紅樓

营业中

休息中

今日（14/11/2022）來紅樓飲早茶，十點坐下，侍應話用手機落單，十點零七分落單，點了六個點心。後見鄰枱有點心紙，再問侍應攞，原來點心紙有$9.8安蝦咸水角，但手機落單係無。強烈建議，用點心紙落單好快來了叉燒腸及Q版白免拌菲林卷，叉燒腸都可以，但Q版白兔拌菲林卷，菲林卷換了芒果糯米糍，點心放下，即問送餐姐姐，回覆是改了好耐，但未改點心紙，咁算啦，白兔仔樣子可愛，是芒果奶凍來，好味，芒果糯米糍唔太甜，都好食。食咗2個點心後，一直都無點心嚟，到十點八加單時問部長，部長話要蒸，叫我哋耐心等候，十點十，加單點心蟹籽燒賣皇及安蝦咸水角都來，再催部長，都係要等。十點五十五分，除臘味糥米飯外，其他點心都來。紅樓蝦餃皇 ，麻麻地，皮無咬口，餡料鬆，山竹牛肉球及潮州粉果就幾好。十點五十八分，部長話臘味糯米飯就來，故先去埋單，因十一點後茶錢要$12，坐收銀枱的經理話十一點九前係$9，點解又同點心紙唔一樣？臘味糯米飯十一點二來，趕時間，急急食咗就去埋單。

新蒲崗見完客去揾食，同事話有個新商場有間新開茶樓好抵食架😋咁緊條去試吓啦！仲好近屯門線超方便呀！嘩🤩裝修好靚呀👍地方又大坐得好舒服💯好有古典嘅感覺😍嘩11:00後仲有點心孖寶抵食呀36.8咋👍👍古法綿香馬拉糕，真係好軟綿綿鬆軟架，好有童年回憶嘅感覺呀😍香煎三色糕，三種糕包括蘿蔔糕、官廷桂花馬蹄糕、香煎蜂巢黃金糕香煎釀雙寶，有釀茄子同釀青椒，煎到香香脆脆內裡又好juicy保持往蔬菜嘅水份“正”蜜汁叉燒腸，勁足料好有口感😋臘味糯米飯，嘩好香口惹味，仲有好多臘味，糯米飯好軟熟口感好煙韌呀！鳳爪排骨煲仔飯，細細碗又好足料，排骨好滑“正”安婽咸水角(全日愛價9.8抵食呀）脆卜卜好新鮮yummy😋😋皮蛋瘦肉粥配單飛油條呢個抵呀19.8有好大碗粥又有油條，d粥好多料架👍👍原隻鮑魚燒賣30蚊都唔使有原隻鮑魚仔燒賣又大粒仲全部都係肉抵食招牌燒鵝皇138蚊碟，好油香好juicy，燒到皮脆肉嫩，每隻鵝都好滑好入味而且d肉汁勁多，每一啖都有好多汁流出泥，d汁用泥餸飯好正💯💯紅樓鑽石山彩虹道235號啟鑽商場1樓105號舖

最近同家人去咗新開張「紅樓」飲茶🫖 「紅樓」係新蒲崗啟鑽苑商場新開張酒樓，佔地7500呎！附近終於有間有規模嘅酒樓😗 點咗燒味部的「招牌荔枝木燒鵝」試下，再叫多幾款點心。地方好大，好闊落。仲有少量座位係卡位坐得更舒適。「招牌荔枝木燒鵝」💲138香氣十足，陣陣荔枝木香味。燒出嚟嘅燒鵝油光滿滿，外皮好香脆，肉質又滑嫩。燒鵝肥瘦適中，皮下帶點肥脂就最好味。頂點「蟹籽燒賣皇」4隻燒賣皇餡料好飽滿，豬肉餡同大蝦咬落彈牙有嚼口。中點 「山竹陳皮牛肉球」牛肉球肉質軟腍，餡料鮮嫩，蒸得剛好不過火。牛肉球加埋喼汁好提味！特點 「竹炭黑金流沙包 3件」包皮口感鬆軟，流沙餡料好香甜。頂點「翡翠鮮蝦腸」蝦肉好大舊。腸粉皮較厚。📍 紅樓 鑽石山彩虹道235號啟鑽商場1樓105號舖

