紅橋 (已結業)

喺旺角行行吓開始肚餓，經過呢間餐廳，見入面乾淨企理，行左入去醫肚。原來都好大地方，兩個鋪位打通左，一邊鋪位裝修用石屎牆行簡約，另一邊用中國式灰磚做牆走中國風，整體感覺光猛有空間感，可以舒舒服服咁醫肚。叫左個羊架晚餐。侍應話中湯係粟米湯，西湯喺忌廉湯，我個人對忌廉湯麻麻地，所以飲左中湯，入口清清地又夠熱。沙律細細份都有兩塊鴨胸，加左啲芝麻沙律醬，作為餐前菜，夠醒胃。主菜有兩塊羊架，煎得外面少少脆，但係裡面嘅肉仲係幾嫩，最得意係個調味粉，聞起上嚟好似喺北京食羊肉串嘅味道，係我杯茶，仲有個蛋包飯，食落口夠曬滑，啲飯同蛋汁撈埋一齊，又滑又香。飲品係凍檸樂，對我嚟講，呢兩樣係絶配，好飲。

呢日同魚友一齊黎旺角揀魚，佢話介紹我食一間平靚正餐廳我地叫左個Set D, 同埋一份tea time。套餐包埋餐湯同熱飲，$58餐湯係粟米湯，有粟米粒粒，幾濃意式煙肉蘑菇卡邦尼長通粉有隻生蛋黃係中間，撩開佢令每條長通粉都有蛋黃汁，配埋煙肉、蘑菇，真係幾香口。長通粉煙煙韌韌，係我鐘意的口感飲品我加左$10試吓佢嘅經典紅豆冰賣相特別，成款甜品咁好香椰奶味，中間嘅冰都有味，唔驚融左會令碗野變淡好有心思紅豆都幾足料Tea time 叫左鮮蟹肉南極蝦鮮茄牛角包 配薯角薯角似乎加左少少糖漿係面，令佢外皮香脆d。牛角包好鬆化，餡有蝦同蟹肉，有少少吞拿魚味，味道不錯另外點左兩款小食蜜糖單骨雞翼不過不失，夠脆、熱燒牛舌伴薑汁醬油呢個好味！ 牛舌好稔，薑汁味唔會太搶，配搭得幾好呢個係旺區黎講真係算平!而且好好味兩個男人想食得好d, 而且夠飽都係$200

蜜椒豬扒伴蛋包飯$58 配餐湯及熱飲 早前有天行過西洋菜南街見到有這間新餐廳， 就是以前左麟右里的位置， 午餐價錢不太貴，餐牌款式吸引， 環境又看似不錯，便入去試試看。 我試的蛋包飯賣相好靚， 外表漲卜卜， 入面嘅飯是茄汁飯底， 仲應該有用蛋汁和忌廉撈過， 味道很香， 飯粒濕潤一點也不乾，超好吃。蜜椒豬扒味道也很好， 是厚切的，煎得很香之餘， 豬扒肉質也很鬆軟嫰滑！ 整體質素很有水準， 份量也很足， 唯獨服務方面頗混亂， 也許是新開的關係吧， 應該下次去也會有改善的。

本來一心來吃佢隔離既皇后餐廳的. 來到見到紅橋都係食差唔多既野, 所以入內一試.我叫了午餐黑松帶子配蝦意粉 (HK$58) 包湯及飲品無加一.估佢唔到食西式快餐有中湯, 所以點了青紅羅白湯. 最快先上台既梗係個湯及咖啡啦.湯好甜, 好似無味精的. 咖啡夠熱同埋唔酸, 飲完幾提神再等多一陣個主菜上台了買相好令, 意粉熱辣辣唔會太淋有小小咬口味道真係一流, 料亦十足有蒜片, 雞脾姑, 帶子仔及幾隻蝦.以甘既價錢真係物超所值。要讚一讚服務非常好

今日同女朋友出旺角買嘢 行到攰會地就喺附近搵嘢食 喺譚仔米線對面見到有啲幾有特色嘅西餐廳就去睇睇 竟然俾我哋發現新食堂 係門口睇到個餐牌咁平 本身期望就唔係好高 點知喜出望外 大蝦帶子意粉 好味嘅意粉其實係好難得㗎 正正常常都要＄100到 但呢度50幾蚊就食到 我唔會話佢係超水準 但絕對係好過好多間餐廳 蝦又大粒又爽口 意粉軟硬適中 醬汁味道濃厚羊架極力推薦 我對上一次食羊架係喺五星級酒店入邊 嗰時經驗令我對羊架非常期待 點知呢間餐廳都做到！ 羊肉未到夠濃郁仲要帶少少蘇媚 肉質又鬆軟 重點係佢哋有提供薄荷醬！其他野食都好新鮮好好味 飲品尚有進步空間 我會期待係有多少少特色野飲 成間餐廳得紅豆冰係特色飲品 略嫌無聊。。。

