紅橋 (已結業)

這星期工作非常不如意，即使到了周末，心情仍舊鬱悶，所以還要靠美食，給自己打一打氣。 這天走在太子，路過裝修挺精緻的茶餐廳>>>紅橋<<<，正值下午茶時間，選擇好合心意，也無需輪候，直接入座有夠方便。 心情實在太壞，成為給自己放縱的藉口，點了極邪惡的特色一口西多士(HKD38)，還得要配凍飲凍檸樂(加HKD6)，但畢竟身體無法承受太多邪惡元素，所以凍飲要少冰的。 先上凍飲，使用不銹鋼杯，讓冰感更加均勻傳送至整杯飲品。可樂是玻璃樽裝，感覺更加環保，也更加懷舊；一樽剛好是一杯 。 檸檬是維他命C來源，維持身體健康最重要元素，也給這餐極邪惡下午茶減少一絲罪疚感。 西多士即叫即製，需要稍等一會兒；心急的話，就不太合適了。 雖說是一口西多士，但若要照顧儀態的話，還是將之一開為二享用，更加適合。西多士上配有車厘茄，也是另一個減少罪疚感的上佳原因。 配以煉奶食用，在習慣吃西多士配糖漿的冰而言，是個新嘗試，唯一遺憾是煉奶份量太少。 幸好西多士內裡的花生醬味道香濃，彌補不足。 西多士以外，餐廳的下午茶時段提供了很多健康或飽肚的套餐，任君選擇。

喺旺角食飯，喺花園街附近搵咗間餐廳食，價錢都唔係好貴我哋一人叫咗一個套餐，再加多個薯角，餐廳幾好冇加一套餐會跟餐湯同埋沙律仲有包野飲佢有中湯同西湯揀，我哋都要咗西湯，質素都可以接受沙律入邊有鴨胸，份量啱啱好都幾好食羊架配意大利飯，旁邊仲有一啲配菜，羊架調味啱啱好，咬落口唔會太un，佢仲有一個薄荷汁可以調味架，食落就唔會太膩，意大利飯個忌廉汁令到個飯更好食，而且入邊有其他嘅配料唔會太單調鰻魚配蛋包飯，原條鰻魚上，鰻魚唔會太淋，食落帶有口感，個蛋包飯如果再多點調味會更好肉醬焗薯角，份量都幾大，而且一上菜嘅時候熱辣辣，啱啱焗起，薯角配上肉醬幾夾

既然同朋友行街，就會想食埋個晚飯，再詳談一翻先各散東西。本身喺餐廳外見到呢一間嘅環境幾好，而且食物平民化，岩哂我同我朋友嘅口味。而且呢一度嘅座位舒適寬敞，岩我地長時間談心。我叫左個燒鰻魚配蛋包飯伴日式照燒汁。大大舊鰻魚，而且鰻魚配埋照燒汁已經非常好食。依家個飯仲要係蛋包飯，有埋啲蛋令到成個餐更加好食。呢個係餐湯，飲落去味精並唔重，作為餐前湯幾好飲。因為朋友習慣食飯前會食生果，所以我地就叫左個沙律食。但估唔到呢一盤沙律會係咁大！菜同水果嘅配搭好fresh，而且材料新鮮。雖然佢有提供麻醬，但係唔須要落個味道都好足夠。傾耐左就叫左啲小食飯後食，本身有八條單骨雞翼，比我同朋友食左三條……我地唔記得左須要食前影相失策左……但味道方面配上蜜糖整出黎，所以非常好食。

友人推介旺角有間性價比高的冰室，所以周未特意黎試下。餐牌如下：燒汁西冷牛扒 伴蛋包飯 ($93), 加配經典紅豆冰 ($10)Dinner Set非常抵食，除咗主菜外，仲會配鴨胸沙律、中/西餐湯、飲品。主菜份量超多。塊扒仲大過手掌，而且仲有蛋包飯，食完超飽。性價比好高。至於蛋包飯蛋味好香，外層同內層都含有蛋既元素，入面既係蛋炒飯。鴨胸沙律既鴨胸係有煎過，食落好香口。中湯好有屋企老火湯既感覺。紅豆冰一定要試！紅豆份量超多，同平時的紅豆冰唔同，似係加咗椰汁，味道超正。而且嚿冰好大，飲到最尾都唔會變淡，必嗌推介。羅勒薄荷汁焗紐西蘭羊架意粉 ($82)平時食開豬排焗意粉，今次食呢個羊架焗意粉非常有驚喜。羊架完全唔羶，而且因為係焗製，所以更能鎖住肉汁，肉很嫩滑，非常好食。至於茄汁意粉唔會好酸，調味好啱口味，甜甜地但又有番茄味。海蝦青蘋果什菜沙律 ($59)海蝦好彈牙，有鮮蝦味。而沙律更有葡萄乾同青蘋果，令整個沙律酸酸甜甜，非常開胃。

