紅粉佳人 (已結業)

上個星期因為煩惱緊同老婆去邊度食飯,上黎睇睇有咩好地方食野而又近油麻地,俾我見到原來有哩間叫PINK SALMON的餐廳,見D網友對間餐廳評語都幾正面,就即管同我老婆去試試.個晚我地ORDER左個情人套餐,有自選頭盆,湯,主菜,小食同甜品,我老婆要左個羅宋湯,我就要左個CAESAR沙律,主菜就要左雜菌天使麵,小食就要燒豬仔脾,其他野唔多介紹啦,因為好多網友都讚過了,我反而想特別讚下個天使麵,好味唔在講啦,做得最好係D麵質控制得好好,爽口唔糊又彈牙,一般餐廳都好小做得咁好,真係冇得彈,最後個甜品我地要左個二人新地,雖然食得出係用D普通牌子既雪糕,但個份量同賣相都好OK,咁既價錢都算係咁啦,本來一心想試個心太軟,都因為食完個新地飽飽而放棄左,不過既然哩餐咁滿意,可以留返下次再黎至試啦.