紅茶冰室 (已結業)

係觀塘返工，每日經過都會發現呢間茶記排晒長龍，風雨不改，心諗有咩咁吸引d 人咁顛，唔通係米G連級數🤔今日趁星期六無人排就去試一試佢，叫左個蜜糖芥末豬脾飯。老實講，味道其實無咩特別，係份量夠大份，環境算舒服，以大約$50既價錢黎講，係呢區算係性價別ok 既，唔洗點排我都會再黎。

之前已食過一次晚飯，今次再去，同家人去食，星期日晚飯。點知lam嘢。入去叫咗幾個飯食，見飯未到，諗住出去買幾個飽，明朝當早餐。我講“唔該”講咗幾次，果個著黑衫嘅死x婆冇反應，唔理我。我忍唔住大聲話我想買飽呀。個死x婆終於肯應我喇。仲大聲咁話我講緊電話，唔得閒。我真係頂你，佢擺明有生意唔想做or唔休做。我一肚氣咁沖番入去餐廳，最多咪唔食你d臭飽，仲幫襯你我咪返賤。d飯餐到喇，其實我都谷到一肚氣，冇乜心情食。但唔叫都叫咗喇，照食。點知d飯涷嘅，又小，塊豬排又硬又鞋，好難“照”。成個餐根本就唔值呢個價，六十幾蚊，又唔飽肚。我哋成家人叫咗幾個餐，果幾個餐都係超難食，唔想講喇。幾個餐到齊喇，但仲有個波羅海鮮炒飯未到，叫個女侍應，佢一味話廚房師傅炒緊。“個飯好難炒呀，要炒成幾個字”，呢d餐都到齊喇，我覺得佢擺明漏咗單，個“臭x婆”女侍應就一味呼顯我話入面整緊，最後搵個男侍應追，個炒飯先出。其實都冇乜心情食埋佢喇，但都計埋張單到喇，唯有食埋佢。細佬食咗兩坦，話又咸又辣，超難食。個飯入面又冇乜海鮮，波羅。呢d料緊係好貴喇??咁嘅服務態度，咁難食嘅嘢。唔駛指意再有下次。近佢附近果幾間餐廳，d嘢又平過佢，

其實紅茶就係公司附近，個個同事都話好好食，但我就好少會去堂食😁 因為我實在唔鐘意排隊🤠 而且Lunch本身時間已經唔多🤣不過今日例外😎 我走去排隊😎 原因好簡單🤔 天色昏暗，落緊微微細雨😂 無乜人排隊🤓 我有信心5分鐘內到我😘 不出我所料，好快已經坐低咗😂叫咗個午餐，椒鹽豬扒飯🍚紅湯+凍檸茶😏嘩🤥個紅湯多料多到浮晒上黎😎啲肉好淋呀😋椒鹽豬扒同飯分開上🤥份量真係好多，個飯都等於2碗飯🤥椒鹽味剛剛好，唔會太咸😍 仲好香口😎希望再有機會無乜人排隊時再食😂

觀塘區駿業街, 鴻圖道, 巧明街.....嗰頭有好多工商業大廈, 但其實冇乜麵包舖~ 所以早餐想買個包食都唔係咁易~駿業街間紅茶開左都多過半年, 老實講, 佢出啲麵包真係唔錯, 起碼朝早買真係熱辣辣, 新鮮出爐無誤.餐廳出面有個位專賣蛋撻麵包, 朝早差唔多9點嗰時會比較多人, 但都係5-6人排隊度, 因為收銀同夾包分別係兩個員工嚟, 佢哋做嘢都幾快手, 所以一般一分鐘內就可以買完走人~今次介紹下我最鍾意食嗰兩款包啦~ 登登登登~ 就係紅豆菠蘿包 (7蚊) 同吞拿魚包 (8蚊) ! 首先講下個紅豆菠蘿包, 個包係用紙袋裝既, 感覺有啲懷舊, 包身好軟熟, 菠蘿皮係少少厚身嗰隻, 但好脆卜卜, 紅豆蓉份量適中, 因為我本人唔鍾意太多饀, 鍾意食包多啲, 所以我就覺得啱啱好喇, 而且唔會好甜, 早餐食再加杯咖啡, 一流~ 雖然紅豆菠蘿包好正, 但日日食就好肥同熱氣, 都係間中食下好喇~ 所以我食得最多既係吞拿魚包. 包身都算軟熟, 入面吞拿魚既份量都唔少, 唔係用梅梅爛爛既魚肉,  整體都唔錯. 總括嚟講, 呢間餐廳啲麵包, 以附近嗰幾條街嚟計, 算幾好味, 重點係夠新鮮同夠熱, 早餐食個熱

