紅粉佳人 (已結業)

看了食評, 好多人話正, 所以試下, 我地5個人叫了1個4人餐4百2十幾蚊好抵食有10片好大, 好厚三文魚刺身好肥美, 有太約十片法包, 好正好新鮮好鬆軟,仲有餐湯, 包三個小食我地揀左魷魚鬚, 雞翼同2隻蜜汁豬肶, 3個小食都好好味, 還有可以揀2個飯或意粉, 我地揀了個焗豬飯同白汁意粉, 意粉幾好食, 飯都ok, 還有甜品加餐飲送, 甜品揀了2件雪糕pancake, 1件tiramisu, 1件blue burrey chesse cake, blue burrey同雪糕pancake 好好食, 我們另外叫多一個軟殼蟹天使麵餐88元送餐湯甜品餐飲天使麵好正, 好好味, 甜品揀了朱古力慕思呢個都好好味, 好飽我地都食剩小小野, 我地差不多坐到11點都有趕我地走,好正, 會再去

本身不大喜歡蘋果，不過這裏的烤豬柳配蘋果燒汁不錯，豬柳肉腍不鞋，燒汁的蘋果味不太濃，是輕輕的酸酸甜甜，剛好，加上幾舊蘋果肉，感覺配搭適合又有點新鮮。飯面灑上一些黑芝麻，是簡單的一點心思。日式鰻魚飯則一般，雖然鰻魚頗厚大，但是不用珍珠米，感覺已經打了折扣，亦略嫌汁鹹了些。跟餐的串燒雞，也是不過不失。反而欣賞羅宋湯足料，以及自家製塗餐包的醬(侍應說是雞醬)夠特別，也顯誠意。

星期六來到這裏, 點了三文魚意粉. 餐湯不錯. 三文魚意粉的味道不賴, 特別是碟邊的配菜, 異常味美(其他餐廳大部份是清蒸). 服務不錯, 唯其中一個侍應撞倒我的手不懂道歉, 是一個小污點.另外, 一家大細來的不少=)

翻新後,第一次來捧場.國慶日那晚七時進場,場內已七成滿....坐後不久正煩惱吃什麼,因為可揀的,又不是太多.後來望見附近枱邊的情侶用膳,見這位女仕正在用刀"肢解"碟上龐然大物的東西.好奇心促使下,才望多兩眼.發現原來是碟上的是德國咸豬手餐($95).由於自己從來未吃過,所以想試一試.我女友叫雞扒意粉餐($65).跟餐緣故,先來餐包餐湯!餐包方面有進步,舊店只是給一舊餐包及牛油.而現在是兩片多士,其中一片是全麥,微暖鬆脆,加上自制蛋醬.餐湯加大了少許.味道依舊ok...先來女友的雞扒意粉,雞扒面積有一隻手攤開大(可能再大D).後來到我的咸豬手上枱,豬手size好像一隻十八磅拳套佢大.肉眼見到都飽呀!!當時我終於意會到對面枱的女仕心情,大複雜了.因為不知從那裏動手好,但外於自己肚子餓了,只是閉起雙眼,手拿餐刀,膽大心細,亂界廿四,務求盡快"肢解"這隻豬手,如動作太,我怕成舊肉會掉落地就好瘀呀!!!弄了很久才把他肢解成功.味道跟我想像差不多,幾咸呀!!肉很多,但有點像用來煲湯的豬展一樣多.整體上OK啦...服務幾好...如果情侶去都係不錯選擇,又唔係太貴.又有情調..

其實成日見到呢間餐廳, 成日以為佢係一間茶餐廳, 搞到我無意慾去試. 有一日無意中係openrice click到佢, 先知原來呢間餐廳大獲好評, 同埋唔係一間茶餐廳黎架. 真係要改改個招牌啦! 我唔係第一個咁覺得ga la.店內燈光好暗, 都幾有氣氛. set dinner都有好多款. 揀左洋芋豚肉燒鍋飯set $78.先黎既係食評內個個讚既餐包配三文魚醬(都會跟埋牛油), 係幾特別wo. 個餐包係大大塊既法包, 皮好脆包好軟, 而三文魚醬就好似係超市買到果隻連餅賣既味咁, 都食到三文魚肉wo, 幾好啦. 不過搽慣左牛油, 都係牛油match d.個飯熱辣辣, 不過唔同石頭飯, 無飯焦既. 芋頭切粒再炸, 好香好味. 豚肉係豬扒, 薄薄既豬扒, 浸滿醬汁, 肉質唔趩 , 唔錯唔錯.仲有餐茶同甜品呀, 餐茶好大杯, 甜品就揀左雪糕, good.總括黎講, 食物質素幾好, 服務都可以, 又坐得幾舒服, 幾好呀.

成日坐車都見到呢間野心諗咪一間普通茶餐廳wa!一試之下, 原來'得wo'!服務幾好,個朱仔脾好正~你地一定要試~~~甜品又好食正呀2人餐$198 + 10% charge = $218.

