紅雞

营业中

休息中

星期日3點幾特登過海來到尖沙咀韓國街搵炸雞食, 其實我唔太like食韓國野, 原因是太濃味. 但今日老公興致勃勃話帶我去試食, 咁咪試下lor.... 叫了雞沙律, 沙律既醬汁味道特別, 但雞柳食左兩條就覺口乾這個是甜酸醬炸雞, 咬落第一啖覺得幾好食甜甜酸酸, 但食到第二三啖就覺得好漏好濃味, 醬汁過多, 吃了件就全部交由老公代勞.看來我跟韓國美食都係無縁

約了GOGO去行街食飯,想食韓國菜,但又唔想食韓燒,想起了炸雞,便去了 Red Chicken,之前成日排長龍呀,預要等,點知去到即有位,可能因二人易有位或熱潮減退了。環境是型格的設計,啡磚牆身,霓虹燈光,有點酒吧的感覺,播放著韓國MV,不禁狂看了電視。MENU,見到有期間限定,個價仲要係平點。好多口味選擇。餐前小食。海特,$35 & 桃飲料,$33,我要了海特,啤酒送炸雞,爽呀。香辣汁炸雞,$173,份量好多,兩個女仔必食唔晒,好大件炸雞,外皮脆,但厚左點,香辣汁酸酸甜甜,少少辣,開胃又惹味呀。咖喱忌廉雞配芝味薯條,$108,是期間限定來的,價格比較平,份量都比較少.炸雞一樣咁大件,個醬有點似出前一丁的咖喱粉味,少少忌廉味,甜甜地,味道一般呀。芝味薯條,加上了芝士粉的粗身薯條,味道不俗。因二人食之下好飽同好漏,最後打包,味道的確不俗,如果成班人食更好呀。

想試呢間嘢好耐，猶記得星星熱潮時，呢間嘢排隊排得超誇張。呢次晚飯後經過見冇人排隊，就諗住入去啤一啤，同會一會個炸雞！坐低見到有個$118連薯條嘅期間限定 (雞得半份)，心諗仲好啦，飯後下場志在一試，因為就咁嗌全份最平都要$163，堅貴！慳埋叫支啤酒好過！▼ 前菜：沙律 + 脆條 + 蘿蔔 ▼包埋嘅，最好食係蘿蔔。▼ 無骨雪花蜜糖牛油炸雞　配洋蔥味薯條　$118　▼結果係…..相當失望！首先，上左前菜之後等咗勁耐都未嚟！一問之下個waiter先講原來係因為冇晒薯條!!!! 咩料呀….唔問你都唔出聲，問佢幾時有佢又話要好耐，問佢有冇野可代薯條又ee哦哦話唔知！最後都冇佢咁好氣，叫佢上左D雞先，薯條後補！然後D雞話咁快就出到嚟。一食之下，仲嬲……….炸雞外層竟然係腍的，雞肉竟然係嚡的！！！炸雞最唔應該出現嘅，佢都出現晒！送佢兩個字：失敗！！而重點係佢仲竟然收咁貴，真係超級唔抵！招牌菜都搞成咁，想人返轉頭都好難！而最後千呼萬喚的薯條，是熱的，但唔好味的。洋蔥味就是一堆唔好味的味粉……無言鳥……

《紅雞》韓國潮流當道 香港人依家咩都要韓 又點少得食呢同朋友2個人去左食呢間韓式炸雞餐廳聽講最近好多人食 要排隊 幸好我地晚上9:30去到不用排即入即叫即食叫左幾樣野食 包括炸雞 卡邦尼年糕 仲有木魚魚子玉子卷叫左可樂啤酒飲 （飲品好貴超唔抵喔）飲品真係開天價 叫細細杯生啤都要差不多$80！真心太貴太貴了！食炸雞一定配啤酒但啤酒咁貴真心食水太深 有啲心痛和不滿 食物賣相不差 但味道真的沒有很好或突出都是十分普通 😞😞甚至愈食愈難入口百聞百聽真的不如自己去一嘗 尤其係個玉子卷最叫人失望 真的味道不好 我們都覺得太包裝食物feel 姐係唔係新鮮出爐整又過甜了 食2啖已覺好飽濟 玉子卷質素不高（反而我很推介「李家」的芝士蛋卷！好食多了！） ◀️2個人食$650埋單 ▶️由於價物不成比 整體上講每樣菜都貴 而且最重要是 沒有讓我們食出物有所值的感覺 所以整體而言這餐是相當相當的不抵食喔 ·相比起 咁我寧願推薦大家去食「李家」這樣會比較心甘情願付錢一點哈 起碼價物較值

