紅粉佳人 (已結業)

服務唔錯，好過好多走同價路線O既連鎖餐廳.因為要趕住去睇電影，催佢要快O的上個心太軟，真係RESPONSE 得好快，而且都好有禮貌，食物OK的，心太軟無O羊驚喜，叫OK，但應該會再試多次.

超飽, 食左特色包+三文魚醬(賣點,勁正), 凱撒沙律(但麵包粒太油), 魚柳鮑魚波菜闊條面(好大碟,只食了一半!!!), 加$20食心太軟(好好味)$100 each, 但我們只有1.5hr, 太趕, 最好預2小時一定要再去, 好好味

同秀大盜去電影中心睇戲前, 搵左哩間黎醫肚, 一入去已經90% full, o岩o岩有張幾隱蔽2人檯, 不過員工既回應好快, 亦都會周不時行埋黎睇o下你要d咩.首先個餐包係用三文魚漿搽架, 真係幾配合佢間餐廳既主題pink SALMON ~我地order左一個龍利柳波菜濶面, 一個T-bone steak.首先, 個份量係幾大, 而且樣樣野都係熱騰騰. 龍利柳煎得幾香, T-bone又夠淋. 唯獨d配菜唔夠味, 太淡.最後甜品+$20有心太軟, 正!Overall, 整個晚餐都好滿意~

她裝修後第一次光顧，環境光猛了，四處也顯得乾淨、整潔。點了set lunch，雞扒拼彩色炒飯，送咖哩雞醬、法式麵包、餐湯、餐飲各一。咖哩雞醬應是日式咖哩，因為甜甜的，起初還以為是普通的蛋沙津醬~~食下去真的有點雞汁的味道，好特別呢！餐湯點了羅宋湯，配料非常多，唯一的不滿是比較淡，如果濃少少會好一些。至於主菜，雞皮塗上了蜜汁再烤，未食已經聞到那陣陣香味~~再加上那美妙的醬汁，令香味達到頂點！肉沒有一般烤肉那般乾，簡直是高水準之作！彩色炒飯是加入了不同顏色的椒，再加蛋炒，感覺非常新鮮！份量不少的，到最後我也沒有能力食完那些飯......職員的服務態度非常好，有禮貌，總是微笑的樣子，令人食得特別開心、滿意，雖然要加一，但也心甘情願。

今晚終於同朋友試呢間餐廳, 一入到去環境幾好! 每檯都有蠋光增加氣氛, Order兩個Set Dinner. 先嚟四片法麵包, 雖然有烘過, 但唔夠香, 加上牛油及三文魚醬, 唔錯! 凱撒沙律- D菜都幾新鮮, 沙律汁份量剛好但麵包粒偏油! 海鮮炒天使麵- 配料有三文魚粒, 蝦等... 味道一般而且好油, 似食炒米粉多D! 杏片香芒龍利柳- 賣相幾好! 但份量少! 用上罐頭芒果肉, 所以質感好假. 龍利柳煎得香口, 薯蓉也做得很出色, 唔係一般開粉做成. 加$轉甜品加$10藍莓芝士餅- 用消化餅做餅底, 味道OK! 唔會太甜. 加$20心太軟- 賣相唔錯! 入面的香濃朱古力漿帶點酒味, 再配伴碟的雪糕, 有一冷一熱的感覺, 果然無介紹錯! 整體食物質素唔錯! 睇得出好有心機做出嚟! 服務態度都幾好!