上個星期因為煩惱緊同老婆去邊度食飯,上黎睇睇有咩好地方食野而又近油麻地,俾我見到原來有哩間叫PINK SALMON的餐廳,見D網友對間餐廳評語都幾正面,就即管同我老婆去試試.個晚我地ORDER左個情人套餐,有自選頭盆,湯,主菜,小食同甜品,我老婆要左個羅宋湯,我就要左個CAESAR沙律,主菜就要左雜菌天使麵,小食就要燒豬仔脾,其他野唔多介紹啦,因為好多網友都讚過了,我反而想特別讚下個天使麵,好味唔在講啦,做得最好係D麵質控制得好好,爽口唔糊又彈牙,一般餐廳都好小做得咁好,真係冇得彈,最後個甜品我地要左個二人新地,雖然食得出係用D普通牌子既雪糕,但個份量同賣相都好OK,咁既價錢都算係咁啦,本來一心想試個心太軟,都因為食完個新地飽飽而放棄左,不過既然哩餐咁滿意,可以留返下次再黎至試啦.

琴晚同班舊同事去食, 係第一次去, 有朋友介紹...環境ok啦, 我地7個人叫左個$388的套餐, 其實個set只係for4個人, 但好夠食, 有三文魚刺身, 麵包跟三文魚sauce, 然後有4個湯或沙律, 仲有3個小食同2個意粉, 最後我地再叫左個炒飯, 大家已經飽哂!好食- 全部唔係渣的東西, 當然你唔好期望酒店咁既水準, 但一定好過意x屋...咁既價錢...想點?不過可能大多客的關係, 侍應們都比較忙, 面口有點燶.

與很久不見的朋友飯聚,所以選了這間品評不錯的紅粉佳人為飯聚地點。餐廳門面與一般無異,內裡卻算不錯,桌面上都有一小支乾花作擺設;坐下不久,侍應更拿來蠟燭,今次名符其實燭光晚餐。頭盤:分別點了凱撒沙律和羅宋湯。朋友的沙律份量不少,看來也相當新鮮;自己的羅宋湯看來也相當足料,湯裡有很多蔬菜,味道偏酸,當開胃菜是不錯的,個人很喜歡這個很可愛的pan pan型湯碗!跟湯麵包有4大片法包,烘得脆度剛好,今次捨牛油,只伴以三文魚醬來吃,真的很好吃!!很重的三文魚味道,在幼滑魚醬裡又有粒粒蛋白,這種雙重口感和味道令我們感到非常驚喜。主菜是忌廉汁龍脷柳菠菜闊麵和鮮茄海鮮炒天使麵;以吸引目光來計,後者天使麵的確比前者優勝。菠菜麵軟硬度不俗,煎得微黃的龍脷柳兩片份量十足,質感很實在;忌廉汁頗濃,所以吃來比較膩口,容易有飽的感覺。天使麵相對味道較清新,用茄汁炒過的天使麵味道酸酸的很開胃,天使麵煮得不錯,麵條分明有致,不會有軟趴趴像吃米粉一樣;除了青口沒有吃之外,爽爽的新鮮蝦肉和厚肉的三文魚也令這碟麵食生色不少,個人比較喜歡這款味道。朋友的熱檸檬茶用別緻的玻璃杯盛載,以份量而言當然以自己的凍檸檬茶較好,以茶味而

時常到電影中心睇戲，但成日覺得附近冇乜好食，睇到呢度食評後上個月去試過，覺得質素幾好而價錢唔貴，第一次食時留意到佢d伴碟菜是炒熱的，不是平時d餐廳煮定涼左，覺得佢廚房都幾有心機整野。佢d意粉幾好味而且幾大碟，女仔可能兩個都夠食。上次食三至四人餐時有兩個小食，點左個燒豬仔脾好好味，覺得佢樣樣野都煮得幾好，廚房質素好好。今個月已經去左四次@@

見呢度好評如潮，決定與男友一試。無book位，所以都擔心要等，點知七點半去到都仲係半滿。餐牌選擇都算多，左揀右揀最後都係食兩人餐($198)，後來覺得呢個決定真係無錯！三文魚刺身（四片）－－好大好厚，唔係雪到無味既魚，正！餐湯，凱撒沙律－－我點左沙律，沙律上有松子，食落好香口，蔬菜亦新鮮。男友係忌廉湯，味道亦唔錯。法包（四片）－－試左大受好評既三文魚醬，好好味，比delifrance的三文魚白汁包更好食！！法包因為長期o係焗爐烘住（我地對住水吧位），所以有d乾。法包件頭好大，我唯有忍口食一塊就算。香草燒汁豬仔脾－－肉好滑，汁既味道亦唔太濃。三文魚蟹籽扁意粉－－味道好香濃，唔係一般西餐廳既醬汁。意粉軟硬適中，一d都唔頹煮，同上次pizzahut既意粉高下立見。唯有差既就係三文魚咸左少少。甜品－－見到咁多關於火焰雪山既食評，我又點會放過。跟餐既甜品併盤有芝餅＋香蕉班戟，加$20轉左班戟做火焰雪山。雪山一到，哇，好大個，係三個人既份量！我同男友好努力咁KO佢，再食埋o係底既迷你香蕉班戟雪糕已經好飽。芝士餅應該唔係自家製，水準無咁好，而我地兩個都好飽，所以好辛苦先可以食完。最欣賞係每個cour

