紅茶冰室 (已結業)

觀塘區好多冰室/茶餐廳， 但有質數嘅真係一啲都唔多， 而呢間就係其中一間啦。坊間好多沙嗲牛肉都係麻麻， 一係就唔夠味， 一係啲牛肉就好似肉碎咁。 但紅茶冰室嘅沙嗲牛肉就一定一要試。 特餐有沙嗲牛麵，火腿奄列加多士。個沙嗲牛麵沙嗲味夠哂濃，牛肉係一塊塊， 唔係肥牛碎， 個麵底仲係出一丁黎，認真好味。個奄列嘅蛋漿一啲都唔稀， 個外皮唔會話好薄， 而且有蛋味。個多士係用丹麥麵包， 夠香同有夠鬆化。 四十幾蚊有咁嘅質數， 比起同區嘅餐廳黎講真係好難揾到。 唔怪得一到食飯時間就排哂長龍啦

自從食過旺角既紅茶冰室之後，我暫時未搵到一間可以取代到！今次觀塘開分店，順路經過就緊係食返餐啦！今次叫常餐 金寶豬扒湯通粉我同侍應講常餐轉麵...結果連個湯都無埋我問個侍應 佢係唔識聽中文定咩 完全九唔搭八 我就話我轉麵 點解個湯都轉埋？佢答我轉麵就係咁嘩...真係完全無諗過平時好特別轉出前一丁轉辛辣麵 廚房先會落埋包湯粉轉湯底但無諗過就咁轉麵都轉埋湯底呢間分店好大 但人手顯然不夠！食物質素都無旺角咁好！個丹麥包好香牛油鬆軟，但做不到炒嫩滑蛋的效果，只係普通炒蛋！個麵就係公仔麵湯底...因為被轉湯底，試唔到金寶湯！奶茶茶香夠滑，幾好！

#cantry 今日灣仔爆出流感，搞到人心惶惶，留係觀塘食好似有著數。平時lunch time排到坎既紅茶，到左晚餐時間氣勢去左半。無計，香港打工仔一放工就想光速返屋企/去第二區同朋友食飯，留得係度都係d無人撐檯腳的可憐蟲蟲。（唔會好似中環友係中環流連不返，一定唔會）好掛住泰國，所以點左個泰國冬陰功湯河，又幾好食wor，芽菜都都好索湯，豬肉丸OK，金邊粉都幾好，盛惠43大元，晚餐算OK。#pandaeatshk #bilingual #multicultural #hkfood #hkig #hkigers #hkfoodie #hkfoodblogger #thaifood #hkthai #pandaeatskwuntong #kwuntong #redtea #lines #pork #noodles #tongyum #nostalgic #dinner

今日經開觀塘工業區，見到有間茶餐廳好巴閉，門口企左好多人，所以我二話不說就排埋一份，等左一陣終於入到去喇。餐廳裝修得幾好，座位都好寬敞而且重幾有格調。餐牌有好多食品比客人選擇，最後我叫左咖喱牛筋腩飯配茶走。咖喱牛筋腩飯整得相當不錯，牛筋炆得好好，食落去煙靭得黎帶點彈性，而且味道重好特別唔似其他茶餐廳既味道，同埋杯茶走都屬高水準之作，雖然餐廳漏落左我張單要我等左半小時，但整體黎講都做得十分出色，難怪餐廳咁爆場。

是晚在附近逛完開倉,又黎到觀塘覓食!今次黎到想試一段時間的紅茶冰室正值平日7點多嘅晚飯時間,店內已經差不多滿座一入到去已感受到店內急速有效率的節奏,由門口被負責帶位的侍應迅速帶到餐廳中間位置,再迅速由另一位侍應帶到座位店舖面積其實不少,但裝潢絕對是比一般茶記有心思的我們兩人被帶到一可容納四人的卡位,感覺挺闊落我們叫了一客是日晚餐(鰻魚雞扒飯,連餐湯,餐包和熱飲 $)和一客咖喱雞飯上菜速度是神速的我本來是打算下單後即去上個廁所,但男友說我還沒踏出餐廳食物就到了~太強勁鰻魚雞扒好吃,鰻魚味道足,份量合理,雞扒也嫩口好味,唯獨覺得醬汁有點不足,最後剩下一點白飯都沒法吃下; 咖喱雞同樣美味,啖啖肉,皮還是硊的,咖喱汁也調得出色~這裡另外最想讚嘆的是餐廳樓面員工的速度和專業,由領位的,下單的,收盆的,到收銀的,都是非常有效率每位員工都清楚自己的崗位和很認真完成自己的工作有一流的效率但卻不失應有的服務態度~實在難得的茶記體驗! 絕對值得一試再試!