約朋友太子行街，餓了就在附近找餐廳。看見紅橋裝潢不錯，而食物價錢不貴，跟友人決定進去試試。雖然很多人排隊，很幸運很快就有位了。友人點了黑松露忌廉汁大蝦帶子燴意粉，有餐湯和沙律。由於我在減肥，我點了香煎雞胸柳什菜沙律和橄欖油炒雜菌野菜。餐湯是節瓜豬骨湯，湯很甜，不會加太多水。餐沙律是鴨胸沙律，鴨胸有點咸，配沙律菜味道剛好。黑松露忌廉汁大蝦帶子燴意粉，好有鍋氣，一上菜傳出一陣香濃的黑松露味道，蝦和帶子也很新鮮，意粉沾上醬汁，非常惹味。這菜雖然是我朋友點，但是我不停偷吃。香煎雞胸柳什菜沙律，雞胸煎得剛好，不會很鞋，好juicy,非常好吃，沙律菜很新鮮。橄欖油炒雜菌野菜，非常出色，炒得很有鍋氣，吃得很滋味。結賤才130左右，很滿意。價錢滿意，食物更滿意。

今次黎到近近地旺角東站既地方去覓食。旺角東其實野食選擇都唔少，呢一邊亦會有較多既茶餐廳又或者粉面飯等小食店。而我今次同朋友去到既地方就係呢一間有冰室feel既地方。頭盤方面我同朋友就選擇左一個海蝦青蘋果雜菜沙律。本身以為沙律應該份量唔多，但呢一個既份量方面完全滿足到我，夠多菜夠多水果，仲有幾隻大蝦。水果同菜都好新鮮，而且大蝦既肉又好爽口，好好食。我叫左個白酒蜆肉意粉，配埋餐湯。呢個意粉份量亦都幾多，女仔黎講未必食得哂，而味道上幾唔錯既，蜆肉亦都幾多。呢一個小食係蜜椒單骨雞肉，因為有蜜糖既關係，配上雞翼而且又烤得好夠入味，所以非常好食，超級推薦黎食。

這晚提前慶祝母親節飯旺角呢間近女人街行到攰又肚餓，於是同媽媽行完街就見到歺廳歺牌吸引於是入去食返歺前菜有歺湯中式，連子粉葛瘦肉湯，另外有附送煙鴨胸西式沙律主菜當然是不得了，我們挑選了呢碟豬肋骨配薯條味道一流，蜜汁浸透每條肋骨，滋味無窮黑椒雞翼係我大愛雞翼炸到香口雞皮香脆，肉質入味，就連骨都吞進去最后當然甜品特飲，小時侯的雪糕紅豆冰這個特飲以削冰主打，上面配上云呢拿雪糕，下面是十勝紅豆，充滿幸福感覺

在旺角區中，實在太多美食選擇，但我想要是只不過是簡簡單單的一晚便飯。 我的要求很簡單，只要坐得舒舒服服，簡單美味就足夠，以前吃過一次，今次再到紅橋🌈點了兩份主菜，一份小吃，還包了餐湯和飲品☺️ 兩份主菜可以見到是海南雞飯和黑松露帶子意粉，兩個都十分之出色最特別是紅豆冰有別其他餐廳的紅豆冰，這個做法像一碗糖水💕而且紅豆也很軟下次會再去點紅豆冰提提大家的是餐廳冷氣很大，下次再去要帶一件外套🧥！！！！還有，在這裡告訴大家餐廳晚餐也不用加一服務費的呢！

