素食一家 (已結業)

唔駛排隊就入到去，入到去2個waiter企響服務枱前，完全無帶位ge意欲，要我同朋友行過去問先同我地講坐咩位。可能我要求高，但我覺得服務上可以做得更加好。兩個人叫左2碗羹and翅，一碟炒飯，同一碟餸。好似都要350蚊以上。先講飯，岩岩上枱個下聞到好香，但食落就無咩黑松露味，不過味道唔錯，如果無話特別要食黑松露味的話，可以試下。兩碗羹同翅都幾好，翅我覺得入面d材料其實可以再多d.個百寶袋係我期待之下，無咩味，無咩特別，唔係好抵入面d餡都唔係d咩特別餡。佢係好多特別ge 款式，但未必會再黎，因為再平d ge素食店都可以有更好ge味道。

在街外吃飯，離不開韓燒、碟頭飯、自助餐、火鍋和雞煲，肉類甚多。臨近新年，又到食素的節日，便往旺角這間素菜館吃素。門面是清雅的咖啡色調，不太起眼，是統一的素色。臨近新年，推出了新春冬至素食盆菜，10位用$988，價錢合理。餐廳經營者不忘慈善。星期三光顧，餐廳營業額的10%會用作慈善用途，回饋社會弱勢人士。餐廳最入的位置，對面是一張12人桌，牆上的掛畫裝飾最雅緻。12人可自成一角，環境較靜，適合一大班人聚會。亦有部份卡位，卡位與卡位間的木板高，可完全隔著後面卡位的客人，私隱度高。餐具與整間店舖裝飾一致，都是用上啡色。啡色的苶壼以自然風格為主。素食店提供的飲品較多種類，除了一般素食店必有的豆漿外，還有少見的白麥汁和黑麥汁。甜品中薑茶菊花最吸引。餐廳列出四款最新推介的菜式，不僅有圖片，還附上英文，難怪場內有數枱是外國人。餐簿做得很別緻，有小食、湯羹、川菜、手工菜、蒸品、特色小菜、煲仔、粉麵飯及甜品。當中川菜、手工菜和蒸品較特別。先點一個很多人都點的菜式--香煎竹笙腐皮卷($88)。腐皮非常熱和香脆，內有香菇絲和木耳絲，香脆爽口，醬汁提升整道菜式的味道。另一小菜黑松露百寶袋($108)的黑松露是

近來被好久不見的朋友笑我又肥左，成隻食肉獸咁，真係突然好傷自尊心，決定有空要多去吃些健康的素菜。聽說素食一家一直堅持不用味精，靠食物本身的新鮮和質素來帶出香味，這份對健康的執著值得支持，旺角我成日逛，今日又經過，就想到來噌噌。意想不到菜式這麼豐富，而且都好有特色。我覺得最好吃的是那黑松露松子炒飯，感覺靚料十足，這價錢好抵。北海道芥茉龍蝦球幾可以假亂真，好好食。然後是那幾款薄餅都好食得來幾健康。仲有少不得那一壺淡香的茶。裝潢好舒適，下次我會再來。值得試多幾道菜式。

四位朋友一齊食飯 ,有一位食純素。宜家素菜餐廳越開越多，選擇十分多，唔再次以前咁只可以食傳統齋舖，今次去咗旺角洗衣街嘅素食一家。素菜餐廳通常都對用料選擇非常嚴格，亦十分注重食材係咪健康。 呢度亦都有其他素食店常見嘅happy cow雪糕 ,黑麥汁白麥汁 , 果汁果醋 等等。素食一家都幾多特色小菜，例如有荷塘吐艷。 一睇就知相當考功夫，要花相當長嘅製作時間， 但老實講味道令人有啲失望，因為都係偏淡 . 上層是節瓜薄片捲著蓮子下層是西蘭花， 做功花時間賣相特別，可惜味道平平， 就係淡口味嘅節瓜蓮子西蘭花味， 無咩警喜。黑松露松子炒飯好香松露味但係味道都係比較淡。蓮藕餅中間夾住芋蓉嚟炸， 喜歡食澱粉質及香脆可口食物嘅人一定好鍾意。豆干炒蘆筍不過不失幾好味。餐牌仲有好多創新素菜，希望下次有機會試。

三姊幾天後生日，她是一位全素食者，想找一間素食館和她吃飯預祝生日，雖然我係為食兵團，但由於我不是茹素的人，係素食方面始終不是專家，今次反而需要三姊介紹，她帶我去到旺角~素食一家。我倆姊妹大概下午一點到達，一進入店內，侍應先有禮貌地跟我倆打招呼，並帶領我倆到卡位位置坐下。這裡環境簡潔寧靜，客人也是細細聲對話，完全令人感覺悠閒恬靜，平時我既忟憎脾氣也能暫時放下。看看餐牌，款式甚多，而且款款精美，款款都好吸引。今次由三姊做話事人，她揀選了以下菜式 :1.醬皇魚翅炒飯($98)，炒飯乾身，而且很香口 ; 素魚翅口感彈牙，絕不比真魚翅遜色。2.百靈菇扒鮮蔬($85)， 菇扒厚肉大塊，清香爽滑 ; 下面舖滿嫩綠清脆生菜，配合芡汁，味道一流。3.黑椒雙茄焗鮑仔($85)，素鮑仔煙韌非常，雙茄係番茄和茄子，兩者都清甜美味，配搭惹味黑椒汁及酸甜蕃茄汁，實在醒胃到不得了，令人想食多幾碗飯。4.薑茶菊花($38)，菊花即是豆腐花，將豆腐切成條狀並將其散開，望落極似菊花，而且薑茶薑味十足，可袪寒保暖，滋潤身體，好適合現在寒冷的冬天享用。5.Happy Cow 雪糕($38)，Happy Cow宗旨是令人可以無

