紅茶冰室 (已結業)

食物質素係不錯既，但無論當時有幾多位空置，都要你搭枱。。每次跟朋友一起去，兩個人就一定塞你去一張已坐了兩人的四人枱。。真不是味兒！菜遠脆脆魚柳炒河——好味，魚柳果然係脆脆，也沒有雪味，很不錯！咖哩薯仔焗豬扒飯——焗飯時間會耐一點既~個咖哩汁不錯，但豬扒炸得很干，有兩大舊大薯仔，很開胃！飯係蛋炒飯底，很有誠意。如果不喜歡搭枱就不要選這間了~~~~~~~~~~~~~~~~~~~~~~~~~~~~~~

返工lunch每日都見到排長龍今日假日，又係觀塘區，所以就去試吓晚餐。環境很好！很乾淨！有很多座位，所以lunch嘅時候，真係多人到有點兒誇張，因為佢每日都有幾十人排隊。兩個人，叫咗唯一一個供應嘅晚餐套餐-黑椒汁德國鹹豬手配意粉晚餐套餐$68-黑椒汁德國鹹豬手配意粉普通忌廉湯抵食指數：7/10德國鹹豬手味道不錯，外皮揸得很趣，豬手亦很入味，而且份量亦很多如果可以配上德國嘅鹹酸菜就更加好啦。黑椒汁有點兒少。如果配意粉的話，醬汁可以多一點。招牌冰火菠蘿油$10抵食指數：10/10紅茶最出名招牌冰火菠蘿包，牛油真係有冰上。而且，菠蘿油焗得非常之脆，兩者配合得非常之好！$10絕對抵食過華嫂。咖喱牛腩配飯$52配紅豆冰$9抵食指數：6/10咖喱牛腩嘅味道就麻麻哋，因為牛腩實在煮得太老啦！好普通嘅菜式，冇乜特別，普通茶餐廳水準。不過，紅豆冰非常無奈，他們沒有粗的飲管提供，只有幼飲管🤔🤔🙈😩總括而言，如果lunch要排半個鐘至九個字去食呢間紅茶，我絕對唔會排！佢嘅食物質素都比一般茶餐廳好小小，價錢亦比一般茶餐廳貴少少，所以午市嘅選擇亦都比較多，午市會比較好。晚餐就比較貴，性價比較低。

食左午餐A：板燒黑椒雞扒飯、羅宋湯、凍檸茶，味道唔錯，雞扒很嫩多汁，羅宋湯真材實料。但d服務和環境超差，點餐慢d比人話，湯來左唔係幫你找位放近你，而係邊到有位就放邊，放左對面檯人地碗飯隔離都夠膽死。d卡位只可以兩個瘦人坐，一個肥d都坐左出走廊，一條走廊2個侍應睇著，一有動作就衝過來，志在使你盡快食完，盡快送你走接下一個客，冇下次

之前聽朋友說這家的炒滑蛋很好吃，所以早上載老婆上班順便一齊吃個早餐。我叫了個B餐招牌牛肉麵但本人不喜歡公仔麵所以改了米粉配茶走。滑蛋很滑而且不油、沙嗲牛肉入味！老婆叫了G餐，魚柳夠脆，滑蛋一樣滑！整體來說都很好吃，價格又不太貴！好吃！

平時喺牛頭角呢邊返工，lunch time 時間紅茶必定大排長龍！雖然都入得好快，但係食飯得一個鐘又真係有點太趕嘅🤣放工去食就少人好多，等都唔洗等直入😁😆叫左一個晚餐鐵板燒羊架配薯茶($68)羊架係冇咩羊味，不過燒得都幾好嘅😂咁嘅價錢算唔錯了！仲送埋湯😛野飲要加錢叫多個印尼炒飯($53) 熱飲加$3炒飯幾好食，多料，面頭有一隻蛋加兩串串燒！唔錯，好大碟！我可以分開兩餐食😂夠晒抵食啦😂😂😂

