紅茶冰室 (已結業)

今日行觀塘駱駝漆大廈，行到攰就搵返上個月誤打誤撞嘅茶餐廳，食返個好味菠蘿包配凍奶茶，我鐘意呢度卡位多有私人空間，夠大，樓底高，多選擇，服務茶記嚟講真係算唔錯，價錢合理，奶茶唔劫⋯⋯芝士煎蛋菠蘿油，下午茶餐三十蚊，加三蚊凍飲，菠蘿包又大又脆，加上八熟二生煎蛋及芝士，好味到震。

話說之前試過〈紅茶冰室〉覺得幾正所以再encore！同樣都係怕咗條人龍所以外賣就算。今次揀咗咖喱牛腩飯。同樣係焗飯類型，整體整得夠乾身，而且咖喱醬汁香濃但又唔太辣，真係好好味！牛腩都好出色，(因為我坐喺窗邊出面大藍天所以牛腩既顏色有少少紫咗，但其實顏色是正常的！)牛腩炆得夠腍而且又夠入味，牛味都好濃郁喔！羅宋湯有牛尾當是基本的，但牛尾原來都可以照食埋一啲都唔硬或者韌！成個湯又夠香濃。今餐依舊非常滿足。

之前聽老公嘅朋友講話呢間<紅茶冰室>超好食，所以今日同老公決定嚟試一試係咪真係咁誇張。但真係勁多人排隊，逼於無奈之下唯有轉為買外賣返屋企食啦！我揀咗椒鹽豬扒飯，豬扒又真係幾鬆軟喎！！而且入味得來又唔會過鹹，份量仲幾多添！而且白飯應該係選用價格有返咁上下嘅白米，因為食得出完整一粒粒而且口感幾好。仲有餐湯跟，我就揀咗中湯，今日係紅蘿蔔薯仔瘦肉湯，幾濃味同足料，睇得到有齊完整嘅湯渣，唔係用啲餸頭餸尾煲出嚟。 朋友真係冇介紹錯，絕對值得有下次再嚟幫襯！

之前聽朋友講位於觀塘駿業街嘅紅茶冰室幾好食，地點都算近我返屋企嘅轉車地點，今日中午時分諗住去幫襯，點知排隊嘅人龍排到轉曬彎真係勁誇張！我決定投降了！買外賣算吧！揀咗芝士肉醬焗飯，十幾分鐘後返到屋企打開時都仲係熱辣辣香噴噴！！芝士同肉醬嘅份量好多，而且好好味用嚟送飯真係一流！下低既飯都焗得夠乾身，口感好好！跟餐嘅羅宋湯味道就比較偏酸，但係有好多蔬菜而且唔會話煮到腍哂。多人幫襯是有原因的，但我下次都應該會係外賣

同最愛拍拖食茶記，肯同男朋友食茶記的女朋友都係好女仔實情係我食過，覺得唔錯，所以帶男朋友黎試，多謝我隻豬仔山長水遠走入黎同我食茶記。每人叫一碟，大碟，芙蓉蛋飯煎到塊蛋好薄，蝦蝦又夠大粒同爽口，簡直係我至愛，我們都食得開心。值得一提係茶餐廳食的野普遍比人感覺都好油膩，但呢間茶記的野食比我的感覺係還可接受，至少食到底唔會有一攤油係底。PS負責帶位的男職員好落力展示佢風趣同幽默的一面，長時間咁做野但都唔會拿口拿面咁對人，呢種服務態度今時今日係香港都冇咩好多個，抵讚。

首先要講番，我未試過其他地段既紅茶架。由開業到兩三個月後，門口都有條長長人龍 (有時可能有排成4-50人或者更多)，到呢排下午餐時間，見唔洗再排隊，就即刻去試下啦。其實唔知呢度有咩係招牌菜，所以唔太知人龍太長會唔會係為左某幾樣既餐黎食。不過入到黎，見原來餐點款式係有咁多既，都明點解會有咁多人，因為可以遷就到唔同人既口味嘛。結果叫左2個餐，一個係黑椒牛肉意粉，另一個係河粉類既。賣相係咁既，但因為我唔係食呢個，所以就唔講太多了。比起用河粉炒，我覺得用意粉炒既口感幾爽口彈牙，但味道略嫌有d太濃，有少少覺得重口味左。至於牛肉，唔un所以幾好食，如果有多幾塊牛肉就更加開心啦~總括黎講，食物算係唔錯，但如果要排咁長龍去食，就唔會排了。如果見無人排時，餐點款式多、價錢公道都係佢既賣點之一呢 ~ 

