紅雞

营业中

休息中

早前因星星熱潮,經常見到長長的人龍,想試下但又不想排隊。今次終於可以試下了,早1日打電話去訂位已經訂到位,等都唔洗等 (可能因為係平日)。由於入面環境有D暗同埋紅,所以D相唔多清,但希望都睇到啦。半半炸雞,味道不錯,又夠脆。我吃過很多家炸雞,除了一些特別差,太厚粉等等。基本上夠脆夠味就已經不錯了,所以沒太大驚喜。雖然紅雞最出名係炸雞,但係我覺得當晚其他菜式較為出色!!!炒年糕,呢個真係好好味。辣得黎又甜甜地,我覺得係我食過最好食既炒年糕呢個芝士炒辣雞都好好味,加埋D芝士真係好香濃咁。同無幾遠果間X家差唔多,但果邊多D,呢邊好似平D? 我都唔係好記得啦。呢個雞蛋卷係最有驚喜!!!因為佢有木魚同埋魚籽係上面架,估唔到果樣一齊食又幾夾喎。雖然唔係傳統韓式,但我反而幾BUY呢一味,食落口好有口感,因為有好多粒魚籽嘛。我地5個人食到好飽先岩岩好食哂依4樣野。其實仲有好多野想食,有個芝士條都好想試呀所以我遲D一定會再黎過,試埋其他野食!!! 黎呢到唔駛下下剩係食炸雞,真係唔錯,真心推介 

其實巳經第二次光顧…之前星星熱，依度排到打蛇餅😳不過我地兩次都weekdays 黎，所以唔洗點等👍雖然餐牌樣樣野都100+ 但係份量足夠4個人share👍而且同男朋友都係大食之人😂我又貪心想試多幾樣，結果兩次都叫三樣，而且三樣都食唔哂😑甜酸炸🐔同卡邦尼炸🐔，相信一份有一隻🐔😳但係真係好食既👍而且同店員講可唔可以再俾多啲汁我地，佢好快手咁成盆🐔托番入廚房，拎番盆汁多至似湯既🐔出黎👍兩次都有叫魚子芝士蛋卷！滑蛋卷可以拉出芝士👍加上魚子脆卜卜👍一流👍👍👍Carbonara 年糕我認為好食過某長籠店「學校食物」，唯一不足係隻蛋係全熟😅泡菜煎餅只屬正常…😒😒😒當我地食唔哂想拎走....個外賣紙盒竟然要5蚊一個😱😰仲要唔係可recycle既microwave盒😓😓😓第一次佢無講，俾人收左15蚊都唔知😭😭😭同依度係無清水提供…要5蚊支……而佢啲野飲係一大jar咁叫，兩個人黎真係....

是日HAPPY FRIDAY，與我的都敏俊去放鬆下，六時多到達，不用等位，太好了!環境係:好嘈，超大聲的K-POP MUSIC?? 雖知這是韓國炸雞店的特色，但可能小女子不懂欣賞韓國音樂，感覺非常吵耳。食物選擇不多，只有幾種炸雞，幾款年糕，幾款沙律，酒類。我們選了半半炸雞，韓式年糕和一jar葡萄酒。落單後店員送上前菜，蘿蔔酸酸的很開胃，千島汁的沙律太少了。******************************葡萄清酒: 我怕燒酒的味道，所以叫了葡萄味，葡萄味重，可蓋過濃烈的燒酒味。好大樽好重，個杯又好細小，每次一啖，要湛好多次。******************************問題來了，我們等了又等，同隔離枱都等了30分鐘以上，主菜都還未到，令我們顯得不耐煩，燒酒內的冰已溶曬，侍應連忙幫我們加冰，以弄熄我們的火XD"。45分鐘後，終於上菜，我們叫了半半炸雞，原味的一半骨多過肉，亦沒有什麼味道，肉很鞋，吃得出是冰鮮雞。而韓式辣醬的一邊，個人覺得過甜，一點都不脆口。以差不多二百元的這碟炸雞，等了45分鐘，每件雞的切口很奇怪，除雞搥外，完全吃不出是雞的什麼部分。*******

7點幾去到都唔洗點排隊 good!!今次係第三次幫襯半半炸雞 有辣有唔辣今次我係第二次食唔辣的炸雞好食左喎!!沒上次咁乾 good而且辣味都係keep住咁好味但可以辣返少少 嘿嘿卡邦尼汁炒年糕煮得好好味啊真係汁同埋年糕是一體的 正!!雞腎配炸雜菜超多雞腎啊!! 又幾好味喎汁的味道幾好 唔會好咸雞腎又唔會好硬 唔錯唔錯但雜菜的份量係可以多返少少的 哈哈整體上我都滿意的我覺得我會在幫襯的 哈哈