中午食飯每次行經都好長龍，今日就決定試一試啦，原來排隊時間都唔算長，入面好大人流出入得快，服務好好，食物唔差，今日叫左個海鮮意粉，店內有辣椒仔，可以叫店員拎，環境又大又清潔，價錢唔算平，但勝在好多款色中西餐就一定齊哂。

如果你是觀塘上班族就知lunch 時段幾墟冚，其中哩間叫紅茶既茶餐廳更加有條超長的人龍。今天來當然不是午餐時段，識食當然揀下午茶時段黎。餐廳其實幾大，目測坐到起碼二百人，叫左熱狗同西多士。紅茶熱狗皇熱狗先來，腸仔皮是靭靭的那一種，最重要係麵包先烤過，脆脆地。雖然只是蕃茄醬汁，但是加埋蕃茄生菜夾在一齊食就幾好味。花生醬西多士等左一陣但係值得的！西多士炸得香脆，內裏係粒粒花生醬，再伴糖醬一齊食，非常邪惡，但這是滿載幸福的滋味價錢仍然是一般茶記價錢，但制作係用心不馬虎的。

在觀塘區想搵間冰室茶記都係比較細間，紅茶算門面大，以貌取人之下我會幫襯紅茶。下午茶餐，選擇咗炸雞髀沙律 炸髀外脆內多汁，簡單溫柔又邪惡嘅組合。錯誤之外落左西冷比我，價錢$98+因為煮好左唔想浪費所以由食茶餐變咗一個全餐！茶記我好小會叫牛扒，記憶之中茶記嘅牛扒都係加梳打粉，牛扒以鐵板上，汁另上，意粉底，正常茶記牛扒質素啦⋯⋯不能以steakhouse的去比較。但點解會落錯單，其實同一個員工落錯左2次單，唔明唔肯定個客食咩根本就要覆單跟牛扒，有羅宋湯同埋包，呢二樣確是美味，自家製麵包外脆內軟，上枱仲係暖，所以紅茶唔係一間是但嘅茶餐廳檸茶，茶走都是正路我記得之前都黎過食下午茶，西多士是高水準！聽講附近番工朋友都話炒麵炒飯夠穫氣，有機會下次會試呢幾樣。

恨咗食西多士好耐，終於有機會去茶餐廳，當然要叫番一份。價錢唔太貴，甚至覺得抵食，在於份量真係適中，唔會呃秤，牛油有，煉奶都有仲要係超多（可能廚師錯手倒多咗）。自己本身喜歡甜食，所以感激得到咁多煉奶送西多士。切開中心，芝士即時流出，同d煉奶融合為一，又咸又甜，或者有人會覺得古怪，但由於我自己亦鍾情芝士，所以其實都ok幾開心。雖然一切都好邪惡，但西多士絕對係不能不吃的茶餐廳食品，再配番杯奶茶咁就完美。如果未來有其他餡例如紫薯就好。

跟家人在觀塘海濱玩了一個下午，要在附近食晚餐。由於星期日觀塘工廠區很多食肆都不開門，我們選了這間餐廳。之前試過佐敦的分店，覺得還可以。這間觀塘分店更大更舒適，有10人大台。我們一行9人坐了大台，但BB椅供應不太充足，感覺全店好像只有一張。餐牌有很多食物選擇，我跟老公點了板燒黑椒牛扒飯和皇牌吉列豬扒飯，其他家庭成員點的就不說啦。食物一上枱都嚇了一跳，份量超大，牛扒有2大塊，豬扒也有一大塊。我個人是比較喜歡牛扒啦，燒得很香口。聽其他人說他們的餐點也很不錯，好吃又飽肚。這裡飯麵大部份要$5X，但再看它的份量和質素，其實還是划算的。可以說是茶餐廳提供高一點級數的"茶餐廳食物"呢﹗

