緣味小聚 (金百利廣場) (已結業)

等咗好耐終於等到銅鑼灣金百利廣場呢間緣味小聚食海鮮套餐，今次嚟到點咗個 海鮮蒸氣鍋，最低只需要$238就可以食到鮑魚同其他新鮮海產😝。燉湯係6小時等完中絕無味精燉湯😆，入面眼見有豬肉雞肉同埋啲菇燉成。個湯唔會見到有油漬，飲落好濃味好鮮甜，飲完仲想飲👍🏻。海鮮有蟶子皇海蝦大中細3款Size既花甲同鮑魚😍。每款都好鮮甜好有海水味，肉身厚實，好有韌勁，而且無論花甲定蟶子都好用心洗得好乾淨，完全冇沙 😋。另外仲有手切肥牛，好特別既食法😗，食肥牛竟然唔係放落水入面淥，而係隔水蒸熟，煮法新穎得嚟食落又唔差喎👍🏻。最後仲有八寶蒸飯，自選8款菜蒸20分鐘就可以食，有勁多選擇，有臘腸排骨牛肉榨菜冬菇粒等😂。今餐好滿足呀，去到最後，甘大食既小編我都食唔曬，頂住個大肚腩返屋企😝。

Went out with my parents and my aunt for a dim sum lunch. This restaurant looked modern comparing to other traditional dim sum restaurants. The seating area was nice and comfortable.   It got a small menu but the prices are reasonable and the portion are decent.Some of the best finds were the steamed chicken feet in bean sauce and steamed spare ribs with black bean sauce. Both had some extremely strong flavours on them and I loved that. BBQ pork buns, spring rolls and chicken wings were excellen

同朋友放工係銅鑼灣食飯見呢間新開張，決定一試！😆呢間主打海鮮蒸氣鍋🤤🤤我地都係叫左個龍蝦果set $3xx價錢吾算太貴，出面d蒸氣鍋仲貴😛海鮮都好新鮮，鮮甜😍😋推介！！一黎到就有老火湯，碗湯好好飲！好足料同濃味！本身都好鐘意飲湯既我，連渣都食埋😋食完海鮮仲有個8寶飯，勁多配料可以揀！個飯飽到食吾哂😖😖不得不讚既係呢到既服務仲真係好好！職員會幫你搞掂哂，吾洗自己黎☺推介！下次會再黎幫襯！！

我同朋友都好鐘意食海鮮😍見新開張所以黎試下我地試左$3xx果個set😛推介推介！一黎就有個老火湯，都足料好飲！！海鮮有8款，都好新鮮😍😍❤️❤️我勁鐘意食龍蝦！朋友都表示好好食！❤️不過淨食海鮮吾太飽，有個8寶飯食，自選8樣送😍😍有機會會再黎食！服務都好好，佢會不停幫我地加水，又會幫我地蒸埋，計時同夾埋，態度都好好！！😍餐廳雖細，但坐得都算寬敞又舒服！岩哂一班朋友黎食，傾下計同吹下水！😛

聽聞公司附近有蒸飯食，唔知係點樣嘅，所以走咗去試下。lunch多數都係食茶記，都無乜機會飲茶或者食其他嘅菜式，所以特登搵下有無其他餐廳可以食下其他嘢。日日食茶記食到好悶，唔想再食啦。因為呢間餐廳係食蒸氣鍋，所以未去之前唔知係咩style嘅蒸飯。究竟好似中式酒樓咁嘅一盅蒸飯，還是真係用蒸氣鍋即場蒸嘅呢。叫咗八寶蒸飯，原來午市食蒸飯係廚房入面蒸咗先，蒸到食得就會攞出嚟。八寶蒸飯，有多款配料，8款都有足夠份量，味道適中，唔會過鹹。份量真係好多，2個人都食唔晒。多款配料中榨菜、沙嗲牛肉粒、臘腸等非常惹味，排骨亦很嫩滑，加上價格相宜，值得推介。下次試下蒜蓉海蝦蒸飯，諗起都想食。