朋友聚舊,話要炸雞啤酒我雖然冇睇星星,但都想試下呢種韓國菜!訂左位去到都要等成10分鐘,冇訂位真係不得了...坐低先挑選野食!炸雞呢D就少不免啦,地道ge芝士年糕都一定要!而且亦唔少得芝士條!仲有一人一支韓國啤酒!啤酒前菜先黎!前菜有蘿蔔,卡樂B同埋好似沙津ge菜!果個蘿蔔真係幾好食!可惜前菜得一碟!啤酒我平時唔飲,不過咩都試下嘛!以我唔飲同唔識飲黎講,算係好易入口同幾好飲,唔苦!不過$3X略嫌貴左少少...主菜到啦!芝士條伴蕃茄醬會普通左D,點另一種類似芥末色ge醬有風味D!芝士好香,好煙UN好外脆內軟,一人一條好快清晒!韓式年糕,仲有D肉片,幾地道,同係韓國食過ge都幾似,份量都幾多!又係幾煙UN架,不過我比較鍾意食佢個肉片XD另外仲叫左個芝士年糕架,食落差唔多,睇你鍾唔鍾意芝士啦!半半炸雞好似係最出名,普通ge雞真係KFC咁,不過有醬果個堅係好食播!呢個檸檬炸雞,其實逆到底咪就係西檸雞XD一般啦,唔似半半果個有醬汁果個咁有特色咁好食!唔夠喉仲叫左一杯叫桃飲料ge野!雖然個名怪怪地,不過真係好飲!唔飲啤酒ge可以試下呢個!!炸雞啤酒呢D咁有特色ge野一定要試下呀!

韓流旋風，員工態度不差，只能說今時今日不夠，男員工比女員工禮貌，男職員長期保持Pose定格，這應該算是賣點吧，因為長相很帥氣，尤其適合現在只要韓式都是好的香港！奇怪我現在還沒有說食物吧！因為真的沒什麼好推介，炸雞們不錯，酒水們不錯，有趣是Chips是炸不夠，完全不脆，可能忙吧。值得去試的！試過就好，但要排隊就不用再去。不脆的炸薯條。很帥的韓男。

上趟在"Mix and Rice"獻出小弟在港吃韓式炸雞的第一次。一向甚愛吃香囗炸物的太座對之是念念不忘。為了圓一下她再嚐的心願，這一次決定再走進韓式炸雞店的集中地，甘冒著排長龍的可能到"紅雞"去碰碰運氣，看看在週末是否能找到座位....趕在未至繁忙時候到來，真的排也不用排就能入去。對拖著小友較為論盡的我倆，這簡直是完美....拿著餐牌參詳了好久，原因是這裡的炸雞的款式及口味是蠻多的。光是要揀定選那一款已足夠讓我們傷腦筋.....經細量後，最後選了不算大路的，口味似乎較清新的蜂蜜檸檬炸雞....另外再叫多一兜沙律及蛋卷。此時心想，吃不完便打包好了....怎知最後一睇，每款東西都是屬巨無霸的size。若一班人來吃是剛剛好的，但要由我們兩大一小去處理的話，"力有不逮"四個字必定屬最佳的形容詞....食物未端來，雪得超冰凍的土炮韓國啤酒先行登場。喝一口，涼快清爽非常。一身的疲憊登時一掃而空....有酒又怎可能沒小食相陪 ? 這裡的頭盤小吃一式三種，醃白蘿蔔粒很脆囗，夠爽咬至嗦嗦聲，酸度也控制得宜；置中的蝦條沒有"漏風"，是脆卜卜的正常出品；椰菜絲淋上了味甜甜酸酸的千島醬來吃很容易開胃。菜絲本

好掛住韓國既炸雞...於是上網SEARCH下邊到有得食~人地話李家要等好耐, 所以就入左呢間唔洗等位既試試~見到D人話半半炸雞好好味又唔係超肚餓就淨係叫左客半半再加野飲...坐既位置有d近bar...好大陣油味, 心入面已經唔係太好感覺...碟野黎到熱就係好熱, 不過聞落去已經有好浸油億味@_@食落去d雞鞋到不能再鞋...kfc既雞都好食好多!! 人地又係冰鮮雞, 佢又係用冰鮮雞, 唔明點解可以鞋到我完全唔想食=___=份量都算多, 所以最後我同男友應該食淨左半碟...唔係個量既問題, 而係味道唔想食落去~醬油果邊食落去質感都好怪!~最後都係要去掃街...

