紅橋 (已結業)

Rosa Bridge 環境：👣👣👣👣食物：😋😋😋態度：😊😊😊😊性價比：👍👍👍👍環境方面，以黑灰色為主，感覺幾摩登，幾舒服。枱與枱中間夠我過有突，唔洗打側身過。食物方面，叫左黑松露忌廉汁大蝦帶子意粉，牛油果醬意式卡邦尼意粉，中湯：木瓜湯，西湯：甘筍蓉粟米湯。中湯：唔會話太重味精，但又唔係好入味。西湯：好重麵粉味，無甘筍味，有十粒粟米，好一般囉。黑松露意粉：汁夠濃，蝦好大甩，帶子就凍肉店一包廿蚊個種，朋友話食到d蝦似新鮮蝦，唔會太乾，肉質唔會好霉，幾好食。牛油果卡邦尼：好彩係牛油果粒，5係一pat。汁夠濃，勁多煙肉。不過覺得比黑松露意粉鹹，仲越食越鹹，所以我食食下食唔到啦。奶茶：酸酸地，個奶令到佢滑d囉，都係一般檸茶：無乜茶味。態度方面，不過不失。整體，如果我食得蝦，我又會經過此地，我會食黑松露個個意粉。

今日約咗個朋友去食early dinner，由於之後一齊去做運動！所以我哋就想喺附近搵食啦😬行行下見到呢間鋪頭，𥚃面裝修得好靚呀好精緻，望埋佢餐牌見佢原來食啲嘢都好好有特色喎😍而且d價錢都好抵啦😱所以我地決定一試，我哋呢就叫咗一個set dinner啦,就係原條鰻魚蛋包飯,鰻魚好味同個蛋好厚好滑🤤佢包左前菜蟹子沙律，湯方面有中西湯。我哋揀咗西湯粟米蓉湯，跟餐仲有飲品！我就嗌咗個紅豆冰加＄10！紅豆冰黎到就好驚喜囉😎(睇圖）跟住叫左個蝦多士啦，黑白芝麻兩種各兩件，兩個人食可以試曬兩款👍🏼👍🏼再黎一個蜜椒雞翼同蒜蓉包蒜蓉包都係大大件而且好脆！

今日試咗呢間嘅海南雞飯，佢係冇骨嘅，所以有d吸引我覺得評價海南雞飯，最緊要係呢三樣野：飯、雞、醬飯：必須係油飯！食白飯嘅我會替佢感到可惜。今次就係預配油飯嘅。個人感覺有進步嘅空間，因為油飯冇一種入口即刻feel到嘅香味，感覺得個色。離好食嘅油飯仲有一段距離。雞：無骨的確抵讚，好鍾意啖啖肉嘅感覺。個人覺得雞肉部分黎講，雞髀肉最正，雞胸隨後，雞背同埋雞翼擺落海南雞飯度好唔抵食。呢間就係雞髀肉+雞胸肉嘅，感覺中規中矩吧，因為我食過真正靚嘅走地雞，所以一般坊間嘅雞肉我一般都唔會給予好高評價醬：雖然兩款醬外表唔同，但都係酸味為主，欠缺變化吧，同埋分量好少，只夠沾到dd而已，所以我最後都懶得點了額外評一下例湯同埋凍檸茶例湯：反而唔錯，唔唔飲落去成陣味精味，而且係食到瓜同埋豬肉，有d料到凍檸茶：太甜！太重糖水味，唔好飲。

香港人真係日忙夜忙都難以好好享受一餐飯。今晚嚟到一間夜一夜都有得食，仲要係可以一人前。旺角區勝在任何時間都有好多人陪你食飯。而且大家都係岩岩收工的。點了一份去骨海南雞飯餐$59。有雞、有飯、有湯其實都幾抵，而且仲要都幾高質！一個優惠價錢食到一個全餐，係抵嘅！去骨海南雞非常肉嫩，去左骨就真係啖啖肉的感覺。絕對安心食每件雞肉都好嫩滑，而且肉唔會好難咀嚼，但係雞皮就真係幾油，不過食得海南雞飯都預左啦！例湯都好足料嫁，紅蘿蔔煲豬骨湯，雖則唔係特別，但收左工有啖湯飲下都係開心。極邪惡的事來了。點了份芝士肉醬薯角。對於中意食薯仔嘅人嚟講，呢個絕對係收工後嘅獎勵，勁過Bonus! 好多芝士同肉醬，非常正而且入味！

