自我選擇加入海鮮一齊蒸，有位靚姐介紹一款辣椒醬，喜歡辣朋友可試下，而朋友仔最鐘意豆豉醬。特登試下辣椒味，豆豉味，原味蒸海鮮，不一樣的口味，本身海鮮夠新鮮，食到鮮甜味，而喜歡濃味少少的朋友可自己撞出不同的味道海鮮最重要新鮮又肥美，本身已很鮮味爽口彈牙，我喜歡原汁原味。自選8個菜，但由於我們趕時間，所以將牛肉放埋8寶飯上一齊蒸，原本對它不報任何期望，沒想到反而最有驚喜，不過提醒大家，蒸飯要等20mins。飯吸晒8款野的精華，啖啖飯都有幾款菜配搭，口感豐富，飯份量10足，記得打包帶走啊

海鮮控的我們，聞風而至來到位於銅記金巴利七樓嘅『緣味小聚』。我哋叫咗218蚊一位嘅鮑魚海鮮餐，個餐有韓國大鮑魚，真係好大隻，蒸完仍然够大，店主仲好細心幫我哋整走D唔吃得嘅内臟，抵讚；仲有蘇格蘭聖子皇，唔係太大隻，但够鮮，够甜；北海道大刀貝也是煙煙韌韌有嚼口；另外三種貝類亦係新鮮貨色，唯獨呢一刻睇番D相，好似没有蝦，唔記得冇影到或者店家漏咗呢，好混亂吖。不過好彩碗靚湯同埋自選八寶飯補番數。八寶飯係喺30種配料揀選8樣來蒸飯，需時18分鐘。有蝦酱豬腩肉，半脷，牛肉粒，潤腸，芋頭，南瓜，雞軟骨，豬頸肉，有齊豬，牛，雞，菜，實在太豐富，太好味。

成日都聽人講食蒸氣海鮮火鍋，其實我一直都唔想食，今日同朋友終於決定去試一試。一入門口，整體環境舒服，同埋佢啲櫈好吸引，有好多唔同圖案，好靚。呢間蒸氣火鍋佢係按人頭計，佢有兩個餐，一個平啲就冇龍蝦同鮑魚，另一個就貴啲就有龍蝦同鮑魚。我哋當然就係要食貴個一個set！先來一個燉湯，燉湯裏面有蟲草花，有雞腳同埋瘦肉，佢地用左六個鐘黎燉呢個湯，完全冇味精，好好飲呢一個套餐有八款唔同海鮮，有龍蝦，鮑魚，聖子，扇貝，帶子，龍躉，大海蝦同花甲，呢間鋪頭嘅特色係每一款海鮮可以配搭唔好味道，有9種調味料可以揀。平時喺屋企我都唔夠膽試新配搭，今日我食個剁椒聖子，呢個配搭真係好味。呢間野嘅海鮮真係好新鮮，而且蒸嘅時間剛剛好，再加埋每一款海鮮有佢嘅配菜，非常之滿意。之後再有牛頸脊，食落口好淋，原來蒸牛都好好食。已經食到好飽，仲有一個八寶飯，佢可以喺24款配料揀八款配料做你個八寶飯，正左大概15分鐘就可以食，呢個八寶飯加埋呢八款配料再加埋豉油，有啲似我哋平時嘅煲仔飯，好味。兩個人食根本就食唔晒呢一個八寶飯，所以最後食咗一半，我哋都打包。呢間蒸氣火鍋係按人頭計，價錢合理，員工服務態度又好，下次我會再去食👍🏻👍🏻👍🏻

環境店內嘅每張櫈pan 都有唔同嘅圖案，好靚，仲要係梳化櫈，坐得好舒服。一張枱都幾大，有一個爐，亦有足夠嘅位置擺放食物。服務每樣食物都有侍應幫我地係個爐都整，超好服務，侍應將海鮮放入蒸氣爐前會問我地想要配咩醬料，可以跟從自己嘅口味去揀，非常好👍🏻 有九款醬料比我地揀。放左入蒸爐之後會有計時器計時，唔會煮得太耐，當計時器響左就會有侍應黎夾到我地隻碟到，如果隻碟有殼，佢地又會幫我地倒係枱底個桶到，服務周到。店鋪仲提供濕紙巾比我地抺手。食物我地揀左每位$288嘅套餐，有8款海鮮，一個6小時燉嘅無味精雞湯，手切極品牛頸脊片，仲有一個八寶飯，價錢超抵食，$288可以食到甘多款海鮮。食物好新鮮，每款海鮮亦配一款蔬菜，蔬菜都好新鮮。雞湯一飲就知真係無味噌，同覺得好補。龍蝦好爽口彈牙，我地揀左用蒜蓉，超好味好夾。聖子配辣椒，超好味，聖子好爽口彈牙。鮑魚好大隻，一啲都唔銀。扇貝同帶子都好大粒。蜆有大蜆同細蜆，好鮮甜，一啲沙都無，清得好乾淨。蝦好爽口彈牙。龍躉好白滑，點醬好鮮味。八寶飯有張紙係24款入面揀8款，好大一碟飯，蒸好將所有野撈埋一齊，超好味。

金百利出名多美食，這間新開的蒸海鮮剛剛新開張，有兩款蒸海鮮套餐分別是鮑魚蒸海鮮餐和豪華龍蝦海鮮餐。看到牆壁廣告，午市仲有點心供應添但我哋因為晚巿過嚟所以就點左比較平價嘅鮑魚海鮮餐。有九款不同的調味料，可以自由選擇去搭唔同嘅調味料同海鮮，基本上海鮮一人一客。先來每人一宗6小時惱火燉湯今日嘅係花旗參燉瘦肉，味道清甜不油膩有淡淡的花旗參香味。海鮮全部大大隻味道鮮甜，另外一提的是首次肥牛肉味香濃，再三回味。最後上來的是八寶飯可以自選八款唔同嘅材料，然後用蒸籠蒸熟，不同材料的混合，令個飯好惹味