好耐未試過態度咁差既酒樓。。。見新開左間新酒樓，諗住老豆生日去試新野叫左12碟餸，望落幾靚既。但係呢個價錢黎講份量比較少，諗住試下味道值唔值。其他都冇野既，但係咕嚕肉有怪味。重點黎啦…我地叫左一隻正價片皮鴨再加$68兩食。上片皮鴨兩食嗰陣，佢地上左個4片生菜同份量甚少既鴨肉鬆先。望望隔離枱，人地優惠價半隻都係咁多，百思不得其解，問佢點解一隻正價鴨同半隻優惠價鴨既份量一樣。佢話係咁。第一次知一隻鴨既份量會等於半隻鴨既份量，笑。跟著佢可能覺得我地問佢野太煩，上多一碟鴨肉鬆。上嗰陣，佢講左句：俾你地呀，厭少。聽到真係嬲，即刻退翻碟野俾佢，好好生日飯仲要聽佢咁講。一隻同半隻鴨份量一樣，當顧客水魚咁！（嬲到唔記得影相）下次?不了！

<🐻👧🏻食記>放假同爸爸去飲茶，試試啟鑽苑商場的新開酒樓中午1️⃣點左右到達店內面積非常大，可容納客人估計達3️⃣0️⃣0️⃣，已經好少見到有新開酒樓做得咁大規模，如果大家族要擺酒真係一個幾好選擇😉店內裝修走新派酒樓路線，感覺美觀舒適酒樓樓面人手充足，態度挺殷勤，會主動收碟及加水☺️就平日黎講，入座率相當不錯價錢相對屋邨酒樓會略高一點，始終環境，裝修都落足本😅酒樓的餐具也是挑選過的，另外茶壺下以蠟燭保溫，使茶一直保持溫熱狀態，貼心🫶🏻酒樓仲設有QR Code 點餐，緊貼潮流👍🏻==========🔹招牌燒鵝皇（例）$138例牌的份量也不少燒鵝燒得焦脆，略帶微微鵝香鵝肉味道如濃一點會更理想，肉質有嚼勁，配合梅子醬一起吃更美味推介指數：7.5/10==========🔹冰燒三層肉 $58擺盤非常整齊，有超過🔟件燒腩仔外皮燒得香脆，肉的肥瘦適中，層次分明，做到一層瘦一層肥，難怪食物會命名為三層肉🙂燒肉帶微微的豬香，油脂感不過重，如調味可重一點會更喜歡😉推介指數：8/10==========🔹櫻花蝦燒賣皇（2隻）大點 $28.8賣相非常得體精緻，而且燒賣是厚厚飽滿的燒賣面鋪上櫻花蝦，挺特別的，櫻

呢間餐廳主打明爐燒味同即蒸點心🇭🇰💗原隻鮑魚燒賣 ($30.8/ 2隻)餡料用上豬肉、鮮蝦同冬菇粒，口感爽滑鮮嫩，雖然只係迷你原隻鮑魚，但都夠腍滑鮮味🦐💗黑松露潮洲粉果 ($33.8/ 3件)潮州粉果外皮煙韌剔透，內餡有豬肉碎、蝦米、沙葛、菜脯、芹菜等，非常豐富有口感，不過黑松露香就偏淡🥟💗咖喱芋絲鮮魷 ($33.8)鮮魷爽彈有嚼勁，但咖喱香未夠濃郁入味，配上爽滑芋絲🦑💗醬汁蒸鳳爪 ($30.8)鳳爪肥厚爽脆，充滿骨膠原，醬濃入味🐓💗雪山叉燒焗餐包 ($33.8/ 3件)雪山包外層鬆脆香甜，內裡輕盈鬆軟。叉燒餡尚算飽滿，肥瘦適中，蜜汁香甜美味🐷💗蘋果玉桂叉燒酥 ($30.8/ 3件)叉燒酥外層酥脆帶牛油香，但外皮略厚，叉燒餡帶甜味，但完全食唔出有蘋果玉桂🥧💗招牌燒鵝皇 ($138/ 例牌)燒鵝皮脆甘香，鴨肉肥瘦適中，肉質軟嫩充滿肉汁，肉味香濃，油香四溢，蘸上酸梅醬中和油解膩🦆