瀨粉唔係度度都有得食 仲要配埋燒鵝平時去美針 食開燒鴨咖咋嘛 ...話說上個星期 難得有食神帶我嚟食呢間紅茶冰室又見到有呢一個燒鵝瀨粉嘅餐牌咁梗係~~~~睇一睇個價錢先啦!!咁見到個價錢都係50靚蚊似乎都係負擔得起咁你試吓囉點不知食咗第一啖嘩真係不得了燒鵝唔係太肥 而嗰塊皮亦都係好脆口 做得相當之唔錯 瀨粉嘅味都做得好出嘅米咪 又彈牙 正呀⋯⋯湯亦唔太咸 估計味精唔會太多 所以好欣賞還要讚一讚佢嘅冰火菠蘿包 將舊牛油擺喺個菠蘿包入邊擺3分鐘然之後攞出黎食牛油香到呢⋯⋯不得之了食落去嗰個菠蘿包嘅包皮 佢又整得好靚唔易碎一口 咬落去呢嗰種菠蘿包 第一口就係好鮮嘅菠蘿油香味 第二口就係鬆口的菠蘿包味

之前同老婆係荃灣食過芝士流心西多士，覺得好好食。但呢啲咁肥嘅野，老婆話唔可以成日食。今早瞓醒，老婆竟然主動話想食。但無理由山長水遠走去荃灣，於是上網睇下，竟然見到觀塘都開咗間。呢間冰室都幾大，但入面都幾爆場。係觀塘區呢啲工廠大廈，星期日都咁爆，証明都有唔少捧場客。邪惡芝士流心西多士 $30 - 西多士即叫即整，熱辣辣。一刀切落去，邪惡嘅芝士就湧出黎。淡淡芝士味，再同牛油、煉奶一齊食，真係令人回味。芝士炒蛋魚柳包伴薯皇 $37 - 薯皇就普普通通，唔太突出。而魚柳好脆口，雞蛋嫩滑，再加埋芝士、蕃茄同生菜食，口感十分豐富。茶走 - 茶味濃，煉奶甜度剛剛好，唔會太甜。

唔知有冇人好似我咁，去茶餐廳10次有8次都係叫常餐😂😂😂-今次黎lee間紅茶冰室係觀塘好火紅，一到lunch時間就超級多人排隊，唔知以為唔洗錢🤣🤣-聽聞佢既沙嗲牛麵出名，就叫左佢個特餐試下，佢唔係平時茶餐廳既牛油多士比你，個比丹麥多士你。你丹麥多士有小小甜，烘得好香脆，個個朋友都大讚好食。-佢個沙嗲牛比出面份量多同厚身，好夠沙嗲汁，但又未話去到非食不可，如果本身係好中意食沙嗲牛麵既人都可以一試。-P.S. 話比人聽有位個個侍應哥哥好funny，可能都係特色之一🤣🤣-

係附近返工，唔係第一次食呢間餐廳。時不時會買下早餐，食過兩三次OT飯。野食正路，價錢算係中上唔係平，服務未算好差 --- 直到今日買早餐為止對呢間餐廳都尚算正面。而今日嘅外賣經驗，真係不敢恭維：我：唔該要個奶黃包同一個蛋撻丫（俾20蚊紙幣）眼鏡稍胖姐仔：（夾起包入袋放檯面，找十幾蚊）我：咦，要多個蛋撻wo眼鏡稍胖姐仔：（黑面到一個點，惡劣語氣）啊靚仔仲有無其他野要架？我：就呢兩樣眼鏡稍胖姐仔：（繼續黑面，夾多個蛋撻同找錢）咁嘅態度，可能因為午飯時間排嗮隊，唔憂做掛？還是個別員工，一粒老鼠屎搞壞一鍋粥？老實講佢啲麺包同蛋撻算唔錯，叫做大大個味道正路，本身覺得佢好過隔離龍城，大家都差不多價錢，食物都唔差，但menu望落吸引啲。不過宜家咁，想食茶餐廳都係去龍城，或者再隔離家樂，甚至遠少少珠記算咯（沒落左嘅龍門就算啦）。