紅橋這間西餐廳對於我地lee d冇咩收入大學生而言並不陌生因為佢不嬲出名大份夾抵食 味道有又ok 所以我同我男朋友有時想平平哋又唔太Hea咁拍拖都會尼同埋佢嘅晚餐set 成日都變唔會怕食到悶 好似今日有豬肋骨咁樣之前好似睇過Menu係賣緊百五定百六今晚set sinner竟然有108 一大排 A餐原條豬肋骨鹹甜適中 肉質幾軟 啲都唔難切接近骨嘅肉有少少硬但係屬於正常嘅最緊要佢大大份食排骨最驚就係骨就大大嚿肉就得少少 但佢冇呢個問題108 絕對抵食 記得仲要包埋一個湯沙律同埋一杯野飲添呀救命鰻魚蛋包飯 （非set menu)一直都想試但係一直都未遇到佢喺set dinner Menu見過 所以決定冇餐湯冇飲品都叫一次鰻魚好大條啲都唔寒酸入邊一啲都唔Hea係炒飯嚟嘅我最唔鍾意就係有啲餐廳整蛋包飯入邊個飯用白飯 一啲心意都冇 而紅橋一啲都冇令我失望巴拿馬火腿煙三文魚沙律 $68（非set menu)事關小妹我最近食好少菜所以就帶多咗個沙律二唔好睇小佢I份件三文魚同埋巴拿馬火腿嘅份量一啲都唔算少 仲有佢下邊菜嘅份量都好多好多完全夠晒我食 滿足到我大腸嘅慾望講真如果我唔係太肚餓都會剩係叫番lee

朋友介紹我試吓呢間平民西餐廳，如果同朋友食一人一個套餐，每人平均消費都只需$70至＄80，價錢非常抵食，而且份量都唔細，相比起旺角其他餐廳嘅晚飯平均消費，紅橋真係好高性價比！我同朋友share左一個小食—法式芝麻蝦多士，真心推介呢個小食，佢真係好特別，有別於平時食開既蝦多士。蝦多士外面包滿左一層芝麻，連埋蝦多士一齊炸，非常脆口，加上厚厚既蝦肉包係多士裏面，口感好豐富。本身蝦多士帶點鹹味，但配上鍊奶，又係意想不到！原來法式蝦多士係咁特別。另外不得不點既一定係佢個晚餐A，原條燒豬肋骨都只係一百蚊左右，跟餐仲有齊餐湯、飲品同埋沙律，伴碟嘅仲有薯角同埋雜菜，如果一個人食呢個餐真係好飽！豬肋骨燒得啱啱好，肉質夠軟，而且唔算肥膩，配埋表面既蜜糖，香香甜甜，好開胃！

之前係太子食過紅橋，非常之抵食，幾時今次再去旺角分店試下。旺角分店既環境比較舒服，唔會好迫夾，可以同朋友傾吓計。必試既一定係原條燒豬肋骨，非常惹味，而且套餐價只係$108，分量足夠兩個人食，相比起其他西餐廳，性價比非常高。豬肋骨肉質都好嫩滑，燒起來唔會太乾，再加上少少蜜糖既甜味，真係好吸引！旁邊仲有脆薯角，好香口。成個套餐包括埋蟹子沙律、餐湯同埋飲品，非常抵食！佢個野菌忌廉湯亦都好足料。另外亦點左一個佢既黑松露海蝦帶子燴意粉，大蝦帶子同樣非常新鮮，加埋蘆筍，配搭幾清新！除咗主食，小食都幾特別。試咗佢嘅紫蘇葉蝦春卷，估唔到可以配搭得咁好，而且出邊比較少搵到呢個菜式，所以值得一試！

泥到旺角唔一定要掃街嘅，行到去旺角大概新之城嘅附近果條馬路就會到一間有西式元素嘅茶餐廳(*¯︶¯*)，餐牌上有好多選擇，有西式仲有日式，今次嗌咗燒豬肋骨，仲加左＄12有好特別嘅紅豆冰。個燒豬肋骨上邊好似搽咗一層蜜糖定係麥芽糖(^з^)-☆，食落去好好味，骨同埋肉嘅比例適中，出邊嘅豬肋骨啲骨多數都係佔肉嘅比例一大半，但一間就好多肉，e個嘅份量都好多所以適合同朋友一齊share食估唔到原來會有薯角，薯角炸金黃色，熱辣辣同埋好脆好實(⁎⁍̴̛ᴗ⁍̴̛⁎)成個餐都好飽肚，而且質素係超級高，價錢又唔會話好貴，啱晒我e啲唔鍾意食飯嘅人！咁我講下紅豆冰啦，我第一次見到紅豆冰唔係用杯裝住，而且真係有冰沙，啲花奶同埋紅豆好香，大大粒嘅紅豆連埋啲冰沙花奶一齊食，口感好豐富！

