素年 (福隆大廈)

营业中

休息中

已經食過兩次，兩次都覺得好高水準先上openrice推介！我係一個食肉獸啦，自問完全handle唔到素食，（第一次黎到先知食素，都驚驚地），點知好好食！呢個食評combine咗兩次黎食飯既野食，所以有樣野食已經無得再嗌啦！-首先，真係好多人食，平日下就都好多人，唔中宜排隊既人要留意啦～-【泰式青咖喱意大利飯】勁！！好食！！！少少辣，好香既咖喱，有唔同既配菜係入面，小蕃茄好甜，又有草菇豆乾，多咗d層次，正！-【泰式香辣不可能肉碎意粉】（宜家已經無咗呢個菜）佢炒得幾香口，impossible meat超似真既肉碎，食得勁開心！！發覺呢到泰式既東西都幾唔錯！可能師傅有d研究！勁！-【日式定食】本身覺得呢個set有d貴，但上到枱比想像中大份！好fresh好健康，食得好開心。南瓜餅正！最中宜係舊蕃茄！haha 好中宜食煎茄！！-【iced latte】正常！-總結，呢間鋪細細間，有d鋪頭打住黃店既旗號但忘記咗本身餐廳既質素，feel到素年好用心做，店員都好nice，野食好食，支持！！！

日式咖哩豬扒意大利飯Japanese Curry Rice with Omnipork (HK$98 set with drink)不可能漢堡 Impossible Burger (HK$128 set with drink )Rating: 4/5 ⭐ @years.hk黃店。好食，仲食素支持環保添。 Impossible burger 唔係食過最似肉最香口嘅一個，但係都有口感有肉汁，都算幾似。我第一次食偽豬肉，個感覺冇牛咁似，食得出有少少豆味，但自己中意食豆所以都唔錯。除左佢地像真度之外，食材用料都食得出新鮮，擺店靚，cafe 嘅天然光亦令人坐得舒服，快啲去支持下啦🙋‍♀️Good food and it's vegetarian, what a feel good place. The Impossible burger we had, honestly speak, its not the most meat-like and flavourful one, but it is definitely not bad, with quite meat-like texture a

成日聽講素年嘅素食好好味極人氣，尤其係漢堡包同豬扒，素肉同真嘅完全冇違和感🤪所以想嚟好耐lu🙈🙈-🥗不可能漢堡包🍔-不可能漢堡即係百分百純植物製造🥗但味道同真肉簡直一模一樣完全分唔到👀好神奇👅呢個漢堡包係由不可能漢堡、火箭菜、芝士、洋蔥組成，一咬落口就wow一聲😍同我一齊食嘅朋友話如果就咁食會覺得同平時嘅漢堡包好似，好味但比較普通，但如果以素食嘅角度黎睇，係完全意想不到嘅好味☃️估唔到素食可以好味到咁，所以值得加分💯漢堡扒極juicy，同真嘅牛肉漢堡有得揮，而且好多芝士💁🏻‍♀️🧀配菜有番薯條，每條都炸得好香，番薯味好濃🤩外脆內軟🍠🍟好鍾意😍😍大大份食到極飽🤰🏻🤰🏻-評分：9/10 價錢：$128-🍛日式咖喱吉列豬扒意大利飯🐖-呢碟由新豬肉吉列豬扒，蘋果，蘆筍，蘑菇，車厘茄組成嘅日式咖喱意大利飯同漢堡包一樣咁正🤩因為用日式咖喱🍛，所以咖喱偏甜，怕辣嘅朋友都可以試🤤咖喱配搭蘋果同車厘茄🍅係好清新嘅配搭🌬 蘋果擺咗咁耐先食但都仲好脆🍎吉列豬扒同真嘅豬肉口感都好相似🐖risotto同咁多嘢夾埋一齊食，真係好惹味😚-評分：9/10價錢：$98-📍素年 深水埗📍