係觀塘食午餐嘅時候每間餐廳都係人頭湧湧，但係講到人龍最長嘅都非紅茶莫屬。今次特登揀咗下午茶時間嚟食，點知條人龍都仲係咁長，見佢門口擺左個菠蘿油poster,所以就叫咗個菠蘿油再加多杯熱奶茶。呢度侍應服務態度就麻麻哋，但係勝在送餐嘅時間都好快，唔使5分鐘已經送齊哂。菠蘿油嘅質素冇我想像中咁好食，可能因為已經唔係新鮮出爐，已經冇咗脆卜卜嘅味道。而奶茶嘅質素都唔錯，都好香滑。如果以一個下午茶30幾蚊既價錢來講，呢餐都算ok啦，但就唔係好值得排長龍囉。

途經觀塘一間冰室，突然覺得肚子空空的，決定進去吃些東西。餐廳裝修得很簡單，但面積很大，而用餐的人都有差不多坐滿了。食物種類十分多，中式的有燒味、粉麵、小炒等，而西式的扒類、焗飯都應有盡有。點了一份招牌沙嗲牛肉飽和一客芒果千層蛋糕。熱騰騰的沙嗲牛肉包很快送上桌，馬上試試。麵包烘得表皮微脆，而內裡的包心是鬆軟的，口感很好。麵包上還加了芝麻，更香口。牛肉和沙嗲汁都很多，味道不算辣，但令人停不了口。就在這時，芒果千層蛋糕也送來了。太漂亮了!蛋糕擺放得就像一件藝術品，有點不忍心吃。先試一小囗，忌廉做得很幼滑，好像入口即化一樣。而芒果味則十分香濃，甜味剛剛好。蛋糕雖然很美，但實在太好吃了，最後決定大口大口消滅它。吃完這一樣的美食，有心滿意足的感覺!

咁啱接個朋友放工，佢又遲咗成兩個鐘，搞到夜麻麻先食飯，仲以為工廠區冇嘢食添！之後佢就帶咗我來呢間，之前黎嗰陣都唔係呢間，個陣冷冷清清，而家今日晚上九點幾都仲有一半枱有人食緊野，睇怕都冇事聽說呢度啲泡飯，咖喱，蛋達都唔錯。樣樣都好似幾好食咁。我揀咗三個字，都未諗到食乜，好彩佢哋都冇吹我揀嘢。最後叫咗個乾炒牛河，又冇河粉喎！我最後都係揀咗個星洲炒米，估唔到幾多料喎！睇落啲材料都幾新鮮，個米粉炒得啱啱好，唔會太乾，又會太濕。份量仲好大添，如果兩個女仔黎，叫一碟都夠兩個人食

路過被冰室的大海報吸引.....經典菠蘿油餐~懷舊價$25！回想也很久沒有嘗試，於是放縱一次，儘管魔鬼的熱量和天使的口感打個交道吧！冰室地方很大，擺放各式餐桌，總有你喜歡的座位。菠蘿油餐配紅豆冰，菠蘿包雖然鬆鬆弛弛但都香脆可口，牛油冰鎮上枱，好像格調也提升似的，將牛油放入和暖鬆弛菠蘿包，被暖化的牛油恰到好處，吃得滿口油香。紅豆冰的紅豆早已經浸淫到甜膩膩的，但整杯紅豆冰反而不太甜，吃過紅豆冰身體有點兒涷，請女待應要一杯暖水，果然服務週到！

係觀塘番工，已經聽過無數同事講紅茶冰室呢個名！仲唔到我食到😆👉🏿✨常餐 Hkd 45 💸📌佢啲野食全部都大大份又高質！未食之前心諗都係冰室姐，洗唔洗大排長龍，唔算好平，咁唔通就真係好食？懷全半期半失望去試😂結果真係好好食！佢啲炒蛋滑到痴線，同埋係夠味，配埋丹麥多士簡直冇得輸！個人最中意丹麥多士，入面好多層，加埋蛋好正。佢個豬排又係一大排，肥瘦岩岩好，食晒成個真係飽到爆！最值得一讚！啲職員全部都好好感度，笑住落單，唔會吹你。由其係係門口派飛既哥哥真係超搞笑！👍🏿👍🏿