上次經已在另一邊，試過這間紅橋餐廳的分店，上次吃了蝦多士，覺得味道不錯，而且份量不少，覺得可以再試，於是再來。這次，看看下午茶餐牌，有意粉幾個，都有蛋包飯。由於上次吃了蝦多士，這天雖然很肚餓，但是由於時間已經是四時許，不久之後便會吃晚餐，於是便隨便點了個牛角包配薯角的下午茶。本來，你看到下午茶餐牌，之後一個包配薯角，以為份量不會太多？但是，真有趣，賣相相當精美，牛角包🥐大大個，中間的黑松露炒蛋亦都非常多，旁邊有六七件脆薯角，份量比你想像中多得多。牛角包非常大，雖然不算非常香脆，但是也不太過氣。免頭的芝士有點兒扣分，因為，餐牌上寫明有芝士，但是，芝士竟然只是一小抹芝士，狀甚核突。中間的黑松露炒蛋，雖然平時都不算非常喜歡黑松露，但是，它的味道不會太過搶風頭，炒蛋仍然夠還夠嫩滑，而且非常大，足夠送完整個牛角包🥐有餘。六七件薯角亦都分量非常多，內裏的薯仔含量不少，每一件都充滿著仔，上面還有少許蜜糖，更加滋味。熱咖啡不特別香，火喉不太足夠，不算香醇，勝在夠熱。雖然是週末，但是時間已經四時許五時，下午茶時間人流不多，座位舒適，慢慢吃吃下午茶，坐坐聊天也不錯。友人的蛋包飯也夠大碟吸晴。

星期六中午要到旺角做事，有四十五分鐘時間吃個快飯，經過這間餐廳看到菜單挺吸引而且價錢好像不算貴便選擇了這間。餐廳店肉裝修美觀，灰色磚牆感覺時尚，地方寬敞，雖然坐滿了人但枱與枱間不會太窄。食物種類選擇多，價錢大眾化，一時三刻也不知選那款好😂選了個套餐有湯和飲品，一定夠飽!賣相很吸引，帶子很大粒，份量很足，性價比高，是不錯的選擇。鰻魚一整塊!我和友人看到時也嘩了一聲!材料完全不吝嗇，蛋包著炒飯很惹味!另外叫了個炒野菜，分量也是很多，味道不錯!餐廳上菜很快，食物分量足，四十五分鐘吃得飽飽的!

旺角除左出名掃街，亦都特別多茶餐廳，而且全部清一色系港式茶餐廳，唯獨是呢間位於西洋菜南街既紅橋係富有特式既茶餐廳入到去個格局同港式茶餐廳好唔同，反而似間西餐廳再睇下menu, D野食亦都同西餐掛上聯繫，當然亦保留茶餐廳特色例如西多士同紅豆冰今次就試左南瓜忌廉意大利飯伴北海道帶子同蜜椒一口雞翼先講下個意大利飯，入口好實在，除左D飯粒粒分明，南瓜做到軟淰，一放入口就變成醬既質地，而帶子當然系焦點，外面稍微燒一下，但入面仍然系生既，形成外熱內冷口感，雖然睇落好似好奇怪，但食落去完全另一回事，特別有風味之後到小食-蜜椒一口雞翼，將一隻雞翼一分為二，方便吾洗用手/口食中間嗰D肉，反而D蜜椒汁好惹味，甜甜地令成隻翼有種juicy感覺，而且價錢亦都好合理，大約40幾蚊就有8-9隻，份量亦都比出面既茶餐廳為優秀作為午餐或者晚餐，呢間半東半西既茶餐廳值得一試

