紅橋 (已結業)

經過始創中心，我們想找附近的餐廳試試，時間尚早，我們就食個早來的晚餐。一開始見到紅橋餐廳門口不算太多人等位，一示意就可以入去。環境感覺一般般，冷氣非常強勁，不過餐牌都有很多不同類型的選擇。餐牌好有趣的，內有磁石似的可以貼住枱邊。(1) 黑醋蜜糖豬扒 伴蛋包飯蛋包飯望落已經好吸引，賣相不錯，非常適合相機食先。蛋包飯入面好像是椰漿飯，有少少椰汁味，又特別又好味。豬扒肉質好滑，配上黑醋蜜糖汁一定唔伏。(2) All Day Meal這個all day meal算幾抵食，包括了烤豬扒、黑松露炒蛋、忌廉濃湯意粉、沙律、蒜蓉包，還有飲品。滿滿的黑松露融入了炒蛋裡面，蒜蓉包好香好好食，豬扒口感好滑，忌廉濃湯唔係太濃。(3) 蜜椒單骨雞翼 (8隻)蜜椒單骨雞翼甜甜的，因為表面有蜜糖包著，脆身的，最正係有一粒粒黑椒粒，又脆又香口。單骨雞翼感覺份量較多 (其實即是4隻雞翼)，食得好滿足。

餐廳坐位闊落, 不論係拍拖，同閨密談心,，仲有一大班朋友聚會都好合適。餐廳食物選擇非常多，而且好多元化，總有一款岩心水。黑松露忌廉汁海蝦帶子燴意粉（精選套餐）$72好大隻既蝦，有3隻！仲有好多細細粒既帶子！意粉煮得岩岩好！每條意粉都沾滿忌廉汁，帶有淡淡黑松露味！仲有鮮菌配搭，同黑松露味好夾。跟餐仲有餐湯，餐飲，同一小碟沙律！抵食！蜜椒單骨雞翼 $41雞翼炸得香脆，蜜糖加上黑椒，甜甜地又惹味！而且單骨雞翼食起上黎更方便！燒牛舌伴薑汁醬油 $45牛舌燒得岩岩好！好嫩滑多汁！而且厚度適中！再點醬汁一齊食，好味道！牛舌愛好者必試！煙三文魚巴馬火腿雜菜沙律 $65三文魚同巴馬火腿份量都多.沙律菜份量同樣都好多，沙律菜新鮮爽甜，配合芝麻醬一齊食, 唔錯。而且餐廳好細心，將芝麻醬分開上，可以落自己想要既分量。

星期日既晚上黎到旺角西洋菜南街試下一間抵食又好味既西餐廳-紅橋. set dinner 方面有幾款，價錢大概70-100，包餐飲餐湯同前菜沙津. 而我最鐘意既係蜜汁豬排蛋包飯😍，蜜糖撈埋蛋包飯既茄汁又酸又甜😋好易入口，豬排煎得唔錯，加埋蜜糖更可口. 除左主菜仲有湯同前菜. Creamy南瓜粒西湯好香，加埋沙津更開胃.另一半就叫左海南雞set dinner,有湯有野飲，60蚊有找. 😆雞算嫩，黃油飯亦好香好夠飽.

首先，呢個馬來咖啡雞扒飯，真係幾足料。 超香濃既棷香味，咖啡都好濃。 雞扒係要煎香過才放入去， 所以整體食落黎真係幾滿足。呢個set 加埋奶茶都只係$58. 超抵食價。另外既千島汁碎蛋煙三文魚焗飯亦相當好，千島汁不算濃，咁樣食落先吾會膩。😋😋