紅橋又開新分店喇！今次係太子、旺角之間，離地鐵站好近。今日帶左個朋友黎試，朋友都話好平好抵食！餐湯係紫薯忌廉，淡淡紫薯味，唔錯。小食方面叫咗牛舌，爽口，燒得略嫌乾身，不過食落點啲燒汁又ok喎！黑椒蜜糖雞翼唔錯，蜜糖多到有拉絲嘅效果，食得又睇得。雞翼預先開邊上桌，入口都容易啲，唔怕食雞翼會失儀。卡邦尼意粉係今晚嘅亮點，將平平無奇嘅意粉烹調得好味又吸引。首先，煙肉粒多，忌廉汁creamy，重點係中間個蛋黃，一切開，成為流心卡邦尼意粉！紅橋出名紅豆冰，仲要係冰鎮，紅豆煮得唔太腍，幾有咬口，椰汁甜度剛好，連埋啲冰一齊食就好似粒粒沙冰咁，涼浸浸。

旺角雖然好多野食 但對於住旺角既人來講 其實又好似無咩好食 經過見到新餐廳 去試一試 有驚喜紅豆冰 紅豆大大粒 唔會太甜 椰汁底都唔錯 可惜佢係碎冰而唔係沙冰 不是我最愛 同埋佢無雪糕大蝦春卷 我諗廚師都係用返同一款蝦 所以一樣咁好味 入面有塊葉 我唔知叫咩名 有啲香料味 清清油膩感 不個個醬汁唔襯 用返家泰式雞醬會開心啲 羊架 超 好 味！ 個店員推薦 我懷著一試無壞的心 點知咁有驚喜😆肉汁鮮嫩 羊味濃而不「蘇」推薦👍👍 整體來講好高質 但你又唔好想像到佢係好優雅嘅西餐廳 簡簡單單同朋友食返餐都叫唔錯

係旺角行完街想搵餐廳食下午茶，黎到紅橋🙂食物選擇非常多，西式意粉沙律扒餐唔少得，但竟然仲有海南雞飯！兩個人嗌左三個tea set法式芝麻蝦多士配薯角第一次食蝦多士😍😍非常喜歡香口又不油膩，4大件好夠食黑白芝麻味道差不多但黑芝麻就食到棚牙污糟哂😂😂好好味 非常推薦👍🏻👍🏻白酒蜆肉意粉意粉軟硬適中，但略嫌多油蜆肉爽口煙三文魚牛油果忌廉汁燴意大利飯飯口感偏硬，我覺得還好忌廉汁難得不算heavy!

話敢快就離農曆新年，今日唔洗返工出去太子旺角辦年貨，行左成大半日又攰又肚餓，六點正就去左旺角「紅橋」食個early dinner，尼間餐廳裝修簡約modern，坐得舒服，食物選擇豐富。坐底剛剛過左tea time，但佢地好Nice比我叫埋tea time 嘅蟹肉南極蝦牛角包，牛角包外脆肉軟，餡料滿滿，薯角又夠脆，好正；跟住我地order左個晚餐，蜜糖一字骨蛋包飯，包埋沙律前菜餐湯仲有餐茶，超級抵食。行左成日好鬼肚餓，我地仲叫咗去骨海南雞配油飯，雞肉又滑又香，唔會太肥，最好味係兩款醬汁，一款酸辣，另一款酸甜，好好味。我哋仲叫咗芝麻蝦多士，黑白各兩件，好香脆，配煉奶食好特別，非常推介。餐廳食物價錢平，但食物有質素，性價比好高，又多一個晚飯好選擇。

今日去太子髮型屋剪頭髮，到晚飯時間，髮型師介紹我去隔離街紅橋餐廳吃飯 話說好味又抵食，我就约朋友去試試！小食 - 蜜味香烤羊架2件：羊架嫩滑入味，味帶蜜香甜味，很好味！完全吾會覺得SO啊！！！！用春卷皮包住紫蘇葉和蝦的紫蘇葉蝦春卷，炸至金黄色，香脆可口，蝦肉彈牙，好味！蜜椒單骨雞翼：外脆內嫩，將雞翼一分為二，食時好方便，味道甜甜又好香脆！有湯同油既無骨海南雞飯：雞已經去骨而雞肉好嫩滑，點少少特製醬汁可以提升味道，油飯夠味，中湯清甜。不錯！十分推介比大家食！！！經典紅豆冰：吾秋是用杯，而是用碗；個人覺得好特別！載住又林又甜既紅豆，放上碎冰再加上花奶，超正！總括：好推介比大家去試下，因為價格好平 地方仲要系旺角；又方便！至於食物質素方面，個人覺得好美味 平價錢，高水準！

今日要出旺角做野, 跟手做到差唔多6點幾7點, 甘岩得甘Q, 我女友又係附近做野, 橫掂都係, 就約埋食飯我女友聽同事講旺角有間野整得幾好食甘我就話, 甘就一於去試下啦去到都要等位, 因為都幾多人, 不過餐廳都算先進, 有排位系統, 方便!!大約十幾分鐘先入到去`入到餐廳風格簡約~有人推介蝦多士, 我地就更係唔會放過啦,.法國芝麻蝦多士  $45大約十分鐘左右就上枱, 真係好熱辣辣食落超香口, 芝麻味重, 蝦膠味亦好濃有分白芝麻同黑芝麻~估唔到配埋煉奶, 口感好得意~海鹽爐燒安格斯肉眼牛扒  $188牛扒要左5成熟, 可能放耐左少少, 大約7成熟左右牛扒係安格斯, 牛味都幾重, 肉嫩, 加上芥末調味,可以帶出牛味~ 薯條炸到亦岩岩好~最後叫埋杯凍奶茶奶香奶滑,~正