旺角，一個集飲食同購物於一身嘅地方，有平民亦都有高檔嘅鋪頭，難怪無論平日定假日都咁旺。係旺角行完街之後，見到依間餐廳類似港式茶餐廳，但係又有西餐食，感覺幾新鮮，而且價錢親民，唔洗加一，環境又舒適，一於入黎試下。晚市有套餐，亦都可以散叫，叫咗套餐黑松露忌廉汁海蝦帶子燴意粉($72)，而家人就叫咗牛油醬意式卡邦尼意粉($68)。餐湯有中有西，老火湯料多又唔肥膩，栗米湯濃郁清甜。沙律係蟹籽青瓜，清爽又開胃。主角海蝦帶子意粉，賣相可以媲美正宗西餐廳，份量多，蝦同帶子有好多舊，咬一啖鮮甜入口，意粉質地爽，忌廉汁均勻，加上黑松露令成碟意粉好滋味。卡邦尼意粉嘅溫泉蛋煮得剛剛好，啖啖都食得出蛋香。我地仲單叫咗法式芝麻蝦多士($45)，有4件，分別係白芝麻同黑芝麻，炸得好脆，蝦打得好實好厚，加上炸過嘅芝麻就更香口。燒牛舌伴薑汁醬油($45)，肉質較軟，略厭燒得未夠香。最後要咗經典紅豆冰(另加$10)，紅豆又多又腍。檸樂(另加$6)，估唔到係玻璃樽可樂，身為可樂迷嘅我一定要讚依間餐廳對食物嘅要求。值得一讚嘅係，侍應態度良好又有禮貌，一定會再黎食~

星期五放工太夜了，同朋友在旺角食飯，選擇了紅橋，晚飯時間餐廳都好多人，但也不用排隊。點了是日晚餐蜜糖雞扒蛋包飯和香煎鵝肝繪意大利飯。晚餐包括餐湯同前菜，還有飲品，好抵食。餐湯可以算中湯及西湯。我還是喜歡西湯較多，因為中湯可以在家喝。蛋包飯賣相非常吸引，個蛋仲要未熟透，蛋的汁剛剛蓋著飯，而且我食到蛋加了點牛奶或奶油，另整個蛋包飯好香好滑。雞扒煎得香脆，外層還塗滿了蜜糖，甜味更令食慾大增。鵝肝意大利飯驚喜地加了蟹肉，飯的鮮味更佳。鵝肝入口即溶，而且大大塊，係邪惡的，但卻另人愛上。朋友點了紅豆冰，估唔到個紅豆冰係用碗上，有甜品的感覺。好滿足的一餐。

係旺角OT完，梗係要搵好野食醫番個肚啦。途經西洋菜南街，見到一間食fusion菜既餐廳 (紅橋)出面人頭湧湧咁等緊位，好奇心驅使之下就去試下。佢有唔同種類既食物供應，有餐前小食如春卷，雞翼，薯角等，另外仲會有唔同種類既沙律。主食就會有三文魚扒，安格斯肉眼牛扒，芝士焗波士頓龍蝦等。如果呢啲唔啱都仲可以選擇焗飯，意粉，甚至有馬來西亞式既食物如海南雞飯或者咖哩等等。咁我就叫左南瓜忌廉汁燴意大利飯配粗露荀及火燙北海道帶子 (HKD 88)，要左中湯 (加HKD 12)，轉紅豆冰 (加HKD 6)。小食就叫左紫蘇葉蝦春卷 (4條，HKD 48) 。先黎既係中湯栗米紅蘿蔔豬肉湯，火喉唔錯，用料幾足，唔會好咸。跟住黎既就係個南瓜意大利飯，有粗露荀同野菌。上碟既時候已經聞到濃郁既忌廉味，隻帶子表面係用火燙過既，整體賣相唔錯。 食落去既時候，食到南瓜味，帶子肉質鮮甜，意大利飯既濕度掌握得啱啱好。 跟住黎既就係個春卷(有4條)，炸得幾香脆，內面係用紫蘇葉圍住既大蝦，食落去唔油膩。另外，可以點沙律醬，口感可以更加豐富。至於個紅豆冰，有好多好大粒既紅豆。佢個個冰超大，飲落去覺得好香好滑，正。

星期五行完旺角花園街，見六點就急急腳過隔離條西洋菜街，揾間餐廳食晚飯，見呢間紅橋食物賣相吸引，就入去搵個靚位坐底，好彩早到，6:30左右已陸陸續續多人入嚟幫襯。入坐時仲未到6點，侍應俾埋午餐餐牌我，真體貼。佢哋啲餐應該幾日換一次，因為我見有日子，所以經常嚟開飯都唔怕重複。我揀左午餐C，先嚟個忌廉湯，見個湯係黃色，我估計係粟米忌廉湯，棉棉嘅湯內有菇及粟米，口感豐富。黑松露忌廉汁海蝦帶子燴意粉，黑松露味道唔濃，但整體好好食，三隻海蝦彈牙也算得上中size，帶子雖然細小不過勝在份量搭夠，與大量雜菇、忌廉、意粉一同炒，認真唔錯。追加小食紫蘇葉蝦春卷，原隻蝦包紫蘇葉及春卷皮一齊炸，食到紫蘇葉嘅獨有香味，又不失大蝦嘅鮮味，值得推介，配埋支檸樂，一流。