一向知道這間餐廳的服務均以客人為中心，有時眼看有些客人無理的要求，侍應也不會直接拒絕，通常問過經理後也盡量做。從這位憤怒的客人所描述，當時餐廳應該十分繁忙，客人要等位當然不悅,侍應疲於奔命也容易煩躁。從事件看並非大錯失，侍應亦有盡量為客人安排，只是大家溝通上有點誤會，做成不快。香港人越來越易動怒，態度有時是相對的，侍應也是人，大家應該彼此尊重。我相信餐廳的金句用意也是彼此提醒，沒有愛心彼此尊重和包容，世界又怎會有和諧平安呢？

其實一直都好鍾意來這裡吃飯，因為味度真的不錯。但那裡的待應態度一向都有些問題，一直都忍住忍住，直到今次，出事嘞!昨晚(四月十四日)去到，外面已有一對中年夫婦等緊，但我和朋友覺得無所謂，於是同餐廳內的待應講聲，便在外面等。其後，有兩位女士直接入內，便被安排位置，當時已覺奇怪，因為明明有兩pair人在出外等，為甚麼這兩位女士會有位坐先，便差想她們是否事前訂位。及後有一曲髮女待應走出來，叫我們入內坐，但我心想應該輪到前面一對中年夫婦，便和該待應說。怎料該待應極度無禮地「咀妙妙」說:「我專登執緊個卡位俾你坐嘛!(意即最後入的兩位女士不是坐卡位，被安排坐小桌)」佢地(該對中年夫婦)四位，唔係等兩位呀!」我當時覺得佢態度好差，我問這個問題，著實是人之常情，為甚麼後來的人先有位坐？若你真是安排卡位，你都可以講聲俾我聽啫!我又點會知道前面位中年夫婦是等四個位呢？我當時好激氣，同個待應講:「你態度好差喎!我們不吃了!」怎料她一直keep住「咀妙妙」的不屑樣，好似慶幸少個客仲好，我地唔優做咁款。呢間餐廳貼滿了很多有宗教感覺的小句子，但在這裡的待應表現中完全感覺唔到。Sorry 囉!點好食都唔會再去。有質素

很少能找到一間, 食物, 環境, 服務不錯的餐廳!今晚, 朋友介紹到一間並不顯眼的餐廳去吃晚餐,真的不顯眼, 因在佐敦與油麻地之間, 而且外面的佈置又並不顯眼, 但內裹的佈置卻很簡潔,舒適, 環境不錯. 食物方面, 我點了晚餐: 杏片龍脷魚柳配菠菜忌廉汁, 頭盤的湯: 羅宋湯, 材料很多, 味道不錯! 配以麵包(有普通法包和香草包), 牛油和三文魚醬! 好味道! 另外, 還有凱撒沙律, 很多菜,汁料味道也好! 主菜賣相不錯, 送上時發覺, 其碟是暖的, 是很細心! 味道更不錯.服務方面, 侍應的態度亦不錯! 環境是很適合朋友傾談的地方. (只是洗手間外的環境不大好)雖是不太方便到, 但是值得一吃!

早已被這裡的三文魚醬所迷倒若非位置較吊腳一早就再回來幫襯麵包蘸的並非牛油而是用三文魚造的魚醬甜甜的加上輕輕的魚油香那管會否肚痛!送稍咸了的酥皮湯剛好酥皮是水準以上浸了湯還保持到一定的爽脆已屬難得到電影中心看過有如精品拼盤的我愛巴黎後當然要選吃同樣有如拼盤的芝士火鍋這裡的芝士火鍋又進一步的港式化了竟加入了燒烤元素雖然有如電影中杜可風那一part的不倫不類但其實對部分本身不屬芝士火鍋的肉類例如鴨胸和雞肉之類煎的確比用芝士烚來得好肉菜各佔一半各款選材也不俗芝士汁無限任加也是窩心的設計份量算大兩個人都已經夠食叫多一個飯已過籠了特別是魚扒三文魚扒配飯是否油魚其實煎魚扒都會用上很多油看來煮得熟了少許肉質不太爽但始終是招牌菜還是吃得出新鮮的標準甜品班戟以外轉了心太軟水準中上目標是來吃魚的話其實已是錦上添花