晚市來到，十分旺場，由於較遲預約，所以要等好一會兒才有位。餐廳裝潢不錯，打卡絕對一流，可惜有一些較近廚房的位置較窄，坐得不太舒服。食物的賣相頗精緻，價錢在深水埗區來說是偏向中高價路線，晚市一個餐大約一百元左右。試了兩個餐，食物的質素正正常常。如果以飽肚的角度而言，份量是足夠的，但是設計上卻較為普通。以漢堡包的餐為例，餐只包漢堡，番薯條和飲品，可是漢堡的餡料較單調，吃得飽只是靠餐內大量的蕃薯條。烏冬餐也是同樣大量的"配菜"也是現成，稍欠心思。以這個價錢而言，如果餐廳可以把餐內的其中一些食物份量減少 (如蕃薯條)，改為多一款食物，會更為吸引。

上次無卜位所以摸門釘，今日啦啦聲卜佐先😤 以素菜為主題既輕日式小店，主要用純白色去裝潢更加切合佐主題，比人好清新樸素而又舒服既感覺🥰 餐單有定食，意大利飯，意粉同漢堡包🍔 飲品要推純素特飲💛.黑松露蘑菇漢堡包🍔 $98個大蘑菇吸引佐我簡佢😍果然無失望～勁大pat車打芝士同黑松露蛋黃醬🤤 一咬落去個菇即刻爆汁勁juicy，黑松露味勁香🙈啖啖都咬到醬勁幸福🥰再夾埋啲沙律菜一齊食好豐富！！/ 蕃薯條炸到脆卜卜之餘仲要充滿好甜既蕃薯味，勁飽肚🙆🏼‍♀️.日式咖哩吉列豬扒意大利飯 $98超大碟！！個咖哩唔算好辣幾惹味，個飯粒粒分別仲好creamy，放佐好多蘑菇蘆筍蕃茄仔黎整，超級豐富🤤 吉列豬扒係用新豬肉黎整，同普通豬肉一啲違和感都無😳 外皮炸得香脆之餘入面既肉身仲好鬆軟～.青蘋果奇異果羽衣甘藍燕麥奶 +$36跟餐有得轉飲就一定要試啦😍 一飲落有清新既羽衣甘藍味，再慢慢滲出青蘋果既酸甜味，然後有淡淡奇異果既酸，好有層次感🤤有燕麥奶既口感好滑溜而且飲落有一粒粒既燕麥，配合埋一齊唔會好酸，反而飲落好清新同健康～/ 跟餐既凍伯爵茶都好好飲，好香茶味同回甘，解膩一流🤤.總結，一間比較新派有創意既素食餐廳😍

位於深水埗福華街的《素年》令我心癢癢去試，不過正是中午時份，都要等了幾張枱，店中都有做足防疫措施，有幫客人探熱，餐廳門口都有供應消毒捶手液。大約等了15至20分鐘都終於可以入座。正在Lunch 時份，店中只有Lunch Set 的餐牌，意外地款式都好有新穎，有日式烏冬、新豬肉的咖喱、土耳其沙律等等......當中主打之一的《不可能漢堡impossible burger》($128)是我真心推介，肉質的口感仿似免治牛肉，當然都是豆製的假肉，漢堡包身味道甜香軟身，內餡混入火箭菜、洋蔥及車打芝士，溶化咗的芝士滲入漢堡之中，芝味軟香，再加微微苦香的火箭菜，衝擊了口腔入的膩滯感，伴碟的甜蕃薯條都脆香有甜，再呷一口餐飲的熱玄米茶，暖胃去油膩，今餐素食午餐夠晒滿足

呢間cafe網上出現率好高 終於有機會來試了 平日都好多人等 同朋友lunchtime來到都等左大約半個鐘先有位入座 (也主要因為限聚令安排吧！）不過響門口傾下計時間好快過 一早就鎖定要食呢個好似九宮格咁嘅日式便當 🍱 來到上台好精緻好靚賞心悅目 😍😍 唔好睇少d配菜個份量細細碟咁 其實食哂真係好豐富好飽 食物都食得出原味道 無味精/好重嘅調味 有蕃薯仔 南瓜薯餅同埋綠茶蕨餅好日式好滿足 腐皮烏冬都好大碗 如果烏冬可以煙韌少少就好了 呢個質感係偏淋的 加20蚊叫左杯抹茶latte 都幾香滑 見到佢有燕麥奶smoothie 好想試呀 但今日天氣涼浸浸都係飲熱野舒服d 下次有機會再試！

