紅樓

营业中

休息中

鑽石山新屋苑的商場，內裡還沒裝修好，但已經有不少食店在這了，其中肯定少不了的酒樓了！這間地方比想像中的要大！紅樓煙燻燒鵝皇（１４８元／例）燒鵝質素很高，吃起來皮脆肉嫩的，鵝味香濃，而且又不會很肥，對於怕太肥的可以不用擔心！竹籤生蠔配他他汁（１４８元）生蠔炸得外脆內嫩的，吃起來還會爆汁，蠔味香濃，配上酸甜的他他汁，特別開胃。濃雞湯杞子萵筍（９８元）用雞湯去煮，每一條萵筍都吸飽了湯汁，吃起來又滑又嫩又爽！茶位（１２元）前菜（１２元）（可拒絕）

剛星期五23/6/2023晚, 訂了一圍套餐, 有全體燒豬、燒鵝(不是燒雞)、鮑魚鵝掌(不是鴨掌)、龍蝦蒸籠飯(不是普通炒飯和伊麵)等. 整體食物質素比預期好.之前2人食過普通晚餐, 一個正價的小菜加$38, 邊有半隻片皮鴨/ 一個冬瓜盅, 價錢合理.

首次在OpenRice寫食評絕對負評，大家小心唔好去！！一家為了慶祝父親節，打算在酒樓食，見到紅樓有$38例牌片皮鴨/冬瓜盅，諗住好優惠呢7:45入座，冇晒片皮鴨，我哋就叫冬瓜盅；落單時話乳豬拼盤冇我哋要改叫其他餸；點知落單等咗10多分鐘，待應姨姨話冬瓜盅冇晒；作為酒樓，樣樣都冇，已經有啲失望⋯佢嘅食物偏油，譬如叫咗龍躉片，唔知點解冇晒啲龍躉皮；蒸鮑魚過咗火，硬到咬唔到⋯最憤怒嘅地方係我哋叫咗本身$68嘅鮑魚，聽佢講冇哂優惠餸，話做$38給我們；到埋單時卻收$68，個姨姨理直氣壯咁話價目寫好晒，唔可以隨便講同改；根本就是騙子。最難受，係佢一離開我哋張枱就大聲同另一個阿姨講「梗係$68點會$38⋯⋯！」咁嘅服務態度，下次真係唔敢去大家如果唔想食到一肚氣，就記得唔好去了！

今日試試新茶樓, 怎知在裏面叫了四樣點心, 試試，唉，等一小時, 才上了三款點心, 還有一款點心變成炒麵. 落錯單了, 唉, 等了一小時才吃了三款點心, 我不是在等西餐呀。冷氣又勁凍, 不想再等了!

兩個人拎左個籌，叫到既時候就話賣緊單等多陣，咁我就企係嗌飛個呀姐隔離，等左一陣佢就叫另一張飛入去，以為係叫其他枱入，不過見到係跟我之後既二人飛，我就問幾時到我入啦，呀姐反問返我係咪掛住傾計。我唔出聲繼續等，之後佢繼續比其他二人枱既飛入，我再問佢先記得我地。各位睇緊d你地張籌呀。

牛柳粒：份量都幾多，牛柳粒亦都好林好易咬，相對起咁多個餸之中，最鍾意係呢一個～蝦球：覺得呢個麻麻哋，黑牛入邊基本上係冇味，所以食嘅時候一定要成嚿一齊食，如果分開嘅話就冇，所以成個餸就覺得普普通通。蟹：都算係幾大隻同埋都幾抵食嘅，味道就比較清淡～炒飯：份量都幾多，味道正正常常～

今晚第一次去啟鑽商場的紅樓吃飯，服務員態度不好，叫了多次也沒什麼反應，水都要自己加收一服務費，但自己招呼自己我們叫了一個珍饈百味一品煲，應該會有鮑魚海參花膠等的材料，上菜是鴨掌鮑魚冬菇生菜，收我們$368，但吃的是$168貴一倍我對單看到問經理，開頭不肯改單強調菜單的圖只是參考⋯⋯親戚質問$168的名是蠔皇南非鮑魚扣鵝掌但無蠔又無xx的！最後經理不願意地改回價錢，我們覺得這做生意不老實也混亂⋯⋯食物來說，就還可以，有些覺得好吃的，不過份量比較少，如果要客人回購，必須改善服務態度⋯⋯