這間茶餐廳經常令我感到非常震驚，因為每日午餐時間總是大排長龍，不説以為黃牛黨在排某巨星的演唱會門票。所以我唯有與男友趁晚餐時間到訪，以味蕾印證它的成功是否名符其實。餐廳環境偌大，不滿座時兩個人也可坐卡位。男友叫了咖哩海鮮飯，是蛋炒底的，焗飯炒底就像可樂要喝冰的一樣重要，海鮮非常足料，性價比相當高我叫了貴妃雞瀨粉，不是很多地方有瀨粉叫的，切雞夠滑，瀨粉有咬口，已是一碗好粉嘴饞要吃西多，本人認為這是一塊完美的西多，多士炸到剛剛好的金黃色，牛油在熱辣的溫度下慢慢溶化，適時倒上糖漿，咬下內𥚃還有一層錦上添花的花生醬，我開始明白它外面長長的人龍從何而來了。

某天到觀塘走走時，當我在苦惱食什麼餐廳時，行到了這間冰室門口，看到店內有八成入坐率，但當時已九點多了，因此膽粗粗的去試一下。想不到有大驚喜！我只點了一個普通的茶餐，當時也沒期盼什麼的喜出望外。KING 餐 $47（生滾豬潤公仔麵配嫩滑炒蛋+丹麥多士）奉送熱飲，凍飲+$3.炒蛋真的非常香軟嫩滑，有濃濃的蛋味而沒有過剩的油和水！丹麥多士眼看已經知道是一片好有厚度的多士🤣吃下去有微微的甜味，不用配上牛油已經很好吃。公仔麵煮得剛好，不會太軟或太硬，很彈牙！豬潤爽口得來又起沙！

我已經唔知道紅茶其實係開咗幾耐，我淨係知道佢條龍真係長到嚇死人，所以一路以來都冇食過， 直到真係有一日我哋去到嗰邊排長龍一陣先有機會試到佢傳說中嘅好味燒鵝。燒味雙併，通常午餐我都會叫佢哋嘅米粉，佢哋用嘅係類似新竹米粉，所以唔會太過粉， 好爽口，講返個主角，燒鵝， 係正嘅！皮香肉厚，雖然佢唔係脆皮，但係質素真係相當高，有燒鵝嘅香味，另外佢嘅燒肉亦都值得一讚，怕肥嘅人可能要提一提叫瘦少少，但係佢果皮真真係燒得勁脆！所以呢個已經成為我嘅黃金組合！冰火菠蘿油，點講呢，比想像中有少少失望，味道係可以嘅，但係就唔係話超驚喜。其實條路真係幾長，平均排大概20分鐘，如果唔係夏天30幾度都可以接受。

一個人覓食其實朋友就經常食這間紅茶冰室本來想食冬陰公肥牛河因為上次吃不到河粉 點知今次都係冇河粉，有點失望跟住要咗扎肉金邊粉，除咗扎肉之外， 還有我喜愛的白蘿蔔，已經浸到入曬味，但湯底有點兒鹹( 我本人本身已吃得很濃味)但整體扎肉分量都足夠的本身很喜愛芫茜同蔥，所以湯底有加分再配埋凍朱古力，都係44蚊，抵食既下次要試它的常餐朋友推介他的餐包和炒蛋都是很出色的最衰我每次都是夜晚才來觀塘其實很想試試它的芝士煎蛋菠蘿油

觀塘一向係好野食雲集之地, 不過估唔到茶記都有好野食。 呢間野食間酒樓咁大既冰室 廚師都有番咁上下, 同女朋友黎到, 佢就叫我試泡飯。 Madam 落到order, 豈敢唔跟?! 一個yes madam就叫左個海鮮泡飯。Madam 無老點, 好好食。 好食係個湯夠鮮, 料夠多, 飯同湯比例岩岩好。而且唔駛等, 多卡位, 伙計醒目 爽快。有個小觀察, 唔知點解覺得呢度d伙記做得好開, 唔似香港地。點都好, 呢間冰室值得番食。 價錢唔貴啦 算公道。