紅粉佳人 (已結業)

之前同fd去果度食飯咁岩係除夕晚有set dinner可揀D野好好味..份量很大我地幾個都食唔晒D野..set dinner價錢大約200零蚊一位頭盤-有三文魚生,醃三文魚,焗田螺等等湯/麵包主菜-牛扒同埋一樣海鮮既組合甜品-雪糕同埋飲品我幾鐘意果度..好抵食but..舖頭地點麻麻地..交通唔係太方便..不過我都會再去食

今晚又同老婆出動搵好野食，今次目標係紅粉佳人，一早訂定檯去到有卡位坐正。叫左個雙人餐再加碟沙律。1. 餐湯紅白兩碗2. 三文魚醬法包3. 串燒雞芒果沙律4. 穌炸魷魚鬚5. 三文魚刺身6. 意式鮮茄海鮮天使麵7. 栗子疏乎里8. 雪榚PAN CAKE 9. 凍檸兩杯樣樣都唔錯，我最喜歡個意粉同個疏乎里，意粉茄味好濃，正。疏乎里唔太甜，剛好。環境同服務唔錯，下次再黎。

跨年同我FD去果度食飯SET DINNER既價錢200幾文一位D野食好好味份量好大..食到好飽下次要同fd再去食

之前見到呢間餐廳食評唔錯所以叫男朋友book定位..本來好似話唔知幾多點前埋單會平d..所以book左唔知6點定6點半..後來又打電話同男朋友講無分時段所以改左7點..其實呢度成點都經過..如果唔係睇食評後唔會特別想入去食..入到去燈光幾暗..一路仲播緊聖誕歌...聖誕大餐ge menu我地都無咩興趣所以叫左佢d dinner set..首先有四塊法包..我同男朋友都剩係搽佢d三文魚醬無搽牛油..三文魚醬如果再濃少少就好啦..前菜男朋友要左煙三文魚沙律，我要左泡沫煙三文魚忌廉湯...男朋友ge沙律佢地將煙三文魚卷到好似一朵花咁..有三朵..男朋友比左一塊我食..煙三文魚幾好味...而我個煙三文魚湯都唔錯..用玻璃杯裝住..好靚好特別..味道方面都幾香..不過好似咸左少少..我飲剩半碗叫男朋友幫我飲埋=P..而主菜我要左肉眼扒，男朋友要左烤羊架..我地兩份都有焗薯跟餐..我ge肉眼扒要左7成熟..我幾滿意..因為整得o岩o岩好同埋個白菌汁幾好味..男朋友話佢個羊架麻麻..佢仲吞左兩舊筋..笑言可能要三、四日先消化到..哈哈..餐飲我要左熱朱古力..男朋友就要凍檸水..我杯熱朱古力幾濃..

見食評咁好, 尊登同老公在此預祝聖誕, 叫了兩個dinner set. 法包外脆內軟, 配上特製的三文魚醬, 真係好好味, 我地爭住食這個醬, 無理過那些牛油呢.羅宋湯及南瓜湯, 夠熱夠濃郁, 好飲.主菜是酥皮焗紅酒牛尾飯, 好濃郁的汁, 好淋的牛尾, 面的酥皮點埋那紅酒汁亦好好味. 老公食得好滿意.我的茄醬三文魚海鮮焗天使面亦好得, 用錫紙包住, 夠熱辣辣, 打開有好多茄茸, 好大塊三文魚, 好多海鮮, 好多天使面... 好好大份呀, 比了一半老公食, 最後當然兩人都食唔哂.甜品各加$20轉了喜愛的心太軟及栗子梳乎里, 個心太軟好出色, 有好多朱古力漿流出, 配合雪糕, 好快給我地瓜分了. 至於那個梳乎里, 中間是栗子茸, 都ok, 夠滑, 只是偏甜了點.結尾的凍檸茶亦好飲.埋單$250, 不貴, 我地真係好好飽, 實有下次.

我仲以為Pink Salmon照譯係”粉紅三文魚”原來係叫粉紅佳人，唔係照譯架，ｈａｈａ～同好朋友Fanny慶祝生日～佢好鍾意食三文魚，所以我上openrice搵～無意中發現左呢間野～睇左comments話幾好～我試左之後，真係幾好味波～叫左三文魚刺身，好厚，好肥美＾＾面包幾脆，配埋三文魚醬食好特別不愧係叫Pink Salmon！食三文魚，黎Pink Salmon～餐湯是羅宋湯，不過不失啦！小食揀左魷魚鬚，好過街邊好多最後甜品要了tirumisu，食完好飽滿足的一天～

15/12/2007...去了呢到食晚餐... 之前座巴士經過呢一間餐廳見到佢的入面好像很黑暗, 黑沈沈的... 但我看到open rice 的食評有好多個笑笑臉.. so 決定去try 下...結果真的唔錯... 餐包是配三文魚sauce的.. 不錯不錯.. 但d 份量就唔是太夠茶4塊的法國餐包...個餐湯都好有水準... (可能本人比較like drink 羅宋湯的關係) 主菜是: 1) 蕃茄三文魚海鮮煬紙包天使面 2) 香辣龍蝦汁龍利柳鍚紙包扁意粉2 個都不錯... 材料好充足...甜品... 我們食了心太軟... 如果食得不太甜的人...咁你就唔好食了,, 因為真的幾甜架... 但我就好like 食law.. 跟餐的話只是加20 元.. 好值呀...我決定下次會再來食過... 可以try 下第二d 野食..