平日返工 Lunch Time 行過觀駿業街，都會見到一條超長嘅人龍，排緊入紅茶。Lunch Time 都咁多人肯等，就知道一定係好嘢，可惜自己 Lunch Time 只有一小時，怕等位已消耗一半時間，所以一直都未敢嚐試。今次選擇咗星期六下午時間黎幫襯，點知都係要等位，但係人龍已比平日 Lunch Time 縮短超過三倍以上。結果等咗5分鐘就被安排入座了。餐廳地方很大，坐位亦夠寬敞，就算搭枱都唔會同陌生人坐得太貼。常餐 $45炒蛋夠滑，多士香脆，絕對做到茶餐廳應有嘅水準！而豬扒湯通粉就咸咗啲啲，不過尚可接受。午餐C紅湯就晒惹味，湯料亦足，唔錯！個焗飯真係好好食，咖哩味香噴噴，咖哩汁味道香濃，豬扒亦夠鬆軟入味！而個炒飯底，飯沾滿香濃嘅咖哩汁都唔會淋，口感一流，做得出色！兩個人埋單只需一百蚊，難怪大排長龍了。非常值得推薦的茶餐廳！

之前經過觀塘就已經想試，今日自己單獨，真係入左尼食。主要係因為門口見到入面華麗既裝潢，同埋呢到都幾受歡迎。下午茶尼講，尼個都算係貴。餐單大概係40 蚊一個餐，重要係食唔飽既選擇，例如係雞脾一隻配個薯角加野飲就35。我叫既芝士魚柳包加小沙律同杯奶茶就40 蚊。 不過貴得尼都幾好味，個魚柳非常之脆，即叫即整，入面都好多餡，有蛋，芝士蕃茄菜等。 係值得一試既茶餐廳。

之前都有幫襯過，感覺良好，所以都試過幾次，每次出面都排長龍，算係受歡迎餐廳之一。由於餐廳大，所以流量快，唔算等得耐。餐廳內食物選擇多，有湯飯，泰式，常餐，甜品，燒味....所以實有嘢啱食。今日幫我襯，望向午餐牌，有似曾相識的感覺，所以覺得冇驚喜。最後叫咗泰式牛丸金邊粉加冬陰公湯。送來的粉看似豬肉丸粉多過牛肉丸粉，食落都似，唔對路問一問侍應，佢話唔知，問第二個都唔知，再問第三個，佢話係豬肉丸。於是侍應成碗攞入廚房，再原碗攞返出嚟，佢哋確定係牛丸，咁唯有照食。冬陰公較咸，其他就係牛丸唔似牛丸。另外衞生情况一般，食具唔乾淨，大家可以睇圖。侍應就叫極都唔應。所以應該冇下次。