近半年新蒲崗多咗好多人，其中一個主因係啟鑽苑入伙。外區朋友聚舊竟然話試下去紅樓飲茶，咁近我梗係二話不說就應成啦。當日飲茶人潮疏落，服務到位，食物正常，係一個傾計嘅好地方。就係咁，今晚咪去試咗個晚餐，變成中伏的開始。。。佢舖面面積好大，我形容係由一條好闊好長嘅"走廊" 。我地一行4人7點入坐，人未算多，被安排到最尾的C區，那裡只有一兩枱客比我地早。我地7：05點咗晚巿五選一片皮鴨半隻二食，蒸勝瓜同埋糖醋麵。落單冇耐已坐滿人，大概係7：15左右。至7：25，第一碟蒸勝瓜到了，味道正常係碟頭細啲似前菜，我地每人3小粒秒殺清咗。隔咗幾分鐘鴨鬆生菜包也到了，一片生菜切開4件變成4片生菜，伴半碗鴨鬆放在胡盧碟上。我地仲講笑特價特別細，諗下洗唔洗要飯，因為我只試了幾粒鴨鬆，味道也是正常的。。。肚當然餓開始追單，等到7：40，糖醋麵到了，驚嚇到唔記得影相，炸到邊大邊小，外面油淋淋，裡面緊緊熟的煙韌，仲要冇味，唔知似咩。。。大家都唔願食。一邊追片皮鴨一邊等，有家人等到7：50要先離開，當其他枱都有片皮鴨再追時，侍應好凶狠咁話你可以取消或者等結果7：54同一侍應攞鴨來，足足等咗49分鐘嘅片皮鴨上枱，一pa

基本上我只寫值得推介的食評，質素一般的我懶得寫。但今次我真係忍唔住要寫一次劣評，昨晚約朋友試新開業的紅樓，由攞位開始就體驗到服務惡劣的態度，等安排位置時(已訂位)問有什麼推介，知客答我們唔知道你地入去問。到入座後服務員推介我們食長腳蟹每隻大約3斤，我的吃貨朋友記說長腳蟹要4斤半以上才好味，而且我們只有4個人，食唔晒為免浪費食物就無點，另外單點正價小菜，所有菜全部都只是微溫，全程似食冷盤，$138的咕嚕肉份量只有細半碟，我們見別枱是滿的，我們跟服務員反映，他們攞回廚房一小時後再攞出來時明顯份量一樣只是再加多些醋炒過，我們決定取消不要。片皮鴨等了55分鐘才有，看起像將頭頭尾尾變成一碟連包片皮鴨的蒸飽都沒有給我們(已經懶得投訴)，問服務員取，回覆轉頭給我們，到埋單都不見踪影。薑葱炒肉蟹其中一隻是水蟹，其他小菜全是微溫。食唔落決定放棄轉場再食，點知埋單用信0用卡找數等了半個小時都埋不到，要到收銀處取回信用卡。足足用了3個小時食一餐難食既晚餐，全餐最好食係生菜包個4塊生菜，仲要即刻(晚上9點)去附近茶餐廳食過另一餐正餐。不會再去受氣，也不推介去食。

入座沒有提供餐牌，下單後等了半小時還未上菜，詢問職員，居然叫我自己找回幫手下單的職員查詢，店舖這麼多員工，顧客一定認得誰下單？態度非常惡劣！找回幫手下單的員工後，她以敷衍的語氣告訴我已下單，誰知我一行過去落單機，發現她那刻才下單，但卻理直氣壯說已下單，道歉也沒有！非常差的服務質素。

佔地7500 呎，位於鑽石山啓鑽商場，提供多款每日新鮮準備🌟嘅精緻點心，及地道燒味😋 裝修講究，傳統中帶創意，空間寬躺，坐得好舒服😌 未到中午都差唔多坐滿人😍招牌燒鵝皇（例）燒鵝皇油光閃閃✨，香氣撲鼻，令人垂涎🤤鵝皮十分脆口，肉質嫩滑，而且能食出淡淡嘅荔枝香，果然係招牌菜蘿蔔絲酥餅酥餅香口鬆化，一咬立即散開，蘿蔔絲入味有爽甜，口感豐富原隻鮑魚燒賣燒賣大粒而且非常彈牙🐷豬仔叉燒包🐷🐰Q版兔仔芒果糯米糍🐰好可愛嘅打卡菜式，叉燒包鬆軟餡滿香濃；兔仔Q彈香甜，糯米糍夠煙韌紅米瑤柱珍珠雞好有驚喜嘅珍珠雞，熱騰騰🔥，打開有煙出，入口軟糯，餡料豐富，相當滋味