平日因為工作關係，經常外出吃飯，多肉少菜，慢慢地身體開始有點怪模樣，也許是吸收了過多的鹽份，令身體變得容易水腫，所以，即使假日外出吃飯，我也會選擇健康食肆來用餐。 一直都有幫襯「素食一家」，知道餐廳堅持使用新鮮及高品質食材，而且不落味精，保留食物原味，加上素菜對身體較健康，所以每隔一段短時間，我都與媽媽來吃午飯。紅燒野生竹笙素翅紅燒野生竹笙素翅 素翅有點像碗仔翅，湯底鮮味濃稠適中，入口時不會有重漿感，而內裏加入了木耳及竹笙來增加口感，非常好吃。自家齋滷味拼盤 （ 素叉燒、酸齋、蠔油齋、齋鴨腎）個人最愛就是素叉燒，因為麵筋口感較煙韌，非常有咬口，叉燒醬汁的味道亦調得剛好，甜甜的很好吃。 酸齋及蠔油齋的味道其實差不多，口感大致相同，只是其中一款味道酸甜，而另一款就是帶點鹹香。 蘆筍苗百合素鮑仔蘆筍苗細細條的，入口爽脆，帶點微微的草青味，配上味道清甜的鮮百合，爽口的黃椒，以及煙煙韌韌的素鮑魚，感覺既清新又健康。 招牌羅漢上素脆麵羅漢上素脆麵的味道有點偏濃，獻汁太杰，特別是玉蜀黍，味道偏鹹，不過，脆麵炸得非常香口，入口香脆。 順帶一提，餐廳除了收加一服務費外，還需要收茶錢的。

與素友又再相聚，今天去了旺角一間素食食肆 - 素食一家餐廳。在旺角火車站行過去都很方便，店內裝潢簡樸，燈光柔和，環境都幾舒服。今天食素清一清腸胃也不錯，我們看了餐牌花多眼亂，最後點了兩個小菜，一個炒金邊粉。菠蘿咕嚕猴頭菇： 平時出面食的咕嚕肉，餐廳是用猴頭菇製作的，猴頭菇炸過的食落去都幾脆口，還有三色椒及菠蘿做配料，味道酸甜，開胃醒神。天香炒百合 ： 用了西芹，百合，銀杏，淮山，松子仁，杞子 一起炒而成，食落去有一種令人清新感覺。秘製XO醬炒金邊粉 ： XO醬炒得很惹味香口，金邊粉炒出有一種泰式風味。薑茶豆腐： 將一塊嫰豆腐切成菊花狀泡在茶杯裡，顯示出師傅的刀工很利犀，好香薑茶味道，豆腐好滑。

近來 食得 肉類多 想 清下腸胃 ，轉 下 食清淡一些。朋友介紹 在 旺角 洗衣街 有間(素食一家) 炒的小菜 很清淡， 而且 菜式新穎 ，有多款選擇。既然朋友有咁好介紹，我便和家人去體驗一下。餐廳地點唔算難搵 ，是在大街 地舖 ，餐廳內裝修 普通， 檯面 擺設整齊清潔。首先我們柯打咗一碟久違了的齋鹵味， 齋滷味份量 雖然少 ，但係酸齋， 蠔油齋和齋叉燒 仍很入味 ，倍感開胃。紅燒 野生竹笙翅 ， 也是每次素食必食， 還點了一個 百鳥歸巢 $88 裏面有腰果西芹和青椒 味道清淡 。雀巢 使用米粉炸成。 餸菜也非常清淡 ，可算理想的一餐飯。

假日和家人 去 旺角 購物， 途經看見 一間素食餐館 ，在旺角 區 很少有素食 餐館，那間 餐館在 旺角洗衣街 。(素食一家)餐廳內裝修普通 ，但環境舒適， 檯面 上清潔整齊。侍應生 有禮貌地招呼 我們入座 後，先來一壺糖茶 ，再遞上餐牌， 餐牌上的素食選擇款式多， 有小炒菜 ，凍小食， 甜品 ，湯類等等。我打咗一個荷塘吐艷， 其實是蓮子包住冬瓜 ，有西蘭花墊底，再加入上湯。 觀感上清新 ，簡潔 ，但入口味道普通， 而且清淡 ，喜愛吃清淡口味的朋友頗為適合。黑松露素食炒麵 味道也適中， 只是黑松露教位 略少， 炒麵口感普通，材料 簡單。