今次朋友帶左我黎呢間設計簡約很舒服既餐廳，有多國菜式選擇，今次就試西式和馬來西亞式單叫左香烤蜜糖原條豬肋骨，真係超級大份，成個菜式顏色鮮艷，未食已經流口水肉份量多，我食完真係好飽肉入邊保留到肉汁，外面係搽咗蜜糖燒烤，甜甜地好惹味伴碟有粟米有仲有秋葵好健康，好少可有鋸扒嘅伴碟會用秋葵，真係幾特別薯格份量多，炸到金黃色，食落卜卜趣和熱辣辣，薯味濃烈加錢升級做套餐，會多左餐湯、沙律同埋飲品，更加完美另外叫左去骨海南雞配香雞油飯及例湯。唔駛吞骨非常方便，而且啖啖都是鮮嫩雞肉配埋兩款醬汁，令雞味更特出飯好香，唔會覺得太肥膩。整體來說，餐廳食物味道不錯，而且份量十足，坐得算唔錯，未食過既話都幾值得一試既

今日喺旺角行街， 行完就順便喺呢邊食埋飯先返屋企，於是我就揀咗呢個呀都好近地鐵站嘅紅橋！是一個餐湯係忌廉湯， 望落去賣相幾好喎！ 有少少嘅香蔥葉喺面， 急不及待的我就飲啦！ 味道都唔錯！白酒蜆肉意粉 ，蜆肉肉質彈牙頗有鮮味 ，面嘅口感柔軟 ，意粉有少少辣辣地， 好滋味，好過癮 ，兩樣嘢撈埋一齊，非常唔錯！海蝦青蘋果什菜沙律， 並唔係包餐嘅， 係我自己定要嘅 ，佢嗰一盤嘅沙律菜配埋呢個沙律醬 ，首先將汁倒落去我嘅沙律菜，然之後就開始食嘞！ 佢有三隻超大嘅海蝦！呢隻海蝦真係好好味 ，肉質勁彈牙好有咬感， 其他嘅配菜有好多唔同嘅收菜啦，青蘋果同埋蕃茄 仲有青瓜 ，撈埋獨有嘅醬汁十分滋味！蜜椒單骨雞翼！ 呢個雞翼真心唔錯一定要叫！ 由於佢係單骨所以咬嘅時候呢就好方便， 佢個皮呢係超脆， 比濃濃嘅蜜汁包圍住， 而且肉質好滑， 下次嚟食都再會再叫呢個！

今天放工和同事去花園街行下，週末人多，行左一陣我們便找地方食晚餐，經過西洋菜南街，見多人在一店門口等位，是一間名叫紅橋的新派茶餐廳，朋友想試一下，我們就輪候入座。晚餐的套餐都好底食，又吾洗加一。是日餐湯：有中湯和西湯選擇，我選了中湯，真材實材，味帶甜！，前菜沙律：用新鮮蔬菜和脆口的麵包粒、加上沙律酱，惹味又有口感。腰果羅勒醬海鮮燴意大利飯：海鮮有青口、大蝦、大蜆，味道鮮甜又爽口。意大利飯用腰果羅勒醬煮過，味道不錯，再加入帶子粒和菇類增加口。美味可口感！日式照燒汁鰻魚 伴蛋包飯：大大條鰻魚加上照燒汁，甚惹味，蛋包飯：用蛋煎成蛋皮包住用蛋炒過的飯，蛋皮好香滑，炒飯香口，十分美味！]]經典紅豆冰：大大粒又甜又林的紅豆，加埋碎冰和花奶，甜度適中！]蜜椒單骨雞翼：將雞翼一開二，放便進食，炸至金黃色再加上蜜糖和少許黑椒，甜蜜蜜的雞翼香口又入味，不錯的小食！

香港連鎖茶餐有好多，如何可以突圍而出呢？離不開平靚正乾淨好食。有圖有真相，樓面乾淨整潔，每枱一瓶水，方便！<無骨海南雞飯>雞肉嫩滑無雪味，肥瘦適中，加上鋪面既香脆蒜片，增加口感！油飯就不必多講啦，海南雞既好夥伴綠色個汁超惹味又醒胃，混合左青檸汁，有啲似生蝦個汁，好中意！中湯係豬骨湯，仲有得送餐茶飲添每餐點都想有啲啲菜落肚既時候，就揀番樣沙律食下先On diet 既朋友都照著周到，主因係佢啲沙律唔係放好多沙律醬既，我揀左依樣青蘋果海蝦雜菜沙律配芝麻醬，十級fresh餐廳其實有晚市套餐menu ，不過我無叫到，其實價錢都幾大眾化，下次試試佢先