看著外面排隊的人龍漸漸增多，暗自慶幸自己１２時前已和同事抵達就座。茶餐廳給人的感覺是以快而準見稱，充份反映香港人的急促步伐。這裡再上一層樓，加了一個「禮」字。步入大門已有響亮聲音帶位，下單時也是面帶笑容的，加上寬闊的座位，感覺確是舒服。叫了一個常餐，炒蛋好吃但不算突出，但那片丹麥酥牛油多士卻叫人驚喜鬆軟的麵包抹上一層牛油，好此道者必吃。豬扒通心粉的豬扒非常大片，差不多覆蓋了盆子，味道惹味！吃畢此餐，終於明白這茶餐廳為何開業以來人氣一直高企，過百座位仍招徠長長的人龍。這裡既有服務，亦有味道！

係荃灣果頭食過紅茶冰室嘅次數真係多到數唔哂，返part time果陣真係當飯堂咁，因為佢真係高水準，野食用心做，侍應服務好又有親切感，食完紅茶唔係咁易搵到其他合格嘅茶記。今日去接女朋友放工，順便試下觀塘新開嘅紅茶，呢間我諗係最大間嘅分店，有好多其他分店冇嘅野食，例如燒味，西餅，西式意粉。不過黎得紅茶，我都係想食返個茶餐，試一試新店水準。叫左個豬潤麵凍奶茶，咁女朋友就食個新野，湯飯。豬潤爽入味大塊，料比金記招牌仲足，不過就冇薑絲湯底，多士蛋一如既往好食。湯飯都有驚喜，魚塊彈牙有魚味，足料，魚湯亦唔錯。新店冇令我失望，一樣係紅茶質素，下次有機會試埋佢個燒味。

又係忙碌一天由朝做到都唔記得食飯，睇下個錶都3點未問下同事有冇人想一齊去食下午茶，同事話附近開左間紅茶冰室，未去試下睇下個餐牌，點左豬扒包 ， 芝士炒蛋魚柳包 ， 焗芝士腸仔意粉 ， 啲嘢做咗賣相都ok， 我食嘅焗芝士腸仔意粉味道都唔錯， 問埋我啲同事豬扒包同埋芝士炒蛋魚柳好唔好食， 個包就夠脆個豬扒夠飽咀， 芝士魚柳炒蛋夠曬juicy。

經過多日歐遊，當然掛住本土美食，本來想行去食碟頭飯，但經過<紅茶館>醒起朋友推介過，又見唔駛點排隊即刻入得餐廳好大，出餐速度好快，自動清枱方面就慢左小小眼見有麵包及甜品，但其他食物種類不算多，研究一陣才決定食咖哩牛筋腩飯。咖哩味道ok，但跟沒覺得跟馬來能扯上關係，只是港式咖哩，牛腩及牛筋都入味同稔咖喱汁份量岩岩好，唯飯粒偏乾邊硬等左20分鐘嘅焗芝士海鮮意粉來了，賣相還ok! 但一看裏面就心知不妙。幼身意粉乾柴柴咁打算撈勻白汁，結果都係溶入唔到咁，仲發現底部有好多油，見到都怕唯有自己先將意粉都抽走到頭先隻飯碟。味道方面係無味，淡得可憐，無白汁味、無芝士味、無海鮮味、無任何香味海鮮方面有一塊魚柳、扇貝、蝦仁、青口、魷魚，只有扇貝肉味道怪怪，其他都還正常👌🏼價錢不是特別平，食物質素一般，何來引人之處？

係觀塘返工最近經過日昇成日見到好多人大排長龍。於是冒着遲到的風險去排隊試試。雖然好多人排隊，人龍排到去龍城餐廳，但都唔算等好耐5分鐘內入得。餐廳面積都算幾大難怪雖然多人排隊但都唔需要等好耐。都坐得幾舒服，裝修唔錯。佢每日都有唔同嘅午餐選擇， ＄50樓下包埋湯同嘢飲，我叫咗個焗豬扒飯試試。味道都唔錯，但就要等耐左少少。朋友叫咗個招牌菠蘿油，我試咗一啖，好耐都冇食過咁好味嘅菠蘿包。另外叫咗個蛋撻，送上嚟已經唔熱，但都算幾鬆脆。整體而言正評冇伏，值得推介