收工閒逛到尖沙嘴，本來打算去平時去開既地方，但係無開，唯有係韓國街附近兜圈尋找美食。經過因為星星而出名既炸雞啤酒，有興趣一試。接近凌晨，無需等位直接入座，內部裝修的確有韓國風味。餐牌裡面全部都係有關炸雞既菜式，兩百幾既價錢，分別叫左一份炸雞年糕同普通炸雞，再兩杯啤酒。但原來每份單品既分量非常多，如果兩個人應該叫一份就夠。普通炸雞外皮香脆，肉汁頗多，的確值得同朋友離食。但炸雞炒年糕既味道就偏甜同濃味，可能係韓國料理既習慣，但單單以雞塊既質量同味道離講，炒年糕既雞比普通單點炸雞要好食，肉質更嫩。兩個人食左七百左右，感覺小貴，但志在同朋友收工飲杯野食下小食，最後打包各半份歸家，因為分量實在太多啦。

Happy Friday 的晚上，男友好想食韓國嘢，醒起金巴利道有間李家食韓式炸雞, 心思思去排隊，天氣好熱排隊嘅人好多，頂唔順要轉其他地方了。係openrice 見到附近有間叫紅雞的韓國餐廳，comments 唔錯就去試試。雖然都一樣要排隊但條人龍短d, 等左30mins 就到我們了。餐牌上有多款唔同口味的炸雞，另有韓國煎餅，年糕等等。食物嘅環境比較暗，枱同枱之間唔算太逼，但係k-pop video 歌聲下，好嘈....好難傾到計。落完單先上既前菜。我哋叫咗大蔥炸雞，近二百蚊既價錢，份量好大，兩個人食一碟，都已經飽飽地。雞肉質地尚算軟身，但本身冇乜味道，要靠個另外上的醬汁幫幫手。而碟明太子卷蛋又係好大碟，食兩舊已經好滯，個topping 是很不錯，但唔明點解個蛋係甜嘅，同平時壽司店食既甜蛋係一樣, 我諗如果係咸既應該會好食啲。

收工約朋友去尖沙咀個邊食野，因為韓潮既關係，所以就去咗紅雞，食雞飲啤。 一入去就聽到K-POP，營造左韓國既氣氛。 入去坐低等左陣，就送上前菜，前菜有蘿蔔,蝦條，椰菜沙律。 個蘿蔔真係幾好食，酸酸地好開胃；沙律同蝦條冇特別啦，咁我都唔多講。同朋友吹水當然要有啤酒啦 所以就叫左杯kronenbourg 1664，個人黎講幾中意佢個味道，微帶點果香，同埋夠哂fizzy！之後就叫左個招牌小食－半半炸雞，個雞既醬係幾有特色同都夠脆既，但可惜ｄ雞肉又［諧］，ｄ油又太多，粉又厚，同KFC冇咩分別，我個刻真心覺得KFC個句we do chicken right.原本都唔係吹水。半半炸雞$173盤，太唔抵，kfc都只係$119就有3人份量既一筒分享。所以我覺得半半炸雞冇其他人講得咁好食，或者係抽獎既遊戲啦，而我唔好彩囉，希望大家唔係咁啦。每人埋單$250左右，我覺得就係買個氣氛、新鮮感同叫有個地方同朋友吹下水啫，但回頭率就唔高。

依家香港愈開愈多炸雞店，但我竟然未試過red chicken，所以今日決定一次。其實佢又未去到大家講到咁好既，但辣炸雞真係有番啲辣度。而我覺得最正反而係佢既飛魚子蛋卷同卡邦尼炒年糕，佢啲芝士真係正到不得了，好好味。而個蛋卷好足料，非常好！