成日出街食飯都見到呢間野都排哂長龍，見到佢鋪面都好大下，都仲係勁多人排隊！我見今日無乜野做咪排下睇下係咪咁好食排左都唔係好耐，我地2個人好似快d有得入去。坐低望下個menu確實係好多野食，有扒有炒粉麵有湯麵有常餐，種類咁多總有岩食。我諗都無諗就叫常餐，俾佢個丹麥麵包吸引左XDDD常餐都係果d野，丹麥麵包烘得脆脆，咬落軟熟一層層，仲勁多牛油，邪惡！豬扒通粉有驚喜，通粉唔係軟淋淋，有咬口的；豬扒略嫌有d咸，但肥瘦適中；個湯係有味之餘仲唔係勁咸，唔係無味水難怪日日都咁多人排隊～下次可以試下其他野

星期六朋友約我食Lunch平時"紅茶冰室"好多人排隊,所以已經想試好幾次終於我地都黎左~排隊既人Keep住10個左右安排座位算快~餐廳內個佈置都幾有特色我幾中意D燈膽我地兩個太餓,懶得睇Menu叫左兩個南乳燒雞脾飯但Staff無問我地要飯定意粉就默認左飯白湯 (忌廉湯) +南乳燒雞脾飯 ($48)忌廉湯, 偏多洋蔥, 我自己麻麻地南乳燒雞脾, 唔係應該係燒?但佢比較似炸多D唔多南乳味, 我估應該係佢配既醬紅湯 (羅宋湯) +南乳燒雞脾飯 ($48)羅宋湯比較酸, 不過朋友都幾中意

同兩個男同事食午餐，男同事係要食飯的，仲要在天氣比較冷的時候，所以就去茶餐廳。每天午飯時間都好多人排隊的紅茶冰室，有時條隊會排到停車場果面。我地等左十五分鐘終於到了。午餐其中一個是四寶飯，我已經叫了少飯，但都好大碟，紅腸，叉燒，油雞同咸蛋，樣樣都好出色，其中個咸蛋漏黃油出來。要再讚一讚個薑蔥，好香，配飯食一流。男同事們點了椒鹽豬扒同燒汁雞扒share 來吃，d 肉大大件，椒鹽豬扒夠香口，雞扒就選用左雞脾部份，嫩滑無骨，大滿足。

一個寒冷的清早，吃頓豐富的港式早餐再開展一天的新任務，是常識吧。已忘絕多年的沙嗲牛麵加炒蛋多士，正合此時此刻。沙嗲牛肉多，熟悉的沙嗲味，雖則擺明是罐頭貨，亦未見失真，沙嗲汁有油，滲進麵裡頭更是加倍的惹味！搭配的必然要是公仔麵才夠真味，才夠那份港式情懷。炒蛋熟一些更好，不必要太流心太水汪汪的才像話，鋪在脆麵包上吃更顯蛋香的非凡！一餐完美的港式早餐又怎少得了一杯熱奶茶……以前經常記掛著的美好的味覺回憶終於返來了~~

每日lunch time都會路過，就算得氣溫得九度寒風刺骨都日日都過半百日在店外排隊。其實觀塘有不少工廠食堂，對面街又有熟食中心，想高檔一點也有不少樓上cafe，真摸不著頭腦為何要花寶貴的lunch時間去排隊食一間普通不過的茶記。雖說它是平平無奇，但小妹辦公處正正在其樓上的商廈，有時貪方便而附近快食晚市也選擇不多時，也前前後後幫襯過四次。第一次晚市食芝士腸仔焗意，成五十幾蚊，個螢光茄汁都幾難食。第二次下午茶魚柳包，塊芝士很凍，整體過濕，分量也偏少。第三次晚市，餐廳習慣把客人迫到廚窗位坐，營造門庭若市的畫面也無可口非，但明明內裡大把位卻要客人等，或大量卡位卻要迫人坐高位或搭枱，就有點意那個。瑞士汁炒牛河，這次算感覺最良好，份量極大，色水靚，即叫即炒，大量菜遠及牛肉，算太油。第四次近宵夜，瑞士雞翼撈公仔麵，單叫$38。雞翼頗乾。還外賣過幾次麵包蛋撻，當中$12的芝士撻是好食的，輕盈流心帶清新檸檬香。這裡一個常餐要$45，晚餐五六十，一點都不便宜。同格局旁邊的龍城無論早午晚餐平均平$5，而且味道更優勝。