到旺角行完街街, 是時候醫醫肚仔, 見到有間貌似茶餐廳及西餐廳之間既食店, 一於入去抖下先。睇下是日晚餐餐牌先, 店家價錢公道, set dinner包餐湯, 沙律, 主菜及飲品。小妹是日就選左B餐, 火炙刺身帶子 伴牛肝菌海蜆燴意大利飯 $93 西湯-蕃茄濃湯餐湯算有誠意, 很數片蕃茄外, 更有其他配料, 味道濃厚不錯。煙鴨胸野菜沙律火炙刺身帶子 伴牛肝菌海蜆燴意大利飯 $93 帶子比小妹想像驚喜, 非常大粒鮮味爽口, 在帶子火炙下半生熟感覺美妙。意大利飯熟得軟糯, 與醬汁混合非常配合。法式芝麻蝦多士 $45全場的驚喜。 蝦多士大大塊, 配大量芝麻香炸而成, 香脆可口而不油膩, 小妹即時要豎起拇指贊好。

做左成日野放工緊係要食飯餐好既relax下🤣🤣今日放工就去左旺角覓食🤤我地大概1830左右黎到呢間餐廳，唔算好full住，2個人唔洗等就有得入座😋👅首先當然望下set dinner有咩食👅見價錢都幾實惠又有埋前菜餐湯同飲品，就一人叫左一個set😝前菜既煙鴨胸雜菜沙律🥗餐湯我地兩個都點左西湯😆飲品方面我只係點左份比較普通既凍檸茶，但朋友就點左紅豆冰，用個好似碗既兜裝住，中間有一大舊冰，幾特別😎豬肋骨有兩大塊，所以都幾飽肚😳有好香濃既蜜糖味，相對地蛋包飯就無咩味，所以都要兩樣野同時食先正😝😝朋友就點左黑松露忌廉汁海蝦帶子燴意粉💕最後埋單，兩個人加埋都係百幾蚊咋💕💕

晚上和朋友來到西洋菜南街的紅橋， 喜歡這裡有不同食物，選擇多比較有創意。最難得價錢公道沒有加一。今日晚餐有6款A. 墨魚汁大蝦燴意大利飯 $98B.蜜莎伴豬筋骨配蛋包飯 $88C.馬來咖哩 雞下脾伴蛋包飯 $78D.黑松露忌廉汁大蝦帶子燴意粉 $72E.蜜桃汁芝士雞扒焗飯 $68F. 巴馬臣芝士南瓜汁煙肉燴意粉$68有餐湯和鴨胸沙律。餐茶一杯我們選了馬來咖哩雞下脾雞包飯有驚喜咖哩很香，香料很足，味道帶甜日本咖哩味道。蛋滑溜包飯很漂亮，賣相已經很滿意。炸雞下脾香脆，加上炸蒜味道提升，配菜用當造秋葵，完全垂涎三呎另一個 巴馬臣芝士南瓜汁煙肉燴意粉醬汁是最重要靈魂，師傅燴汁做到掛意粉，啖啖意粉有濃濃芝士南瓜味道，咸而帶甜不膩，。越食越停不到口，不要小看簡單煙肉意粉小菜，堅有鑊氣，橄欖油炒雜菌雜菜，還以為西式煮法，原來亞洲煮法。這裡很適合情侶來，$200內有全餐還可以加一款小食。完全想到香港精神，不一定貴就是好的，旺角地鋪真的不平宜，可以做到這個價錢實在難得，這裡有良心老闆。

旺角紅橋餐廳值得食完又食,今日假日經過旺角店， 眼見還有少少座位，所以就入去食番過午餐。餐牌以set為主, 但亦有其他菜式，只需加拾贰元，便可以有餐湯和飲品。睇了一陣餐牌後，决定食海鹽爐燒安格斯肉眼牛扒和燒鰻魚配蛋包飯伴日式燒照燒汁， 加上一中一西湯。海鹽爐燒安格斯肉眼牛扒order 7成熟，食落肉質嫩滑程度啱啱好，件肉眼扒份量驚人， 簡直是兩個人的分量。 味道方面， 肉汁完全鎖於肉内，濃郁惹味。伴碟炸薯仔是用新鮮薯仔炸而成，熱辣辣香口又脆口。至於燒鰻魚配蛋包飯伴日式燒照燒汁， 鰻魚大大條，醬汁美味可口。加上蛋包飯之香濃，濃濃蛋汁佔滿在飯內，入常香濃味美。餐飲點了兩杯凍檸蜜，只加3元， 炎炎嘅夏天飲完特別冰涼解渴。