旺角多野食就係人都知，今晚黎到人來人往既旺角，去左西洋菜南街既＜紅橋＞。如果要我形容呢間＜紅橋＞，我會話佢係新派港式茶餐廳，佢既佈置好時尚簡單，光線充足，價錢合理唔貴, 而且全日免收加一，講真，仲好過茶餐廳。 我同朋友兩個人，係門口睇到餐牌後，覺得選擇多，價錢岩就入左去喇。旺角真係一個一年365日任何時間都好多人既地方，打開餐牌，有好多選擇，分別有沙律、小食、主菜、飯、意粉、咖哩及輕食。仲有特選晚餐，特選晚餐價錢由HKD68-98不等，每個餐也包了前菜、餐湯及熱飲。 因為不是太肚餓既關係，我地叫左一份晚餐及小食Share。我地叫左特選晚餐E，「車打芝士汁西蘭花石斑飯」及「芝士焗肉醬薯角」。 餐湯分別有中式及西式選擇，我地叫左西式栗米湯，大部分西式濃湯不是太稀就是材料太少，但呢個岩岩好，口感幼滑creamy。 晚餐既前菜係煙鴨胸什菜沙律，份量不大，剛是一人份量，有兩塊鴨胸，新鮮沙律菜配上鴨胸食，味道好夾。 我好鐘意野食夠熱，所以今晚所點的兩個食物都係用焗的煮法。「車打芝士汁西蘭花石斑飯$68」份量好大，上檯夠哂熱，濃濃既芝士香味令食欲大增，西蘭花不會因為焗得耐而變色，而石斑沒有雪魚味，就

記得以前讀中學個時，成日去旺角行街食野，因為平靚正。不過自從出黎社會做野之後，就少左去旺角呢個地方，今晚約左個舊同事，因為佢住呢頭，所以我地就左去旺角食飯。 佢介紹去一間叫『紅橋』既餐廳，係一個fusion既西式餐廳，有西餐、馬來西亞、小食等等。朋友話呢間餐廳可以話係佢既飯堂，因為價錢合理，份量大份，而且上菜速度又快，既然佢講得咁好，即管試一試啦。 打開餐牌，的確有唔少選擇，而且種類分明，有前菜、主菜、小食、輕食、同埋套餐等等。晚餐餐牌唔多岩我食，所以我同朋友就散叫，分別點了 「海鹽爐燒安格斯肉眼牛扒$188」、「蜜糖芥末汁煙鴨胸休菜沙律$49」、「羅勒醤露荀什菌車厘茄意粉$55」同埋「紫蘇葉蝦春卷$48」。每個菜也可以加$12 轉套餐，而套餐就有餐湯同餐飲。 「蜜糖芥末汁煙鴨胸休菜沙律$49」我慣左每餐飯都會食好多菜，所以一黎到就叫左個沙律食住先。平時食三文魚、烤雞沙律就食得多；反而煙鴨就比較少食，如果只食沙律會好悶，加埋煙鴨胸，成個沙律即刻變得色彩斑斕，寧舍開胃呀! 而且佢個蜜糖芥末汁好香口又健康，估唔到呢個價錢有呢個份量，真係好抵呀!!! 「海鹽爐燒安格斯肉眼牛扒$188」叫左七

星期五想黎個Happy Friday，睇左食評見到好似都幾好食，就放工直接walkin入座。其實餐廳一直都好full，keep住有人等位，唔知係唔係因為咁樣，啲食物真係難食到爆我地幾位朋友都一人叫左一份晚餐套餐，先上忌廉湯，賣相好稀！飲落味道好似有埋麵包糠係入面煮，偏咸。個蟹柳沙律，青瓜絲有苦澀味！另外友人叫左中湯，一樣賣相好似水咁稀，好重味精味。等左好耐終於到主菜出場，「鰻魚蛋包飯」賣相唔差，但奇怪食鰻魚點解要跟把刀？原來啲鰻魚好有韌度！！口感只係食到好重鰻魚汁味，蛋包飯更離譜！入面啲飯濕得黎有啲生，明顯未煲夠時間就格硬上枱同行友人叫左「牛小排risotto」，牛小排果然夠晒小！同平時食肥牛無乜分別，我諗全晚唯獨係伴菜舊粟米係甜係好食！如果係因為人多應付唔切，希望餐廳可以改善下，但我地幾位都話：真係無下次！寧願食隔離米線