非常美味舒服的一頓晚飯。我們二人叫了兩客豬柳set dinner，餐前麵包很好吃，加上一個酥皮海鮮湯，女仔已經覺得吃得半飽了，海鮮湯的海鮮很新鮮，中蝦原隻爽口味鮮，還有帶子、三文魚等，用料豐富。因為餐前已經感受到那分優質感，雖已半飽，還是很有心情吃下去。主菜豬柳，兩塊，不肥不瘦，恰到好處，伴碟漂亮精緻，絕不隨便，色香俱全。味道適中，好飽！接著是甜品，每人一客玫瑰雪榚，恕小弟見識淺簿，玫瑰雪榚還不知甚麼味道，一吃，心裏暗嘆：果然是玫瑰味道！伴一塊脆威化，縱使是普通的一片，感覺還是截然不同。餐飲比較普通，但絕對可以接受，還襯得起整頓優質晚飯。侍應態度良好，餐廳環境優雅高貴，格調高級，幽暗寧靜，可能是平日，客人不太多。價錢不過每人一百元，在油麻地能遇到這種質素的餐廳，我認為是有點神奇的。

尋日特登同朋友去呢間食飯,我地叫o左2個set din,c+d,再加心太軟同雪山估唔到用三文魚醬搽麵包個味道會咁夾,醬唔會太濃,安份咁做前菜,唔會搶o左main dish既風頭.食完再試下用牛油,牛油係一般既平價盒裝牛油,味道較咸同油,其實平時食慣都冇咩問題,但一同個醬比較之下..邊食得落口架紅湯個味比較淡,飲開味道比較濃既我有o的唔慣,但唔太油,薯仔較少,蘿蔔較多,不過不失.我叫既係天使麵,唔算多汁,但夠味,唔似之前食評講咁似米粉,好彩蘑菇菇味好重,但麻麻,切得太細/薄,冇口感可言帶子用煙肉圍邊輕炸個面,個面金黃色,好吸引咬開煙肉o的肥脂好香口,帶子冇炸到乾,而且又大粒,咬起上黎..wow個麵比較大份,我餓住去食,都食唔晒,建議女仔可以share朋友叫既係闊條麵,咖哩味好香.食完之後其實真係想cancel個甜品,因為真係已經好飽,個雪山一黎,嚇死!!好大份!!又係2個女仔既份量!o的蛋白個面烤到有o的爆谷味,入面唔係太甜,好彩者但都係好大份--下面有香蕉pancake,個雪糕..好凍,冇牙周病食都唔得,未試過雪糕要攤涼食,勁野但個pancake真係好好味,雪糕係用近似朗廷o個隻,唔會

今晚在Pink Salmon享用晚膳，Pink Salmon近日推沙律套餐。 非常欣賞私竇Pink Salmon女負責人的管理，她想出這樣的菜式，新鮮的蔬菜，配上肥美的三文魚魚生，在炎炎夏日細細享用，倍覺清爽怡人。 常聽見說，三文魚魚生是最低級的一種，有一種怪味，日本人一般都不吃。真正的刺身食家，都認為Toro才是極品。 今晚吃著肥美的三文魚魚生的時候，我在想： 當我犧牲一切，爬到最高峰，得到權力和金錢之後，坐在高貴的餐廳，享用昂貴的Toro魚生片的時候，這是一片令人愉快的魚生片嗎？發覺自己犧牲一切，原來只換來一個人獨個兒吃著高貴的魚生片的時候，你會醒覺，原來這一片的高貴的Toro魚生片，代價相當高昂。 今晚我用刀叉吃三文魚魚生的時候，這是我經常光顧的餐廳，不算是高級的餐廳，但很舒適，肥美的三文魚不及Toro高貴，和餐廳裡的朋友們說說笑笑，New York芝士蛋糕非常好味，身邊尚有一班摯愛親朋，便會明白，電影【魔戒】裡說： “There is the good in this world that we fight for.” 原來就是這樣。

點左2個set dinner. 我飲白湯，都幾香。法包有4塊, 有牛油同埋三文魚醬搽. 可惜牛油雪到太硬, 搽唔到, 搽三文魚醬就幾得意。主菜一個是豬柳, 另一個是雞扒, 我2樣都有食到.雞扒夠大塊, 亦都幾香, 好食豬柳都算鬆, 但無咩特別。甜品叫左一個心太軟(+$20)和一個跟餐雪糕雪糕夠硬, 唔會一上枱就開始融心太軟味道唔會太甜, 好食, 一定要試一試. 心太軟也有跟一個雪糕球。這樣上菜餐湯, 主菜, 甜品會等埋一齊上. 避免一個人有得食一個人無得食的情況。十分好環境同埋侍應都好。