惡劣服務3連擊：1) 事源叫左碟雪山叉燒包，上枱見--扁既，咬第一啖--凍既，試多啖--仲有面粉痴住既，同個部長解釋完，未講到我地想取消，佢衝鋒拎走剩低兩個話整熱。再次上枱係比返果碟，唔緊要既，但隻碟都辣手，明顯只係用微波爐加熱，咁就同佢講唔要喇，請取消。個部長兩度！係兩度！拉埋其他部長系我地面前話：叫我加熱完又唔要，玩我！仲即籍表演食晒兩個包比我地睇。2）咁精彩就搵左個高級d經理，想正式反映啦，結果如出一徹，佢勁敷衍咁話：得啦，幫你取消啦、會話佢。同行一枱仍然不爽，就再講：果個咁既服務態度唔掂喎，哩個高級經理即刻勁唔耐煩，不停同我地重覆：話左佢啦，大家都係打份工啫！（哩d野係人都知啦，但服務行業邊有咁講出口架。）3）之後埋單時，系接待處想問個投訴電話，知客稱：無電話，你上網啦！（意思要我搵平台公開嗎？）真係食到一肚火！！

新新地一個場，唸住平日去唔會多人，點知星期五都迫爆個門口，可能大家都等下午茶掛，差不多五六七十人等位。終於入到去，為左呢個而黎，價錢抵到不得了，唔係一般酒樓點心，係，High tea式嘅點心set。一黎到，當然相機食先。官廷桂花馬蹄糕好高級，成朵花咁，仲要白兔奶凍超滑，竹炭黑金流沙包流得好緊要，最正戊佢個蟹籽燒賣居然有隻蝦係到，呢個完全估佢唔到，仲要爽口彈牙，好味，炸物唔油。另送一壺花茶，但佢地無晒透明茶壺，轉用普通飲茶用嘅壺，感覺怪怪，但個桂花烏龍好香，如沖多壺都肯定仲夠味。呢個set已經值得等。仲叫左個糯米飯同埋炒米粉，都係有質素嘅。如果想飲茶都可以打卡，又唔怕等，呢個下午茶好值得等，百零蚊2個人有卡打有茶飲，抵。

終於星期五啦~食晚飯建議大家book定枱放工去到茶樓已經好多人等緊位, 有book枱既就可以直接入可能星期五晚比較滿座, 枱同枱靠得比較近, 坐得有d擠迫冰燒三層肉 $68燒肉皮燒到脆卜卜  細細舊好易入口  食多幾舊都唔會膩京式片皮鴨(半隻) $98鴨件入口得微溫 有幾塊淨係得鴨皮 食完飲左好幾杯茶都沖唔走係口中既油膩感餅皮每層都有點心紙隔一隔方便夾 但係唔夠熱 兩籠加埋得6塊 完全唔夠包+$38 二食 生菜包鴨崧碟鴨崧既擺盤比我既感覺超級hea 似廚房用剩少少材料就炒埋一碟咁西芹冇左佢應該要有既顏色鴨肉既部分係刀功非常好既師傅切既肉丁 完全食唔出有鴨肉 只有濃濃既汁汁醬醬味生菜係新鮮既意大利黑醋脆豬柳 $88每舊豬柳都非常精緻 包裹住厚厚既炸衣 口感酥脆  只有濃濃黑醋味 冇左豬肉味青椒有一舊係生既招牌煙熏燒鵝皇 (例牌) $148燒鵝皮有少少韌完全唔脆 皮下脂肪都唔算多 味道就不過不失 一開始仲叫左金湯蟹肉伊麵, 食完以上幾道菜有催過幾次單 中間有個經理答話廚房整緊 信佢再等多左45分鐘都未到 忍無可忍即刻取消個伊麵埋單走

🌟餐廳：紅樓📍地址：鑽石山彩虹道235號啟鑽商場1樓105號舖💰價位：～$200 - $400⏰營業時間：星期一至日 08:00 – 23:00📱電話：21726188今日媽媽陪我去新蒲崗睇中醫，一於同佢搵間茶樓撐下枱腳先~屯馬線鑽石山站一出，就見到呢一間「紅樓」，夠哂方便，下午茶時間好多人排隊，都幾旺場，即刻入去歎下點心先~一坐低我地就揀左最鍾意飲既鐵觀音~呢度既安排都幾貼心，茶壺連埋一個蠟燭台，令茶保持熱度，每一啖茶飲落都暖笠笠，抵讚~———————————————————🔹紅樓蝦餃皇呢度蝦餃都幾出名，大大粒～用上原隻蝦肉包制，外皮都幾薄，食落好彈牙～———————————————————🔹蟹籽燒賣皇燒賣皇同樣熱辣辣，份量十足～餡料有齊蝦肉及豬肉，上層仲佈滿蟹籽粒，味道及賣相都好出色～———————————————————🔹紅樓燒鵝皇(例牌)見其他茶客都有點呢一個燒鵝，我地又叫先haha~燒鵝外皮夠薄又香脆，肉質咬落充滿鵝油香氣，而且擺盤都幾靚，值得一試～———————————————————🔹蜜汁叉燒腸叉燒腸即叫即蒸，上枱時已經睇到餡料超足料，腸粉皮又夠薄，食落每一啖都好滿足～—