在韓國食過好味的炸雞, 回港後當然想尋回那種味道啦. 從雜誌看到這店子的介紹, 吸引了我們去試試.試了其中一個皇牌, 香辣汁炸雞, 辣汁的味道很韓feel, 濃烈且酸酸甜甜又不太辣, 惹味非常. 不過我相信礙於是冰鮮雞, 所以肉質始終有點'鞋'. 份量亦太多, 有十多件, 如果換成份量只有3分1的滑滑鮮雞, 我亦會非常樂意接受.雜菜炒雞腎, 用鐵板上, 雞腎爽得來有肉地, 加了味道像金不換似的香葉大蔥等一起炒, 味道非常豐富有層次, 送酒一流. 唯獨感覺頗油.

話說唔知點解兩個將會去韓國兩三星期既人係出發之前仲要約出黎食韓國菜XDDDDDDDDDDD好無厘頭……我都覺xdddd點都好啦，出黎吹下水聚舊咁姐，因為真係好多年冇見我地今次揀左去紅雞因為大家都未試過呢間之前晚晚都好似好多人排哂隊又要訂枱咁當晚反而冇訂但有位，可能因為係平日晚上同埋真係幾夜前菜我都係偏好酸蘿蔔，因為食炸雞食煎餅總會有點膩劑酸蘿蔔酸甜清新，仲要幾爽脆當係清下味蕾開下胃口XDDD檸檬炸雞我地一開始就點左呢個佢係無骨既炸雞面頭有好多檸檬片，對於當時莫名酸味渴求既我真係一道恩物炸雞香脆但唔會好油膩，加上醬汁本身偏酸都係一個優勢至少食落唔會覺得膩，冇咁易劑雞肉冇雪味冇腥味，又唔會太老太柴，感覺不錯另外，醬汁係好足夠去點哂全部雞件，唔洗就住就住用海鮮煎餅煎餅份量合格海鮮及香蔥料都有不少，至少唔係得粉漿煎得帶點焦香，唔會過份油膩食材緊緊黏附著煎餅，食果陣唔會跌到周圍都係咁浪費咁污糟食材味道唔會有雪味，食落都OK香蔥炸雞兩個人吹吹下水……竟然又加點左炸雞重點係人地三四個人食一盆炸雞都仲食淨而我地兩個卻是兩盆炸雞再加煎餅……除左「吃貨力量無限大」之外我都諗唔到講唔出其他字句香蔥份量多，整

星期5, happy friday同同事去食紅雞~我地夜晚11點去到, 驚見都要排隊排左半個鐘到入得.因為都夜啦, 我地都無叫好多野, 叫小小咁食下過下口癮.叫左我之前睇報導講緊特別口味 - carbonara 炸雞~仲叫左個芝士條~芝士條我覺得唔係幾夠熱~所以入面d芝士有d 硬, 做唔到軟心效果~~跟住重點係炸雞~好期待, 可能係咁所以更覺得期望太高...1碟雞都有17件~但炸雞粉係數間韓國炸雞店黎講(vs 李家 vs fairyland) 算厚..所以扣左d分....而且carborana個醬都無咩味........同雞唔可以講好夾....連1般意粉的醬都有d比唔到....所以野食始終要自己試下, 就知邊間真係好食唔好食.....始終雜誌講到太勁...... 講到間間都好.....

我未夠7時已抵達餐廳，由於入座時間計起只有1個半小時，因此等齊朋友才入座。餐廳附送的前菜是椰菜絲沙律、蝦條及酸蘿蔔。酸蘿蔔酸酸地很開胃，蝦條像漏了氣似的，椰菜絲沙律醬汁醒胃。紅醋紅醋($33)/桃飲料 ($33): 上次來的時候紅醋售罄，今次終於試到味道不錯，酸酸地。香脆芝士條($108) : 芝士條一定要趁熱食，芝士可以拉長，口感煙靭。炸全隻魷魚沙津($128):份量很大，足料，魷魚夠彈牙，醬汁也很開口。秘製蒜香汁炸雞 ($173): 份量很多，濃厚的蒜香醬汁，十分惹味。炸得香脆，雞脾位及雞胸位都很嫩滑，不像原味炸雞那麼乾。韓式飛魚子拼芝士蛋卷($128): 今次雞蛋卷不算嫩滑，但芝士味香濃，汁調得好味。泡菜煎餅 ($128): 少少辣，足料，只嫌煎得未夠香脆。