又到左支持黃店時間！素食餐廳已經唔多，又素又黃隨時真係一隻手數得哂。第二次黎幫襯，因為一早book定位所以好快有得安排入座。坐低之後店員即刻遞左兩張餐巾比我地，用黎放住個口罩，真係好貼心。上次黎已經好想試既日式定食，今日終於試到，一拎上黎發現都幾大堆頭。個烏冬唔係平時粗身果啲，係扁平又比較彈牙，幾好食。配菜個薯餅係凍既，要減返少少分，炸物要熱辣辣先好食架嘛！個紫薯仔都幾得意，似係人手將啲薯蓉搓到變返粒紫薯仔咁既樣，甜甜地幾好味。第二次黎encore左個冬蔭公飯，依然覺得好味。雖然個飯係vegan冇蛋奶，但唔知點解都食到啖啖奶香味，好神奇。睇佢地ig似乎黎緊會開分店，喺疫情下都仲可以開到分店，實在厲害，唔知分店會唔會都係素店呢！

到深水埗尋寶後就去左素年食LUNCH啦, 一早已經係口袋LIST入邊架喇, 終於都試到了LUNCH SET 約$88-128, 包一杯熱玄米茶/凍伯爵茶叫左日本定食, 一上枱忍唔係"嘩"左一聲, 以為我地好誇張, 點知隨即又聽到另一枱"嘩"因為真係好精彩, 啱哂女仔最鍾意咩都試少少~麵豉湯味道較淡, 烏冬比較林身~其他小食反而味道更好~由其係炸南瓜餅另外漢堡餐個炸蕃薯條好好食, 唔會太炸太脆。漢堡個包係甜既, 感覺好古怪2個餐既份量都好多, 男仔應該都唔洗怕唔夠飽當日約12點3已經入座, 到點半時門口已經有長長既人龍了, 所以如果想試一定要早D呀

其實今次已經係第三次嚟呢一間聞名已久嘅素年，但其實頭兩次都唔成功，一係太多人，一係已經last order。但其實第三次都要排足足一個鐘先有得食。所以溫馨提示，一定要book位！！！環境⭐️⭐️⭐️環境其實好簡潔，但起碼感覺地方好乾淨。一個有文青feel嘅setting, 木枱木凳，白色+木色為主。價格⭐️⭐️⭐️⭐️以食物嘅質素，其實性價比好高。雖然Meun唔算好多選擇，但乜都有d。每人平均消費$130左右。食物⭐️⭐️⭐️⭐️⭐️雖然網上已經睇過幾次幾正面嘅評價但係始終未試過都唔可以作準。但係今次試咗 日式咖喱吉列豬扒意大利飯。聽個名已經知道有幾勁😆又日式咖喱，又意大利飯。真心有驚喜+好好味😋首先因為素食者其實真係冇乜機會食到吉列豬扒呢種口感，外面鬆脆裏面啖啖肉嘅感覺其實好稀有，加上個咖喱飯味道十足，一粒粒鵝蛋形嘅risotto夠彈牙。性價比極高👍🏻而我朋友就食咗個漢堡包，裏面用咗不可能漢堡嘅素牛扒，另一個朋友就試咗一個日式定食。漢堡包本身冇乜特別，但味道同口感都好滿意，再配合埋炸番薯薯條。日式定食反而比較有趣，一個烏冬，一碗麵屎湯，加上6碟小食。成件事排場十足。Overall 我地三個都一致認為，門外排