年三十晚團年飯，紅樓位於鑽石山彩虹道235號啟鑽商場1樓105號舖。 店內樓底低，枱與枱之間都非常擠迫。 團年圍餐 $3588(12位用) ＋ 10％～ 鴻運乳豬大喜拼盤、 上湯焗蝦球伊麵、 金銀蒜蒸元貝皇、 翡翠雙蚌仁、 紅燒竹笙海皇翅、 蠔皇椎茸伴鵝掌、 清蒸沙巴龍躉、 紅樓吊燒雞、 荷香蟹膏蒸飯、 鴻運年年。 每款菜式都好普通， 如果要揀一樣比較出色的就是紅樓吊燒雞， 肉質嫩滑。 以正日做節來計價錢不算貴， 但食物質素有待改善😉。  🏷️溫馨提示～ 整個用餐體驗均屬個人分享意見， 只作參考😊。

【紅樓】最近係新蒲崗啟鑽商場新開張咗間有成7⃣️5️⃣0⃣️0⃣️呎嘅酒樓「紅樓」@red_rest見放工過去都好近所以就試咗佢地晚市同叫咗個《招牌荔枝木燒鵝》🦢.🍴招牌荔枝木燒鵝 - 💰138一上菜香氣已經撲鼻而來，燒鵝皮香脆得黎仲好香好香荔枝柴木味🪵燒鵝肉質嫩滑，滿滿油光肥膩又Juicy，雖然好邪惡，但非常可口美味，配飯一流😋🍚🍴黃金磚脆豆腐 (小食) - 💰48外皮炸到金黃色，熱騰騰，非常香脆💛一粒粒磚塊，一口一粒剛剛好，豆腐豆味濃郁，口感超級軟嫩滑，但唔會一夾起就散，好似食緊布丁咁☁️仲落咗d炸蒜粒，口感層次豐富！🍴和風蟹肉粉絲煲 - 💰148粉絲完完全全咁吸收曬濃濃嘅蟹肉鮮味同醬汁，超級鮮甜入味，粉絲仲好彈牙，QQ彈彈，一d都唔霉唔散😍粉絲煲有好多蟹肉絲，用埋炒蛋同蔥花一齊去爆香同炒起，唔會好乾身，一樣滋味十足！🍵茗茶 - 💰12/位.酒樓勝在夠新，做得又大規模坐得舒舒服服咁嘆番個靚茶🫖地理位置非常優越✨鑽石山A2出口唔洗一分鐘就到🚇.味道：❤️❤️❤️❤️價錢：❤️❤️❤️❤️環境：❤️❤️❤️❤️📍地址：鑽石山彩虹道235號啟鑽商場1樓105號舖💸人均消費：$101-200.@red_rest#香港美食 #852

大年初四仍然是紅日，中午12:40到攞位，好多人，等位等了15分鐘左右就有位，全場細枱多，坐低叫嘢食，點心款式多的，蒸、煎、炸、腸粉、包點、小食，推介、甜點分門別類，一目了然，列滿全張A4紙，選擇超多，炒粉麵飯選擇都多，價錢竟然仍有雙位數，我哋2個人叫了4個點心（煎腸粉、雪山义燒包、鴨腳扎，發財大利鮑魚燒賣）1窩湯米（雪菜火鴨絲窩米）超級飽，义燒包都要打包拎走，但可惜杯茶吾得，－見茶包就扣分了，其餘都唔錯，可以列入飲茶名單中 😘👍🏻

👩🏻放假同屋企人飲茶，試試屋企附近新開嘅酒樓。🥢招牌燒鵝皇（例）$138+$20一份例牌份量啱晒兩個人食。鵝皮燒得香，油脂唔算多。鵝肉嫩滑，唔係平時嗰種結實嘅肉質。🥢紅樓蝦餃皇 頂點皮薄又飽滿，食到唔少鮮甜嘅原隻蝦仁。🥢蟹籽燒賣皇 頂點燒賣表面鋪滿打得爽彈嘅蝦膠。餡料有少少豬肉甜味。🥢山竹牛肉球 中點牛肉球彈牙冇筋。腐竹吸晒喼汁好惹味。🥢翡翠鮮蝦腸 頂點腸粉皮唔算特別薄，不過勝在夠多蝦仁。佢哋嘅豉油偏甜，幾啱口味。📍紅樓 (鑽石山)鑽石山彩虹道235號啟鑽商場1樓105號舖