兩個人來這裡晚膳,點了一個精選海鮮拼盤晚餐,另外再點了一個三文魚蟹子意粉。餐湯是泡沫三文魚湯,是用咖啡機的打泡器打的,賣相不俗然而味道一般,反而跟湯上的面包卻不錯。主盤海鮮拼盤,有三文魚扒、帶子、軟殼蟹等,奈何份量和味道皆平庸。三文魚意粉不錯,用上了質素上好的煙三文魚,加上意粉汁的調味也甚好,值得推薦。飯後跟餐的甜品選了香蕉pancake,也不錯。值得一讚是用上了即磨咖啡而非即溶咖啡。

24/12 book了台食平安夜大餐\, 7:30結帳85折。去到, 叫了a和c餐\。a餐\是羊排, c餐\是牛扒配田螺汁。頭盤有三文魚, 北寄貝, 沙津(不錯, 魚生很新鮮。)之後龍蝦魚翅湯, 都還可以。之後就是羊排, 牛扒。羊排味道不是太清楚, 因為不是我食。然後就是我叫的牛扒, 牛扒很乾, 沒有牛扒味, 但不是太硬, 沒有肉汁, 我叫的是5成熟, 切落去睇紅紅地, 但冇咩肉汁流出黎, 麻麻啦。之後到甜品, 有喱哩, 有朱古力蛋糕, 好像是蕃薯雪糕上面加一塊餅。先說喱哩, 不知怎樣形容, 一點甜品都沒有, 好像是有少少酒味, 味道不討好。蕃薯雪糕, 只能用味道得意來容, 最後就是朱古力蛋糕, 這個是最好, 不過很飽了。整體來說, 一般般, 不是太好味, 但也不太難食。

兩個月前朋友第一次帶我到Pink Salmon吃飯, 覺得他們服務態度好, 食物味道不錯, 而且價錢相宜. 坦白說, 要不是朋友建議到那裏吃飯, 那個有點"娘" 的中文店名實在令人卻步.因為懶, 加上不再是十八廿二, 無興趣四處遊蕩跟人迫, 所以平安夜原區活動, 吃飯也揀了附近的Pink Salmon.平安夜只賣大餐, 沒有a la carte. 主菜有三款, 最貴的也只是二百多元. 大餐份量十足, 但抵還抵, 水準卻有點... ... 連所謂主打的文魚菜式也一般. 我覺得第一次到那裏, 好吃多了! (雖然其實也不能說是非常好吃)為甚麼食肆在大節日裏, 食物總是比平常做得差?以後還是自己煮好了! 免得付上較平日多的金錢, 卻要別行貨食物

今日兩個人去左食下午茶一個要「焗菠蘿芝士火腿牛角飽」d 味非常地夾=] 幾好味同埋個飽焗到好熱d 芝士又溶溶地咁...自己在家整都得喎haha另一個要「凱撒沙律配燒雞」好多菜個sauce 幾好味...非常夠飽$25 我覺得非常抵食!!我要左杯coffee 都幾好..唔酸total 兩個$50 落樓算抵啦個環境夠靜慢慢坐都得...係waiter 比較少

睇過呢度的食評之後去試真係好正！食物質素好﹐可以從小處裡面睇得出佢地有無心機做菜e.g. the soup, the salad, the cheese cake!最好的地方係﹐佢地會等埋我地兩個人都食完晒一道﹐先至上另一道。佢見到我/ 我女友未食晒都唔會上另一道先架！呢點睇似小事﹐但其實就係呢d 地方睇你係唔係做得好。所謂「見微知著」就是如此

經朋友的介紹下，我和四位朋友在20-11-2006晚上到了紅粉佳人晚飯。(由於一早訂了位，位置相當不俗)門面雖然跟一般的茶餐廳差不多，裝修也不華麗，但餐廳內的環境相當舒服和溫暖。無論是三五知己或是跟你的另一半一邊用饍一邊談心，也是不錯的選擇。至於食物的質素也相當好，而價錢亦很合理。我們分別點了三文魚(煙三文魚卷+三文魚扒)濶麪，牛扒配田螺汁，雞扒配香芒汁…總知一點也沒有教人失望！值得一去！