臨近中秋又要搵地方同屋企人食飯做節，本身媽子話自己煮既，不過依家D天氣咁熱咁焗，中秋節都想佢好好休息下開左個家庭會議，綜合各方意見就決定左食蒸氣海鮮，搵下搵下就揀中緣味小聚啦餐廳既套餐主要分兩個價錢，就係$218同$288，一人份量既做節就當然要食豪D啦,更何況今晚係由大哥負責埋單，唔洗同佢慳住荷包!!我地全部都叫$288個套餐~呢個價錢已經食到好多款海鮮，仲要係有龍蝦、鮑魚、蟶子皇等等...海鮮都好新鮮同洗得好乾淨，之前係另一間餐廳中過伏，D蟹有死海鮮味....勁臭....呢度完全無問題最抵讚既仲有餐廳侍應，佢地全程幫手蒸海鮮，我地係完全唔洗理~淨係食就得架啦同埋都唔止得海鮮，仲有燉湯、八寶飯同牛頸脊....不過牛頸脊就少左D，每人得三片...燉湯都唔錯，不加味精~又足料~最後就係八寶蒸飯，24款配料入面揀8款，真係花多眼亂~個飯都絕無欺場，味道非常豐富，勁正!!!丫...爭D唔記得講埋4人同行會送一隻避風塘炒蟹~香噴噴勁好食!!!

今日發現左間好好食既蒸氣鍋要同大家分享下，話說今日收工同同事行街，行到7點半左右有d肚餓，同事話想食蒸氣鍋，我就帶佢去位於金百利7樓既緣味小聚，之前去過一次，無論食物環境到伙記，都係屬於5粒星既。今次重遊舊地，無令我失望，一樣維持高水準，原盅茶樹姑燉湯，鮑魚，聖子皇，貴妃蚌，大刀貝，蜆，大花蛤，龍躉件，海蝦，手切牛小排三片，全部由專人負責，蒸鍋時間啱啱好，埋尾再黎多個八寶飯，由24種食材入面自選8款自己喜愛既一個蒸飯，相當貼心，一定會食到肚滿腸肥咁離開。

行完金百利，去左銅鑼灣緣味食蒸氣火鍋。先上燉湯，入秋飲幾滋補。大鮑魚尺寸好大隻，肉質肥厚，啖啖嫩肉，職員仲細心幫我地起乾淨內贓。刀貝好肥厚，啖啖鮮甜。貴妃蚌肉質爽脆。大花甲好鮮甜蜆粒粒飽滿漲卜卜。龍躉片好厚切，肉質又滑又彈牙。海蝦，餐廳預先幫我地開埋邊蒸，好貼心。蝦肉鮮甜。肥牛片超嫩滑。入秋梗係唔少得食八寶飯。八寶飯好大煲，有臘腸，膶腸，冬菇粒等，有24款配料任揀，又香又惹味。約238一個人，銅鑼灣算平，海鮮款式都多，好味又抵食，下次會再幫襯。

我一向都好中意食海鮮蒸鍋今次同朋友們揀左價錢較低既鮑魚海鮮餐, 每位$218。包括有燉湯、8款海鮮、1款牛肉、八寶蒸飯。餐廳預備左唔同的調味。6小時燉湯是花旗蔘雞湯, 好清甜, 無油！我下載左THE GULU App 買入面既升升券(即係現金套券)，用$80就可以買到一套2張總共$100現金券，可以用再平啲價錢食到海鮮蒸鍋，正呀！

My friend took me to Causeway Bay for dinner and she said we would be having some great seafood.She said she has been to this place once already and the seafood she had was fabulous.Since I am a big fan of seafood, she wanted to bring me there to let me try them out.It was a steam-pot restaurant. The environment was cozy, and service we received was adequate. We ordered the seafood set with lobster, razor clam, scallop, fish and shellfish, etc.The lobster was fresh the contained lots of meat, I

呢排快餐食得多，個人好似好乾咁，喉嚨又唔舒服。今日就去食餐豐富又有營養嘅蒸鍋滋潤下先。其實銅鑼灣嘅蒸鍋都真係有好多間，但唔係間間都有龍蝦食。我地今日去嘅呢間就有兩個蒸鍋SET揀，分別為鮑魚SET同龍蝦SET。我地目標都好明確，一致都揀咗龍蝦。食蒸鍋前仲有碗燉湯飲，真係滋補，飲完喉嚨舒服咗啲，可能有清熱嘅功效。之後就進入正題，開始蒸蒸蒸，有人負責蒸，我就坐住等食。龍蝦肉真係幾正，爽彈又鮮甜。仲有好多海鮮，帶子，聖子，蜆，蝦等等。食落都幾鮮美。驚齋食海鮮食唔飽？最後原來仲有飯食，自己tick返8款配料蒸籠仔飯，每人食一細碗，呢一餐就夠晒飽肚啦。