趁住炸雞熱潮尚未散去，我地都去趁趁熱鬧! 本想食李家，6:30去到前面已經有三、四十人! 我地見差唔多半個鐘無郁過有D唔多對路，但今晚又真係好想食炸雞，決定叫未匯合我地既友人去排紅雞! 果然，紅雞無咁多人，我地只需大約45分鐘就可以入到! Lucky~呢度既格局其實係一間PUB，而食正炸雞熱，呢度連電視都有播返星星既精華片段，比食客重溫一番。全間餐廳既燈光都係紅色，所以全部相都係紅色..........大家都排到肚餓，拿拿臨叫野食，侍應都係韓國人，不過識講小小廣東話! 我地叫左韓式炸魚片湯、卡邦尼炒年糕、韓式蜂蜜檸檬炸雞、半半炸雞，仲有覆盆子酒，當然唔少得啤酒!先試覆盆子酒，有D似cranberry juice既味道，雖然酒精成份應該幾高，不過感覺幾健康，酸酸甜甜極易入口，亦好容易會飲多左! 食物方面，先黎極有韓國風味既韓式炸魚片湯，味道鮮甜，魚片彈牙，仲有金菇、魚蛋等，絕對係食炸雞前既暖胃之選。而卡邦尼炒年糕既年糕唔夠稔，太有趙口，醬汁味道亦唔夠。輪到主角出場，先食韓式蜂蜜檸檬炸雞，本身小妹唔多喜歡食中式既檸檬雞，因為一向都覺得味道怪怪的，但呢個檸蜜雞完全改觀左我對檸檬菜式既觀感，亦

為何星星劇已播完一段長時間了，星星熱潮還揮之不去，就在上個月，如果你有經過尖沙咀美麗華酒店，就會明白星星劇帶來的可止狂熱的粉絲，還有一股炸雞啤酒熱潮。位於金巴利道附近，有三間較出名的炸雞店，人龍絡繹不絕。雖然我我不是其中的粉，可是也嚐過其中兩間，但純以炸雞來說，我會喜歡紅雞的味道及肉質。未開始前，先奉上前菜的椰菜絲沙律、蝦條及酸蘿蔔來開開胃胃，看見蝦條，當然點上凍啤酒來，與朋友一人一支，何其暢快。二人食量不大，卻偏偏點上三款食物，首先是柚子雞肉沙律。雞件用上原味炸雞，吃來有點乾身，而且有點鞋，幸好沙律加入了柚子汁及伴入多款蔬菜及水果，吃來清爽鮮甜，有消膩消滯的作用。是晚的主角炸雞登場，要上了秘製蒜香汁炸雞，份量極大。據說是由韓國特地運回來的醬汁來烹調，有著濃厚的蒜香，十分惹味，而且雖然掛滿了汁，但亦感皮脆肉嫩，亦不會像原味炸雞塊般乾及鞋。此時，喝上一口啤酒，實在合適。最後還點上了炒年糕，由於炸雞及沙律份量驚人，眼闊肚窄的我們只能淺嚐，餘下便需要打包了。首先炒年糕只是一般，沒有獨特之處，二是份量與炸雞對比下，是極其小，年糕只有十餘塊，唯一可取之處是辣度很強勁，會慢慢滲透出來。雖然不是每道

呢一晚girls night就黎試下城中炸雞熱店Red Chicken 不過overall令我地有d失望..首先位與位之間真係好逼，進食期間要讓位俾人行，坐得唔舒服 之後到食物，份量都算合理，所以3個人只係叫兩樣食物都食唔晒海鮮湯麵$258成個鍋滿晒蔬菜，魚板，蝦，八爪魚同麵一上枱望見咁大煲而且熱辣辣就好吸引！湯少少微辣同彈牙嘅麵條好夾味道幾好！Half half炸雞$178雞件應該即叫即炸，所以夠熱不過調味令人失望!!原味雞真係無調味，又無肉汁，可幸炸粉唔厚，所以都食得哂但我覺得炸雞連鎖店KFF仲好食過佢辣雞又唔辣，而且醬汁味道太甜，食完第一舊就覺得好膩三個人都食唔晒就證明我地真係唔多欣賞呢個炸雞Hite bottle beer $35價錢同其他地方應該差唔多