紅粉佳人 (已結業)

餐廳不難找，找到時要是門口沒有餐牌，絕對不會知道這間野係餐廳，黑黑的也看不到裏面心驚驚拉開門，見入面都幾friendly就感覺好了許多，可能是以前的陰影，總覺得這種都是放毒品的黑店店内是以紫粉色系列塗色的，連冷氣也上了色，暗暗的情調不錯，6點半walk in店內只有小貓幾檯waitress卻是比檯數還多，站在吧台大大聲傾計，連帶位的也是拿著電話不放，還真閑@@"墻上是許多的飛三文魚圖畫，menu面也很有創意，感覺很好~ 餐廳是以意大利配合日式的組合配餐既然本店是以三文做招牌貨，就來個熱辣辣系列海鮮三文魚鋦天使麵套餐~ waitress很閑，自然換水勤快，水有加檸檬，很不錯~ 餐包跟的除了牛油外還有tuna醬加上魚子塗落個包度還蠻配的，果然很有特色，還不錯~ 第1次試西餐配合日餐選了Ceasar Salad，只屬1般，生菜過濕，不夠爽口，但分量很足，夠曬抵食大碟~天使麵上到離，終于明白點解係熱辣辣系列~ 麵用錫紙包實曬上檯~ 甘有特色？希望味道也附特色~小心翼翼好像拆禮物般拆開，怎沒人教我點拆=.=" 辣親手點計=.=" 包裝還蠻複雜的拆了許久才拆開，拆完還要轉返個圈如果唔係錫紙係會頂到

去食過三次, 每次的經驗都好好食物質素新鮮美味, 一定要食的係三文魚刺身服務態度好好、環境清靜有時我同老公去食鐘意叫約200的set(兩人), 可以試;到多d食物若果5-8人, 又可以book他們房聚餐(不過有min. charge)

星期日又同老公在此食晚餐, 分別叫了兩個set dinner.面包, 湯,,, 不用多講, 不會失望的.主菜是:1) 芥末忌廉燒豬柳飯, 豬柳好淋, 有3大件, 配上芥末的香味, 很好, 老公話好大碟呀.2) 燒銀雪魚燒鍋飯, 這個是我的, 真係出乎意料的好味, 好有日本feel, 兩大件銀雪魚, 好滑, 配上燒汁, 加上大量炒雜菜, 個鍋又好夠熱, 真係好好味. 甜品就當然是加$20轉為心太軟及紅豆梳乎里, 心太軟仍然好好食, 好多朱古力漿, 配上雪糕, 每次必食. 另紅豆梳乎里都好味, 一貫水準.埋單共$220, 抵食, 好飽呢.

之前專程帶家人黎九龍黎試下Pink Salmon~無訂位, 6點幾去到, 已差不多8成滿了, 剩下的多已被訂座幸好仲有一枱響房仔內係未有人既, 可以唔使等位, 我地一家三口立即坐低先研究左一輪, 都係由我發板, order左茄醬三文魚海鮮焗天使麵同脆皮豬手餐先上既湯係忌廉湯, 有大大隻的青口, 真驚喜!再黎我熱烈推介的三文魚白汁醬伴法包, 爸媽試完一啖已經非常讚賞~ 一小碟真係唔夠立即叫waitress比多兩碟醬我地, 佢都好有禮貌~ 一人一碟醬搽滿成塊法包, 好滿足! 主菜到, 錫紙包上的焗天使麵相當熱辣辣, 料頗多, 三文魚新鮮, 趁熱食很一流!脆皮豬手: 汁是另外上的, 皮燒得稍乾, 不過唔緊要, 皆因我唔食皮既 由於很大舊, 我爸爸切唔到, 所以請waitress拎返入廚房幫我地切~ 態度很良好, 很快就幫我地搞掂, 非常抵讚!豬手肉很嫩滑, 也夠咸~ 很好食! 甜品係芒果雪糕同紅豆綠茶慕絲... 前者有粒粒o者喱響雪糕入面, 爸媽幾鍾意食後者~ 我就覺得稍為甜左d總結呢餐相當滿意, 2個餐份量足夠我地一家3口食得飽飽, 食物質素高, 侍應服務良好, 一定會再返黎~

