紅茶冰室 (已結業)

午餐和同事到了紅茶，在官塘工作接近半年而這店開業不久，已經第三次到這店午餐，兩次下午茶通常午市大排長龍！！！今日難得等一陣就有位。因為餐廳都真係幾大及幾多位.....說回食物，我們叫了咖哩豬扒飯！飲品先到，五分鐘食物就到這裡做法，飯同餸分開上豬扒是放上面而咖哩汁在底這樣做法相當之好一黎我唔食得太辣。二來d汁唔會浸淋塊豬扒。 一如既往， 咖哩汁香辣，落少少已經好惹味。 裡面有一舊薯仔， 好諗，入曬味。 豬扒係用新鮮豬扒，大大塊切得相當厚，冇雪味。 你點樣夾，舊豬扒既炸粉都係唔會甩。鬆軟得黎，冇用鬆肉粉既感覺。 我最鍾意頭尾位，頭位有骨, 炸到好香脆， 尾位有少少肥，有油香！內裡是juicy的口感，這樣的豬扒讓人一試難忘。咖哩有辣度又不置於太辣咖哩配飯，略嫌飯少了些，也少了特別，就是普通的飯囉。配上咖哩汁來吃，讓普通的飯也變得好味。喜歡餐廳設計，燈光照明而且卡位甚多，方便傾計

紅茶已經成為係觀塘區做野人士食野既新選擇選擇非常多 價錢適中 位置都坐得舒服叫左個熱狗 都要成$32個人覺得下午茶吾太抵佢既番茄醬好多 岩哂我面包吾會太軟又吾會太干身！但份量算大 都飽肚

聽係呢頭返工嘅朋友講呢間日日都爆多人，某次開會前買咗個下午茶食。下午茶嚟講唔貴，而且睇落都係飽肚嘅。不過我就揀咗特餐，沙嗲牛肉麵。（期間我問收銀有無下午茶餐牌可以直接order，佢叫我自己去座位自己睇，呢點奇怪啲。）有個counter係買麵包蛋糕，期間都見多人買。係等緊嘅時候，周圍望下環境，都幾大㗎，座位睇落都多，難以想像lunch要排哂隊嘅情況。等咗15分鐘就有得拎外賣啦。沙嗲牛嘅牛係靈魂之一，佢嘅牛唔會好靭，麵煮得剛剛好。丹麥多士係幾特別，好好味。而個奄列，蛋煎得唔錯，飽到尾嘅。整體四十幾元，都唔錯啦。

聽說雖然店鋪好大, 但平日中午排隊要排60-70人, 今日選擇左星期日中午1點半去, 唔系好多人排隊, 排左10分鐘，可能系星期日,加上附近系工業區叫左個特餐炒蛋幾滑, 丹麥多士, 脆脆的, 牛油味幾香沙爹麵, 味道幾濃, 略厭有D林, 仲叫左ALL DAY BREAKFAST魚柳幾大塊，但系好似大家樂好味D, 熱朱古力勁好味, 好濃味, 涷奶茶都好好飲,我地2個系甘話個水吧整D野飲都幾好味最後叫左個雞尾包同菠蘿油, 菠蘿油幾大件,外皮脆, 如果牛油再大塊D厚身D就好啦,, 我覺得系抵食GE, 出面菠蘿包都要買5,6蚊個, 所以我覺得呢個幾抵流沙雞尾包好大件，新鮮出爐，熱的,好好味，不過我以為真系流沙GE,, 哈哈!!

星期4的中午經過觀塘，肚仔餓，想食一點東西才做gym, 經過紅茶冰室，對上一次食常餐(豬扒通), 眾所周知常餐=特餐=早餐。記憶中豬扒通ok好食，湯底有用心製作，但今次的沙dad嘔通不似預期，牛肉被鬆肉粉搞到入口即溶一樣，完全唔知自已係食緊牛肉，通粉今晚略為overcooked, 沒有口感。不過，值得一讚是那片多士能為這特餐挽回不少分數，很軟熟，充滿牛油香。奄列略為過左火候，不夠嫩滑，但分量都足夠，沒有偷工減料。整體來講，尚有進步空間。

這家茶餐廳開了不久但給我的印象不錯！地方乾淨燈光又足地方大卡位極多容易找位食物的選擇也不少！有小菜套餐！西式扒餐同焗飯等今日同朋友再黎食！叫左個白汁焗海鮮飯晚餐.仲有焗豬扒飯飯等十分鐘左右就到兩個係好大兜,不過剛焗起面頭芝士少少燶⋯⋯正好帶出整個飯的香味海鮮都鋪滿面魚塊，青口，魷魚，蝦仁及蟹柳等等看上去樣子是極吸引,味道幾好飯底炒得幾好豬扒係有骨醃得夠淋身.豬扒已經切碎上，調味亦吾錯即磨咖啡夠香是日於晚上九點以後來.又不是多人.食得悠閒環境同服務都不俗！價錢經濟.是可以一試的餐廳

觀塘真係愈來愈多好野食 蒲東轉手變紅茶冰室其實係之前已經有個同事同我介紹過呢一間冰室叫我去試一試但一直以來又未有機會試到咁啱我同我細佬係觀塘傾啲嘢佢竟然同我提議黎呢度食晚餐我當然贊成啦又係估佢唔到有驚喜 比起同地方幾間冰室 呢到一d都唔離地 價錢合理 份量食得飽人 味道又係水準之上 我叫左個常餐 金寶湯豬扒通粉 湯味道好濃 質感唔似平時出去飲到嘅咁水湯怪既我 清哂而豬扒大大塊醃得好入味 肉質鬆軟 👍🏻炒蛋質感細滑配上嗰塊酥皮多士 100分👍🏻同一個地方有三間冰室我自覺得呢一間應該係最好食嗰間