餐單不是我平時會喜歡的菜式，隨便點了海蝦球金邊粉，上菜前還預備了辣椒油調味。一上菜驚訝見到蝦球原來事先用鹹蛋黃炸過，咬起來味道十足！除此之外，他們選用的蝦球比平常吃到的大隻，肉質很彈牙！數量也絕不會敷衍，一碗麵有五六隻蝦已是出面買少見少。湯底味道也出奇地濃郁，完全不需要用到辣椒油。因為太想念那用鹹蛋黃炸過的蝦球，第二次光顧忍不住再點同一樣，不過這次轉了冬陰公湯底。原先會以為湯底只會微微帶酸，另一驚喜來了！超濃郁冬陰公湯底，椰奶味不會特別重，完全符合我口味！！讚！甜品也非常吸引！高級甜品的賣相，平民的價錢，原本想點一個拿破崙，卻被盆栽玫瑰的賣相吸引了，帶有草莓味的玫瑰花用可食用威化紙做，插在咖啡色的花盆，再加上鐵鏟設計的匙羹，賣相一百分！唯獨味道還好，較流質。員工服務態度也很好！ 希望可以一直保持水準

聽說這一間位處於駿業街內，舖位佔地蠻大的茶記，在這一區內甚具好評。能在茶記雲集的觀塘工廈區內得到附近上班一族的青睞，想必也應不會做得太差吧....簡簡單單吃一份港式早餐。仍是慣常的餐包雙蛋加上火腿彷鮑絲通粉....這兒有自家廚房焗製新鮮出爐的麵包，水準自然比用交來貨的高，入口軟綿帶點點甜味，甚令人討好....但好處，就僅只這一個而已....煎雙蛋，蛋邊緣未能煎至帶焦焦脆脆。於我而言，已是一只失敗之作....通粉一咬進口就知是過於軟淰，不合格；湯底是有濃濃的罐頭雞湯味，這總比淡mou mou的白水湯底好的；彷鮑絲與火腿就只得聊聊數條浮於通粉上，不值吃....自從因健康戒喝了茶啡後，往茶記就好像缺少了一位老友相伴。現在每次來茶記時，就只有一杯熱檸茶相陪....說實在，真是越喝越冇癮....

「紅茶冰室」其實我唔係第一次食，之前一直都覺得佢質素幾好，所以間唔中都會專登行去果度食下早餐或者下午茶。平時食開D大路野做早餐，例如仿鮑絲火腿通粉、沙嗲牛肉麵、兩餸出前一丁之類。但今次咁啱見到隔離檯食緊的歐陸早餐很豐富，所以我都決定試下我揀左「全日早餐」，真係超豐富、超多料㗎有吉列魚柳、腸仔、黑松露炒蛋、火腿、茄汁豆和多士。果塊吉列魚柳很大塊，而且是新鮮炸起，熱到辣口仲脆卜卜黑松露炒蛋充滿了黑松露，絕對係落足料鍾意黑松露的朋友真係要試下。其他的配料，例如腸仔和火腿其實都係屬於大碼size，所以我食左很耐至食得晒。$50的「全日早餐」份量十足，的確抵食。下次我會試下「西冷牛扒」做早餐。

平日午膳時間超勁多人，唔會排到隊，更加唔會入到嚟，今日特登夜點來到，終於可以見到這餐廳室內的廬山真面目，相片中的座位只是冰山一角，室內環境大過好多連鎖快餐店，且樓底高，感覺好舒服。這裏的店員親切友善，食客走時，會提醒帶齊嘢，慢慢行。今天選擇餐廳的是日晚餐及魚湯飯。先來一碗跟餐的羅宋湯，湯裏有好多不同的蔬菜配料，十分豐富。餐包裏面有牛油，包身鬆軟又香又滑。晚餐是韓式酱燒牛仔柳配焗薯，汁香肉美，要讚廚師的手勢，一流!怪不得每次經過都是大排長龍，相信其他的炒粉麵飯都十分受歡迎。魚湯魚飯，魚塊新鮮，翠玉瓜爽脆，秀珍菇木耳配牛奶般的香濃魚湯，正呀!餐廳有新鮮麵包供應，忍唔住叫了一個雞尾包， 好新鮮，雞尾餡料唔會太甜，份量啱啱好，十分有懷舊feel。茶記奶茶必試!臨走找數嘅時候見到個玻璃櫃裏面有自家製西餅，確實好吸引