到尖咀嘅韓國街，好多人食吓品隊Wo，但大家有冇諗係食炸雞飲吓beer 呢？一諗到炸雞，我就一定諗到食Red chicken，但如果你係夜晚去又book 位，都幾難唔洗排隊就入到去。佢呢排有新炸雞推出，因為個名太長，真係記唔係好到，盡力。先嚟一張齊嘢相。佢個新限定版炸雞有幾隻，我就揀咗呢隻蜜糖牛油炸雞。價錢冇平時食開嘅半半炸雞咁貴，但當然地，份量都打咗折扣。佢呢個炸雞係甜嘅，啱晒女士們。個著條係洋蔥味，好似M記shake shake 果啲，好好味。個沙律有柚子做調味，開胃一條，真係一食就上晒手，停唔到嘅。但食多幾件就會覺得口乾，飲得嘅朋友可以叫個Beer，真係好滿足嘅一餐。總結，如果你唔怕等，好想食啲好蛋白質嘢真係要試一試呢度。如果佢呢隻限定炸雞仲有，當然推介。冇嘅話，真心推介冇骨半半炸雞(要加錢)再加一杯beer 真係好爽

第一次食呢間炸雞，18：30 見佢唔使等位所以試下。原味炸雞，好大份，可惜炸得唔係太脆！有啲失望。個海鮮煎餅好大份夠晒食，仲有個好好食的有辣醬。兩樣已夠兩個人食。加杯啤酒，飽晒。

紅雞這天與男友在尖沙咀逛街，又要想想吃什麼了。我們常常碰到這個傷腦筋的問題，男友經常都想吃小菜或火鍋，而我就比較挑吃，整天都想吃日式或韓式燒烤，還有西餐吃牛扒等。今天男友給我話事權，我便決定到紅雞吃炸雞！甫進餐廳，燈光比較暗，客人都是三五成群一大班朋友一起快樂地吃炸雞。看看餐牌，選擇也不少，我和男友決定叫蜜糖牛油炸雞及海鮮煎餅。在等候的過程中，店員先端上前菜，前菜包括沙律及蝦條等。等了大約15分鐘炸雞終於上枱了！無骨雪花蜜糖牛油炸雞 配洋蔥味薯條 $118炸雞份量很多，每隻炸雞上都有很多蜜糖牛油汁，牛油味好濃，感覺有點搶過了蜜糖的味道，雞的外層不夠脆，炸漿較厚，但肉質挺嫩滑。另外，薯條被醬汁弄得完全不脆，全都是腍腍爛爛的，有點失望。海鮮煎餅$158這塊海鮮煎餅非常大塊，像一個普通批薄餅一樣大，而且用料十足，入邊有很多海鮮碎粒，而且煎得十分香脆，外脆內腍，調味亦剛剛好，再配上特製的微辣醬汁，非常惹味！-----------------------------------紅雞 (尖沙咀)尖沙咀金巴利道65-67B號太平洋大廈UG層B舖

韓國菜一直都係我喜歡的菜式其中之一，所以大約一個月都必食一次。之前曾經同朋友食過紅雞（等了差不多一小時），食過吾錯又食品大份量，因而今次 男人話想食韓國菜就決定去紅雞再試。今日9點鐘都才到達，等了大約15分鐘已有位置。音樂依然都是強勁的韓國MV，反而待應增加多了香港人少了份韓國感覺。叫了野食之後待應來了3個 小食，很快叫了2個的食品都放在桌面。秘制蒜香汁炸雞（＄173）：沒想到都是有汁的，香香的蒜香汁加上有骨的雞件好香口，而紅雞用的粉好好，沒有因為多汁而令到粉同雞分開左。雞肉沒 有因為炸雞而令到“鞋”口了，還有嫩而有雞肉香味。份量都好足夠，大約都有十舊炸雞。講真食第一舊好好味，但當食到第三舊已經覺得好滯....最 後係留左4舊外賣回家吃...韓式飛魚子芝士拼雞蛋卷（＄128）：之前食過了係覺得超大份同魚子勁多，所以今次同男人黎一定要試。今次份量依然好大份，芝士比上次更多更香。 雞蛋卷一層層類似日式的玉子，上面芝士，蕃茄醬加魚子配上雞蛋卷配合得好好。蘋果燒酒 （＄78）：黎到完全沒有蘋果味，要問待應幾次先有待應試嗅有冇蘋果味才再加。燒酒味比較少（或許因為有冰關係），蘋果味偏甜。完全吾覺得