同老公在此慶祝生日, 預早book了位, 所以她們留了一個好隱蔽的卡位給我們, 哈哈!叫了兩個set dinner. 當然包括了好味的三文魚醬法包, 餐湯, 主菜, 餐飲及甜品啦.老公的主菜是"焗酥皮藍山咖哩羊肉煲"配飯. 他說好夠味, 咖哩夠辣, 羊肉又夠林, 又多配菜, 好抵好好食.我的主菜是"燒銀雪魚配野菌飯", 有3大件銀雪魚, 好滑, 又多配菜, 個野菌飯又好香好夠味, 真係好好食呀.我地以$20換了特色甜品, 當然是心太軟, 另一款是焗蘋果金堡. 心太軟做得好出色, 好多朱古力漿流出, 配上雪糕, 正正! 蘋果金堡就略甜, 亦加有雪糕, 好甜!今晚實在太滿意了, 亦好好好飽, 埋單2人都是$280, 讚!

加班之後, 一眾弟兄姊妹行了來這裡吃個下午茶. 從店名看, 這裡應該係以三文魚為主打, 但文迪沒有大興趣, 小弟的最終目標其實也係心太軟, 我們二人就不吃下午茶直入甜品時間. 見這裡的甜品也有不少選擇, 最後揀了以下兩款.酒香焗軟心朱古力布甸伴雪糕 $35: 6分, 只係賣$35, 以心太軟來講, 都幾經濟的. 外層的質感一般, 實實的, 也做不到朱古力流出來的效果. 朱古力幾香濃的, 但係排頭的酒香就不太察覺到. 當然, 香濃的朱古力配上雲尼拿雪糕, 永遠是不錯的選擇.熱烘鮮奶栗子梳乎厘 $35: 6分, 賣相一般, 不算係發得好高. 用上了栗子, 幾香的, 但係不夠滑也不夠鬆軟.原來這裡的佈置也有福音成分, 也希望這裡能夠繼續將這份愛延伸下去. 坦白講, 是日吃到的甜品, 水準只係普通, 或許再有機會來試試三文魚再作定奪,

起因:女朋友生日呀其實係食果一餐得一個星期前已經book左la..佢地安排左一張隱蔽既卡位俾我地wow =] .. 岩晒兩個人sweet sweet咁食里一餐 =] 而係book位既同時... 又order定一件tiremisu做生日蛋糕... 佢地都好有心咁幫我放左個happy birthday牌仔同candle係card上面果日仲一早放左束花去果度,,,,等佢有個surprise tim~....講返個餐..要左個情侶餐....3文魚....ok la,,,個cream soup係成餐飯最出色既.... 好rich 好creamy豬仔脾... 炒pasta.... 都係正正常常咁laum..... 下次try多d salmon既food先得....同時間...女朋友見到d花....開心到彈起呀 !!!haha... 多謝你呀 pink salmon

頭先電腦hang左，唔知post唔post到，好彩我係wordpad打左先paste上黎，同埋頭先張相大得滯唔接納，resize左應該post到。因為時不時都會去電影中心睇戲，但只有今次黎到又食到tea，晚餐\就試過兩次都full booking呢~黎到SALMON當然點三文魚食啦﹗叫左個三文魚扁意粉，嘩﹗真係好，熱辣辣仲冒煙架﹗雖然係個tea set，但都唔似份量少左，三文魚都好多，又唔會好似有d冇誠意0既餐\廳咁將d三文魚碎亂堆埋一注就算，意粉唔會太淋，唔會似拖水後擺\左好耐先黎煮，唔錯~最後加埋杯奶茶，真係好滿足﹗我實會再黎試其他野架﹗呢度環境好好，d位好舒服，我同朋友食完傾偈傾左好耐都冇人趕，好free呢~

今日三個人去食叫左個二人餐+一個set dinner三文魚白汁伴法包好好味呀個醬好正,個包又外脆內軟頭盤係三文魚刺身,好新鮮呀!甜品都唔錯,加20蚊有朱古力心太軟,加埋橙味又唔\\\"lou\\\",甜品拼盤有new york cheescake同pancake入面包雪糕,兩樣都唔錯overall黎講都幾好味,應該會再幫襯值得一提係service好好,好快有人收碟換碟