選擇困難@紅橋 旺角西洋菜南街190-194A號西洋大廈地舖 西式的前菜小食讓我試更多款，每次出街見到菜單太多選項都心大心細，準備只要挑小食沙律避開麵飯，就可以多試香炸雞胸柳雜菜沙律$49小不小了的，雞柳肉質比較有咬口，仲要有4條很足料，淋上沙律醬已好開胃，是日本麻醬酸香惹味炒野菌雜菜$45 女生身體食熱菜會健康，有西蘭花，薯仔，秋葵，洋蔥，車里茄，紅蘿蔔等，顏色及營養都襯搭得好好。$58 全日套餐 雞扒，黑松露炒蛋好滑有蛋汁，食落有陣黑松露芳香，再配蒜包同湯意炒份量十足包飲料，常餐價錢all day breakfast 享受。個蒜包富牛油同蒜味，烘到脆身伴湯意粉一流，而白湯好creamy 不會水滴滴夠味，似牛奶仲有粟米粒菇碎同松露醬，意粉又彈牙，食一份飽全日，雞扒仲有蜜糖淋係面大大碟好抵袋，仲要住日免加一服務費，有誠意小店，位置在旺角與太子中間，下次帶少爺來吃

旺角除左女人街，我有時都會行去西洋菜南街搵野食🤪(即係近太子)今次見到呢間新新地的紅橋餐廳價錢唔貴喎即刻試試！又坐得舒服店員服務態度都好好呀香烤蜜糖原條豬肋骨 $138份量適合2-3人💕蜜糖味香濃肉質軟腍😍如果有得點bbq醬就好啦🤪精選套餐 包飲品同餐湯(牛肝菌忌廉湯🍲)泰式豬頸肉•蝦餅 配油飯 $58豬勁肉同蝦餅兩者都係我最愛🤣如果要我揀，呢道蝦餅更勝一籌！豬勁肉比較薄身，調味比較淡，無咩嚼勁🙈蝦餅就炸得恰到好處，點埋泰式辣醬，正💕下午茶餐 包飲品紫蘇葉蝦春卷 配薯角 $50唔講唔知🙈紫蘇葉好似係日本料理的香料植物有抗氧化功效😂😂我就覺得呢個配搭好新鮮！係我第一次食呀😍 (可能係我孤陋寡聞？🤫)減低左春卷的油膩感😆正！btw 春卷好脆口餐飲叫左凍檸樂 跟餐+$6咋⋯⋯比個menu大家參考下啦

野食同餐廳服務都幾好同朋友兩個食飯, 一人各自俾左自己那份錢, 收銀找番錢我地就出門口分番分來分去都唔啱數, 原來收銀找少十蚊回去後收銀黑晒面又死都唔認找少十蚊仲話出左門口就唔會再理收銀又無收銀機, 又無單俾番客, 呢個位係要改善一係就請過個計數好d同態度好d的收銀 lor 就算唔肯退番都唔駇咁的口面lor

出親旺角成日食連鎖店，一唔係就係食比較貴既CAFE有時荷包都唔係太頂得順，早幾日行行下比我地發現左呢間野～係出面睇睇餐牌，中西日式都有，而且價錢算中位數，唔會話太貴～環境寬敞，菜式夠多元化，價錢黎講亦算大眾化～餐湯可以揀中湯或西湯，我比較中意中湯，飲落去清清地以蟹籽青瓜沙律做前菜沙律，份量頗多，清甜開胃日式照燒汁伴鰻魚蛋包飯，鰻魚既SIZE 比想像中大好多!成塊可以話同蛋包飯咁長，蛋包飯整得好香，以份量黎講，呢個好抵食，味道都唔錯～羅勒醬香煎鵝肝燴意大利飯，帶淡淡鵝肝香同油脂香，羅勒醬令燴飯更清新，味道偏淡，不過夠香口～蜜椒單骨雞翼，價錢黎講夠晒抵食！有8隻咁多，而且雞翼惹味香口，好雞翼既朋友唔可以錯過，不過口感就有啲乾～經典紅豆冰，比較特別既紅豆冰造型，味道黎講夠正，紅豆溶溶地帶甜，不過呢個有啲霸位置～ (2人枱比較窄