自從觀塘開左紅茶之後，觀塘區友對佢讚好不絕，附近餐廳店主就叫苦連天。我知平日一到午市，門口又會大排長龍，人山人海，真係好誇張。適逢星期六返觀塘工作室，所以走黎發掘好西 😂行入D一眼望埋去，果排靚到猶如道具但真材實料既燒味，哇，已經好吸睛，睇見都流口水。 但望見隔離枱食緊金黃色既生炒牛肉飯又好吸引，所以都忍唔住即刻叫左碟。碎牛、蔥同蛋都多，炒飯粒粒分明，香噴噴，好好食。兩個人一碟飯更係唔夠啦，所以叫多個焗鮮茄豬扒意粉。豬扒不得了，兩面煎得又脆又香，仲切埋件，啖啖肉，冧得黎有咬口。意粉煮得剛剛好，唔係一般港式茶餐咁煮到脹過烏冬，呢樣野最令我喜出望外。食茶記當然唔少得嘆返杯熱奶茶。奶多過茶，但入口幼滑，好飲~走時再外賣燒味飯兩個，請人食。下午茶時間再黎過，菠蘿包新鮮出爐，個皮厚鬆脆，真係又厚又鬆脆。之前亦食過冰火版，即係加多塊牛油，仲正。

每到lunch 時間，這店門外都排隊超過五十人，連買個bread 外賣都要排幾個字隊。趁今日未到lunch 時間，只係排左一陣就入到去食喇！嗯，食後感：大件夾抵食，味道中上，完！如果要排隊就唔會去食了！

午飯時間，常見到極多人在外面等位。在「開飯」看到網友都讚這裏的沙嗲牛肉好吃，今早經過，便進去試試早餐。餐廳的面積很大，環境簡潔，午市仍要排長龍的話，那麼顧客的數量確實不少。我點了$32的早餐B，有招牌沙嗲牛肉麵、香滑炒蛋、鮮油厚多士和熱飲，改要丁麵加$3，我換了配米粉。這是我的早餐試吃例牌，每次點同樣的款式，便可以試到不同店舖的水準了。價格而言，這裏在同區來說屬於高。因為同樣的餐單，附近食店的價錢都在$30以下，即使是旁邊的龍城冰室，也只是$29。但相對於九龍灣工廠區的話，這裏的價錢又稍低，新澳冰室是$36，而德福和淘大新開那幾間冰室，價錢亦高於$32。沙嗲牛肉的賣相不錯，吃起來亦腍軟和有肉味，湯底味精不算重，也許我配搭米粉來吃，故不覺得味道太濃。個人口味而言，算是好吃但又不至於極佳，整碟米粉不夠熱，吃起來已經打了折扣。炒蛋和厚多士則很好，如果以澳牛的炒蛋來做準則的話，我覺得整體來說，這個較澳牛好一點。那個炒蛋沒標示用3.6牛乳，但能做到夠味和香軟嫩滑，碟底只有少許蛋汁，沒有過剩的油水，份量亦多，足料有兩隻蛋甚至更多。多士是連邊的，烤至金黃鬆脆，我沒要牛油亦好吃。至於那杯奶茶就較為遜色

喺觀塘揾地方食下午茶，真係有好多選擇，唔同口味丶平靚正丶高質素嘅都有，任君選擇，但實在太多人，我剩係想舒舒服服、簡簡單單咁食個港式下午茶，經過見到呢間茶餐廳見到裡面好大，樓底又夠高，於是入去坐底叫左杯熱奶茶加個菠蘿包，其實入面食嘢嘅人唔係少，不過佢地方實在太大，好有空間感，完全冇侷促同埋嘈喧巴閉嘅感覺，個菠蘿包都幾大個，面嗰層亦夠甜脆，杯熱奶茶夠香滑，我特別喜歡佢喺用有耳仔嗰隻瓷杯，唔係用不銹鋼杯或者仿瓷杯，埋單只係$22，超值。