餐餐吃肉，都想洗滌一下腸胃，放是去吃一餐全素菜。素菜給我的印象總是清淡、無味，但今餐卻令我完全改觀了。時蔬煮得好，好在簡單的煮法令人吃到蔬菜的「鮮」味，而炸物椒鹽鮮魷與真的鮮魷口感十分相似，閉上眼睛幾乎分不出真假。其實素菜只要花點心思，都可以是美食，久不久吃一次清清腸胃也好。

午膳時間黎到素食一家，lunch time 有唔少lunch set, 我地叫左籠仔雲耳靈芝菇蒸猴菇$88呢個係Menu 推介的，果然冇失望，食菇都可以有好多花款，調味絕對唔清淡，羨汁做得好好。紅燒豆腐枝竹豆腐球煲$78配飯炸香既豆腐入面仲好滑，加上枝竹，菇等既配料，送飯一流。豆漿係低糖的，少少甜，好重豆味，岩晒我。香煎蓮藕餅$88呢個係推介小食，煎香既蓮藕口感好好，有少少粉，亦有咬感，煎香左十分香口。桂花圓玉雪耳羹$29呢個十分養顏同滋潤，有紅棗，雪耳，龍眼，糖水亦十分足料。

位於旺角洗衣街145號有一間齋店。因為我家老媽子最近話要我佛慈悲，所以就帶她來吃個齋。話說這裡都幾邊緣位置，所以找了一會。店內好我佛有緣的feel呢！牆上滿是字畫。簡潔的裝潢有平靜的氛圍。黑椒雙茄焗鮑仔 $85素做的鮑魚仔真心第一次食，口感原來都幾似真的鮑魚，煙煙韌韌！雙茄新鮮！黑椒煮更是惹味，少少辣！原來素鮑都幾好食。齋滷味拼盤 $58滷味就食得多，齋滷味就比較少食，記得細個時都係跟婆婆食過一次。一碟三味的滷味，齊叉燒不論口感感是味道都有七分像，其他兩個都不錯，酸酸甜甜。松子黑松露炒飯$95飯炒到粒粒分明！松子香口，黑松露就令整個飯的香氣味道層次再向上提升了不少。值得推介。桂花圓玉雪耳羹$29食完鹹食就想食個甜品，桂花清香，圓玉雪耳爽口。入口清甜可口，冬天食有滋潤的感覺。黑糖果凍 $15果凍圓滾滾，黑糖香甜！感覺果凍爽口似硬身的jelly。有機桑椹果粒凍 $20既然果凍好食，就來多個桑椹果凍。這個果凍酸酸甜甜，桑香更甚，開胃清爽。

那個刺身三文魚很出彩，吃到有三文魚的口感和味道，但竟然不是肉。那個雜菇豆腐的煲我超愛，調味不會太過，吃完不會覺得口乾。腐皮卷是新鮮炸的，腐皮鬆脆，裡面的餡料也搭配的很好。總體來說好評！

作為一個恆常食肉獸，竟然會吃素？今天適逢早放，可以跟媽咪一起逛逛街，吃頓飯，實在太幸福了。媽媽喜歡吃素食，所以便到旺角這間「素食一家」吃午餐。看一看餐牌，發現食物的選擇也不少，我們點了涼拌海蜇手撕雞、香煎竹笙腐皮卷、秘製一家蓮藕餅、薑茶菊花。涼拌海蜇手撕雞這前菜有紅蘿蔔、青瓜、芝麻及素手撕雞，整碟前菜的口感都非常爽脆，味道清新自然，可是素手撕雞的質感不太像真實手撕雞，質感差得有點遠。香煎竹笙腐皮卷這道竹笙腐皮卷的腐皮外層煎得非常香脆，餡料有木耳絲、香菇絲及竹笙，質感豐富，香脆可口，醬汁令整到菜式味道提升不少。秘製一家蓮藕餅蓮藕餅外層煎得非常香脆，質感豐富，而且份量不少，香口食物實在太惹人喜愛了。薑茶菊花天氣凍凍的，當然要叫一碗薑茶菊花暖暖胃，賣相非常精緻，令人心花怒放，而且味道不錯，飲完感覺很溫暖。總括來說，這間素食餐廳的食物質素不錯，價錢不算貴，喜歡吃素的人可以來試試。

中學同學生日飯應該大約一年前有食過印象中味道冇變 涼拌海蜇手撕雞比較細碟叫呢度送嘅朋友, 原本想要汁同食物分開嘅, 因為減肥中問侍應個汁係咪分開上佢答係, 但最後如圖直接上味道不過不失呢 紅燒野生竹笙素翅普通湯品但都足料的 荷塘吐豔清清的菜視覺效果都不錯 香煎芙蓉鮮竹略嫌不夠香口再煎香一點更好 靈芝菇肉鬆豆腐菇爽口, 味也不錯 籠仔雲耳靈芝菇蒸猴頭菇後加餸菇味香, 好食 冇影相, 但有個印象中的炒飯好味道嘅 芝蔴糊同上次一樣咁唔好食沖粉的口感 整體而言, 沒有特別深印象的菜式, 但總算地點方便的餐廳(在旺角區唔會唔方便啦)