上星期晚黎食... 因為冇book冇卡位可能之前期望幾高, 所以唔覺得特別好加左20蚊要個一個酥皮湯, 但好一般, 唔太好個三文魚醬如果多d會好d, 有d洋蔥味, 之前大家講到好好味, 但我覺得只係一般豬脾都係mama地...三文魚蟹子忌廉扁意粉係煙三文魚黎, 我本身唔太好煙三文魚, 但佢用忌廉煮所以ok好味既個甜品拼盤幾好, 個班cake入面係雪糕黎, 仲有係newyork cheesecake不過呢, 每食一樣野都有人收碟換新碟, 幾好個比較男仔頭既waitress服務都好好我覺得價錢唔太吸引, 又唔係特別好食, 所以未必會黎

食物幾好食都假，問少少野就唔好耐煩咁，都唔駛望佢有笑容黎打招呼，黑口黑面，仲以為殺左佢全家。滿客就客氣d請人等下啦，唔好晦氣咁「宜家無位wo，要等半個鐘呀，你等唔等嫁！」希望果個唔係老板娘啦，如果唔係一定成功趕客，關門大吉。希望佢地d員工好好改善下啦！

今日同男友去了食LUNCH我點了招牌煙三文魚蟹子伴香檳忌廉汁沙扁意粉他點了SET LUNCH,忘了是海鮮甚麼茄茸炒天使面兩個味道都不錯呢!我的那個有四朵三文魚,分量夠!他的那個茄汁味幾濃,跟餐的包配咖喱醬,OK。而白湯幾CREAMY,不錯不錯!今日食食下既時候突然發覺不來中學時的師弟就坐0係我隔離張枱,但我忘了他的名字

每次到百老匯電影中心睇戲，都苦惱有甚麼好味的食店可去，終於發現此有誠意的餐廳「紅粉佳人」。「紅粉佳人」的午餐只是$40至$50左右，但是，絕對是誠意之作，極之抵食！粟米忌廉湯加入炒香的煙肉，不能與茶餐廳例湯相比，有誠意，一絕；而餐飽配上蛋黃沙律醬，絕頂好味，二絕。南乳照燒雞扒：「中式的南乳香味，與西式的雞扒配合得宜，有創意有誠意。」焗豬扒飯：「茄汁有新鮮的味道，不會濃似漿糊，豬扒都很可口。」

sat. lunch set 係普通野, fd選左芒汁雞扒, 我散叫左佢\\\招牌菜煙三文魚意粉。個set包沙律/ 餐\\\湯, 要左沙律, 但d菜上面既芝士粉太勁(勁到有d嘔吐物味>__<), 食左幾條生菜絲已經頂唔順, 不過個雞& 杯凍奶茶都ok, 好過一般茶餐\\\廳。至於我個意粉, d料好足, 有成5朵三文魚花, 而且食得出唔係平時超巿貨, 個白汁都幾好添, 唔太creamy, 好香, HKD68都值既。值得一提係個麵包醬, 雖然跟餐\\\唔係三文魚味, 而係火雞味(唔記得), 但係幾特別, 搽麵包正正~去之前以為個裝修好得, 但入到去發現除左有D魚既畫o係牆上面之外, 其他所有野都好普通...有d茶記既感覺。

好掛住呢度既三文魚白汁醬, 所以帶朋友黎食野真係好好味, 食到唔夠醬, 原來可以要多碟醬的, 正!叫左個酥皮o加哩羊肉同脆皮豬手前者: o加哩幾香但唔太辣, 送飯/意粉不錯~! 羊肉幾林, 唔係太羶後者: 好大舊的豬手, 幾好味呀, 不過稍為乾左少少... 點d汁就好d甜品見咁多人推介心太軟, 所以叫左個黎試... 真係唔錯! 外脆內軟, 中間熱熱的朱古力不太甜, 幾好味...! 服務同整體環境都幾好, 令人有很舒適的感覺... 不過個toilet有點污糟, 不合格, 要扣分