行完商場，食厭咗商場嘅food court，於是行出街搵嘢食。漫無目的，三心兩意行咗一陣先決定食蒸鍋。原因係原來我朋友係無食過蒸鍋嘅，佢話想試下，咁我就陪佢試下啦。環境就係普通街坊小店，感覺有啲復古FEEL。假日晚市場都幾FULL下。我地叫咗鮑魚果個SET，我都食過幾次蒸鍋噶啦，因為好多都係主打原汁原味，都唔會提供太多唔同嘅醬汁。但我個人就重口味，中意點醬汁食。一個SET有湯，有幾款海鮮，又有八寶飯，食落幾飽肚。海鮮質素都OK，味道鮮甜，口感彈牙。主角鮑魚大大隻，口感好爽滑。八寶飯認真唔錯，有得自己揀餸，正！朋友都覺得幾好食，話下次聚會可以再約蒸鍋。

之前同屋企人去過某連鎖集團食海鮮蒸氣鍋食到一肚氣收得貴之餘態度又差，d海鮮又唔係特別好食，諗起都激死我前排同屋企人傾開想去邊度食生日飯，點知大家仍然係想食蒸海鮮...但我真心唔想再試個間...於是就俾我搵到呢間緣味...餐廳細細，唔算好大，但都算坐得舒適侍應態度好主動好親切，完全唔會黑面或者嫌麻煩....呢樣抵讚!海鮮質素比起另一間好得多!起碼睇得出色澤同氣味都係新鮮，食落肚就更加肯定啦!海蝦大大隻，仲要預先幫你開邊，食既時候好方便蟶子都好好食，非常鮮甜!其他海鮮都同樣出色!!食到屋企人讚口不絕~~最後食埋個八寶蒸飯，有8款配料任你揀，開頭仲驚咁多配料會好膩...估唔到又幾有驚喜喎!!食到我地成家人停唔到口，阿媽仲獨自宣佈中秋節要罷工，黎呢度食中秋飯咁話喎~

同阿妹去咗銅鑼灣行街，周圍行咗3個鐘，腳都軟埋，攰到唔想諗食乜，咁就去咗金百利搵食。最後決定食蒸氣鍋。上到去餐廳門口，見到有個易拉架廣告，原來都有做午市時段，唔知點心好唔好食架呢。餐廳環境唔錯，夠闊落，唔會坐到好迫。我地決定食豪D，點咗龍蝦蒸氣鍋套餐。睇menu就好多款式，本來懷疑夠唔夠食，後尾攞D海鮮食物嚟，就覺得好有驚喜啦。份量好多，D海鮮又夠大隻，望見到好開心。龍蝦有膏又多肉，蒸熟後味道鮮甜，每一口都係龍蝦肉，大啖食好正。鮑魚大大隻，爽口彈牙，好味。北海道元貝皇，唔好蒸咁熟呀，我個隻有少少過火，如果可以蒸到8-9成，就可以keep到好似shashimi果種嫩滑嘅口感。其他海鮮都好正常，蝦好食，龍躉有D骨，我就一般啦。仲有牛肉加上八寶飯，根本食唔晒。D海鮮真係有驚喜，份量好足，又新鮮，可以回頭再食。

一家大細想食海鮮但又唔想入到去西貢、流浮山咁遠...大排檔又驚俾人當水魚咁阿妹就提議去一啲食蒸海鮮既專門餐廳，一來市區有好多選擇，二來唔洗怕俾人當水魚，三來可以坐得舒服d，畢竟帶住老人家一齊黎食餐廳主要分兩個套餐，價錢分別係$218同$288由於阿公同阿婆話好耐無食過龍蝦，所以就決定叫$288個套餐啦~套餐有湯有8款海鮮有牛頸脊同八寶蒸飯~齋睇MENU內容都覺得好豐富餐廳環境尚算舒服，起碼唔會逼狹，冷氣亦都充足，侍應服務都唔錯，會主動幫我地蒸海鮮海鮮質素比想像中好，龍蝦比想像中大隻，肉質彈牙鮮甜，又幾好食喎大花蛤、蟶子皇同大刀貝都幾好食~估唔到可以用多汁黎形容，仲要無沙，阿婆都話正阿公就話鮑魚同大帶子最好食，食到佢點頭除左海鮮，牛頸脊都好好食~肉味好濃，肉質軟滑因為阿公同阿婆戒左牛肉好多年，所以我就多兩份牛頸脊食~開心死我食埋個八寶蒸飯，勁滿足咁返屋企啦~走既時候阿公同阿婆仲回味緊d龍蝦鮑魚~仲話中秋再黎食過，仲強烈要求到時要加單叫多d龍蝦鮑魚食，唔知有無散點加單既呢?