現在的冰室越做越求其，午餐的無奈之選，大食堂咁，星洲炒米$44，除左用一D咖哩粉染色之外，一D味道都冇，好難食😤鰻魚炒飯$56，兩口飯基本上先食到一粒鰻魚😬

星期日早上，落街去食早餐，未諗到食乜就突然想起朋友最近介紹一間新餐廳，餐廳位置以我所知以前係foodcourt, 現在已經改為冰室。去到餐廳發覺地方好大好寬闊，加上星期日早上，好多位置可以揀，立即揀個卡位來坐，然後睇下早餐有咩食，最後都係選我最喜愛的沙嗲牛肉麵😋，還有炒滑蛋連埋多士，再要埋杯熱奶茶，碗麵好快就來到，牛肉整得幾淋，唔韌，沙嗲味都幾香，但我最欣賞個炒蛋，蛋好滑同埋有d 蛋香，而多士上面已有牛油，加上烘得熱辣辣，多士厚得來都鬆軟，非常好食。早餐仲有好多選擇，值得再來多次，又容易搵到位😁

公司附近開了一間紅茶, 雖然每日都好多人排隊, 但都好快有位, 因為地方十分大! 食過幾次, 午市套餐, 價錢合理之餘, 味道亦很好, 每天有不同的選擇, 唔係好似其他茶餐廳, 每日ABC餐基本不變; 而且menu裏面也有其他選擇, 泰式湯麵也做得很出式; 另外門口還有傳統的麵包以及西式甜品售賣, 雖然未試過, 但看賣相也相當不錯; 這裏的環境也十分整潔, 雖然人多, 但空間也算寬敞, 而且店員的服務態度也很好, 這裡真是一個值得推薦的好地方

自從紅茶來左觀塘，附近餐廳的確平左， 不論紅茶好唔好食， 我的確好多謝紅茶來左觀塘。今晚決定行過來看看多唔多人， 竟然唔洗等。 對比apm的人龍， 這邊真的好很多。推介鐵板黑椒牛扒，好好食！

工作完成十分餓找下午茶記得之前路過有間新冰室未有時間試，今天去探路入到去坐低吾知食乜幾張餐牌睇到眼花面對燒味擋就靈機一觸點了燒味飯，還可以配搭飲品。選了燒肉切雞飯，五分鐘到燒味和飯擺放得精美有少許配菜，不錯。燒腩皮脆幾好食。至於燒腩肉，本身係有肉香嘅，而切雞水準，肉質嫩滑，配附上的薑蓉一流，稍嫌骨的部分多了一點，飯粒軟熟，令我想多吃幾口。店員十分有禮，地方寛倘坐得舒適四十七元一個下午茶飯餐是中高價格，但有其水準和質素，是特色的配搭，值得嚐試。

公司附近開左間新冰室～ 我同同事仔即刻沖去試下佢先 離遠已經見到長長既人龍，但點都要排隊試一試 睇下加唔加入我地午餐餐廳list 😂但都好快就入到去～入面都幾大好多Table ~我個人好鐘意食常餐～一見到有咩都唔駛諗 即叫 佢呢度係用丹麥多士 同出面既唔同 ～個人都幾鐘意食呢個包～豬扒都大塊～叫左COT 佢個是日午餐正常價錢～見同事食份量同味道都可以既～另外 佢重有燒味、泰式粉面同甜品，本身想試 但實在太飽，下次再試過

有日係觀塘gym 完後去搵食， 咁岩撞正lunch hour 行過呢度， 重以為乜事，d 人排到咁既？超誇張wor!!! 岩岩新開張。咁我又唔一定要同人迫， 梗係搵日避開lunch time先去試啦！講多無謂呀。 就約fd 今晚去左試！ Friday dinner time 唔洗排直入呀！ 原來呢間野都幾大間！！不過其實我黎得早ja, 之後都爆哂同要搭枱。哥哥仔應該見我地兩個大份又多野一袋二袋咁。 一直都冇塞人落我張枱呀！！ 多謝哂！事不宜遲， 睇下叫咩先，有選擇困難症真係好難諗。本身鍾意食牛既， 但見到有豬鞍就想食豬鞍， 同埋有少少唔想係茶記食扒。點知落完單話豬鞍賣哂！ 點呀 晚市岩岩開始就冇哂。 係咪即係好野黎？！ 留返下次黎試先！咁我唯有轉西冷啦！（點解雞扒要配鰻魚？ 我唔like 鰻魚㗎！）朋友點左⭐️法式寶雲蘇烤羊架$108配忌廉湯，意粉，凍檸茶（+3)我最後叫左⭐️蒜蓉美國西冷牛扒 $88配薯菜（原來係焗薯），羅宋湯， 凍檸茶（+3)👍🏻中間重係粉紅色㗎wor! 雖知道呢個係鐵板黎。 我就係驚奶野先想試豬咋！ 但估唔到呀真係！！！估佢唔到又幾ok wor! 🙆🏼🙆🏼即係唔好用茶

食過幾次，味道無乜特別，一般茶記質素。今日如常叫咗早餐，等咗15分鐘，無餐到又無單到，追問係咪漏單，個呀姐非常不耐煩，就話無漏，再等多5分鐘，但依然無單同食物。 之後個同一個呀姐仲走來話你地幾多位，我地話2個，佢就話兩個就坐單邊啦! 但當其時仲有其他吉位。 如果人多，4人卡位2人坐單邊都好合理，但周圍仲有位就過來喝人坐單邊，直頭係趕客。 一大早，唔使食早餐，受氣都飽，起身即走。呢間野開咗唔係好耐，開業頭2星期，服務都唔差，估唔到咁快現型。 觀塘咁多餐廳選擇，呢間紅茶咁做生意遲早88。