今日兩公婆12點就到鑽石山,啓鑽苑商場店名:紅樓午饍,到達商場,水盡鵝飛,而家間茶樓無乜人,原來又唔係喎,可能地點近新蒲崗,去到都差唔多滿座,不過唔知係咪商場未開,有些出入口未開,裏面三尖八角,要轉兩三個彎才到大堂。今日叫了:燒肉雞飯,單上寫一碗,原來係大大的一碗,燒肉同雞都正常。芝士蝦春卷,無芝士食到,不過味道OK。粉卷:呢個唔得,粉面好鞋,應該蒸咗好耐。懷舊珍珠筍雞紮:真係好耐無食珍珠筍,呢個好食,推薦。鯪魚球:開張特價售$9.8, 呢個味道正常,計及售價則性價比高。

鑽石山A2出口有個新商場叫啟鑽商場，成個商場得一間食肆，叫紅樓好大，午市都好多人。內在環境都坐得好舒服😌問左經理，間舖成7500呎咁大，實在快手。我見點心都好得意，有打卡feel.見到安格斯腸粉實在好奇，冇相都想食！點完完全全唔會後悔！因為….好鬼正呀！d牛好香！有靚牛先有嘅味道！極度推薦！之後，鮑魚燒賣亦好得意。細鮑魚仔幾彈口！另外包廂仲有聽到唱K嘅聲音，音響幾好😂😂😂問咗經理，佢哋裝修到咁靚係希望有人可以來做婚宴。感覺的確係勝任什麼百日宴，甚至婚禮都係一個好嘅場地。環境靚，食物有誠意，一定會成日黎食

此店乃黄大仙區内新開張兩間酒楼其中一間，地點極近鑽石山港鐵站可謂佔盡地利優勢，但在OPenRiCe嘅食評就被人彈多個讚，10月5日揾食肥華同靚媽特登到此酒楼試下佢個早茶睇下此間新店質素如何，論環境此店座位擺設尚算可以顧客坐得幾舒服但略嫌噪音聲浪較大，但在黄大仙呢個區份亦能要求太高，而接待處知客及侍應員工亦做足自己本份，幫到顧客要求，至於食物及茶葉就唔多啱肥華口味，茶葉有色無味似飲滾水，义燒腸及潮洲粉果個外皮啖茂茂食落有啲怪怪哋咸覺，而糯米飯及鯪魚球就係一般酒楼水準，不過以今早埋單價錢唻講，黄大仙嘅街坊飲茶又多個選擇，肥華唔啱食係個人問題，唔係此店差

這間新開的茶樓門面光鮮，招攬到很多客人來，因為是新開，所以我也被它吸引了試一趟，午市套餐很抵吃，推薦大家。午市套餐$268就可以嗌一個粉麵飯，兩款點心同一款小食，三個人食都好夠。🤩籠仔蒜香龍躉頭腩蒸飯炒飯麵選擇很多，我就叫了用了最貴的龍躉頭腩，幸好完全冇腥味，魚肉很滑，唔會蒸得太耐肉質太老，仲有蒜香味，好正的配搭。🤩蒜香蒸排骨排骨醃得夠入味，肉質唔會係用鬆肉粉整到好難食，蒜香味十足👍🤩麻辣口水雞麻辣口水雞認真開胃，麻辣汁非常惹味，雞肉亦都非常嫩滑。🤩招牌荔枝木燒鵝是我另外叫的，燒鵝皮脆肉嫩，燒嘅時候火候十足，能夠鎖住肉汁，平時我食燒鵝或者雞，一定唔會蝕埋皮，因為怕肥，但係依度燒鵝皮實在太脆了，我全部都食晒啦🙈🙈🤩魚湯浸時菜食完咁多油膩嘢，都要清吓腸胃🙈🙈！

見到開左新酒樓趁假日去試下，叫左幾樣點心同一碟炒粉；炒粉卻遲遲未到，叫侍應追問一下但無理會，要多次追問先有一個類似部長既女人出黎話整緊，一時又話送錯去左另一枱。。。當時已經坐了１個鐘我想取消炒粉離開，但個部長無理會我既要求，結果再等左２０分鐘先上菜，一句道歉都無！！處理手法極差，收費亦唔係平！難怪人影稀落，依次體驗極差，永遠都唔會再幫襯！