呢啲時勢除左交收抗疫物資外都唔會出去，今日約左個好朋友交收，平時最愛hightea既我地，因為啲tea多數到藍🙄同埋啲酒店好多大劣人好高危⋯⋯所以選左間可以坐得舒服啲既黃店呢間bookmark左好耐想同茹素既媽咪黎試但一直無食，今日選左下午茶時間黎叫做無咁多人門面日系簡約Menu同我上網睇無乜點改動🤣所以一早諗定食乜，可以走五辛、走蛋奶真好靈活，好適合信佛食全齋茹素既人士mocha同hazelnut latte先黎飲品（跟餐加錢）飲品味道比較淡，可能配合素食口味要清啲～相當欣賞用紙飲管夠環保不可能漢堡包配蕃薯條新派素食就有呢度特別，舊新肉真係勁似牛肉，無論質地同味道都似，配埋芝士同醬汁完全係好食唔乾又健康，蕃薯條香脆帶甜冬蔭意大利飯其實想食芫茜飯但無左咁見隔離枱食緊好香就叫一個，食落無真冬蔭既酸辣，飯比想像好食同入味，飯粒唔會太軟又保持飯粒，其實我唔太喜歡正宗意大利飯粒中間硬痴牙既，呢個完全無呢個問題埋單三百又唔趕人坐得舒服又夠安靜，黃店都有好食既，睇下識唔識揀既啫

深水埗嘅小清新 新派素食cafe-素年🎗️裝修走簡約風 以白色同木系 舒服🍔不可能漢堡包點解叫做不可能漢堡包? 因為漢堡係用Impossible Foods嘅素肉製成(我特登上網check過 IF呢間素肉公司係十分出名 想知就自己check啦下) 口感似真肉一樣 最厲害係一啲都唔乾 亦都好好味 講真我覺得仲正過真嘅漢堡 因為無咗真肉嘅油膩感 side dish蕃薯條都十分出色😍🍝忌廉菠菜闊條麵食落感覺好fresh 口感好煙韌 加咗黃椒紅椒/雞脾菇同松子仁 好健康啊 份量仲好足tim👍🏻其實我好少食素食店 試過呢間令我好有好感 另外當日係復活節假期其中一日 都幾多人 等咗都差唔多半個鐘 雖然繁忙 但係staff都好熱情 態度好好 所以我又再加咗分啦🤣

SSP 素年 YEARSU記比袋鼠熊貓較多小店選擇。今日lunch試左呢間日式素食。送餐時間：30分鐘先讚外賣包裝環保同擺得幾靚；日式定食乜都有啲，太太非常喜歡。唯獨湯烏冬有少少浸淋左。如果用“㗎仔飯”嗰隻烏冬就會更佳。咖哩吉列“新豬肉”Risotto - 呢個好食可以翻啅。第一次食“新豬肉”, 口感同味道都幾似豬肉，食完“感覺”無咁罪惡😈直接用咖哩煮成Risotto好正，飯裡面有車厘茄，薯仔粒，蘆筍同蘋果。口感豐富味道十足。一間連非素食者都會喜歡既小店。

雖然我唔係素食者，但係間唔中食下素，個感覺都好健康。呢間好hit嘅素食舖，係新式素食。就咁睇相真係睇唔出係素食，至於個味道亦都相當好味！！😚😋 想食得健康嘅朋友不妨去試吓～

這間餐廳非常受歡迎。如果現場等位，應該等很久，甚至一小時後才有位，所以朋友和我致電預約。其實留意這間餐廳甚久，吃素食既朋友都吃過數遍，我是第一次來的。老實說，食物的確很出色，但服務態度很一般。我們預約6點，餐廳座位很多，沒有佔一半座位，但偏偏安排我們坐近門口既位置，並指預約訂座已安排了座位？我再問多一遍才可轉坐其他位置。當時並沒有1.5m既條例，而且餐桌之間距離很擠逼。然後我們點餐，服務員很快便上菜。我們點了咖哩吉列豬扒飯和黑松露蘑菇包。漢堡包內既黑松露味道不濃味，是普通既素漢堡包，反而蕃薯薯條很出色，推介👍🏻👍🏻👍🏻看起來很天然，鄰座客人甚至單點一客蕃薯薯條。而吉列豬扒是素食來的，味道像平日吃的吉列豬扒般，有些驚喜。