油尖旺雖大，但成日都總覺得唔知食咩好今日同FD行完街 見到呢間紅橋睇落都幾新淨，野食唔貴，就入左去LU～睇個名以為係中餐，但店內既裝修就似西餐廳散叫餐牌 我同朋友叫左晚餐AB餐，分別係羊架配蛋包飯，同豬仔骨白汁菇意粉，另外散叫左個芝麻蝦多士餐湯係南瓜湯，好香南瓜味之餘仲帶南瓜絲嫁個跟餐沙津真係有驚喜，除左另叫既沙津外，真係無見過餐廳咁有誠意加埋煙火腿落去⋯⋯成件事即刻高級左好味呀小食先到！蝦多士有黑芝麻同白芝麻2款，熱辣辣之餘仲好厚肉，芝麻味好香，正呀！不過，小妹可能見識淺，第一次見蝦多士配煉奶感覺怪怪的，如果配蛋黃醬可能會更好大大碟main dish到！豬仔骨多到嚇親我地，因為有2排！而且除左骨仲好有肉地，滿足哂食肉獸我既慾望意粉都好食，唔會過熟，又有秋葵拌碟，唔錯！呢個蛋包飯應該係夠2個人食切開個飯，先知入面原來係炒飯底！！！加分加分。飯底好香，炒得粒粒分明至於個羊架，我係覺得還好，始終係平民西餐價錢，性價比算高了2個人食到捧住個肚走（仲食唔哂，少少浪費）都只係2舊水抵呀！下次大家可以帶埋身邊既大胃王來呢個抵食之選丫！

呢間紅橋走廊較闊，坐位唔算太迫算係ok。呢到跟太子分店嘅餐牌有啲唔同，呢到冇常餐。叫咗牛油果醬海鮮燴意大利飯，有蝦、帶子、青口及蜆，飯煮得適中味道幾好，用牛油果醬唔算切到成蓉，留有啲粒狀咁煮，令食飯時有多一點咬口，同埋煮咗嘅牛油果，食時有點果酸味道。香草蜜糖雞扒伴蛋包飯晚餐，蜜糖雞扒好香，但甜度調節返少啲就會更好。晚餐附有煙鴨胸沙律，鴨胸煎得幾好，配合沙律減少咗油膩感幾好。餐湯都係一般忌廉湯，但中湯就好味精麻麻。

在太子嘅西洋菜街地段，食肆林立，舖租更加唔簡單，若然新牌仔經驗少啲，好快就會被淘汰。大概半年前，紅橋就進駐了這條食街，而且一嗚驚人。紅橋走的是較西式的路線，正因如此，坐位佈局也比較悠閑，沒有茶餐廳般的擠擁。細看Tea Time 嘅Menu , 有不少特色配搭，選擇亦多。看得出管理層是經過細心硏究，才設計出這張餐單。法式芝麻蝦多士配薯角：蝦多士由兩件方包分切四件，份量絕不吝嗇，驚喜的是黑白芝麻同時奉上，無論在視覺上，心理感覺上都非常滿足。食蝦多士，最怕炸過火麵包索晒油，紅橋嘅出品火候恰到好處，一層芝麻、一層蝦膠、接著是脆多士，味道［一枝頒］呀。至於薯角亦非常出色，每一件都薄薄的塗上一層蜜糖，皮脆軟心，超級好味。所以我説紅橋係一間用心製作嘅餐廳，值得推薦呀

位於旺角與太子交界，旺角地鐵站附近，一間唔錯既西餐！餐廳環境簡樸，光線充足，不似一般西餐廳光線較暗沉，比較親民一點！前菜是煙鴨胸沙律，配上中式餐湯！煙鴨胸稍微煎一煎，比較香口，但又不會太油，配上新鮮蔬菜和沙律醬，特別開胃！餐湯是紅蘿蔔豬骨湯，用料好足，味道濃郁，飲落沒有味精！主食是香煎羊架配日式蛋包飯，羊架煎得剛剛好，咬落充滿肉汁，肉質好juice！蛋包飯煮得剛剛好，蛋身唔會太乾身！不得不推介，單邊蜜糖雞翼，味道一流，外皮好香口，而且肉質好軟熟！