✿╮❤╭✿ ✿雜感女生 好味日記✿ ˚*•✰。紅橋．經濟好味。✰•*˚ ✿✿Dolce Vita @ MK ✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 因工作關係走到旺角 又到了醫肚的時間 今次拜訪了一家新式港式茶記 裝修很中國風 而食物則中西合BIG！有份量有驚喜 套餐與單點都不算貴 於是點1份餐，加1份小食，又是1人獨食 沙律：配上了鴨胸片 屬於套餐內包括的小碟式沙律 有車厘茄和沙律菜，新鮮爽口 南瓜湯 香濃美味，內藏少量菇片 鮮甜中帶出多一種口感 黑松露忌廉汁海蝦帶子燴意粉 意粉有嚼勁，海蝦夠大隻厚肉 帶子屬於小帶子，仍有足夠味力和彈牙 蜜椒單骨雞翼 必點之選！香脆得交關！ 一支一骨，易食得來又入味 炸得香脆之外連骨都是香口的 應該叫多碟配杯凍檸茶，如果肚子仍有空間的話 經典紅豆冰 以碗的形式上台，紅豆大量 兼有少少榔奶香氣 中間的大冰球最吸引小朋友 如果是煉奶冰球就更正了！ 因為會愈食愈甜愈吸引！

朋友推薦旺角有一間名叫紅橋的餐廳，主打港式和西式食物，全日均無需加一，非常抵食的！以旺角來說，餐廳的面積都頗大，座位舒適晚市精選套餐$100左右以內已包沙律、餐湯、餐飲，挺化算的啊煙鴨胸雜菜沙律頗新鮮，鴨胸肉味濃中式湯清甜帶豬骨香，冇味精既感覺！西湯香滑忌廉味蜜椒單骨雞翼色澤金黃，蜜糖甜度剛剛好，帶微微黑椒香，味道不錯！已拆成單骨的雞翼很方便進食蛋包飯配馬蘇里拉雞扒雞扒加了馬蘇里拉芝士煎香，形成一個芝士薄脆面，芝味香濃，非常邪惡脹卜卜的蛋包飯內藏蛋汁，飯質感偏軟原條豬肋骨配薯角扒雜菜份量十足！原條Ribs塗上了蜜糖燒得金黃誘人，肉多，沾上了蜜糖入口甜甜的很好吃薯角裡的薯肉很飽滿，好味道

今天天氣非常熱,難得放假諗住走去旺角行一行,實在頂不住這麼酷熱的天氣，在街外行一陣也太辛苦了。 這個時候，當然要搵間舒適嘅餐廳慢慢歎、慢慢坐， 諗起附近有間紅橋餐廳，之前食過味道不錯， 就決定走入去嘆番個tea ,順便嘆一陣冷氣。差不多兩點幾， 但店內依然人頭湧湧 ，接近全場爆棚，好彩還有一邊位可以坐， 不用在外面等，非常lucky。餐牌我當然叫set啦，主菜連湯連飲品只不過是幾十蚊價錢，非常之抵。我點了個蒜香蜜糖雞扒伴蛋包飯，餐湯是南瓜忌廉湯，加上杯凍檸樂，不收加一，盛惠61蚊，平。而朋友鍾意食這裏的去骨海南雞配香雞油飯， 連中湯加杯凍檸茶， 也不過是62蚊。味道方面， 以去骨海南雞飯稍勝一籌 ，雞肉好嫩滑 ，而且食落雞味濃。加上香雞油飯做得十分入味， 絲苗白飯滲滿了香雞油味， 味道極佳， 大大碗都食得曬。至於蒜香蜜糖雞扒伴蛋包飯， 雞扒雖然是雪藏過， 但佔滿了香甜的蜜糖味，食落甜甜地又不錯。埋單兩個人才一百二十蚊鬆啲， 既可嘆更美味的食物， 又可以舒舒服服地歎下冷氣、傾下偈仔， 在旺角來說是不錯選擇的餐廳。？