This is a restaurant I would like to recommend. Good food quality at very reasonable price.7 of us went there for lunch sets. We ordered Salmon, Chicken and Pork chop and Spaghetti, etc.The meal is delicately made and nicely presented. Main dish goes with fresh vegetable put aside. Good for balanced diet!The seating is quite good too.A nice lunch experience!

今日和他來了吃晚飯，呢間野我地兩年前來過今日叫了兩個set一個係酥皮紅酒牛尾飯個酥皮幾脆幾香冇乜紅酒味普通啦個麵包幾脆，仲有d三文魚醬好味沙律同湯都ok另一個set係錫紙茄汁三文魚天使麵好有茄汁味三文魚都好味天使麵唔會太稔最後係甜品我地加２０元轉左紅豆梳乎里有點甜．．都好好味金寶香蕉．．（唔記得係咪咁叫＝ｐ）係朱古力脆加埋ｄ香蕉第一次食呢個甜品幾特別朱古力同香蕉好夾一百蚊一個餐好豐富，都幾抵

我平時真係唔會為意呢間餐廳,可能門口黑黑的,但見到男朋友咁喜歡三文魚,一定要同佢黎試試啦!餐廳內的公仔好得意,其中我對三文魚lady為題的圖畫最鍾意.講番食物先,我點左三文魚白汁扁意粉.配熱朱古力.而男友就點田螺天使面,檸檬茶.三文魚白汁扁意粉的意粉有咬口,白汁很香,濃度剛好,三文魚碎都好好味.田螺天使面外相平平,但原來好好吃!田螺做得好香,天使面雖然碎了點,但面質好軟身好滑.兩者各有各好,都有水準. 下午茶好抵食.

上星期六試過Pink Salmon既lunch, 覺得幾好今日同朋友gathering, 又去左試佢地既dinner羅宋湯水準依舊不錯而今次伴法包的三文魚白汁醬就多左d魚子, 比上次更鮮味小食叫左個法式焗田螺, 朋友覺得麻麻, 我就覺得唔錯丫主菜先上茄醬三文魚海鮮焗天使麵, 用錫紙包住焗, 熱辣辣個醬調味調得幾好, 而三文魚非常好食~ 不愧係Salmon Cafe另外一個主菜係牛扒鍋燒飯, 牛扒幾腍, 不過味道就無咩特別最後上的甜品係朱古力慕思, 不過不失啦

*泡沫三文魚湯*味道清清地，唔錯。可能有d人會覺得d泡沫係多餘，甚至乎抗拒，本人覺得有無都無所謂，d泡又無味，我諗係多樣野睇落可以賣貴d。*三文魚醬*餐前面包跟埋，好好味，即刻忘記牛油呢樣野。*酥皮湯*同出面d酥皮湯味道有分別，但分別唔係特別好，建議唔好叫。*魚扒*試過幾次，凡係魚類既扒都唔錯，煎得香口，配汁好夾。*肉扒*比普通餐廳好，但比較之下魚扒較出色。凡扒類食物賣相非常之好，配菜比一般出面好好多，配菜有幾種不同蔬菜，而且都係熱既。服務非常好，繁忙時間如無訂位要等一陣，佢會叫你留低個電話有位打比你，等緊位個陣可以行下隔離間書局，而且絕不會搭枱，就算兩個人去坐四人枱，都唔會突然搭個人出黎，氣氛幾好。侍應會講解有咩選擇或提議你食d咩，幾好傾，但試過有個後生女侍應就麻麻地，唔多出聱。

下晝等朋友放工一齊食lunch佢推介去附近一間叫Pink Salmon Cafe & Restaurant既地方入到去時差不多7成滿; 環境ok, d櫈坐得幾舒服Set lunch有焗豬扒飯, 法式雞脾肉, 炒天使麵同日式咖哩我地兩個不約而同都揀左天使麵 先上湯同麵包~ 個羅宋湯唔錯, 個法飽就更好味原來有名堂的, 叫三文魚白汁醬伴香焗法包喎~麵包夠脆, 個醬好好味, 值得推介 主菜名堂係意式香草海鮮炒天使麵~ 個賣相幾好墨魚, 三文魚, 青口, 蟹柳都有好多, 夠哂足料份量很足夠, 我食左大半已經好飽味道~ ok啦, 還算不錯之後order左杯熱咖啡, $50蚊完成左是日lunch總體上都食得過, 值得再來!

上次同男友星期六放工去食tea，Tea Set由＄20－＄50不等，有個餐係"豬仔脾＋沙律"，男友想問可唔可以沙律轉薯條，咁問個職員（係中年師奶一名），佢話"唔得啦，個餐係咁就係咁"，算！呢點我地都明白，跟住佢有無端端勁大聲咁嗌向水吧"佢地問""豬沙""可唔可以轉薯條喎！！"，真係好大聲，攪到有d尷尬，廚房話唔得～咁我地話無所謂，佢又問"咁個""豬沙""你地係咪要架？？"我地話"係"佢又大大聲講"哦！即係一個""豬沙""啦！"大佬呀～收咁既價錢，做咩要做到茶餐廳咁？我地係客，唔明咩叫豬沙，呢個師奶知就以為自己好叻咁～最後我地叫左一個"豬沙"，一個三文魚意粉，食完仲係好肚餓，好細份，又唔係特別好食。

我和老公去過慶祝生日,吃過三文魚醬,真係好食到暈,怕食得太多麵包食唔落其他o野,所以無再order, 叫o左二人餐, 有4片三交魚,一個pasta,一個小食豬仔脾,再order了田螺,好好味呀!最後甜品是心太軟加雪糕加tirumisu,太飽了! 朋友送我們$300coupon,補o左$20,很抵食,下次要叫多d法包!