之前試過摸門釘但聽朋友講都OK未黎試下囉星期日7點零係就係好多位, 門口個姐姐話入座起限時1.5小時, 我同男人食飯最慢記錄係半個鐘, 差唔多啦但見佢咁堅持話窗口D吉檯係有人book左咁我地都無可奈何sip果張2人檯坐態度呢D見仁見智啦, 但就唔覺得特別客氣anyway, 叫左一份原裝辣炒年糕, 一個字: 差得個辣字都算, 魚糕同年糕夾埋都少果D洋蔥... 完全唔抵食基本野唔掂, 跟住試佢個卡邦尼炸雞.夠大碟而且個味都OK, 但對2個人黎講會heavy左少少咁我地偷聽到隔離個pair好似食過咁; 指明要侍應俾碟原味炸雞點既醬啦, 個樣有D辣辣地既, 咁我男人未打算跟住叫黎試下囉, 點知另一個姐姐話冇, 而且果D唔係咩原味就走左(!) WHAT, 咁佢地檯面果碟咩黎架?! 你了解都唔了解下就reject人, 都幾好服務吖~之後冇耐隔離檯又再order多碟sauce... 頂吖食既中途有望過下D侍應, 基本上都係打扮得似韓國人既香港後生女, 冇咩客order野就會自己企買一邊吹水-- 全部戴曬口罩的, 真係好衛生. 食完都唔想留得耐, 埋單四百幾(我地叫左一杯Stella同2支水)冇呀,

原本今晚跟友人相約到尖沙咀Oppa coffee bar restaurant,但到店時已截單了。。。但亦無損我倆的雅興，因為在尖沙咀仍然有很多林林總總的韓式餐廰，他們通常都會營業到零晨的；我們從金巴利街步行至金巴利道，看到了一間充滿韓國夜店裝修的餐廳"Red chicken"，這裹顧名思義賣韓式炸雞的。我們選了韓式蜂蜜檸檬炸雞及比薩餅炒年糕，飲品方面我們選了蜜桃燒酒。點了菜不久侍應便奉上了前菜，前菜包括椰菜沙律、蝦條及酸蘿蔔；酸蘿蔔不錯在清理前菜不久熱辣辣的炸雞已送上檯，韓式蜂蜜檸檬炸雞＃炸雞即叫即炸，炸雞入口外脆內軟～而且還有肉汁留出，廚師火喉掌握功不可沒而蜂蜜醬亦充滿檸檬清香，細嚐下醬汁中應該加入了柚子比薩餅炒年糕＃Pizza醬配炒年糕賣相相當新穎，蕃茄醬跟年糕尚算夾味年糕有嘴勁口感很Q，夾年糕的時候還有起絲呢蜜桃燒酒＃蜜桃味不重易入口，冰塊形狀彼細不怕倒瀉，但酒精成份蠻多。。。我跟友人喝光後紅都臉哂了老實說蜂蜜檸檬炸雞彼像中式的西檸雞，大家還是試他們的無骨香辣汁炒雞吧，整體而言大家可以一試～

由星星熱到依家...終於試到啦~~~6:00去到..餐廳已經差不多滿坐....先奉上小食~~~等10分鐘倒炸雞上枱~~!!!有炸雞點可以無啤酒?因為怕太辣~所以唔敢叫一半一半~原味都好好食~熱辣辣~~~外脆內軟又唔會好油D雞都幾多...一桶兩個人食都好夠下....今次食唔到...下次一定要試埋其他野~!!!p.s. 食完先7點..但已經排隊啦....好CRAZY....